@@@بنات هل انا معقدة...استفسار بسيط.........

ق

قناة هادي

New member
إنضم
2009/07/07
المشاركات
46
بنات انا اعترف عندي عقدة من شيء اسمه خادمة...مدري ليه...:sadwalk:
بس الحاجة حدتني لهن....
واول ما جتني الخادمة فرحت فيها بسبب الحاجة...وكان شكلها مرة مو حلو ابدا ...واعطيتها التعليمات وش ابغا وش تسوي..وبعدين تنومت في المستشفى...وبعدها بكم يوم رحت الدوام...وقلت شوفي بس سوي الفطور للعيال...والغدا لا تسوين..توها جاية ما لها 3ايام.. وبقت مرتزة لين ما قام زوجي وعلى طول عند غرفة النوم..قالت بابا تبغا اسوي غدا...قال لا ...والحمدلله يوم جيت خبرني وهاوشتها..ولا عادتها..
بس له حول الشهر...بس على لسانه اسمها...ومرة سافرت يومين ويوم رجعت كلمته قلت جايين بالطريق...يوم جيت لو ابو الشباب مشغل لها المكيف حق غرفتها.عشان تبرد..بس انصدم لاني خليتها عن اهلي:harhar1:..
عاد دايم يدخل المطبخ وهي فيه ويحاول يتميلح قدامها ..لا ويلبس سروال قصير نص الفخذ وفانيلة علاقي...ويتمدد قدامها على الكنبة..تعبت وانا افهمه..ويش رايكم عادي لبسه ضروري تردون على هالفقرة.
مدري ليه يسوي كذا.....
عاد هي خا فت ما عاد تكلمه عقب ما هاوشتها بس مبسوطة هاليومين تقول بابا قال سوي كذا بابا قال ما يحب الترمس ذا
ويجي اليوم جايب (عازل لاني انا ما استخدم حبوب مانع الحمل)تخيلوا ويوم دخل سالته اثاريه ارسل الخدامة اول ما دخل تجيبه ومعه حليب لبنتي بنفس الكيس))) اول مرة يسويها بالعادة يخبيه حتى عن عيالنا...
قلت لا جبت اغراض كلمني اخليها انا تجيبه....ويقعد يهاوش انت معقدة وانت وانت....عاد عصبت عليه ورميت العازل في الزبالة ها هاهاها:busted_red::busted_red::busted_red:...
وش رايكم بتصرفاته مو يقهر انا ما ابغا المثالية بس ابغا لي هيبتي وخصوص انا اللي مستقدمتها وراتبها علي....
الله يعين بس ودي افضض ودي احد يشوف ويوجهني يمكن انا حساسة.:tears::tears::tears:..
 
ما تقدرين تستغنين عنها
خذي شغالة اللي اجار يعني ما تنام عندك زوجك نيته مو سليمة
وممكن تسحره ولا شي ترى ما يفرق شكلها حلو ولا لا انتبهي منها
والله يفرج همك انا ما ابغى اخوفك بس راي كذا وبعدين الممنوع مرغوب
 
لا حول ولا قوة الا بالله العلي العظيم ان بعض الظن اثم ياا اختي لكن تصرفات زوجك تخلي الوحده غصب تشك فيه الله يهديه بس هو شلون من ناحية الدين اذا يخاف ربه ومصلي انشالله ماراح يغلط بس الشيطاان شااطر بعد فانتي حاولي ماتتركينها لحالها في البيت وانتي في الشغل من راايي انج تاخذينها عند اهلج اهي والصغار الصبح ولما ينتهي الدوام ترجعيت تاخذينهم يعني لا تعطينه فرصه ينفرد فيها والله المستعان
 
الله يكون في عونج ...


الصراحه من راي تكنسلينها لاتخلينها اخاف بعدين تندمين ..
انتي اصلا ليش يبتي خدامه الا عشان راحتج وانا مااشوفج مرتاحه اكيد كله شك في شك

ويمكن تظلمين ريلج عشان جي كنسليها واشتري راحتج وهاتي وحده غيرها مسلمه تخاف ربها ومن البداية وقفيها عند حدها ...
 
الله الله يعينك تحرصييييييييييييي منها والله علومهم مهي زينه شددي الحراسه وفتحي العيون وخليكي فهيمه ولا تخلي مجال له ولها وحاولي تعزلينها عن البيت يعني غرفه خارجيه مع شراء كامير مراقبه وزودي اهتمامك برجال وهي بهذليها في لبسها وشكلها خليها تشر الملابس في عز القايله وكثري الاشغال الشاقه وهو مو موجود طبعا يعني لمن يجي تكون ميته من الكد وصحيها بدررررررررررررررررري حتى تنام وهي واقفه وخلي لسانك حلو معاها يعني كليها بلسانك بس من ناحيه ثانيه أكرفيها كرف الويل ولتخليها في البيت لوحده لو زوجك مو فيه يعني لا تأميينها في كل مكان خليها مرتزه معاك
 
ووووووووووووو


الله يعيييييييييييييينج أختي ..... الله يحفظ لج ريلج يالغالييييييييية


بتمين تراقبين وتستنتجين وتظنين لين متى ..


بصراحة مافي داعي تظهر جدامه بأي شكل من الأشكال ...


الله يعيييييييينكم ويعيناا
 
الحين انتي خايفه منها على ريلج ولا على ريلج منها ؟؟ انا اشوف ان ريلج الي يسوي نفسه ظريف جدامها .. بس مافي شي كبير صار عشان هالموضوع .. ترى الرياييل يسوون نفوسهم طيبين جدام الخادمات .. لا تحطين هالموضوع ببالج وشيليه وخلج عادي قدامها وقدامه بس راقبي ريلج من بعيد لبعيد ولا تحسسينه انج تراقبينه او انج مهتمه بهالموضوع .. ونصيحه خلي عندج ثقه في نفسج ولا تقولين واثقه من نفسج لانج لو واثقه ما كتبتي هالموضوع ..
 
والله لو كان بس الدوام كان تهون.اقدر استغني عنها..بس انا تعبانه مريضة من حوالي 9سنوات....
ولا اقدر اجيب غيرها هو رافض الفكرة بتاتا يقول ضعيفة ومسكينه..انحديت ما لي حيلة ولا اعرف احد قريب منا الا الجيران واستحي منهم لا ني اروح بدري مرة..
 
حبيبتي ليش تتعبي نفسك من الضن والشك
كدا هتخربي حياتك بيدك لانك هتشكين فيه طول الوقت واكيد هو ماهيرضى
وادا مابينتي شكك هتنكوي بيه
انهي الموضوع قبل لايوقع الفاس فالراس
اشتري راحة بالك وزوجك اهم من راحة جسمك وبالك مشغوووووول
انا اقول على اطرديها اختي عشان ماتندمين لاتفكرين اطرديييييييييها
 
انتبهي لزوجك لان حركاته مو عدله ابدا
ولا تخلينه يلبس عندها شورت (سروال سنه)
واذا كان زوجك راعي حريم فالله يستر عليه
 
ضعيفه ومسكينه..........؟؟
اكتملت والله هدا اللي كان ناقص
حبيبتي انتي اللي تدفعين هو ماله شغل في الخدامه
وكلي امرك لله ولاتخليها لوحدها فالبيت حتى لو هو برا
وقوليلها لما يكون موجود تسيب اللي فيدها وعلى غرفتها
او قوليله الشغاله عندها شغل هنه روح الغرفه التانيه
الله يعينك بس لو انا مكانك ماهستنى عليها وهطردها
 
لا حول ولا قوة الا بالله
شوفي يا قلبي اجلسي مع زوجك وانتى هاااااااادئه مو معصبه قولى له
حبي ترا لبسك كذا قدام الشغاله مايجوز اخاف تصيبك عين او شي لاسمح الله
تراهم عيونهم طويله خوفيه يعنى
وانتى فهمى الشغاله وهو ماهو موجود
قولى لها شوفي مستر يقول لمن اجى خلى الشغاله تروح الغرفه عشان حرام هو يشوفك
وشدى عليها لمن تقولى لها
وقولى لها اى شي تبغينه كلمينى انا مو تكلمى مستر
ونفس الشي قولى لزوجك ترا الشغاله تقـــــــولى مدام اذا جا مستر انا ابغا اروح غرفه او اذا انا في مطبخ مستر لا يدخل المطبخ عشان كذا حرام
وانتى قولى له شكلها الشغالات قالو لها واتعلمت منهم
اما زوجك وانتى جالسه معاه بطريقه غير مباشره قولى من قصص الشغالات والاسحار اللى يسوونها الله يكفينا شرهم بس لو محنا محتاجين لهم ما جبناهم
الله يسهل لك امورك :cupidarrow:​
 
حسبي الله بس قسم بالله علئ بالي انا اللي منزله الموضوع ناسيه

نفس اللي عندنا والله نسخه وكربون وخصوصا تشغيل المكيفات ولاتخلينها تطبخ اليوم خليها ترتاح حرام>>>>واحنا محد يرحمنا

واسالوها وش نجيب لها عشئ
ولا ساعدوها كل شئ عليها مسكينه
حسبي رب العالمييييييييييييين
 
نيته شينه

سفريهاااا وحاولي تحلين مشكله دوامج لانه الخدام كلهم يموتون فالرياييل

والشيطان شاطر وانتي مب معقده بس هو يبغي يهز ثقتج بنفسج

حركات ريلج اتيب الشك ريايل متزوج يحاتي الخدامه اكثر من زوجته

والعازل ليش موجود وقبل 9 سنوات ليش ماكان يستخدمه


لا تزعلين ريلج شكله يفكر يزني بالخدمه وكل الخدم هذا غرضهاااا

وان اشد عنج اكرهم موت بس نحن ولله الحمد قااااااااااااابضينهم
 
حبيبتي عادي تصرفك ومعقوووووول بس انتي لاتوضحين انك غايره منها وضحي انك تخافين عليه منها تسحره والا شي

الله يعينك اذا اندونيسيه :(

المفروض اذا جبتي تجيبي سيلانيه وسودا ومو حلوه مره عشان ترتاحي

اسمعي فيه خطه دايما نستخدمها حلوه مره

سي نفسك حزينه وخايفه وقولي تصدق شفت فوطه (( حفاظه )) لها في الزباله وعليها شي اخضر وهذي من علامات الزهري (( مرض جنسي )) عشان يخاف لانه مرض

قولي له لاتحاول تطلب منها مويه او شي عشان لاتنتقل لك الفيروسات وتنقلها لي وانا حامل ماعندي مناعه (( وضحي انك خايفه على نفسك .. مستبعده انه يلامسها من خلال كوب المويه .. خوفتيه .. حسستيه انك واثقه فيه ))

.
.

اسمعي حبيبتي انا لي كم سنه ماشاء الله تجيني شغالات سيلانيات وفلبينيات .. اندونيسيات طبعا لا لانهم راعين رجال وعذبتني بالمراقبه لحد ماقلعتها ..

بس لايمكن حتى كاس المويه يجيبوه لزوجي ... حتى رواتبهم انا اسلمهم .. رسايلهم انا اعطيها .. اي شي

يعني زوجي لايمكن اشوف وحده تكلمه ... هو تعود اني انا وصله وهم تعودوا بعد ...

على قولة ناعمه لاتفسحين له المجال وبعدين تقعدين تصيحين على اللي يصير..

انا موظفه مثلي مثلك .. مااطلع الا زوجي طالع .. ولايمكن اروح عزيمه او شي وهو بالبيت اعتذر اذا مو رايح هو واذا لازم زحلقته لواحد من اصدقاءه لحد ماأرجع مع ان عيالي في البيت بس كذا انا اخاف من اي كلمه معهم ...


هذا كله يصير بدوووووون ماأحسسه اني شاكه فيه كله اني خايفه عليه او مابي يقعد بروحه او انا زوجته حبيبته وانا اللي اخدمه بعيوووووووني مو احد غيري ... هم للتكنيس والتنظيف بس ...

اذا شفتيه جالس جلسه غلط او لبس غلط قولي حبيبي تعدل مو عدله قدامها (( يعني اذا كانت بتجيب حاجه لكم ))

ومن جانب ثاني لاتقصرين على الشغاله بشي ابدا كل شي اشتريه لها من حسابك لان فيه ناس الله يهديهم الفازلين والمعجون والشامبو ياخذون منهم فلوس ... انتي لا ماراح تكلفك شي .. قولي لها مادام انتي كويس وسيده انا باشتري لك شي مني .. لا وبعد اذا سافرتي راح تكون هداياك على حسابي ... يعني هم اهم ماعليهم الفلوس وراح تطمع وتنضبط ...


سوي اللي عليك وخلي الباقي على الله

ودايما ادعي ذا دخلتي البيت او طلعتي

.
.
 
تااااااااااااااااااااااااااااااابع



اذا نفذتي اللي قلت لك فتره وهو يتعود وهي تتعود ماتقرب صوبه وانتي ترتاحي

وبعدين حسسيه انها تقولك كل شي عشن يخاف يقرب ناحيتها

ووضحي له دايما قولي الله يستر منهم هالشغالات مايخبون شي عن بعض ويفهمون اي حركه من صاحب البيت غلط ويقعدون يتناقلونها ...

قولي له هالكلام كمقدمه ان وحده من صديقاتك في الوظيفه مشاورتك في مشكله الا وهي

ان شغالتها قايله لها ان شغالة اختها تشتكي وتقول بابا وهو يحاول يفك معاي المفتاح من الباب اللي تقفل على الصغيره مسك يدها .. قولي هي مسكينه حيرانه تقول اقول لاختي والا لا ... بس حبيبي انا قلت لها حرام يمكن وهو يحاول يفكون الباب جت بالغصب مسكييييييييين ماقصده .. لاتخربي بيت اختك ...

من هالسالفه يعرف ان اي محاوله منه راح ينفضح مو بس عند الشغالات الا عند اهله ...

انتبهي تقولين له وتسوين هالاشياء مره وحده قولي له على فترااااااااااااااااااااات ...
 
اعتذر عن بعض الاغلاط مو مقصوده .. لاني اكتب بسرعه والكيبورد يبلع الاحرف


ليش مافيه خاصية التعديل في الرد:(
 
تبين الصراااحه وش تبين بالخداااماااات طلعيها من اليوم ولا تخلينهاا ابدا ابدا ابداااا,,,
ولو ماتقدرين على شغل بيتك جيبيلك صومااليه باليومي تنظف وترووح وبس<<<<< تحمست للموضوووع ككك

الله يهديلك زوجك ويسخره لك ولا يشووف غيرك ابدااا
 
الله يجزاكم خير...ويوفقكم ما قصرتم.....
انا من كثر ما اسمع عن بلاويهن..........صارت عندي عقدة منهن.....
وحريصة بس هن صراحة احرص منا يحاولن ما يبين لك شيء ابدا......
 
السلام عليكم و رحمة الله و بركاته
حبيبتي انتي معاج حق ميه بالميه لا معقدة و لا شي :c014:
انا خدامتي ما تسوي حركات و ابقى مبققه عيني بحركاتهاو سكناتها
على قولة اخوانا المصريين : المال السايب يعلم السرقة
ام الاقمار ماقصرت كفت و وفت ...بس نقطة انا اقول حق زوجي : انا ما اقدر اهاوش الخدامة عشان ما تضر العيال انت خلها تخاف منك و اثقل جدامها عشان تتسنع و انا بكون طيبة معاها ( عشان العيال :evil_lol:)
دايما كلامي و انا انتقدها بابا ما يحب هذا الشي ... بابا ما اعجبه الاكل...باب يقول هالمكان وصخ انتي ما نظفتي عدل
يصير هو الشرير:santa_1: و انا الملاك :a115:
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل