بنات ساعدوني زوجي شمالي ولا جنوبي بلييييز

[ورقة ورد]

السلام عليكم

الله يعطيكم العافيه اللي عندها خبره تساعدني ...

وباعطيكم نبذة عن زوجي ...

اول شي هو منظم ومرتب ... واذا اشتغل ينجز الاشياءبسرعه وباتقان مايسوي الشي الا وهو متاكد ان النتيجه بتصير ممتازة .... وبنفس الوقت فيه كسل وعجاز بس اذا قام قام ... يعني اذا بغى يشتغل يبيض الوجه >>غريب صح

دايما يقولي شي موب مقتنع فيه ما اسويه و دايم يقول قنااااااااااعاتي وقناعاتي حتى لو كانت قناعاته غلط
مستحيل يغيرها ومستحيل يتنازل عنها لو عشاني ... ومستحيل يسمع رايي ويعجبه وانا جنوبيه شرقيه ...

من الناحيه الرومانسيه بمنظوره :

يقول ليش اقول كلام حلو كثير بعدين مايصير له طعم يعني مايقووول كثير يرفع ضغطي ..

اذا بكيت ما يتأثر بالعكس يزعل ويعصب علي لليش تبكين ...مايرحمممممممني اذا بكيت

اكثثثثثثثثثثر الوقت صامت ... واكثر الاوقات ماتعجبه سواليفي ..

يحب امممممممممه واخوانه لدرجة المبالغه يعني كانه يقول شوفي تراهم اهم منك !!

وفي موقف مره كنت اسولف معه هو وامه قام قطع سالفتي و قال ... فلانه لحظه شوووي >>يعني اسكتي

وقام يسولف معها يعني غير الموضوع ونا رجعت البيت قعدت ابككي ليش فشلني قدام امه ...

بالنسبه للجنس ..
انه كل شي له وقت ... >> اتمنى تفهمونها

يعني مافي بوسات ولاخرابيط الا وقت الـــــــ .......

تكفون يابنات وشلون اتعامل معه ؟رفع ضغغغغغغغغغغغغغغطي ...:dunno::busted_red:

 

[ام شوق]

زوجك شخصيه شماليه

 

[ورقة ورد]

طيب كيف اتعامل معه باختصار طفشششني ونا عنداهلي للحين منب راجعتله لين اعرف اتعامل معه

 

[دلع بلقيس]

حبيبتي شكلك انت توك متزوجه؟

بس انصحك لوجه الله والله هالاشياء ماتزعل كلللللللها واللي ذكرتيها انت راح تغيرينها بإذن الله بنفسك بس على شوي شوي.

وصحيح مهم تعرفين شخصيته لكن صدقيني مو لدرجة انك راح تعرفين كيف تتعاملين معه .

وانا بصراحه عندي خلفية عن الاتجهات الشخصية لكن انت ماوضحتي كثير وفيه صفات كذا وكذا وماقلت شي ممكن اقول انه غالب.

لكن صدقيني ايا كانت شخصيته انت مايستاهل اببببدا انك تطلعين من بيتك وانا احس انك شمالية ومانت جنوبية .
ليه مدري؟!!

بس نصيحتي لاتضيعين عمرك بجلسة كذا واذا زوجك الحين اهم شي عنده اهله ..فصدقيني انت بكرة راح تصيرين اهله وبيعزك ويغليك مثل ماهو يغلي اهله لكن انت اثبتي وجودك.


تحياتي,,

 

[ورقة ورد]

دلع بلقيس ... انا لي4 سنين متزوجة وعندي بنوته عمرها 4 شهور

وشكل عندك خبره مشالله ... انا عند اهلي قلتله ودي اغير جو عندهم ونا اصلن زعلانه وطفشانه بس ماحسسته ومنب راجعه لين اهدا شوي ... تصدقين لي10 ايام عندهم ما دقيت عليه ابد >>مستانسه ..

وكل ما كلمني اكون طالعه يعني اشغلت نفسي مره ولاتلوميني والله طفشانه

اخر مشكله صارت بيننا صرت ابكي كاني بيبي ..

الله يفرج همي بسسسسس

طي علي اي اساس حكمتي اني شماليه ..

شوفي انا صح منظمة ومرتبه وعنيده وصبورة واتمسك برايي مره وهو يقول اني قياديه

وبنفس الوقت نشيطه وسنعه بس والله رومانسيه مره وادلعه وحساسه وابكي كثير مقدر امسك دمعتي

بس مشكلتي لساني متبري مني بس اندم واتحسف بسرعه واعتذرررررررررر كثير >> شكل شخصيتي مخلططط خخخخ

هااااااااااااااااااااه وشرايك شماليه ولاجنوبيه

 

[دلع بلقيس]

هلا عيوني ..
والله جلست انتظر ردك مع ان عيوني مغبشة من كثر مافيني من نوم بس احب واتحمس على اصلاح اي شي والله يكتب اجري ويجعله خالص لوجهه سبحانه.


انت شمالية من مجرد احساس انا حسيته وخصوا ان الشمالية تطله لبيت اهلها .
ثانيا الآن انا اصبحت متأكده انك شكالية وقيك صفات بسيطة جنوبية بس انت شماااالية.
وياقلبي انا راح اكتب اللي عندي بس فيما انا اكتب ياليت تكتبين انت شي يبين هو ايش طبعه وايش المشاكل اللي تتخاصمون عشانها وانتبهي تكتبين لي بعينك مثل كل الحريم <----- شكلك بتشكين اني رجال ههههه
لا والله بس اكتبي بنظرتك لكن كوني واقعيه اكثر واعترفي قد ماتقدرين بعيوبك وعيوبه وميزاتك وميزاته وان شالله مارح انام الا وانا مريحتك.

يالله انتظرك......

 

[دلع بلقيس]

حبيبتي ورقة ورد ..
انت قبل كل شي راح اقول لك نقطة جدا مهمه وتراها من زماااااان واهالينا يقولونها لنا لكن احنا الاخوات الشماليات مسوين اللي بروسنا ومطنشييييين.
اللي هي من طلع من داره قل مقداره وفيه بعد مشابه له .. وفعلا هذا الشي من كلامي وتجربتي وكلام استاذه ناعمه وتجاربها ايضا.
تقول اخطر مرحله لما تروح الزوجه وتترك زوجها حتى لو تقول له انا راح اروح بس فترة نقاهه عند اهلي ومو عشان احنا والله متخاصمين بس عشان نجدد الاشواق.
_مثل مانت مسوية_

يعني اول شي بكرة دقي على زوجك وقولي له تعال خذني ..

وغير كذا انت بما انك شمالية وصاير بينكم مشاكل فأتوقع انه هو جنوبي لكن ممكن يكون مو رومنسي من تأثير الحياة عليه مثلك انت من تأثير الحياة عليك اصبحت رومنسية <----- من الافلام طبعا!
لكن انت تراك شمالية بعنف ... قيادية وحارة وسريعه وتسامحين على طول ومنظمة ومرتبة وسنعه هههههه اهم شي سنعه

وزوجك انا الى الآن مره اقول جنوبي ومره اقول شمالي بس انت الى الآن ماوضحتي.

انتظرررررك

 

[ورقة ورد]

ياعمري الله يجزاك خير ..

هو صامت شديد اذا جيت اطلبه اي شي مايوووووووافق لين يصير مقتنع فيه حتى لو سويت كل الاساليب اللي ماتتخيلينها

شي موب مقتنع فيه مايسويه حتى لو بكيييييت ... حتى لو عشاني مايسوييييييه الا بقناعه ...

يبني اصير على كيفه هووو ... ويبيني اتغيرررر ... ويبيني شخصيه هو راسمها في مخه ...

يشيل في قلبه يفسر الاشياء غلط ومن منظوره هو ... يقتنع بكلام الناس مايقتنع بكلامي

ونا ...عنيده ولساني طويل شوي بس اتحسف وقلبي طيب على كلامه هو .... انا اعتذر كثير بس هو مايعتذررر

يحب يعاقبني ودايم احس انه وده يعلمني درس يعني موووووووب رومانسي ابددد

انا اخاف عليه وعلى مشاعره وما احب اضيق صدره لدرجة اني اعتذر بعض الاحيان وهو الغلطان ....

كتوم لدرجة فظيعه وينقلب علي فجاه يزعل كثير ومن اسباب تافهه ...

انا ما ازعل كثير الا اذا حسيت انه تمااادى امشي كثير س اذا زعلت زعلت وبقووووة ... عنيده لساني طويل

وبنفس الوقت انددددم منب متردده لازم اشاور نشيطه سريعه ... كلامي كثير بس انا بيتوتيه وهوبعد بيتوتي

طبيعه خلافاتنا .... ببساطه مافهمني ولا فهمته ولا ياخذ برايي ولايفكر يسمعني!!!

 

[دلع بلقيس]

فكرتك رحتي تنامي..

 

[ورقة ورد]

دلع ... انا اهلي بمدينه ثانيه ونا ساكنه جنب اهله ولازم ازوراهلي واقعد عندهم وهوعنده اجازه طول الصيف

ومايبي يروح معي لاهلي وش اسوي به اترررررك اهليى عشاااااااااانه ليش مايجي معي هواللي مستغني يقول صعهى اخلي امه وبين قوسين امه عندها 5 غيره ... بالله فسري لي تصرفه ونا نويت اطول عند اهلي واسففهه بجرب الطريقه ذي لانها الشي الوحيد اللي ماسويته

 

[دلع بلقيس]

طيب حبيبتي ..
والله عجزت الى الآن اطلع هو شمالي والا جنوبي بس احسه ياخذ من الثنتين ويمكن يكون فئة دمه B
واذا تعرفين وش فئة دمه ياليت تعلميني عشان نعرف منها الاصل حق شخصيته لأن الدم مو شرط يعلمنا شخصيته الحالية بس شرط انه يعلمنا اصل شخصيته وممكن انت باسلوبك ترجعينه لأصله.

بس لاحظت من خلال كلامك انك ماتذكرين ميزات فيه.. يعني ممكن تكونين ظالمته ترى.!!

وغير كذا أحس زوجك راح ينجذب لك أكثر لو طنشتيييييييه ولاتقولين جربت وطنشته ..لأني راح اقول لك طنشيه شهرين وثلاثة واربعه وشوفي ايش راح يصير.
لأنه هو جالس الى الآن يبني شخصيتك عنده .. وممكن تتغيرين عليه .
مثل :
انك ماتسألينه عن اي شي يخصه ..
وتحسسينه باهتمامك الزايد في نفسك وتقولين قدامه انا والله هم ماعندي نفسي ومو ترى اقصد انك انت وبنتك ولا شي بالعكس ترى اهم ماعلي انتم بس انتم مااقدر اعطيكم الا لما ارضي نفسي ..
قصدقيني اي انسان اذا ماحسستيه انك عازة نفسك وجاعله لها مكانه عندك مستحيل هو راح يجعل لك مكانه عنده وراح يذلك مثل ماتذلين نفسم.
مثل لو شفتي وحده رازة عمرها وهي ولا شي صدقيني راح تحترمينها غصب لأنها هي احترمت نفسها وعزتها ورزتها ونفس الشي لما تشوفين وحده تقول والله انا صراحه مااستاهل هالمكياج اللي شريته ولا هالشنطة اللي ب3 الآف لأني واله مالبس واكشخ فإذا بغيتي تروحين تهدين لها هدية ايش راح تختارين؟؟؟؟!!!!!
راح تختارين الشي الرخيص اللي مايستاهل انك تدفعين فيه فلوس عشان هي ترميه ولاتستخدمه بعكس الاولى اللي تروحين تدورين لها في احسن الماركات لأنها تستاهل.

كذلك ازواجنا والله ياقلبي ينظرون لنا ويبنون شخصيانتا ومكانتنا عندهم من تصرفاتنا احنا مع انفسنا.. فلا تقولين الازواج غير والناس غير
الا في هالنقطة مو غير الا بالعكس مثل بعض.
ــــــــــ
وغير هذا خلي اهتمامك اهله وبس وياويلك وياسواد ليلك لو فتحتي فمه وقلتي له عن موقف ازعجك من اهله ..وقتها روحي اشكل لأبو الجيران ولاتشكين لزوجك تراه اكبر غلط.
واغدقي عليهم بالهدايا وحسسيه انهم شي عندك وجاملي قد ماتقدرين .
ــــــــــــــــــــــــــ

بعدين اجعلي لك صديقات تروحين لهم كل فترة (كل شهرين او 3 بالكثير )

ـــــــــــــــــــــــــ
واهم شي انا احس زوجك متضايق جدا جدا جدا من اسلوبك القيادي والعنيف معه
انصحك بالسكوت والصمت الدائم والله ياقلبي لو تجلسين خمس دقايق راح يروح كل اللي بخاطرك واذا كان شي قوي او فيه اهانه صدقيني سكوتك وانسحابك بلا نقاش وبمجرد نظرة تحرقة والا كسرة عين .. وقتها راح يحس ان الحقران والاهانه اللي صارت رجعت له هو.
وانصحك بحركة حلوة واتوقع تقولين وش هالحركة بايخة مثل ماقلت انا قبلك..
اذا مانت السالفة قوية مرة ولازم تتكلمين وضايقة او حاسة بحنان زوجك وهو ماهو لمك..... انصحك تاخذين ورقة وقلم على انك بتكتبين له اللي بخاطرك.
وبعد يومين افتحي الورقة وصدقيني من نفسك راح تشقينها.
واذا ماشقيتيها فأنت مازال القهر في خاطرك وانصك ماتفتحينها الا بعد اسبوع <----- بس شكلك ماتسوينها لأنك تسامحين بسرعه وترى هذي ميزة فيك عظيمة لازم تستغلينها .



ويالله علميني وش رايك وهل انت متحمسة تغيرين زوجك من تغيرك انت اولا؟
تراها قناعه وهالكلام والله ما اقوله بس من تجربة شخصية او سوالف وبس .. ترى ثلالث ارباع الكلام من استاذه ناعمة



تحاتي,,

 

[دلع بلقيس]

لا تعرفين وش وقتها ممكن تسوين ..
على كلام استاذه ناعمة تقول اذا انت حالتك مثل كذا او عندكم زواج ولازم تنامين عند اهلك فروحي نامي لكن اغرقيه بالطلات والاتصالات والرسايل.
عشان تقول هالوقت هو مثل مانت ارتحت هو ارتاح وعرف الفرق وغير انه فيه مجال كبير للخيانات.. الله لايجيبها لك.

وبعدين اذا كانت امه تغار تراني ما الومها والله وحطي نفسك مكانها واكسبي ودها وصدقيني راح تحترم تعاملك.
وانت مادمتي عارفة ان امه هي حياته كلها وزعله ورضاه فما عليك الا انك تدخلين عليه من هالمجال وتكسبينه.....

والله انت حياتك واضحة جدا وسهلة والحمدلله لكن احسك انت مشغلك نفسك به اكثر من اللازم .. صدقيني لاتخلينه هو شغلك الشاغل وتراك ماخلقتي عشان زوج .. انت مخلوقة عشان ارضاء نفسك وعبادة ربك وصدقيني انا من ناحية القرب لله عندي حديث ثقيل عنها ومااحس انه مفروض يفتح الحين لكن بس بقول لك ان ربي يشتاق لحاجة عبده له فيوقظه بنزع شي يحبه منه لكي يلجأ ابن آدم اليه ولا منجأ ولا ملجأمن الله الا اليه.



سوري عالاغلاط الكثيرة بس انت عارفه عيوني مخيطة فاعذريني..

 

[ورقة ورد]

يووووووووه يادلع ... نفس كلام امي تقول زوجك طفش من سيطرتك وقيادتك ...

والتطنيش هو الشي الوحيد اللي ماجربته وقاعده اجربه اللحين وبشوووف النتايج ...

والله كلامك صحححح ميه بالميه الله يعطيك العافيه ..


وهو فصيله دمه A ... ونا ما اقول مافيه ميزات الا فيه بس انا اللحين زعلانه هههههههههههه فماقلت الا الشين

الله يوفقك ويسخر لك

 

[ورقة ورد]

ماقصرتي والله وكلامك عجبني..وهو اللي ناويه اسويه .....

ومعليش سهرتك معي >> مسويه ذوووق خخ

 

[دلع بلقيس]

هههههههههه

أحلى شي واضحك شي

(ما اقول مافيه ميزات الا فيه بس انا اللحين زعلانه هههههههههههه فماقلت الا الشين )


بس الله يسخره لك ويسخرك له ياااارب
واسمعي كلامي وكلام امك وطنشيه بس لاتطنشيه بطريقة غلط بحيث انك ماتكلمينه ولاتهتمين فيه الا دلعيه واذا مادلعتيه هو من بتدلعين!!!
(((وترى التطنيش الغلط انا اعتبره قبر للمرأة وهي تحفره بنفسها)))

أما اذا ثقلتي عنده ولا اي شي يهزك ولا كل شي يهمك صدقيني وقتها راح تجيرنه جر لك وينجذب لك وهو مايدري.

هذي مواضيع تعجبني دائما انصح بقرائتها تفضل:
http://www.niswh.com/vb/showthread.php?t=17241

وهذا الثاني:
http://72.36.140.171/vb/showthread.php?t=21949

ولاتنسين الدعوات الحلوة منك تراني حياتي مثل اي حياة تشوبها المنغزات فلاتنسين الدعاء لي في ظهر الغيب فالملائكة تقول ولك بالمثل.
واهم شي بعد ادعي لي بثنين مثل اللي بالصورة تحت هههههه


سلااااااام وتصبحين على خير

 

[ورقة ورد]

لببببببببا قلبك ...
الله يرزقك من واسع فضله ويسخر لك ...



وتصبحين على خير

 

[دمعةوفرح]

روعة يادلع والله اقراء ردودكم وناسه كاني جالسه معكم بس كلامك صحيح ميه بلميه
الله يسعدك

 

[دلع بلقيس]

هلا عزيزتي ..
انا رحت تبحث لك زيادة ولقيت الموضوع المثبت فيه كثييير مواضيع لكن قلت اطلع منها واحد تسوين اخبار لزوجك عليه اذا هو شمالي او لا وهذا الموضوع:
http://www.niswh.com/vb/showthread.php?t=8286&highlight=%C7%E1%CA%DA%C7%E3+%E1+%E3%DA+%C7%E1%D4%E3%C7%E1%ED