بنات خلونا نتكلم عن الثق وقوة الشخصية

[عروق الغلا]

بنات خلونا نتكلم عن هذا الموضوع ومين كانت ضعيفة وصارت قوية وتعاملها مع زوجها اهلها عيالها عملها وغيرررررررررررررررررررررررررها لاتجاهلوني بليز

 

[سراب الحب]

هلا حبيبتي انا اول وحده ترد انا في اول حياتي كنت صغيره افتقر للثقه بالنفس وماعندي جرءه اواجه الناس حتى اني كنت بالثانويه لما اخطئ وتوقفني المعلمه ابكي على طول فشله كبيره وتصيح بس الحين الحمدلله شخصيتي قويه بادب وتحت امرتي 80 موظف غير المستخدمين والعمال وهذا كله بفضل ربي وتعلمي من المواقف اللي مرت بي واستفدت منها واتمنى من الجميع ان يستفيد من كل ما مر في حياته:icon31:

 

[تميمية(1)]

شدني الموضوع و حبيت اشارك فيه..
انا يوم اني صغيرة كنت مررررررررررررررة واثقة من نفسي و طريقتي في الكلام جريئة و و و بس من يوم بديت اراهق تغير كل شي ... صرت اهدى بكثيييييييييييير و ما احب اتكلم في المجالس الي فيها حريم ( كان فيه اسباب منها اني كنت اخاف اغلط و تأنبني امي) و بعدين اهتزت ثقتي بنفسي مع اني عندي مقومات الثقة و لله الحمد بس يمكن العمر له دور ! و في الجامعة بديت انخطب و كنت خايفة من سالفة عدم الثقة مع الزوج و اهله والمجتمع... لكن من خلال صداقاتي مع البنات كنت الاحظ بنات اقل مني مستوى لكنهم واثقين جدا فكنت اسأل نفسي انا شناقصني انا احسن منهم.. وكنت الاحظ بنات مرة حلوات و مميزات في كل شي لكن تنقصهم الثقة.. فعرفت ان السالفة كلها تعتمد على الشخص نفسه هو لازم يعزز ثقته بنفسه عشان ينعكس هالشي على علاقته مع الناس و صرت اقنع نفسي اني كاملة و مميزة ( تعزيز الايجابيات).. و الحمد لله تطورت جدا و كنت اسمع كلام من الي حولي فيه مدح و ثناء و لله الحمد فعزمت على اني لمن ادخل مرحلة الزواج ادخل بقوة و ثقة عشان ابدأ صح و الحين احمد الله و ضعي استقر بعد تطوره للافضل : )

 

[عروق الغلا]

مشكورين على ارائكم والله ويوفقكم يارب تميمية اباسالك كيف تعززين وتقنعين نفسك وش طريقتك

 

[تميمية(1)]

هلا و الله و غلا..
بصراحة صرت اقرأ كثير في علم النفس, و شريت مجموعة كتب من موسوعة عن السيكولوجيا.. من بعض المواضيع على سبيل المثال كيف تكون مؤثرا في الناس, دع القلق, كيف تنمي ثقتك بنفسك... مع ان الكتب اللي شريتهم كان اسلوبهم صعب شوي لانه مترجم بس استفدت مرة وكنت امسك قلم الرصاص و انا اقرا واحط خط تحت الجمل المهمة الي تعجبني.. وهكذا.. وشي ثاني بعد ساعدني على الثقة بنفسي هو اني كنت دبدوبة فترة المراهقة و كان كلام الي حولي مرة يزعجني: حلوة بس دبة, يالله يازينها بس شكلها اكبر من عمرها و من هالجمل الي تجيب ضيقة الخلق.. حتى اني الحين لو اشوف وحدة شكلها اكبر من عمرها عمري ما اقول لها عشان انا مريت بهالتجربة في عمر حرج و ما احب اجرح الناس, اللي فيهم مكفيهم, فلما نحفت خفت المشكلة بس ما اختفت. و من الاشياء الي فادتني التفكر في خلق الله..!!! لا تستغربين و اسمعي هالسالفة.. انا اعرف وحدة قمة في الجمال ما شا الله ورشيقة كانها عارضة ازياء و كشخة و زوجها منصبة ممتاز (الله يحفظهم) و كنت اقول في نفسي هذي عاد ما فوقها فوق و اذا شفتيها بمجلس لبقة و طريقة كلامها حلوة المهم مرة كنت اسولف عنها قدام اهل زوجها ( للامانة يحبونها و تحبهم) وعن ثقتها بنفسها .. فقالو لي من قال لك انها واثقة بالعكس دائما تبين نقاط الضعف الي فيها تحس انها متضايقة منها.. فانا قلت الحين ذي وش تبي ما شا الله ربي اعطاها من كل زين و مو واثقة اذن الثقة مو شكل و بس الثقة خلق و طبع تقدرين تنمينه ..الخلاصة ان كل انسان فيه الجانب السلبي بس اهم شي انه يتغلب عليه و ما يظهره للناس و يركز عليه عشان الناس ما تشوفه كبييييييييييييييييير.. واذا كانت السلبيات فعلا كبيرة و جوهرية يحاول يتخلص منها عشان يثق بنفسه مجددا.
ما ادري هل كلامي واضح و مفيد؟ ارجو انه كذلك.. ادعو لك بالتوفيق ياغاليتي.

 

[عروق الغلا]

فعلا روعه كلامك صحيح انا فيني علة السمنه وزني 90 وزجي انحف مني يعني اعتقد لو نحفت راح اخف كثير ولاننسى الدعاء ترى ربي ييسر الامور والله يوفقنا على طاعته