بنات مع اني محرجه بس ابي اجوبه واقتراحات

[om-madaly]

بنات زوجي مو مقرب صوبي من ثلاث اسابيع والحين بجرب الشهر ومو عارفه السبب حتى اني خلصت الدورة وتنظفت وماكو فايده اتحرش في وابوسه وهمن ماكو فايده كله يقولي مالي خلق وماادري ليش سالته انت متضايق مني او مقصرة بشي يقول لا بس يقول البال مو مرتاح من الدوام والدراسة مع اني اشوفه ينزل عند خواته ويضحك ويسولف ويروح الديوانيه ويقعد وياي ويسولف عادي بس ماادري اشفيه حلمت بخدامة حماتي عتدي بالفراش هي اندونيسيه وريلي نايم يمها وقعد وعصب علي وفال ليش مخليتها نايمه يمي وعيونها حمر من النوم وانا طقيتها بس اهو مااعتقد انه مسحور لان على طول يصلي بس ماادري ليش مايقرب صوبي
الله يخليكم ابي اقتراحاتكم واجوبتكم

 

[الورده الشرقيه]

حبيبتي ساعات الازواج يقعدون شهر عن زوجاتهم
واكثر
وانا بعد كان كذا
قالي مره انا لاصار عندي ازمه ماليه ولابالشغل
مااقدر اركز بعلاقتي معك
ولاغير هالوقت انا طبيعي
وفعلا كلامه صح ميه بالميه
بس زوجي مايحب يشتكي عشان كذا مااعرف
بس مجرد يبعد عني اتاكد من هالشي انه عنده مشاكل بالشغل او ازمه ماليه
وساعات يكون ملل من الروتين بالحياه الزوجيه
اعطيتك معلوماتي عن هالشي والله اعلم

 

[عايشه وكلي أمل]

ماأدري بس اقول الله معك ويعينك لان الرجال اذا في شي مقلقهم مايعطونا وجه لاتشيلي هم

 

[ملاك 88]

فسري الحلم عند احد الشيوخ .
عسب ططمنين

 

[جميلة وبنت جميل]

ياحبيبتي اتمنى اني افيدك بس مالي خلفية في الموضوع
بس بنصحك لاتشككين واجد بس احذري
وعشان ترتاحين اكثر فسري الحلم بس للراحة

وتوكلي على الله وادعي ربك ينور لك

ودي افيدك بس للأسف مااعرف
ربي يوفقك ويسخر لك زوجك يارب

اسفة على الاطاله تقبلي مروري

 

[سحابة متفائلة]

توكلي على الله
أستغفري
وستعودي من الشيطان
الحلم هاد وسواس حبيبتي
ممكن رجال عندو شئ وما يحكي حاولي وتوكلي على الله عز وجل

 

[طهر الغيم]

الله يسهل امورك بس انتي لا تخافين يمكن هو من النوع اللي اذا انشغل او انقلق ما يصير عنده رغبه جنسيه ولا تفكرين فالشي الشين ولا تبينين له انك مستغربه اهم شي بوس وحضن من باب الشوق والاهتمام مو الجنس بحد ذاته

 

[om-madaly]

مشكورين خواتي طمنتوني والله يوفقكم ويسخر لكم ازواجكم

 

[يفداني بقلبه]

حاولي تفسرين الحلم بس لا تخلين هالحلم يستحوذ على تفكيرك
ترى الرجال اذا يفكورن بشي ومهمومين بشي ما يمارسون الجنس ما عندهم رغبه
وكونه يروح عند خواته ويضحك ويورد الديوانيه عند ربعه
هذا اكبر دليل على انه متضايق ويبي يوسع صدره وينسى الهم اللي هو فيه
انتي كوني له عون ولاتكونين له فرعون
والله يسعدكم اصبري والله يفرج عليكم
دعواتك لي بالذريه الصالحه