ببسي بريال ونص
New member
- إنضم
- 2010/01/05
- المشاركات
- 14
السلام عليكم ........
بنات حبيباتي اسمحولي افضفضلكم شوي لاني مالي غيركم وانا انسانه مااحب افضفض لاي لاحد يعرفني وغير كذا تكفون لاتقولوا لي ان المشكله تافهه يعني افهموني
انا متزوجه من اربع سنين تقريبا حياتنا هاديه وبسيطه وزوجي وبنوتتي مره مبسوطين بحياتنا لكن المشكله عندي انا مو مبسوطه بحياتي ابدا يعني كل حياتي لزوجي وبنتي وانا مالي شي من حياتي
انا قبل اتزوج لما اتضايق من احد والا انجرح اقول اهلي بجلس عندهم مؤقت وبروح ان شاء الله طول العمر مع زوج يجيني ويدلعني لكن كل احلامي تبخرت وعشت حياة اتعس من حياة اهلي
بعطيكم نبذه عن حياتي قبل اقولكم سؤالي
انا ساكنه بمدينه بعيده عن اهلي يعني ماعندي احد بمدينتي الا اهله واهله حبوبين لكن مشكلتهم لازم افكر بالكلام مية مره قبل اقوله يعني برسميه وغير كذا متدينين لحد التقشف يعني مثلا لو بلبس تنوره وطالع منها شوي شوي من ساقي وانا عند حريم بس كان صرت مااستحي وقليلة ادب وغير كذا عندهم ممنوع الوحده تطلع تاخذ دورات والا نادي والا تشتغل لا لازم المرأه تجلس فبيتها وماتطلع
وبعد تخيلوا زوجي مانعني اشوف صديقاتي الا قبل سنه اقنعته ان صديقتي تجي عندي وقال خلاص ميخالف تجي والاتطلعون لملاهي محترمه فقط
لا وقبل فتره بسيطه بس اقنعته بالموت اني البس بنطلون اذا جينا نطلع انا وياه مع بعض لسوق يعني مو لناس لا معه وبعد نقاش طوييييييييييل وافق الحمد لله
تخيلوا انا مااطلع ولا اشوفه يعني يطلع من الصبح لحد اخر الليل ولا يرجع الا اذا جاع وياكل بسرعه ويطلع وقهوة المغرب مافيها نقاش لازم لازم يتقهوى عند اهله عكس اخوانه
واي شي يخص اهله والا مايخصهم لازم ياخذ راي اهله حتى لو كان الشي هذا خاص فيني وبعد لازم كل خميس اروح لاهله انا احبهم بس مرات يكون مالي خلق اطلع ولو ماطلعتلهم والا اعتذرت كان يقلب الدنيا فوق راسي ويبدأ يتهمني اني اكرهم واني اغار منهم واحمدي ربك اني تزوجتك ويبدأ يتطنز على اهلي وعلى تربيتي واحمدي ربك اني شلتك من هذاك المكان مع العلم ان اهلي يحبونه اكثر مني ويقدرونه وحياة اهلي مثل حياة اهله لا بالماده ولا غيرها
واذا قرر يوم غير يوم الخميس ياخذني لاهله ولاقدرت رجع لنفس الموال والهواش
انا انسانه مسالمه ومو من طبعي ارد عليه والا ازعله والا ارفض له طلب
المشكله هو يشوف ان المرأه هذا شي قذر وصخ لازم الرجال يبيدونها من المجتمع طبعا غير امه وخواته وان المرأه ماراح تدخل الجنه الا اذا الرجال رضى عنها يعني بالعربي الرجال مهما سوى تغفرله كلمة رجال والمرأه ماتسوي شي حتى لو حلال بسبب انها تحمل اسم انثى يعني تخيلوا مااشوفه واذا ترجيته انه يجي يجلس معانا ساعه والا نص ساعه يقوم يتريق على شكلي مع اني احلى منه بمليوووووووووون مره ويتريق على كلامي وعلى اني جاهله وانه هو واهله مثقفين وان لبسي يع وان اصابعي اصابع قرد وتخيلوا كل هذي الاشياء يقولها عكس يعني هو يدري اني احسن منه بكل هذي الاشياء بس يقولها من القهر عاد انا اطناش ولا كان احد عندي يتكلم والا اقوله شكرا
تخيلوا حتى المشغل الحين قاعد يقنع فيني اني مااطلع له وانه يتفق مع حرمه تجي تقص شعري بالبيت[ ونسيت اقولكم والصبغه ممنوع ]لكن قلتله لا والف لا عاد الا هذي
هو يبغاني اوافق عشان يقفل علي بالبيت وياكل المفتاح من كثر حرصه اني مااطلع
ولا يتضايق لما انطق اسم واحد من اخوانه لازم اقول اخوك
وبعد تخيلوا تدرون انه مايدري اني اكتب بالمنتدى والا كان يذبحني وياخذ الاب توب يقول اذا دخلتي اي منتدى بس شوفي بس لاتشاركين
وانا من يوم تزوجنا وانا عمري ماقلتله على اي شي لا لاني عندي قانون انه كبير وفاهم هو ايش قاعد يسوي مو انا اللي احاسبه والا امنعه لكن هو عكسي يحب يتدخل بكل شي
يعني تخيلوا لي اربع سنين وانا ودي اطلع اشوف العالم المدينه اللي انا ساكنه فيها واللي من زمان وانا اتمنى اسكن فيها لكن لحد الحين ماشفت شي
تدرون انا كنت دايما ارفض الخطاب على اساس ابغى واحد متفتح شوي او على الاقل متفهم لكن تزوجت واحد العكس وليته على كذا دين الدين بجهه وهو بجهه
اتذكر اول ماتملكنا هو من مدينه ثانيه فانا ماادري عنه بشي ولا اعرفه زين فأتذكر اني سالته سؤال واحد سالته عن اللبس هل هو يتدخل فيه والا لا ؟
فقالي لا انا احب البنت الفله تلبس وتطلع مع صاحباتها وروحه وجيه واحب تلبس عند الناس تنانير قصيره تحت الركبه وبناطيل
عاد انا هنا ارتحت قلت حلو هذا اهم شي عندي لاني احب اللبس مره
لكن اول يوم زاج تغير كل الكلام وصار كذاب
تدرون ايش الغريب فيه ؟
الغريب انه يبغى كل شي انفذه له حتى لو كان هذا القرار يخصني عنده عيب اني ارجع واسال نفسي او ارفض خلاص لازم لما يامر اقول سم بغض النظر عن الطلب وحتى ابسط الاشياء مايقول امشيها عشان زوجتي لا يداري مشاعره ورغباته بابسط شي وانا عكسه من الناس اللي عادي اضحي بكل شي عشانه وعشان البنت
على العموم كل اهله كذا طبعهم مايتركون شي بخواطرهم
بقولكم الحين ايش السؤال اللي ابغاكم تساعدوني فيه بعد ماعطيتكم نبذه عن حياتي
انا قبل فتره قبل فتره طلبت منه البس عباية كتف اسلاميه اللي كلكم تعرفونها والمشكله ان الرجال انهار مو بس رفض قلت خلاص تامر
عاد طلبت البس نقاب اسلامي مايطلع منه الا العدسه لاني والله ودي اشوف مثل الناس وتخيلوا ايش سواء الرجال قفل علي بالبيت عقابا لي وزعل وقال وشلون تجرأتي وطلبتي كذا حاولت اقنعه بشتى الطرق اني ودي اشوف مادام الناس مايشوفوني مارد علي انا اول مره اصر على كلامي وقلتله والله لو اجلس طول العمر بالبيت ماراح البس نقاب وفوقه هذاك الغطاء لانه يلبسني نقاب وفوقه جدار مو غطاء من سمكه وانا مااشوف كويس وانا قررت وقلتله بروح مع اخوي اذا جاء بعد يومين لاهلي لاني بموت لو بجلس عندك وانا محتاره انا احبه وهو عسل بس مليت تدخله فيني
هل اتركه واعيش حياتي والا اصبر واكنسل سعادتي من الوجود
بنات انا انتظرت فتره طويله انتظر واحد متفهم ويقدر الزوجه وانا انسانه احب اطلع وادخل والبس واعيش حياتي
عمري هذا ماراح يرجع مره ثانيه وانا ودي انبسط بعمري قبل اكبر واقول ليتني انبسطت وتهنيت يوم انا شابه
والحين ايش تعليقكم؟
بنات حبيباتي اسمحولي افضفضلكم شوي لاني مالي غيركم وانا انسانه مااحب افضفض لاي لاحد يعرفني وغير كذا تكفون لاتقولوا لي ان المشكله تافهه يعني افهموني
انا متزوجه من اربع سنين تقريبا حياتنا هاديه وبسيطه وزوجي وبنوتتي مره مبسوطين بحياتنا لكن المشكله عندي انا مو مبسوطه بحياتي ابدا يعني كل حياتي لزوجي وبنتي وانا مالي شي من حياتي
انا قبل اتزوج لما اتضايق من احد والا انجرح اقول اهلي بجلس عندهم مؤقت وبروح ان شاء الله طول العمر مع زوج يجيني ويدلعني لكن كل احلامي تبخرت وعشت حياة اتعس من حياة اهلي
بعطيكم نبذه عن حياتي قبل اقولكم سؤالي
انا ساكنه بمدينه بعيده عن اهلي يعني ماعندي احد بمدينتي الا اهله واهله حبوبين لكن مشكلتهم لازم افكر بالكلام مية مره قبل اقوله يعني برسميه وغير كذا متدينين لحد التقشف يعني مثلا لو بلبس تنوره وطالع منها شوي شوي من ساقي وانا عند حريم بس كان صرت مااستحي وقليلة ادب وغير كذا عندهم ممنوع الوحده تطلع تاخذ دورات والا نادي والا تشتغل لا لازم المرأه تجلس فبيتها وماتطلع
وبعد تخيلوا زوجي مانعني اشوف صديقاتي الا قبل سنه اقنعته ان صديقتي تجي عندي وقال خلاص ميخالف تجي والاتطلعون لملاهي محترمه فقط
لا وقبل فتره بسيطه بس اقنعته بالموت اني البس بنطلون اذا جينا نطلع انا وياه مع بعض لسوق يعني مو لناس لا معه وبعد نقاش طوييييييييييل وافق الحمد لله
تخيلوا انا مااطلع ولا اشوفه يعني يطلع من الصبح لحد اخر الليل ولا يرجع الا اذا جاع وياكل بسرعه ويطلع وقهوة المغرب مافيها نقاش لازم لازم يتقهوى عند اهله عكس اخوانه
واي شي يخص اهله والا مايخصهم لازم ياخذ راي اهله حتى لو كان الشي هذا خاص فيني وبعد لازم كل خميس اروح لاهله انا احبهم بس مرات يكون مالي خلق اطلع ولو ماطلعتلهم والا اعتذرت كان يقلب الدنيا فوق راسي ويبدأ يتهمني اني اكرهم واني اغار منهم واحمدي ربك اني تزوجتك ويبدأ يتطنز على اهلي وعلى تربيتي واحمدي ربك اني شلتك من هذاك المكان مع العلم ان اهلي يحبونه اكثر مني ويقدرونه وحياة اهلي مثل حياة اهله لا بالماده ولا غيرها
واذا قرر يوم غير يوم الخميس ياخذني لاهله ولاقدرت رجع لنفس الموال والهواش
انا انسانه مسالمه ومو من طبعي ارد عليه والا ازعله والا ارفض له طلب
المشكله هو يشوف ان المرأه هذا شي قذر وصخ لازم الرجال يبيدونها من المجتمع طبعا غير امه وخواته وان المرأه ماراح تدخل الجنه الا اذا الرجال رضى عنها يعني بالعربي الرجال مهما سوى تغفرله كلمة رجال والمرأه ماتسوي شي حتى لو حلال بسبب انها تحمل اسم انثى يعني تخيلوا مااشوفه واذا ترجيته انه يجي يجلس معانا ساعه والا نص ساعه يقوم يتريق على شكلي مع اني احلى منه بمليوووووووووون مره ويتريق على كلامي وعلى اني جاهله وانه هو واهله مثقفين وان لبسي يع وان اصابعي اصابع قرد وتخيلوا كل هذي الاشياء يقولها عكس يعني هو يدري اني احسن منه بكل هذي الاشياء بس يقولها من القهر عاد انا اطناش ولا كان احد عندي يتكلم والا اقوله شكرا
تخيلوا حتى المشغل الحين قاعد يقنع فيني اني مااطلع له وانه يتفق مع حرمه تجي تقص شعري بالبيت[ ونسيت اقولكم والصبغه ممنوع ]لكن قلتله لا والف لا عاد الا هذي
هو يبغاني اوافق عشان يقفل علي بالبيت وياكل المفتاح من كثر حرصه اني مااطلع
ولا يتضايق لما انطق اسم واحد من اخوانه لازم اقول اخوك
وبعد تخيلوا تدرون انه مايدري اني اكتب بالمنتدى والا كان يذبحني وياخذ الاب توب يقول اذا دخلتي اي منتدى بس شوفي بس لاتشاركين
وانا من يوم تزوجنا وانا عمري ماقلتله على اي شي لا لاني عندي قانون انه كبير وفاهم هو ايش قاعد يسوي مو انا اللي احاسبه والا امنعه لكن هو عكسي يحب يتدخل بكل شي
يعني تخيلوا لي اربع سنين وانا ودي اطلع اشوف العالم المدينه اللي انا ساكنه فيها واللي من زمان وانا اتمنى اسكن فيها لكن لحد الحين ماشفت شي
تدرون انا كنت دايما ارفض الخطاب على اساس ابغى واحد متفتح شوي او على الاقل متفهم لكن تزوجت واحد العكس وليته على كذا دين الدين بجهه وهو بجهه
اتذكر اول ماتملكنا هو من مدينه ثانيه فانا ماادري عنه بشي ولا اعرفه زين فأتذكر اني سالته سؤال واحد سالته عن اللبس هل هو يتدخل فيه والا لا ؟
فقالي لا انا احب البنت الفله تلبس وتطلع مع صاحباتها وروحه وجيه واحب تلبس عند الناس تنانير قصيره تحت الركبه وبناطيل
عاد انا هنا ارتحت قلت حلو هذا اهم شي عندي لاني احب اللبس مره
لكن اول يوم زاج تغير كل الكلام وصار كذاب
تدرون ايش الغريب فيه ؟
الغريب انه يبغى كل شي انفذه له حتى لو كان هذا القرار يخصني عنده عيب اني ارجع واسال نفسي او ارفض خلاص لازم لما يامر اقول سم بغض النظر عن الطلب وحتى ابسط الاشياء مايقول امشيها عشان زوجتي لا يداري مشاعره ورغباته بابسط شي وانا عكسه من الناس اللي عادي اضحي بكل شي عشانه وعشان البنت
على العموم كل اهله كذا طبعهم مايتركون شي بخواطرهم
بقولكم الحين ايش السؤال اللي ابغاكم تساعدوني فيه بعد ماعطيتكم نبذه عن حياتي
انا قبل فتره قبل فتره طلبت منه البس عباية كتف اسلاميه اللي كلكم تعرفونها والمشكله ان الرجال انهار مو بس رفض قلت خلاص تامر
عاد طلبت البس نقاب اسلامي مايطلع منه الا العدسه لاني والله ودي اشوف مثل الناس وتخيلوا ايش سواء الرجال قفل علي بالبيت عقابا لي وزعل وقال وشلون تجرأتي وطلبتي كذا حاولت اقنعه بشتى الطرق اني ودي اشوف مادام الناس مايشوفوني مارد علي انا اول مره اصر على كلامي وقلتله والله لو اجلس طول العمر بالبيت ماراح البس نقاب وفوقه هذاك الغطاء لانه يلبسني نقاب وفوقه جدار مو غطاء من سمكه وانا مااشوف كويس وانا قررت وقلتله بروح مع اخوي اذا جاء بعد يومين لاهلي لاني بموت لو بجلس عندك وانا محتاره انا احبه وهو عسل بس مليت تدخله فيني
هل اتركه واعيش حياتي والا اصبر واكنسل سعادتي من الوجود
بنات انا انتظرت فتره طويله انتظر واحد متفهم ويقدر الزوجه وانا انسانه احب اطلع وادخل والبس واعيش حياتي
عمري هذا ماراح يرجع مره ثانيه وانا ودي انبسط بعمري قبل اكبر واقول ليتني انبسطت وتهنيت يوم انا شابه
والحين ايش تعليقكم؟
