بنات رجيتكم ابي حل ...

[اللوتسيه]

السلام عليكم



كيفكم حبيباتي



أنا مدري شقول بس ضاقت فيني الدنيا والله متضايقه لدرجة أني خلاص مو طايقه شيئ أشوفه أو أسمعه أنا بيني وبين بنات عمي مشكله من قبل ولما ماعرفو شيسوون صارو يسبون أبوي علشان يقهروني وأنا كل شئ ولا احد يمس ابوي بكلمه ،،
أنا ألحين ناسيه السالفه


بس امي رجعت لنفس الموضوع تقول ليه ما أسامحهم لأنهم أعتذروا لامي بس أنا مو قادره أنسى سبهم وألفاظهم أنا مابغى أعصي أمي بشئ وبنفس الوقت الغلط راكبهم من روسهم لرجولهم ولا أبي نهائي أعتذر لهم ، أمهم على عيني وراسي لكن هم لا

هالموضوع حيل مضايقني
أبغى حل أقنع أمي فيه أنها تنسى هالسالفه
الموت وربي أرحم من أني أرفع السماعه وأقولهم أعتذر ع اللي صار طيب شذنبي أنا أعتذر وأنا ماغلطت
أمي مو راضيه تخليني بحالي



يارب أموت ولايجيهم أعتذاري






آبغى حل مقنع أوصله لامي
:8:



أعدذروني داخله من جوال

قمر

 

[مسك المدينه]

نقل للقسم المناسب احضان الاستشارات البناتيه

 

[O¤°'(نـجـد)'°¤O]

حبيبتي الله يهداك شيلي الحقد من قلبك وصفي نيتك الرسول صلى الله عليه وسلم رغم كل شي جا من المشركين لكن ما كان يفكر يأذيهم او يتعرض لهم وكان متأكد انو النصر راح يجيه من الله تعالى
مو شرط تعتذري بس خلاص الرحم معلقه بالعرش تقول من قطعني قطعه الله ومن وصلني وصله الله
انسي السالفه وخلي علاقتك فيهم سطحيه عشان لا تزيد المشاكل بينك وبينهم وفكري ان الي بتعملي عشان ربي يرضى عليكي وبس مو عشان الناس وكلامهم وموفقه يا قلبي والله يهدي سركم

 

[viana]

حبيبتي توه كنا نسمع محاضرة.. فالشيخ قال.. إنه فيه حديث من النبي محمد عليه الصلاة و السلام مادري شو نصه بالضبط بسبما معناه: إنه فيه ثلاثة لا ترفع صلاتهم مقدار شبر فوق رؤوسهم و واحد منهم المشاحن يعني اللي شال فخاطره على أخيه المسلم.. أدري يا قلبوو إنها صعبه لكن وش نسوي الجنة يبيلها صبر و تنازلات و إنتي و نيتج إذا كان هالشي من خاطرج لوجه الله فربج بيسر عليج الموقف .. أما لو عشان أمج ترضى صدقيني ما بتساحينهم حتى لو رمستيهم..
أنا من رايي بما إنه رمضان عالباب و أبواب الجنة بتنفتح و تنادي علينا .. شدي حيلج .. امم لو صعب عليج تعتذري بصريح العبارة مع إني أشوفج ما غلطتي .. أقول اتصلي على بيتهم و سلمي عليهم أو طرشي مسج و خليه عن تقاء القلوب و كتبي إنج مسامحة كل اللي غلط عليج و اتطلبي السماح من اللي غلطتي عليهم
خلي المسج بشكل عام.. بعدين يا حبيبتي كيف غفلتي عن نقظة انه الأعمال ترفع في شعبان إلا المشاحن بعد .. و أعمال كل أسبوع ترفع ليلة الجمعة يوم الخميس ماعدا المشاحن.. حبيبتي إنتي اتعبي و تتوضي و اتصلي و تصومي و اتبري أمج و تقري قرآن ليش اتخلين كل هذا يضيع عشانهم.. محد يستاهل اتخسري أعمالج عشانه لأن بالنهاية محد بيفيدج غير عملج..
لو اتحبين بشوف لج مسج لو حبيتي يعني ..

و أتمنى أسمع الأخبار الحلوة منج غناتي

 

[..دنيا الوله..]

رمضان قرب .. والنفوس فيها حقد وكره .. ليه مانتسسساااامح هذي دنيااا فااانييه ييااااختي
مهما كان كبر المششكله الواحد لازم يعفو ويصافح .. في حدييث بما معناه انه اذا تخاصمتي مع احد اكثر من 3 ايام فلا يقبل لك عممممل تعرفيين كيف لايقبل منك عممممل ياالللله ششي كبير وربي
خليك متسسامحه ومهما بدر من الناس نسامحهم مايدل ع ضعف لا بالعكس يدل ع طيبه قلبك اهم شي نصفي قلوبنا مو شكله نخلي العلاقه سطحييه بس اهم شي مانشيل شي بقلوبناا.. وبعديين في اساليب للاعتذار حلوووه يعني مو كانك ضعيفه يعني اذا حاولو يقربون لك انتي خليك طبيعييه وهم بيتاسفون لك
اهم شي رضى ربي ياغااااليتي سامحيهم عشان الله وخصوصا ان مقبليين ع شهر الخيير مفروض نصفي النفوس عشان تقبل اعمالناااا .. الله يصصلحك يااختي ويردك للصوابك

 

[جـرح انثـى]

المسامح كريم....​

 

[ملكة ببلقيس]

فرصتك في مثل هذا الشهر ..
أن تسامحي من أراد أذيتك ..
وكل ابن آدم خطـّاء ..
و لا تنسي أجر العفو عند المقدرة ..
لا يلزمك أن تتصلي فيهم ’ و تسردي ألفاظ الأعذار
و تطلبي السماح بطريقى مباشرة ..
يكفيك أن تتصلي فيهم ’ و تهنئيهم بهذا الشهر
و بعدها سترجع بإذن الله المياه لمجاريها ..
تقربي إلى الله في طاعة والديك ’ و صلة أرحامك ..
أعاننا الله إلى كل خير , و بشرينا إذا تسامحتي و إياهم ..