بنات ...من زوجها متقاعد ؟؟؟؟؟؟؟

[عنقود عنب]

السلام عليكم يا اميراتي

بنات ...من زوجها متقاعد ؟؟؟

وكيف يقضي وقته بعد التقاعد؟؟

يا ريت اللي عندها قصص وحكايات عن زوجها المتقاعد ..تقولها لنا


انا زوجي متقاعد من ثلاث سنوات وراح يكمل الاربع سنوات في ربيع الاول ا لجاي

الرجال في البيت يقيد ...لكن بالنسبة لي ..زوجي ولله الحمد ما له صوت

يعني طول الوقت جالس على النت ... اسوي له فطورة ..والشاي والشيشة و اجلس معاه شوي ..

اروح اسوي اشغالي ..وكل شوي اطل عليه و اجلس معه شوي ..

يتغدى وينام ...والساعة اربع العصر ..عنده شغله الخاص ...ما يرجع الا الساعة 12 في الليل ..

ويا سلالالالالالالالالالالام ..طول العصر انا ماخذه راحتي ...اطلع زيارات ...ممارسة رياضتي المفضلة مع جارتي على الممشى القريب منا... اجلس على النت على كيف كيفي ...اسوي اتصالاتي مع اهلي و صديقاتي بكل حرية ..اطالع التلفزيون على كيفي

حتى العيال ينبسطون ..مع ان ابوهم ابدا مو مقيدهم ...لكن الاحساس هو اللي يقديهم

واذا المسكين ليلة رجع مبكر يعني على الساعة 9 ..تشوفون العيال يتحلطمون و يقولون وش جاب ابونا مبكر...

يتعشى على الساعة 12:30 ..يشرب الشاي ..والشيشة للمرة الثانية ..ويسهر على التلفزيون ...وننام على الساعة 2 او 3 ..وهذا هو روتينا

الحمد لله صراحة انا كنت خايفة انه يتدخل في شغلي في البيت ...لكنه ما له شغل في ولا شي ...

عمره ما قال وش سويتي الغدا او العشا...او ليش هذا هنا او هذا هناك ...

مرتاح ...اسوي كل طلبات البيت بالتليفون ..من بقاله ...خضار ... دجاج ...لحم ...يعني متدلل في البيت طوووووووووووووول النهار

وانتوا يا اميراتي ...كيف هي ازواجكم المتقاعدين في البيت معكم ؟؟؟


في انتظار مواقف طريفة و حلوه منكم ...او اللي تحب تفضفض تجي تتفضل

وما راح تطلع الا وهي مضيفينها بالقوة و الحلى

تحياتي

 

[سلة فواكه]

حببيتي ما عندي خبره
بس ابوي متقاعد وابوي مثل زوجج ماله حس ولا يغربل امي , في حاله يعني يقضي وقته الصبح في مشاويره وزياراته واعماله الي يطلعها من تحت الارض الله يحفظه
الله يخلي زوجج ويحفظه

 

[عنقود عنب]

يا هلا باحلى سلة فواكه

والله انك حليتي موضوعي بمشاركتك

والله انا كنت مرعوبة من التقاعد من كثر ما اسمع و اشوف في التلفزيون و المسلسلات المصرية كيف الزوج يجنن زوجته و هو في البيت معاها

لكن الحمد لله ...زوجي مريحني

وربي يخلي لك ابوك ويطول في عمرة و عمرة كل حبايبك

وبانتظار باقي الاميرات

احلى تحية لكم

 

[.::**(همس)**::.]

..تذكرت قصة من زمان سمعتها عن الرجل المتقاعد..
هذا رجال يشتغل ضابط..ولما تقاعد جنن زوجته وعياله هو متعود ينام بدري ويقوم بدري الساعة 8 وزوجته متعودة تنام بعد ما يروح لدوامه...وهم على هالحال من سنين..واللحين جاي يبي يغير برنامجهم....المهم لما يقوم الصبح يدور على الغرف..يفتح الستاير..ويطفي المكيفات...ياللللللللا قوموا.. وش ذا النوم؟؟!! "ضابط ما عنده لعب"...وطول اليوم يدور في البيت..هذا ليه حاطينه هنا؟!...وليه كل شوي طالعه؟!..ومن جاب ذا؟!.... وعلى هالحال..الزوجة ما قدرت تتحمله و صارت مشاكل..ووصلت للمحكمة.. فقال القاضي:وش كان برنامجك قبل ما تتقاعد؟!
قال:أطلع الساعة8 للدوام وأرجع بعد الظهر وأطلع ثاني العصر وأرجع بعد العشاء..
فقال القاضي: خلاص بنحط لك برنامج.."وهو ساكن في المدينة المنورة" كل يوم تطلع تقرأ قرآن في الحرم من الساعة 8 وبعدين ترجع للبيت الظهر وتطلع ثاني العصر وترجع العشاء..
وبكذا انحلت مشكلتهم...هو ارتاح يجي للبيت يلقاهم قايمين وينتظرونه..والزوجة أخذت راحتها في بيتها...

 

[دنيا الأحلام]

انا الوالد الله يحفظه متقاعد من سنه ونص
والله مايخلي احد يتحرك بالبيت جالس بالصالة وفاتح الإخباريه وكل مامر احد من عنده قال وين رايح
والله طفشان ومطفش الكل
الحمدلله اني متزوجه والا كان طقيييييييييييييت

 

[سحابه صيف]

ههههههههههههههههههههههههههههههههه اختي همس..
ذكرتيني بالوالد الله يحفظه..متقاعد من الشرطه ومعيشنا في نفس الحال .. الظاهر محتاج نفس ها البرنامج...

 

[عنقود عنب]

..تذكرت قصة من زمان سمعتها عن الرجل المتقاعد..
هذا رجال يشتغل ضابط..ولما تقاعد جنن زوجته وعياله هو متعود ينام بدري ويقوم بدري الساعة 8 وزوجته متعودة تنام بعد ما يروح لدوامه...وهم على هالحال من سنين..واللحين جاي يبي يغير برنامجهم....المهم لما يقوم الصبح يدور على الغرف..يفتح الستاير..ويطفي المكيفات...ياللللللللا قوموا.. وش ذا النوم؟؟!! "ضابط ما عنده لعب"...وطول اليوم يدور في البيت..هذا ليه حاطينه هنا؟!...وليه كل شوي طالعه؟!..ومن جاب ذا؟!.... وعلى هالحال..الزوجة ما قدرت تتحمله و صارت مشاكل..ووصلت للمحكمة.. فقال القاضي:وش كان برنامجك قبل ما تتقاعد؟!
قال:أطلع الساعة8 للدوام وأرجع بعد الظهر وأطلع ثاني العصر وأرجع بعد العشاء..
فقال القاضي: خلاص بنحط لك برنامج.."وهو ساكن في المدينة المنورة" كل يوم تطلع تقرأ قرآن في الحرم من الساعة 8 وبعدين ترجع للبيت الظهر وتطلع ثاني العصر وترجع العشاء..
وبكذا انحلت مشكلتهم...هو ارتاح يجي للبيت يلقاهم قايمين وينتظرونه..والزوجة أخذت راحتها في بيتها...

اختي همس ...والله ان همسك حلوة في صفحتي ..

والله خوش فكرة من القاضي ...الضابط يحصل اجر

والزوجة والعيال مرتاحين

 

[عنقود عنب]

انا الوالد الله يحفظه متقاعد من سنه ونص
والله مايخلي احد يتحرك بالبيت جالس بالصالة وفاتح الإخباريه وكل مامر احد من عنده قال وين رايح
والله طفشان ومطفش الكل
الحمدلله اني متزوجه والا كان طقيييييييييييييت

نورتي صفحتي دنيا الاحلام

ربي يحفظ لكم الوالد والوالده و يطول في اعمارهم

ذكرتيني بقصة يرويها اخي حبيبي ...

يقول جائني زميل عمل و طلب مني البحث عن وظيفة لوالده ...قلت له الم يكن والدك يعمل وكيل وزارة ؟؟؟


قال له نعم ...لكن ابغي اسألك هل سمعت برجل السلك ؟؟؟

قال له اخي لا ...وش هذا رجل السلك ؟؟

قال له زميله ...الوالد تقاعد من كم شهر ...وهذا هو جالس لنا في البيت

حتى اذا شاف سلك مرمي على الارض ...يجمع كل اللي في البيت و يسألنا حق من هذا السلك

ويقول قس على هذا طول اليوم ...الى ان قلنا لازم ندور له شغل مرة ثانية لان راح يجننا بجلوسة في البيت

و خلونا نسمع منكم يا اميرات بعض المواقف الحلوة للمتقاعدين

 

[عنقود عنب]

ههههههههههههههههههههههههههههههههه اختي همس..
ذكرتيني بالوالد الله يحفظه..متقاعد من الشرطه ومعيشنا في نفس الحال .. الظاهر محتاج نفس ها البرنامج...

سحابة صيف...نورتي و لظفتي صفحتي بمرورك الرقيق برقة سحابة الصيف

ربي يخلي لكم الوالد ويطول في عمره

اشتكوا عليه عند نفس القاضي يمكن يحكم عليه بنفس هذا الحكم الجميل :icon30:

 

[عزيزة.نفس]

هههههههههههههههههه
ماشالله عنقود
كم عمر زوجكي :questionmark:
أنا زوجي لسه شباب خخخخخخخخخخ أنا مشببته ( إمحق شباب )
والله يا قلبي لسه ما وصلنا لهالمرحلة ( هه قربنا ) بس من اللي حولنا أشوف الرجال يختلفون وأغلبهم غثيثين
الله يديم عليكي وعلى زوجكي نعمة الإستقرار بس يا قلبي لا أوصيكي بمشاركته في جميييييييييع شؤونه
يالله وين القهوة والحلى :a025: