بنتي أتجن يوم أنام عندي زوجي

[صمت بلا حدود]

السلام عليكم..
عندي مشكله بسيطة مع بنوتي عمرها 3 سنوات وهي البكر عندي وأنا والدة من 6 شهر والله رزقني ببنوته ثانيه الله يحفظهم مشكلتي معاها أني من أول ما ولدت أتعودت أتنام عندي وأنا في بيت أهلي ولما رجعت بيتي ما رضت أتنام في سريرها وتبغي أتنام بيني وبين زوجي ,خليتها بس بعد ما أتنام أنقلها سريرها الحين المشكله الأكبر أني أذا بغيت أنام عند زوجي أو أبوسه أو أحضنه تبكي بجنون مع العلم أني فطمتها من المصاصة من أسبوع وزادت حركاتها وزاد زعلها....
أتمني أتفيدوني والله يجزيكم الخير...

 

[نجـــاح]

الله يعينك ياقلبي التربيه صعبه لكن لازم ماتيأسين مثل بعض الامهات الله يهديهم

شوفي الغيره بهالعمر طبيعيه جدا كلهم مايبون امهم وابوهم يجلسون بجنب بعض او يبوسون بعض او يمسكون يدين بعض

لكن انتي مشكلتك انها تعودت تنام عندك

طيب كلميها تراها تفهم قوليلها انتي بنت حلوه وشطوره وكبيره وسويلها اغراءات وحركات بسريرها واوعديها بهديه كبيره قولي لها اذا نمتي كذا واشري بأصابعك على عدد معين 10 او 5 على حسب ما تحسين انه يناسب بنتك بشتري لك هديه هالكبر وافتحي ايدينك بشكل كبير لكن لا تبالغين مره خليه بحجم كرتون كبير

وفعلا لو نفذت طلبك تستاهل جيبي لها كرتون على قد ماوعدتيها وخليه كرتون الامنيات حطي لها اللي تبي فيه اشتريلها العاب من ابو ريالين وحلويات وغلفي الكرتون وعطيها اياه

انا سويت الحركه هذي مع ولدي وهو بعمرها او اصغر شوي وكان كل يوم يقول يبي شي معين واروح احطه بالكرتون ونجحت الفكره جدا مع اني انا مجربتها عشان اخليه ينام بغرفه ثانيه

ومن يومها وهو ماشاء الله ينام بغرفته ولحقوه اخوانه من اول ما اطلع من النفاس وهم بغرفتهم محد ينام عندي بغرفتي
تصدقين وحده قريبتي تضحك على وتقولي ياقسي قلبك وشلون تقدرين تنامين ههههههههه

لكن ولدي الثاني تعبني شوي والله صار يجي بالليل وينام جنبي او بيني انا وابوه وكنت كل يوم ارجعه سريره ومع الاصرار والمحاولات والهدايا والعقاب احيانا الحمد لله تعدل

تخيلي كانت تجيني ايام اقعد على كرسي بغرفتهم عشان ينامون وانام وانا جالسه ولما اصحى اكون متكسره مره لكني كنت مصره اني ما اخليهم ينامون عندي ومصره بعد اني ما اخلي فيه فراش او سرير لي بغرفتهم حتى ما افتح على نفسي مجال واتعود واهجر غرفتي

انا عندي قناعه معينه بالتربيه ((دايم اقول اتعب واتحمل من البدايه ولا اقعد بعدين اذا كبرو اتشكى ))

يعني كنت احيانا اقعد يوم كامل عشان ولدي الصغير يشيل العابه من الارض وهو يتهرب واحيانا ينام كان عنيد الله يصلحه بينما لو اني شلتها انا ماراح تاخذ من وقتي دقيقتين بالكثير لكن يوم ورا يوم خلاص تعودو يشيلون هم العابهم

عندي مواقف كثيره مع اعيالي والمشكله امي وخواتي كلهم عاطفيات يقولون خلاص بكيفه انا اشيله لاتخلينه يصيح او عطيه او توه صغير ياويلك ومن هالكلام لكن انا اقولهم انا اللي اربيهم مو انتم اول كانت امي تزعل والحين لا تعودت الله يخليها لي امي جدا عاطفيه لدرجة انها ماتقدر تصحينا من النوم ترحمنا تقول حرام نايمين خليهم هههههههههه

ومثل ماقلت لك مافي شي يجي بالساهل شكلي قرقرت عليك كثير الله يعينك على الصداع لكن ودي ابين لك انك لازم تتعبين شوي لكن بتشوفين نتائج حلوه مع الصبر خاصه انها البكر ربيها زين ويتربون الباقين

الله يوفقك ويصلح لك ذريتك يارب

 

[صمت بلا حدود]

الأخت نجاح..
والله أستانست على على ردج والله ليش أتقولين أنج قرقرتي وايد أسعدني مرورج حبوبة والله حاولت من يومين سويتلها حفله وكيك وهدايا وكل يوم بالليل أقولها يالله روحي سريرك أتقول لا وتبكي وأقولها تبين حفله بسويلج باجر يالله روحي تبكي لين ما أتقوم أختها الصغيرة ويبكون هم الأثنين وأنا أداوم أضطر اسكت وأخليها بس المشكلة اللي أمتعبتني أني ما أقدر أقرب لزوجي الله يهديهم

 

[نجـــاح]

الأخت نجاح..
والله أستانست على على ردج والله ليش أتقولين أنج قرقرتي وايد أسعدني مرورج حبوبة والله حاولت من يومين سويتلها حفله وكيك وهدايا وكل يوم بالليل أقولها يالله روحي سريرك أتقول لا وتبكي وأقولها تبين حفله بسويلج باجر يالله روحي تبكي لين ما أتقوم أختها الصغيرة ويبكون هم الأثنين وأنا أداوم أضطر اسكت وأخليها بس المشكلة اللي أمتعبتني أني ما أقدر أقرب لزوجي الله يهديهم

ياحبيلك مدري ليه شلت همك انتي وبنتك الله يخليها لك ويصلحها يارب هي واخيتها


الله يعينك ما الومك مادام عندك دوام لكن لا تتغيرين على زوجك حاولى انك تنومينها هي والصغيره بدري قبل يجي ابوهم واذا تخافين انها تصحى ممكن تسوون اللي تبون بالصاله انتي ويا زوجك بعدها تدخلون للغرفه تنامون ترى الرجال ما يقدرون يصبرون بهالشي
وممكن يتحملون التقصير بأي شي الا بالفراش
الله يهنيكم ويخليكم لبعض يارب

 

[نجـــاح]

سوري سوري سوري

اسفه من كل قبي
انا لما رديت على الاستشاره ماكنت عارفه هي بأي قسم

ولما شفتها بقسم الاستشارات التربويه المتخصصه حسيت اني ملقوفه والله ماهي عادتي

واااااااااااااو فشيييييييييييييييييييله

 

[صمت بلا حدود]

مشكوره حبوبه البارحة وديتها الألعاب واشترينالها هدية وقلنالها بتنامين في سريرك قالت لا بعدين شافت كلب كبير في الشارع وقالها أبوها أذا ما نمتي في سريرك بنادي الكلب ويوم رجعنا نامت في سريرها :clap: