بنات انا اليوم مضااايقه والسبب...؟

ش

شهد البحراني

New member
إنضم
2010/02/17
المشاركات
196
بنات الخاطر متكدر والمزاج متعكر والسبب وحده من الزبونات عندي اتصلت علي وظلمتني و كذبتني السالفه ومافيها انها فصلت عندي عباية اعراس وعليها شغل ثقيل وبسبب الاعصار تأخرت على تسليمها يومين
والله العظيم انه يوم الجمعه جيت:30: المشغل بنفسي وجعدت اشتغل على عبايتها وخليت الخياطين مايطلعون مع انه الجمعه اجازتهم
جهزتلها عبايتها وطلعت روعه احلا من الي معروضه عندي جت بنتها واستلمتها
الجمعه المساء
المهم اليوم الصباح اتصلت علي تقولي العبايه الي طرشتيها لي ماهي عبايه جديده هاي العبايه المعروضه عندج
قلت لها طيب تعالي المشغل وشوفي قالت انا مب في العاصمه قلت لها يعني انتي تكذبيني قالت مااعرف بس هالعبايه هيه الي معروضه عندج مو عبايه جديده وكررت هالكلمه ثلاث مرات
قلت لها شنو فيها قالت طويله
المهم انا تنرفزت وعصبت وقلتلها اسمحيلي انتي نرفزتيني وانا مااحب اتعامل مع الزبائن بهالاسلوب واذا عندج اي شي قوليه للموظفه وفريت الجوال ع الموظفه وكملت معاها الكلام
المهم انا ضاايق صدري وحاسه بضيق اصعب شي ع الانسان لمن احد يحسسه انه كذااب وغير صاادق منقهره وربي بعد كل التعب والوقت الي قضيته على عبايتها بالاخير تكذبني
حسبي الله ونعم الوكيل​
 
إرضا الناس غآية لا تدرك

أنت قمتي بالواجب وماقصرتي وأذا مو مصدقه اقرب جدآر مايستاهل تضيقي صدرك
الله يشرح صدرك ويفرج عنك همك

موفقه أختى

:)
 
يا أختي وسعي صدركــــــ مادام ا لحق معك لا يهمك كلامها

وقولي حسبي الله ونعم الوكيل فأنها تشرح النفس ...
 
سـمـاء قال:
إرضا الناس غآية لا تدرك

أنت قمتي بالواجب وماقصرتي وأذا مو مصدقه اقرب جدآر مايستاهل تضيقي صدرك
الله يشرح صدرك ويفرج عنك همك

موفقه أختى

:)
أنقر للتوسيع...




اي والله إرضاء الناس غاية لا تدرك
تسلمين فديتج ع المرور
 
ياقلبي لازم يصير كذا موكل الزباين يجونك ذوق لازم اللي يعمل بمجال متاجره راح يقابل اصناف واشكال من الناس
 
الغالية لا تضيقين صدرج ما شي يرزا تتعبين عمرج ع الفاضي

انتي سويتي الي عليج وما قصرتي

اذا هي على قولتها ما من العاصمة عادي اتييج المحل ما من بعدها العاصمة كلنا نعرف​
 
المفروض قلتي لها اذا موعاجبتك رديها
وانتي عودي نفسك التطنيش
لو بتصيرين حساسه بتتعبين كثير
وخصوصا بمجال التجاره بتقابلين اصناف الناس
اللين والقاسي والعصبي والبارد
واخلاق الناس تختلف فلازم تتأقلمين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل