بنتي ,, والروضه ..

[ليونة قلبي]

اخواتي انا مشكلتي بنتي عمرها 5 سنوات ..

البنت من زمان انا شايله عنها الحفاظه وكانت بسم الله عليها تروح الله يعزكم الحمام بلحالها​

بس من العام انا حملت ومن يومها وهي صارت تتصرف تصرفات غريبه ... الله يعزكم​

صارت تمشي وتسويها على نفسها .. يعني مثلا البول تروح الحمام لكن الثانيه مدري ليه تسويها​

في ثيابها . والله انها كانت تنام بالليل وتصحى مافيها شي لكن بعدين زي اللي انتكست .​

وانا اعتمدت كثير على الشغاله كانت هي اللي توديها الحمام وتغسلها وتبدلها بالدقيقه .​

وبعد ماولدت وراحت الشغاله البنت كل مالها وتزيد صارت مره تروح الحمام وكثير تسويها على ​

نفسها والله كل شي سويته لها كلمتها خانقتها ضربتها مررررررررررره مو راضيه تتعدل ​

والان انا دخلتها الروضه الصراحه اول يوم راحت لبستها حفاظه خفت انها تعفس نفسها هناك​

جاتني وهي الريحه مرررره . كلمتني الاخصائيه وقالت مايجوز تلبسينها اهيا كبيره واحنا البنات​

كلهم يروحون الحمام وان البنت مره كانت متضايقه من الحفاظه كلمتها وعلمتها بالاسباب ​

تكفوووووووووون علموني كيف اتعامل معاها .. ​

والله اخاف يجي اليوم يكلموني الروضه ويقلون لي خذي بنتك مره محتاسين معاها ..​

غير كذا البنت فيها صرع بس يعني على خفيف مره وانا ناقشت المعلمه حقتها وفهمتها كل شي ​

بس والله خايفه على البنت مره دائما افكر فيها خايفه على مستقبلها كثيييييييييييييير ​

تكفون انصحوني وريحوني ادري اني طولت عليكم بس والله من الهم اللي في صدري والله العظيم​

ان عيالي كوم وهي كوم ثاني وهذا كله بسبب اللي تعانيه ماني عارفه كيف اتصرف معاها ..​

اهيا عنيده مره وعصبيه الله يهديها ..​

 

[أ.نجوى ناجي]

يااختي خطأ ماتفعلين البامبرز انسيه تماما ولا تكرري الامر مرة ثانية , البنت تفعل هذا بسبب الغيرة ؟ ام هناك شئ اخر ؟ يعني عندما تفعلها تشعري انه عند ولفت للانتباه ام انه رغما عنها ؟؟

 

[ليونة قلبي]

والله مدري ايش اقولك يا استاذه نجوى ..انا الحين صرت محتاره هل هذا عند وغيره ولا غصب عنها

البنت معتمده علي كثير بس من دخلتها الروضه وانا احاول اشجعها عشان تعتمد على نفسها والله اشياء

تافهه تجيني اسويها لها اخانقها واقولها روحي سويها بنفسك لاني عارفه انه دلع لاني اشوفها تلبس لحالها

وتسوي اشياء كثيره بنفسها .. والان الحمام اذا بتتبول تجيني تركض واقولها روحي بنفسك الحمام فتضطر انها

اروح واخليها حتى لو حاست الحمام وابوها يقولها خليها خل تعتمد على نفسها والله يعيني عليها بس ..