بنات مشكله اللحين صايره مع الشمالي الشرقي زوج اختي

[سعاد٣٣]

السلام عليكم

اختي حبوبه عمرها كبير يعني ممكن بالخمسينات المهم اخلاق وكل شي بس تخاف من زوجه ماترد عليه ومهمش حقوقها رغم انه حبوب وخدوم بس مع الوقت اكتشفت انه يعرف وحده ويكلمها وهو ماعليه ماديا ومستغلته هالبنت المهم هي اسكتت وماقالت شي وع فكره يوم تاخذه اختي كان راتبه ٣٠٠٠ وهي مدرسة وطلعته هي بعد الله كل فلوسه منها المهم اليوم قالت له بوسط الهوشه انك مو رجال وضربها وهو شمالي شرقي قمت قلت نادي اخوي واخوي جدا رجال شخصيته قويه واسلوبه مو همجي يعني متفهم مررره رغم انو احنا بمدينه ثانيه بس اخوي مشى لمها اللحين يوم كلمته وقلت لها اطلبي كل شي وكل حقوقك لان مررره صار يهمشها وهي معها فلوس ولا ترجي منه شي قلت لها اسم المشكله كبرت واخوي جاك اطلبي كل شي اللي اوصلت لمدة اليد خلاص لا تسكتين وع فكره اول مره يسويها وهو ماتغير الا يوم تعرف على البنت اللي ترسله صوره ومسجات وتكلمه رغم ان البنت هذي متزوجه ومره كلمته قالت تعال هاوش زوجي وطلعه من البيت وزوجها مستاجر من رجل اختي

اللحين صح تصرفها مع الشمالي الشرقي يوم تجيب اخوي؟
وهل صحيح نصيحتي لها تطالب بكل شي يوم اخوي جاها؟
هل تذكر خيانات زوجها قدام اخوي او تسكت؟

بنات انا دايم احل المشاكل بس يوم صارت اختي تجمدت هي مفرجه كرب للمسلمين ماتقصر معهم تكفون لا تقصرون معها جاوبوني بروح اصلي الليل وادعي لها

 

[gggg]

السلام عليكم

اللحين صح تصرفها مع الشمالي الشرقي يوم تجيب اخوي؟

اذا اول مره يمكن
عشان مايكرر الغلط​

وهل صحيح نصيحتي لها تطالب بكل شي يوم اخوي جاها؟

مادام اخوك راح لها خلاص
تقول الي عندها من ​

هل تذكر خيانات زوجها قدام اخوي او تسكت؟

لا الافضل انها تسكت..
وتحل هذي المشكله بنفسه بكيد النساااء​

الله يهدي الجميع​

 

[سعاد٣٣]

جزاك الله خير
دعواتكم لاختي بهالليل تكفون

مشكله انها غلطت مثل امي وعطت فلوس للرجال
اخذت درس من هالدنيا الرجال ماينعطى شي

علمته الرماية فلما اشتد ساعده رماني

اللهم ان كان مااصاب اختي بعد دلال زوجها لها عين فاحرقها او كان سحر فابطله
اللهم ان كان تقصير منها فانظر الى جميل افعالها لزوجها ولكل مسلم فرجة عنه وفرج لها وجمل كل فعل تفعله في عين زوجها
اللهم سخر لها اخي ولين قلبه لها واجعله في صفها واجعله عضد لها واشدد به ازرها
اللهم لين قلب زوجها في هذه اللحظه واجعل في قلبه هيبة من اخي وسخرها لها واسكن في قلبه الندم على تقصيره لاختي
اللهم ان القلوب بيدك تقلبها كيفما تشاء الحب بيدك وماتوفيقنا الا بك عليك توكلنا واليك انبنا
اللهم اجعل قلبه اسير قلبها واجعل ماحصل لهما درس قاسي يوقضهما واهدي الفتاة اللي يعرفها زوج اختي وايقظ قلبها من غفلته وبين له خطا مايفعل وكرهها في قلبه اللهم اني استودعك قلب زوج اختي ان يظل الى سواها اللهم كره في قلبه الفجور والعصيان والفواحش وسخره لاختي وسخر لها كل قلب قاسي وعبد عاصي اللهم اسالك بحبي لعلمائك والدفاع عن رجال حسبتك واسالك بكل عمل كان لوجهك خالصا ان تسخر لاختي زوجها اللهم اني اسالك في هذه الليلة وفي هذه الساعة ان تغير نظرته اتجاهها اللهم حسسه انا اهلها لها سند وانهم لا يرضون بهوانها اللهم امين
اللهم لا تحرم دعوتي كل مسلمه كتبت في هذا المنتدى او سواه تشتكي
اللهم لا تحرم دعوتي كل مسلمه بكت من خيانه او قسوة زوجها
اللهم لا تحرم دعوتي كل من يشهد ان لا اله الا الله وان محمدا رسول الله

وصلي اللهم على نبيك ورسولك محمد

تكفووون قولوا امين
لعل هالدعوه توافق ملك

 

[سعاد٣٣]

توقعت البلقيسيات بيردون اشوف زيارات كثير بس مااحد كتب
gggg الله يوفقك ويسهل امرك ويدخلك الجنه بدون حساب ولا سابق عذاب
الله يجعلك بعليين كنت ابي اي رد من الصدمة ومن الضيقه اللي بي
الله يرحمك فوق الارض واذا متي تحت الارض والله يجعلك من اصحاب اليمين يوم العرض

 

[حلم فاضي]

السلام عليكم
هاذي اول مشاركة لي لاني دخلت المنتدى مستفيدة فحبيت اساعد خواتي
أختي الي صار صار وهذا مكتوب وقدر الله وماشاء فعل
المهم الان أختك حاولي تصبريها وتكثر من الاستغفار لانه اقوى علاج واسراع مفعول
وتترك زوجهها مدة لعلل الله يرجعه لصوابة الله يوفقكم

 

[سعاد٣٣]

ماتقدر تجي لبيتنا بتمت عماتي لان عماتي مايحتاج الله يهديهم
وثانيا امي ماتحب وحده تزعل وتجي ترمي عليها من الحكي
صعبه اختي ترجع مره اخوي وصل لمها ادق عليهم مايردون ماادري وش قاعد يصير وايش قال زوجها تخيلوا بنات يوم قالت له انا بطلق واروح قال الله يوفقك مع السلامه ماادري وش فيه الله يهديه بس

 

[سعاد٣٣]

حلم فاض الله يوفقك صحيح لازم اذكرها بالاستغفار الله يذكرك بالشهاده
تقصدين انها تطنشه يعني تزعل عندنا هذا صعب جد الوضع عندنا
ولا قصدك بما انه شمالي يحب اللي تطنشه

مشكلة اختي يابنات انها رغم كل الصفات اللي فيها
ماتهاوش وتطالب بحقوقها مره طيبه
وماتهتم بالجنس والحركات

انا المح لها واعرف ان زوجها يدور هالشي لان الرسايل بالايميل والجوال كل كلامه عن كذا ومره مسكت يده ورقصت له انجن بس مشكلتها تلهى مع اختي الثانيه اللي بنفس المدينه عندها وتنسى زوجها وانا مااقدر اصرح لها لانها بعيده عني بالعمر وانا مو متزوجه صعب بس كثير المح بس مشكله اذا الجنس والحركات الاغراء مو طالعه من البنت صعب جدا تفهميها الا بالصاراحه وانا ماقدر اصرح لها وهي مو راعية منتديات بس انا عرفت نمط زوجها وبعد هالمشكله راح اتابع معها ان شاء الله واقرى لها كل المواضيع الخاصة بنمط زوجها بس اللحين خايفه ماادري اخاف زوجها يتهور يسوي شي ولا يطلق هو بس يطري هالشي ويطري العرس واول مره اخوي يروح لها واول مره يضربها زوجها اللي ملخبطني كل شي صاير لاول مره وماادري وش اللي صار ادق مااحد يرد تكفون ادعوا ان الله يهديهم ويسخر لها عيالها منهارين وولدها اللي بالمتوسط مااخذ اغراضه بيهر من البيت وبنتها الصغيره باول بس تصيح وتدعي على ابوها من الصدمه ضربها قدامهم ووولدها الكبير هرب من البيت لامريكا عقب ماكانوا انواع الدلع والسفر انحاس بيتهم من تعرف على البنت اللي يكلمها

 

[فجروغروب]

الله يهدي لها زوجها ويبعد عنهم كل شر يارب

 

[ام حمودي111]

الله يرده لها ردا جميل

 

[شماليه كووول]

الله يهديه ويخليه لاختك ويبعد عنه بنات الحرام ..
انتي بما انك تقرين ومطلعه على منتدى مملكة بلقيس الله يخليه لنا امين ياختي ما يمنع انك تثقفينها وتعلمينهاا حتى لو فارق العمر كبير هذي اختك وتمونيين عليها .

 

[o0Brokin-Hart0o]

السلا عليكم ورحمه الله

اختي اذا تدرين ان اختك ما تقدر ترد للبيت ولا تترك بيتها ليش تخلون للخايسه هذيك فرصه من الاستغلال والعبث بحياتك اختك وزوجها .
اختك مو صغيره عمرها خمسين سنه يعني مستحيل زوجها يفرط فيها بعد هالعمر ولا تحتاج للجنس ولا حركات الاغراء لان لو فاقدها ما كان قعد كل هالسنين معاها وكان زين ولا يخونها

المشكله في زوج اختك لازم يكون له راد ع مو من اخوك ولا من اي شخص من اختك لازم تتعلم تاخذ حقوقها كامله بدون نقصان وما تتغاضى عن حقوقها زوج اختك اصبح فجأه مراهق حس ان العمر راح ويبي يجدد وللأسف لفت عليه بنت بليس خلي اختك تشترط عليه يطلعها من بيت الاجار وخلي اختك تهددها وتقول وربي لافضحك وكشف سترك واعلم عليك الهيئه انتي وياه وربي على ما اقول شهيد (الكلام للخايسه اللي لافه عليه لا تقوله لزوجها وبس تهديد خخخ مو تجيب العيد) وتخوفها وقولي لو احس انه يكلم او اشك بس شك راح تندمين حتى لو كانت مو انتي) الله يرده لها ردا جميلا يارب العالمين

 

[سعاد٣٣]

جزاكم الله خير بنات ع الردود والرسايل والدعوات الله يسهل امركم

 

[o0Brokin-Hart0o]

اختى سعاد طمنينا عن اختك ترا نمت واناافكر فيها ومن قعدت سيده للمنتدى ​