بنات شورو علي اتطلق والا لالالالا

عزيزتي اذا كان هذا اوله ينعاف تاليه اولا زوجته تحاول تضغط عليه بالعيال الحين ولو بعد سنة راح يرجعها لانه ما في احد بستحمل العيال غير امهم وثانيا / معقولة راح تستحملين خمسة عيال وابوهم وشغل بيت ( يعني انتي عفوا خادمة ومربية وزوجة ) يعني ثلاثة في واحد وهو مستحييييييييل جدا جدا هل تستملين انك جالسة طول اليوم كنس وغسيل وتنظيف وما في وقت لاي شي حتى الشارع ما تشوفينة , صدقيني لو كان يبغاك لو سهل الموضوع بخادمة وبعد ما تكفي لهذه العدد وخصوصا انتي ما متعودة عليهم
 
يابنت الحلال
المهر له نصفه فقط بالشرع
لقوله تعالى فى كتابه العزيز ( وإن طلقتموهن من قبل أن تمسوهن
وقد فرضتم لهن فريضة فنصف ما فرضتم إلا أن يعفون ) البقرة 237
- كما أن الشبكة إذا كان قدمها لك وانت ما شرطتيها مهر

تصبح فى حكم الهبة شرعا
أما اذا كانت محسوبه ضمن المهر فنصف قيمتها له

وأنا أرى انك تشتري راحتك بالقرار الذي
ستتخذينه بدون ان تفكري بكلام الناس
الناس لن يسكتوا ايضا لو تطلقتي بعد زواجك به
او يحلوا مشاكلك
 
لاتدخلين نفسك في متاهه والي اوله شرط اخره نور قولي له حل مشاكلك مع ام عيالك بعيد عني انا مالي علاقه وخليك حازمه هوالي اختار الزواج الثاني لازم يكون قد الموقف
 
ياختي شنو اللي حادج على الشقا

نفرض وافقتي على شروطه ودخلتي في بيتها وربيتي اعيالها ونمتي بغرفتهاا وجت زوجته الاولى ولا قبل لاتجي بتشرط انها ترد للبيت اذا طردج منه <<<< اهني شنو راح يكون موقفج قدام النااس ويجوز يطلقج بعد اذا رجعت زوجته

يعني قبل لا يدخل عليج اشرطي عليه بيت لحالج اهم شي اذا ماوافق ذيك الساعه بيطلقج

انتبهي لاتطلبين الطلااق انتي ..... يجوز ينطرج تطلبين هالطلب عشان يطلب مهره .. لان معروف المرأه اذا طلبت الطلاق بيطالب هو في مهره
 
19936wo5.gif
 
الله يجزاكم خير يارب وادعوا لي تكفون لان الحين بدت المشاكل بين امي وابوي
عشان موضوعي لان امي من البدايه ماكانت راضيه وصارت الحين تلوم ابوي اما انا فامي ما تكلمني مقاطعتني تخيلو يعني حالتي النفسيه مره تعبانه الله يكون في عوني ويصلح بين امي وابوي يارب
 
عليج بالاستخاره بس صراحه انا من رااي لاتستمرين معاه لان هو اب وعنده عيال يعني مسوووليه عنده وصدقيني لازم بيكون كل مشاكل وماراح ترتاحين فالاحسن انج ترفضين والله يعوضج باحسن منه ياربببببببببب
بس اهم شي انج متاكده ان ماصار شي من بينكم
 
طبعا متاكده هو بس باسني وضمني بس اما انه جامعني فلالالالالالالالالالالالالالالالالالا
انا لسى بنت اصلا ماجلس معي الا دقايق عقب كتبنا الكتاب
 
لاتستعجلين

اختي انتي عروس كيف تروحين لزوجك بهذي الطريقة وين فرحتك وين شهر العسل اللي تحلم فيه كل بنت وين الدلع يعني بتروحين تكرفين له ولعياله من اول يوم !!!
انتبهي لاتتنازلين عن حقوقك من اولهاوصيري قوية عشان يحط لك راي في كل شي ويحترمك واذا اتصل قولي له انا ابي بيت وابي شهر عسل وابي اخذ راحتي ,,اصلا كيف تلبسين ملابسك الخاصة قدام عياله والا بتصكين عليك في غرفة زوجته,,انتبهي لاتضعفين ,,والا بتخسرين كثير..والرجال بداله رجال وانتي لسه على البر؟؟؟يعني مادخلتو,,, فاهمتني وانتي مو كبيرة سنك عادي ومناسب ..
 
كلامك صح الله يجزاك خير وانا قلتلكم خلاص بتطلق بس ادعوا لي ربي يعوضني
 
اهلين اختي انا مع كلام الاخت موزه الله يوفقها ويوفقك ويوفق اخواتي البلقيسات
 
لا تطلبي الطلاق حتى ما يكون خلع وتردين له مهره

بس خبريه بشروطك وانك تبين بيت مستقل

وهو يتصرف,,
 
الحمد لله الاستاذه موزه ردت عليك ........ انا اتفق معها بالرأي
 
الله يجزاكم خير على ردودكم بس تكفون ادعوا لي ان ربي يعوضني
انا خوفي الحين انه يطلب مني ارجع له المهر وانا بصراحه جد مقهوره يعني شوه سمعتي ويطلقني من الملكه لا وبعد بياخذ مهره والله ظلم
 
الله يكون في عونك يااختي..والله الزواج من متزوج مشكله خاصه في زمنا للأسف ماعاد فيه رجال كلمن هب ودب بيتزوج تلقينه من أضعف الرجال ومايصلح للتعدد(لانه مارح يعدل)..لا وكلللللللله كوم ونظرة الناس يعني مظلومة وينظر لك ظالمة..حسبي الله ونعم الوكيل بس..ياترى المجتمع اللي ظالمنا والا احنا اللي ظلمنا انفسنا؟
 
والله انك صادقه ينظرون لنا انا ظالمات واحنا مساكين ودنا يصير لنا بيت وزوج واطفال والله يا بنات ان اعظم حلم نفسي يتحقق لي ان الله يرزقني ذريه صالحه وهذا هو هدفي الاساسي من الزواج انا امووووووووووووووووت في الاطفال ما تتصورون لو بعقد اوصف لكم من اليوم لبكره مدى حبي لهم ما خلصت احب الاطفال بقوووووووووووووه ووالله يا بنات اني ماني حاطه في بالي اني اظلم زوجته الاوله اعرف هي ام عياله واعرف ان زواج زوجها جرح كبير لها ومقدره هالشي وربي يعلم اني كان في نيتي اني اساعده على العدل واني حتى لو شفتها مال لي اني اذكره واخوفه من ربي ربي وحده يعلم والله يعطيني على قد نيتي يارب
 
حبيبتي
لو تطلقتي لازم يكتب لم يتم الدخول بها وكذا تكونين بكر

يعني على ايش الناس بتتكلم وبعدين من ناظر للناس تعب

المهر لك نصه و الله يرزقك اللي فيه الصلاح

وبعدين حتى وان امحوه الناس انتي اللي بتعيشين مع عياله ومشاكلهم

مالك بالهم
 
حبيبتي
لو تطلقتي لازم يكتب لم يتم الدخول بها وكذا تكونين بكر

يعني على ايش الناس بتتكلم وبعدين من ناظر للناس تعب

المهر لك نصه و الله يرزقك اللي فيه الصلاح

وبعدين حتى وان امدحوه الناس انتي اللي بتعيشين مع عياله ومشاكلهم

مالك بالهم
 
لاتتنازلين عن حقك ابدا .
ولايهمك زعله ..أنتي الي المفروض تزعلين ..
قولي له ياابن الناس تبي تاخذني وتكرمني وتعطيني حقوقي كامله حياك الله ..
اما المرمطه والمذله من البدايه ماارضاها عل نفسي ..
واذا قصده عياله امهم حيه ماماتت خليه يودهم لها ..الا اذا كان بيذلها هي الثانيه بعيالها ..
وكثري من الأستخاره فربك هو الي بيسر لك الي فيه خير لك ..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل