بنتي تحب الناس بقووووة ... ما ادري ميزة والا عيب =(

[{ جنـان .. !]

السلام عليكم ورحمة الله

كل انسان يحتاج للتوجيه والتنبيه .. والاستشارة تنبه الشخص لأشياء يمكن يكون ناسيها ..

من هنا حبيت اطرح مشكلة بنتي الله يحفظها عمرها 5 سنوات وهي الوحيدة في البيت انا حاليا حامل .. واتمنى أجيب لها اخو او اخت عشان تنشغل فيه عن الناس ..

أكبر همي بذي الدنيا اني اربيها تربية مستقيمة وكان من اهتماماتي انها تكون طيبة وحبوبة مع الكل .. من يوم هي صغيرة انا اخلي الأطفال يلعبون معاها واعلمها انها تحبهم وتخليهم يلعبون بألعابها .. واقولها لا تضربينهم ...

من فترة اقاربنا اللي هم جيراننا يضربونها ويخانقونها ولا يطيقونها العيال اللي تقريبا سنهم من عشر وتحت .. والبنات يحبونها اذا جو البيت عشان يلعبون بألعابها بس وبمجرد انهم يطلعون او يطفشون يهاوشونها ويقولون روحي بيتكم ومرات يشردون عنها ...

أنا تجننت من هالواقع .. كانت لما يقولون اللي يلعبون معاها بنرجع بيتنا .. تصيييييح بقوة وتقووم الدنيا ليه يروحون الين ما وقفتها عند حدها .. وصارت عادي صح تنقهر مرات بس تقول " مو شاطرين بس يمشون " وهما غالبا يستغلون ذا الشيء يعني لو رفضت تسمع كلامهم قالوا : اجل بنروح ،، وهي تقول لا لا خلاص .. وانا صرت اخانقهم على هالشيء .. وصاروا يخافون يسوونها قدامي .. لأنهم عارفين اني بقولهم روحوا مولازم تجلسون ..

بنتي بسم الله عليها ذكية وشاطرة وتحفظ دخلتها الروضة بدري عشان اشغلها عنهم ويصير فيه شيء يشغلها ويسليها ..

طبعا عيال الجيران الحقودين لا صاروا ببيتهم ما يخلونها تلمس شيء من العابهم ..
ويضربونها ويطردونهها ومرات اخوانهم الكبار يطردونها ..

أنا صرت اقولها لا هاوشوك تعالي لا تجلسين لأنها تجلس حتى لو ضربوها تصيح عندهم ..
واكافئها وامدحها وابوسها لو جات لما يطردونها .. وصارت تجي ما تجلس ..تقول "شفتي سمعت كلامك وجيت "

عندي مشكلة مجننتني ومسببة حزازيات بيني وبين الكبار ..
لأنها تحب الصغار وماغير لازقة فيهم تبي تلاعبهم وكذا .. وأهاليهم يهاوشونها " رزان وخري عنهم رزان ابعدي " وهكذا ... ...

أنا ما احب كذا لأني اقول لهم كذا تكرهون الأطفال ببعض .. وهم ما همهم .. غصب يحقدون عيالهم ..

وبرضو بنتي لاحظت لو جو ضيوف تحب تجلس بجنب الضيف كثير شوي وتلزق فيه او فيها .. ومرات يتضايقون منها وانا ما ارضى بذا الشيء .. وهي تعاند والا جلسة بجنبهم ..

هي حساسة مرة وانا عارفة انها صفاتها حلوة اذا كبرت يعني تصير ما تحقد وتحب الناس .. لكن الأن وهي صغيرة والكبار ما يقدروون و
لدرجة اني احسهم يكرهونها ويكرهونني ..

ابغاها تصير قوية .. ابغى تصير لها كلمة ع اللي في سنها .. ابغى يصير لطيبتها حدود ..
خاصة في ذا الوقت اللي ما يحترمون فيه الا القوي اللي يوريهم الويل ..

مع العلم انها عنيدة مرات كثيرة .. وتجي بالأسلوب الحلو والتحفيز ..
وهي كثيرة حركة ونشاط وما تحب تجلس لازم تنشغل بشيء ..


دلوني شـ الحل .. برأيكم ..
​

 

[{ جنـان .. !]

وين الردود ؟
وين المشرفات ؟
الموضوع له شهر ولا رد !!
​

 

[ام مصعب]

الله يخليها للك

 

[{ جنـان .. !]

ويخلي لك حبايبك يا أم مصعب
​