بنات لوسمحتوا ممكن تفيدوني في...................التفاصيل بالداخل

[طيبة البشر]

السلام عليكم بنات
كيفكم انشاءلله كويسين

بس قبل كل شي ابي من المشرفات ماينقلون موضوعي لان هنا الزائرات اكثر وابيهم يردون علي
وشكرا مقدما

بنات انا ابي منكم خدمه صغيره او اقتراح بسيط
انا يابنات حامل بالشهر الثاني وساكنه بالدور الثاني المهم يعني ماقدر انزل تعب علي وانا بديره واهلي بديره
المشكله اني مره اطفش طول وقتي جالسه لحالي ماعندي احد يجيني يونسني زوجي الصبح بالشغل يجي يتغدا ينام
والعصر يطلع الشغل من جديد والساعه 9اليل يطلع نادي هو مشارك فيه وانا نفسيتي تعبت وانا لحالي لو ماكنت حامل كنت سجلت بدورات بمعهد بس اللحين ماقدر لاني ممنوعه من الطلعه على الدرج
ابي شي الهي نفسي فيه ولاب توب طفشت منه كثير والتلفزيون نفس الحاله طفش ومافيه شي ابي شي مثلا بالنت دورات بالنت اي شي بس ابي الهي نفسي بديت اوسوس من القعده بروحي:8:
تكفوون بنات عاد الي عندها شي لاتبخل علي

 

[مَلآمِحْ حُلمْ]

و الله ما أعرف
ياليت البنات يفيدونك و فالك العافية​

 

[دلع قلبه]

العشوائيه هي اللي تقتل الانسان وتطفشه
ضعي لك خطه يوميه مقسمه
الوقت الفلاني قراءة الوقت الاخر تصفح نت الوقت اللي بعده قراءة شي من القران
الوقت اللي بعده نشر خير عن طريق النت اللي بعد تعلمي حياكه بالصوف او الابره او اي اعمال يدوية اخرى
اذا تحبين برامج التصاميم نزلي برنامج وتعلمي عليه عشان تسوي لنونو مستقبلا تصاميم وعروض ربي يقومك بالسلامه
انصحك اول شي تسوينه تمسكين نوته حلوه وقلم وتقسمين الوقت..
اما الدورات عن الطريق النت ابحثي بقوقل وبتلاقين مالا حصر لها
اذا تبغين تتعلمين اشغال يدويه فيه مقاطع فيديو رائعه ابحثي عنها فالنت وبتلقينها بسهوله
خلي لك ملف وورد حطي فيه كل يوم فائده قريتيها تعلمتيها وانشريه واكسبي اجر وحسنات
اقرئي في الحمل والولادة والاموومه بقدر ماتستطيعين تغذية العقل اهم شي في الحياة.