بنتي بتضيع مني ياناس ..... ساعدوني ابي حل

ا

الوتين 99

New member
إنضم
2007/06/12
المشاركات
7
بعرض عليكم مشكلتي مع بنتي المراهقة وعمرها 16 سنه وهي تعرف مجموعة من الشباب المراهقين الذين يحرضونها على التمرد على نفسها وأهل البيت وبدات تتصرف تصرفات غريبه
طول الوقت تجلس بغرفتها وتجري الإتصالات عبر جولاتها المتعدده اللي تعبت أنا والدها من كثر مانسحب الجولات منها
وبدا والدها بإغلاق الأبواب ومراقبتها علما بأننا أسرة محافظه جدا وأنا ووالدها متعلمين بالخارج منذ 20 سنه ولا نسمح بهذه التصرفات مازالت مستمرة في طيشها استخدمنا معاها كل الأساليب من أسلوب الثقه حتى أسلوب الضرب لجائنا له.
ملاحظه: يوم الأربعاء وجد معها جوال وأخذته واتفاجاء اليوم بإن معها جوال أخر علما بأنني أذهب معها للمدرسه صباحا وظهرا
وش اسوي يانااااااااااااااااااااااااااااااااااااااااس انا تعبت
 
لاحول ولا قوه الا بالله

البنت سنها خطر لازم تقربين منها وتصادقينها وتعرفين من تخاوي
اسألي مدرستها من صاحباتها بالمدرسه ومن تجلس معه بالفرصه وبلغي المدرسه عن هالجوالات اللي تدخل المدرسه بدون رقابه؟؟؟

الله يكون بعونك
طمنينا عنك
 
يالله ماعرف شو اقولج...

صدق الله ايعينج على ما بلااااج

بما انج اتعبتي معاها اسلوب الضرب والحبس والحرمان...ليش ما اتحاولين تستخدمين معاها اسلوب السياسه...يعني فهميها بالمنطق والعقل...

قوليلها ان هالاشياء الي اتسويها لها اثار سلبيه سواء عليها او عليكم انتم اسرتها...وان اهم ما في البنت سمعتها...وان البنت بتبتدي بالتلفون وبعدها طلعات وبعدها الله لا ياقول تفقد عذريتها...بعدين خلاص سمعتها راح بتكون على كل لسان وانتوا مالكم ويه ترفعون راسكم قدام الناس...

يعني حاولي تدخلين معاها من هالباب...وعطيتها امثال وقصص...

وان شاء الله ان شاءالله تقدرين عليها...

والله اني بدعيلج ليل ونهار...عسى الله ايفرج همج...

وياليت اتقولينا اخبارها اول باول..عشان نقدر انفيدج

الله يحفظكم
 
مشكورين خواتي على الردود
بس صدقوني كل شي اتبعته معاها لدرجه إن صادقتها وصرت اسوي اللي هي تبي بس عشان ارضيها قدام الناس تنازلت على اشياء انا كنت رافضتها عشان ما تنفر مني مع إن خواتها ماتعبوني مثلها
 
ذكرتيني في قصه باربي ... وانا ما اقول ان قصه بنتك مثل قصه باربي لكن شخصيه المراهق تعتمد على نشأته وطفولته ...الموضوع لم يأتي بين ليله وضحاها ... بل ما ترينه اليوم تكون منذ سته عشره عاما ... فاين كنت؟​
 
الله يكون في عونج وعون كل الامهات
اختي جربي انج اتصادقينها لان بنتج شكلها عنيده ... احسن تكونين صديقتها المقربه عشان ماتسوي شي من وراج لاقدر الله
الله يكون في عونج
 
(رب أوزعني ان اشكر نعمتك التي انعمت علي وعلى والدي وان اعمل صالحا ترضاه واصلح لي في ذريتي اني تبت اليك واني من المسلمين)

رددي هذه الكلماتترا لاصلاح الابناء
 
الله يعين على تربية البنات
انا بنتي 10 سنين وكانها بنتك في العناد لدرجة اني ياست كيف اعاملها مره صديقتها ومره كاني شويش عطيه
واخاف تفلت مني السيطرة عليها اذا كبرة
خلي لها احد تخاف منه
هذا هو الحل
وانتي خليك الصديقه والقلب الحنون
المراهقه اخطر سن وقراراتهم متهوره
 
بسم الله عليها ...الله يحفظها .... لا ترهقيها بالقوانين ...والعيب والخطأ .... ساااايريها لأبعد حد ........ وخلك حولها لا تبعدين عنها ...

خذي رأيها بكل شي ... واشغليها كثيييير ..... وتكلمي مع وحده من خالاتها أو شخصية محببة لها ... سواء إمرأة أو رجل من المحارم يكون سنه صغير ... ... أحد يتقرب منها ويعرف أسرارها ... وينصحها ...
 
السلام عليكم ورحمة الله


الله يعينك ويصلح حالها ويسخرها لك

ليه ماتحاولين تعرفين سبب انجرافها لهذه الاشياء

من خلال احد صديقاتها ...........وحبيبتى ياليت تتابعين انت واياه برنامج على المجد العامه عن هذه العلاقات الاعاده

يوم الثلاثاء الظهر في الليل تقريبا بعد 11 ليلا عن هذه العلاقات واعترافات من هؤلاء البنات والشباب

والله يسهل امرك
 
والله تذكريني بأحدى قريباتي والله ماطخت الا بعد ما تزوجت لكنها نادمة انها ما كملت الثانوية والحين تنب تدرس بأي شكل بس طفلها معطلها كثير
 
اختي يمكن انتو ضاغطين عليها في المراقبه يعني انتي حاولي تعرفي مين صديقاتها وحاولي تكلمي الاخصائيه الاجتماعيه الي معها في المدرسه يمكن تقدر تتصرف اكيد بنتك عندها صديقات هم الي مشجعاتنها على هذه الحركات
 
كان الله فى عونك
أنا أتفق مع "الدانة"
كونى صديقتها المقربة ولا تتشددى معها
واضح انها عنيدة ولن تقبل أسلوب النصح والوصاية
تعاملى معها كصديقة فعلا وناقشيها فى كل تصرفاتها بهدوء مهما كانت خطأ حتى تكسبى ثقتها
وعندما تجديها أصبحت فعلا تثق بك وتحب أن تحكى لك وتفضفضلك كلميها وكأنك تعطيها رأيك كصديقة ولا تشعريها بأنك تنصحيها كأم
وتابعى قصة باربى فى قسم"قصص وحكايات"وأنتظرى تكملة القصة لنرى ماذا فعلتأستاذة ناعمة مع باربى فهى تشبه كثيرا إبنتك
أعانك الله أختى وأصلحها لك
_
 
الله يهديها

حبيبتي كثر الضغط يولد الإنفجار لا تحاولي تشدي عليها وايد ومثل ما قالو بعض الأخوات خلي حد كبير يساعدج

في هذا المهمة لكن المهم أن هذا الشخص يكون كتوم علشان ما حد ياخذ عن بنتج فكرة مو زينة لأن وراها مستقبل

ولا تعطيها كل شئ تطلبه بهذا الطريقة بتعاند أكثر

الشئ الثاني بنتج تمشي وراء شلة خربانة وهم مسيطرين على عقلها ومحسسينها أن هذا الشئ بخليها فتاه

كبيرة وأن ليها حرية العيش ويمكن البنات يسوي كذا وبعدين بورطوها في مشكلة وبيطلعو هم منها مثل الشعرة من

العجينة أو لأنهم يشوفوها خفيفة يعنى كلمة توديها وكلمة تييبها وهم مستغلين هذا الشئ فيها


شوفي فديتج أنصح خوفيها من الله وأن البنت ما تملك شئ في هذا الدنيا إلا سمعتها وشرفها ولأن الكلمة إذا لزقت

في الشخص ما تروح عنه حتى لو أنه تغير والناس بتذكر ماضيه وليس حاضرة وحاولي تستعيني بشخص متخصص في

هذا الأمور الله يقويج عليها

مثل ما قلبج يتقطع على بنتج قلبي يتقطع على أخوي ذكرتيني أكتب وعيني من الدموع لدرجة ما قادرة أشوف

أنا أخوي كان نفس الشئ وطلع السبب أنه الشلة إلي يمشي معاها خربانه لكن تمينا وراه لين تعدل ومازلنا

علشان كذا أقولج شوفي ربعها أو نقليها مدرسة ثانية
 
انا استخدم الطريقة الي قالت عنها ورد عطر والحمدلله نفعت مع بنتي وعمرها 18 سنة وهي تعبتني في الشات وصرت اتكلم معها بهدوء وماتكون نصايح لانها ماتتقبل وتعاند بس كنت اتكلم معها بمواضيع عامة وادخلها من ضمن الكلام ..
انتبهي المراهق مايحب النصايح ...بس بنتك كان المفروض تحلين مشكلتها من اول مابدات ..
وزوجك وينة مالة سلطة عليها ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل