التعيسه
New member
- إنضم
- 2014/02/22
- المشاركات
- 456
السلام عليكم ورحمة الله شلونكم خواتي ان شاء الله بخير اريد مساعدتكم الله يخليكم لان بنتي بتطلعني عن طوري وتخليني افقد أعصابي يوميا قبل النوم راح اكللكم السالفة بالتفصيل ..... لما ادخل بنتي حته تنام وعمرها سنتين ونص للعلم تشرب حليبهة وادخلهة الحمام تكرمون (تعملهة الاثنين ) وانظفهة وتفرشي اسنانهة وتبدل ملابس النوم بس أطفئ الضوه وتستقر وتبدي تنعس تكلي اريد ادخل الحمام مره 2 ادري بيهة تتحجج حته ماتنام بالبدايه سايرتهة ادخلهة اكول اخاف فعلا عندهة شي تدخل تجلس بالربع ساعه وبعدين تكوم وماسوت اي شي بقت كم يوم على هالحاله تأكدت أنها تتحجج فصرت لما تطلب اكللهة لا خلاص انتي دخلتي وبس وهنا تبدي المناحه البجي والصياح والعناد وما تسكت مستحيل ولا باي وسيله الهيهة بشي ثاني أتكلم معاها أحاول انسيهة أبد مايفيد لجئت للتخويف وإذا سويت هيج احرمج من هالشي ومافاد نهائي ها لأسلوب هسه بالأيام الاخيره صارت تدخل تكعد بالساعه تقريبا وترجع تطلع مابيهة شي والله اني زهكتني تبالغ بهالموضوع أطفئ الضوه واصرخ عليهة ومرات احايلهة واساير وماكو فايده بالأخير اضطرتني اضربهة وياريت يفيد نفس الحاله تنعاد والمصيبة اذا ماادخلهة تبقه تبجي وتصارخ لحد ماتتقئ والله تعبت من هالسالفه ماعرف كيف انسيهة واتركهة هالشغله يعني مرات تخيلو عيونهة تغفي وهي جالسه بالحمام وخلص لازم تعاند وتكعد بصراحة بديت أمل من هالموضوع واعصابي تتعب طولت عليكم يمكن بموضوع تافه بس جد عصبتني اريد مقترحاتكم الله يعطيكم العافيه
