بنات رفع ظغطي

[أستغفررالله]

السلام عليكم ورحمة الله وبركاته


بنات أنا متفقه من أمس بروح أنا وزوجي للمول بشري ثياب العيد لبنتي ونا المهم قال بكرى

الي هو اليوم الجمعه المهم إتصل علي الظهر وقال تراي باخذ أمي وخواتي معنا


قلت طيب خلاص المهم حنا كنا ناوين الساعه 10 ناوين نمشي المهم دقيت عليه الساعه

10 وقال أنا بلمول أنا وهلي ونامتولمه وكل شئ المهم جلست أبكي لين تفجر راسي

المهم يوم جاء حطيت القهوه وسكت ماقلت ولا كلمه المهم قال وش فيك ماده بوزك شبرين

سكت ماقلت شئ المهم جلس ساكت تقهوى وقال قومي الغرفه وراح المهم أنا جلست


بصاله أنا وبنتي المهم جلس بالغرفه وطلع يهاوش من قوت الهواش صاحت البنت


المهم طلع ولا إتصل ولا قال شئ أرسلة رساله قلت تبي سحور

قام رد قال الي مافيها خير لزوجها مافيها خير لناس وسحور مابي وتراني ماني نايم بالبيت


بنات أنا أدري غلطت يوم مارحت الغرفه بس هو ليش يواعدني ثم يواعد أهله ويروح لوحدهم

يعني شئ يقهررر :8:

الحين وش أسوي الله يخليكم

 

[كلي حنو]

طيب هو قال يبيك بالغرفه ..

كان رحتي وشفتي وش يبي .. وكان قلتي له

لييه سويت كذا يعني اجهز وكل شي بالاخيير ..

ادق علي وتقولي انك رحت مع اهلك وانا جاهزه كان قلت من اول انك مارااح تفضى ..

او حاجه مو انك تواعد ولا تجي بموعدك ..

وانتي غلطتي يووم مارحت له الغرفه كان رحتي له عاتي مافيها شيء

حتى لو انتي زعلانه روحي شوفي وش يبي .. لا تطنشيه يالغلااا .. صحيح شيء يقهر ..

بس عاتي يالغلاا ما اشووف فيها حاجه لو رحتي له الغرفه وشفتي شنو يبي ..

يمكن كان يبي يراضيك يبي حاجه منك عشان اللي سوواه فييك ترى كل شيء جايز ..

والله يهنيك مع زوجك يالغلاا .. ويبعد عنكم المشاكل ياارب ..

 

[عاليه الصيت]

يوه الله يعينك لو أنا مت قهر لا ياعمري لاتسكتين زعلي بس عاتبيه وفهميه انك ماتوقعتيها منه
والله يصلحه ويهديه

 

[احساااااس]

هــــــــدي حبيبتي .. انتي ما اخطيتي فخليـه يرضى من كيفه ...

 

[ذكيه]

انا لو مكانج والله بسوي نفسج وأكثر وانا بعد يمكن ما اطرش له مسج لسحور بس انتي ما شاء الله عليج فاهمه
بس لو رحتي الغرفة شفتيه شوه يبي كان احسن بس انا اعرف انتي من الضيق ما رحتي
الله يعينج

 

[بلسم مجروح]

معك حق شي يقهرررررر ويرفع الضغط

بس غلطتي يوم انك مارحتي الغرفه معاه

كان شوفتي ايش يبغى امكن كان بيراضيك بس باسلوبه

وكان عاتبتيه وقتها ووريتيه انه اللي سواه غلط بحقك يوم طنشك ..

وكان انتهى كل شي وتصالحتوا ارسليله رساله تبرد قلبه

شكله معصب منك ...

والله يسخركم لبعض

 

[سوووكرة]

فيه مثل مصري يقول ضربني وبكى وسبقني واشتكى

حبيبتي انتي لااغلطي ولاشي حتى يوم مارحتي الغرفه موب غلطانه

هو عااااااارف نفسه غلطان ولايبيث يراضيك قال اسوي فيها رجال واهاوش وارفع صوتي يقالي زعلاان

ولا اللي كان بيقوله بالغرفه ماينقال بالصاله

طنشيه ومثل مازعل من نفسه يرضى من نفسه

 

[أستغفررالله]

يابنات وشلون ياراضيني بصاله

أنتو تدرون وش يبي بس أنا نويت أحرمه عشان يحترمني

 

[غربة احساس]

لاوالله شي يقهر ولادق ولا اعتذر لكن انصحك طنشي اذا هو زعل علشان مارحتي الغرفه فهو الي بدا وانتي من حقك تزعلين لكن بعض الرجال يحب يبدا هو بالزعل علشان مايعتذر
وربي نصيحه ماله حل الا طنشيييييييييييييي
اسحبي واكثري من الاستغفار الله يسخرة لك

 

[فديت الغالي$]

اختي تحرمينه وتعاقبينه ,,,,وانت اللي بيعاقبك رب العالمين لأنه ماجوز شرعاً ترفضي زوجك لمن يطلبك
وانت من البدايه كان الحق معك لكن انت ,,خليتيه عليك
صحيح اللي سواه شي يقهر
لكن لو رحتي لمن قال روحي معاي الغرفه كان اخذتِ حقك كامل بعقل وحكمه
لأنو زوجك شكله كان عارف غلطه
وبعض الرجال وانا اختك ترا هذي طريقته للاعتذار
لكن الله يهدي النفوس ويصلح بينكم

 

[فوووشي]

اناوموراعية الموضوع انبطت جبدي:30:
بسراحه قهر خليه يولي يواعدج ويهدج ليش
هذاوانتي ماعارضتي روحت اهله وياج ويسوي جذي
خليه يرضى من كيفه غناتي:30:

 

[أستغفررالله]

بنات حتى لورحت الغرفه أنا مالي نفس وربي بكيت نص ساعه

يعني ماني طايقه شئ وتبوني أروح ماعرف

 

[برائة]

شوفي حبيبتي ايه هو غلطااان وحس بغلطه قال تعالي الغرفة
كان تاخرتي حبتين ورحتي بعدين عاتبيه بس مو بصراخ وزعيييق

حسسيه ببرائة الانثى الي كانت تستنى ومحد جاها خليه يحس بالذنب الحين ما استفدتي شي طلعج انتي الغلطانه
ههههه والله هالرجال اذكيااء دووم يقلبون الطاولة علينا بعدين يوم قالك اشفيك ليشما فهمتيه على بالك يوم بتبوزين رح يفهم

ودام هو غلطان ويصارخ وطلع برا ليش تقولين تبا سحووور ؟؟؟؟ يعني كأن ما صار شي
شوفي انتي خليكي زعلانه حبتين بس اذا جا وبين انه غلطان علطوول ارضي وفهميه لاكن لاتمين وراااه وتكبرين راسه وهو غلطان عامليه اوكي بس بصمت وحكمة وهدوووء الانثى

ربي يسخره لج اميييين

 

[س ر]

صراحه شي يقهر بس انصحك انك ماتكلميه ابد لما يرجع واذا جاء تفاهمي انتي وهو على كل شي وقوليله ليش انت وعدتني وهمن سحبت على وانا انتضرك بس بدلع وبدون صراخ
وطمنينا عليك الله يسر امورك

 

[هذا رأيي]

السلام عليكم ورحمة الله وبركاته

جهلك بطريقة تفكير الرجال هو الذي أوقعك بالخطأ ...

وأصبح الحق بعد ماكن معك صار عليك

ما أقول إرضي بالجماع ..بس مدة البوز والزعل تخسرك وااااااااجد

عند زوجك ....واااااااااااجد ...الله يعينك ..

بدال مايرضيك راضيه ..والله حاله !!!!!

@ مروضة الشمااالي @

​

 

[اتعبني هواك]

الله يعينك والله شي يغث انتي هدي اعصابك
وتعوذي من ابليس واذاجابكره انسي كل شي واستقبليه
ولاتعتذرين منه خلي الوضع عادي وماصار اي شي تشرهي عليه
لكن لاتتاسفين حسسيه انه غلطان وان المفروض بلغك من قبل لايروح ويخليك مع اهله وانا اختك الموضوع يقهر صح بس والله مايستاهل لدرجهه والله يعينك حبيبتي

 

[الشتاء الدافئ]

مادامها خربت السالفه وصار غلطان وزعلان
ارسلي رساله فهميه انك زعلتي من تطنيشه لك وانك كنتي تنتظرين منه تفسير للي سواه..
وانه اذا في خاطرك عليه شي ماتقدريين تتفاعلين معاه وتعطينه اللي يبي ...
اهم شي توضحين وجهة نظرك باسلوب محترم عشان مايصدق نفسه ويقلبها عليك ويتجاوز المشكله الاساسيه ....والمفروض اساسا ماميعيتي المشكله وارسلتي الرساله وسالتيه اذا بيتسحر .....
ياانك تميتي على زعلك او انك دقيتي عليه وناقشتيه في غلطته ..
وبانصحك نصيحه لاتنتظرين من الرجل اعتذار او تفسير لانهم يشوفون انفسهم اسياد علينا واذا سكتت الوحده عن حقها اعتبرها راضيه وماعليها الا العافيه ...
اذا غلط مثل هالغلطه مره ثانيه ناقشيه في وقتها وفهميه انه غلط في حقك..
وبعدين هو سألك ليش زعلانه ومارديتي عليه... مره ثانيه لاتنتظرينه يسأل عاتبيه على طول ...
اقرأي كتاب والرجال من المريخ والنساء من الزهره بيفيدك كثير..الله يسخره لك ويصلح مابينكم..

 

[اسيرة فكري]

اختى عادي لاتسوين ولاشي طنشي على خفيف وهو بيراضيك هو مو غلط لما ودا هله يمكن شبطوا فيه وهو مايبي يوديك معاهم عشان هم بيحاسبون عن نفسهم ولما يوديك انت وهم ينحرج يحاسب عنك وهم لا وبعدين لما شافك زعلانه قال يراضيك بطريقته لان الرجال ماعندهم الا ذي الطريقه عادي ولا تهتمين نامي وان جا حياه الله وان ماجا بكره يجي هو الخسران اهم شي المراه تتجنب المشادات والله يسهل امرك