بنات انقذوني من الالم اللي يسكن قلبي

[!##]

بسم الله الرحمن الرحيم

اخواتي العزيزات ابي نصيحتكم ارجوكم انا بأمس الحاجه اليكم ..

السالفه وما فيها ..

كذا مره الاحظ اخوي يتمسخر على عايله زوجي وانا اكتم بقلبي .. ابوي الله يهديه ويصلحه مايحترم زوجي واحسه مايبيه .. ولاعمره اعزمه من زواجي واهلي عموما مايقدرون زوجي وانا متضايقه من هالشي وصاير بخاطري .. وزوجي من عايله كبيره جدا ومحترمه وناس تخاف الله وصلاته مره زينه واخلاقه تمام ويحب اهلي ووده يسعدهم ويونسهم بس هالشي مايبين بعيونهم .. ابوي دايما يتطنز بالعايله نفسها .. يعني لهم معايره معينه وابوي الله يهديه ماسكها بس سخريه هو مايقول قدامي لكن خواتي يوصلون لي ..

ويوم انفست عند اهلي ابوي بدأ يلمح لزوجي انه مايدخل كثير لبيت اهلي ومن هالشي ..
واخوي اكتسب هالشي من ابوي اخوي عمره 22 سنه ..

المهم بدأت السالفه انه اخوي ...قالي بوجهي .. انا لو اموت موت اتزوج وحده من عايله زوجك .. من العايله نفسها مو يقصد اهل زوجي ... وقارن بين العوائل يعني اتزوج من العائله الفلانه ولااتزوج من عايله زوجك .. وبدأ يتمسخر ويقول هم كذا وهم ناس كذ وكذا وكذا وكلللللللللللللللللللللللللللله مب صحيح

انا جدا عصبت لانه المقارنه مره زعلتني فاهمين علي يابنات ... ناس مب كفؤ يقارنهم بناس كفؤ

المهم انا انهبلت وطلع جنوني لانها مب اول مره يتمسخر على عايله زوجي طفح الكيل قمت تهاوشت انا وياه مرررررررره شدينا بالكلام ..

انا ماهمني اخوي .. اللي هامني امي ... كانت سلبيه جداااااااااااااااااااااااااااااااااااااااا
انا جلست اصيح مرررره انقهرت من امي ولادافعت عني .. ولاحاولت تعلم وتفهم اخوي ان هالشي يضايق

هو لو زوجي مب زين مع اهلي اوكي اقدر افهم الوضع لكن زوجي كويسسسسسس مره معهم

ودايما يعزمهم ويقدرهم ..

بنات فاهمين علي انا متضايقه من امي حيييييييييييييل حيييييل راحت مع اخوي وتدافع عنه .. ولا بردت خاطري بشي .... المهم طلعت من اهلي ابكي . حتى خواتي بعد سلبيات .. واخر شي تقولي امي واللي ضايقني مووووت مووت .. محد نافعك الا اخوك .. زوجك ماراح ينفعك ....
ويابنات انا اخواني معي مب زينين ابدا يعني كييييييييييييف بينفعوني ...

انا همني شي واحد لانه عيالي بكرا بيتمسخر عليهم وتكون على لسان الاطفال والعايله


طلعت من اهلي .. المهم انا كنت بنفجر احس اني بموت خبرت زوجي بس بمفهوم اخر ..
قلت اخوي قال وقال بس مو بنفس القصه اللي ذكرتها .. المهم زوجي رده فعله ماهمه لانه قال اخوك توه مانضج وصغير صح اخذ بخاطره بس قالي من يوم اخذك وانا احس باخوك مايحبني

بنات لاتقولون ليش تقولين لزوجك .. انا معذووووووره مكتومه بغيت اموت من القهر ... من الالم والبكى ...

امي واخوني وخواتي ضدي ... مالي احد غير زوجي

ومن بعد القصه بيومين كلمت امي وقلت لها سامحني اذا غلطت بحقك انتي بس وسكرت الخط ..
الحين انا لي اسبوع مقاطعتهم ..

بنات الله يعافيكم لو وحده بموقفي ايش تسوي ارجوكم انقذوني من الالم اللي اعيشه ..

 

[لمعةالماسه]

(وَإِذَا خَاطَبَهُمُ الْجَاهِلُونَ قَالُوا سَلاماً).

عن عقبة بن عامر الجهني رضي الله عنه قال: لقيتُ رسول الله صلى الله عليه وسلم

فأخذت بيده فقلت: يا رسول الله، أخبرني بفواضل الأعمال؛ فقال: "يا عقبة، صِلْ من

قطعك، وأعطِ من حرمك، وأعرض عمن ظلمك

إن الدفع بالتي هي أحسن هو الدواء المرمم لما يبلى أو ينهدم من الروابط الاجتماعية ،

والمصلح لما يفسد منها ، والمجدد لما ينطمس منها، وبه تحيا معاني الخير في النفوس ،

ويتبارى الناس في الإحسان ، وتغلق أبواب الشر على الشيطان، ولا يتاح للإساءة أن تتفاقم بل يغمرها الإحسان ويقضي على دوافعها ورواسبها.​

غاليتي...:32:
اجعلي تحكيم عقلك ونفسك بالتذكر في تصرف الرسول الكريم..
ومهما حدث من اهلك لا تكبري حجمه-وبالذات مايصدر من امك تجااهك ..
فالام مهماا قالت:ليس من قلبهااا:20:

جعلني الله واياكم ممن نقول ونعمل .. وان يرزقنا حسن الخلق .. والعفو عن الناس​

​

​

​

 

[رندا كووول]

حبيبتي انتي اللحين متزوجه اهم شئ رضى زوجك ,وغلطك بلغتي زوجك بكلام اخوك ,,ومشاءالله عليه زوجك متفهم ,,وابوك هو اللي زووجك من هاي العائله ..وانتي واثقه ان كلامهم مو صحيح ,,والوالده شايفه انه كلام عادي مايستاهل الزعل..انتي كبرتي المشكله واعتقد عاديه..والاهم زوجك مايزعل ولاتوصلي الكلام عشان مايكرههم وياخذ موقف,,موفقه ان شاءالله

 

[!##]

اختي لمعة الماسه صح كلامك وجزاك الله خير التجاهل زين بس طفح كيلي .. بكرا يتمسخرون على اولادي ..

اشرايك مو المفروض امي توقف معي او ع الاقل تقول كلمه الحق ..

 

[!##]

رندا كول .. اختي الحبيبه انا عرفت انه غلطت اني خبرت زوجي .. بس تعبت من الهم ..

وتقولي كبرت المشكله .. ماشوف اني كبرتها .. حطيها على نفسك اذا اهلك مايبغون زوجك ولايحبونه

وجزاك الله خير

 

[sweet_loli]

حبيبتي انتي مكبرة الموضوع حبتين و صدقيني ما

الومك لانك نفاس كنتي و كل شي بتتحسي منه كيف

اذا موضوع من اول مضايقك و لا تقاطعي هلك عشان

سالفه بدت بتمصخر يعني اخوك انتي عارفه طبعه انه

يحب يثقل دمه معاك كان سكتيه و رحتي عند البيبي مالك

و قلتيله انه انتي مش فاضية حق كلام فاضي و خلاص بدل

ما يكبر الموضوع و بعدين مب عشان انتي تحبي ريلك لازم

عيلتك تحبه خليهم لا تشلي هم انتي زوري اهلك و كلمي امك

عادي و تصرفي مع اهلك عادي لانه صح كلام امك انه اهلك

ابقى لك و ريلك و اهله يمكن يصير شي لا سمح الله بينكم

و يبدلك بثواني و محد بيتملك في هل الدنيا غير هلك ما علي

ادري انه كلامي ما بيعجبك بس انتي غلطانه و ريلك لا تقوليله

عن هل مواضيع مره ثانيه و اذا اخوك مضايقك كلميه و قوليله

انه لا تتكلم عن ريلي و عايلته قدامي لاني احبه و احترمه و

قلبي يعورني لما انته تستهزء فيهم بس لما تكون الامور

ما بينكم ردت عادي و هو بيتفهم

 

[!##]

مو نفاس انا الحين :

مشكورين

 

[عيـ البراءة ـون]

انصحك يااقلبي لاتتضاايقين من اهلك عزووتك
يمكن همه يحسوون انك تتنرفزي او تردي عليهم او تجاادليهم عشان كذااا يعيدون ويزيدون في الموضووع
طنششششي اذا تكلم اخووك وجلس يسسسب قوليله طيب وبعدين ايش تبغاااني اسويلك
وروحي وخليه
لاتخلينه يجذب انتبااهك اذا تكلم اللعبي وسولفي مع اخواتك وحاولي تغيري السالفه بانك تجذبي انتباه الموجودين بشيء مثلاا قولي ايشرايكم بكره نطلع السوق او اي شيي اهم شي تطنشييييه ولا كانه قاعد يسولف صدقيني رااح يمللللل ويسكت​

 

[سموذاتي]

كان الله في عونك وفرج همك

 

[!##]

الله يكفيكم الشر وجزاكم الله خير

انتظر البقيه لو بكلمه تبرد خاطري

 

[الأميره الناعسه]

حاولي تمدحين زجك وتبينين محاسنه قدام اهلك وانه يسوى العوايل كلها وان الناس تفرق عن بعض بالدين فقط وقولي لأهلك زوجي عمره ماجاب سيرتكم الا بالخير انتم ليش حاطين دوبكم دوبه وبعدين ليش ماعترضوا عليه يوم جاء يخطب هم مايعرفون اصله وفصله من زمان