بنات..المكالمات فترة الملكه...ساعدوني

سوري نسيــت أقولج
ع سالفه اثقلي وما اثقلي...

ترى أنا طول السنه وشهرين.. ولا مره اتصلت فيه
هــو اللي يتصل

يعني لا تحسبيني مقضيتها لصقه بالرجال.. ومو مخليته يتنفس
::
:
وبعدينه حليله ان ضاق صدره .. ولا احتاج حد يطبطب عليه يروح ويـــن !!!
لازم يروح لزوجته حبيبته ولا أنا غلطــآنه
 
سمــــو الأميـــره
وربي انا من أشد المعجبين فيج.. وبثقااافتج

بس بالنقطه أنا ضـــد
!!!!

كل الكلام اللي قلتيه مغلــوط !!!
انا ما أنكــر ان في كلاام مش ولا بد يصير بين المخطوبين.. بس لا تقولين ان كل المكالمااات عن هذا الموضوع
مكالمات هذي الفترة.. تفااهم ونقاااااااااش
اخذ وعطا مو سكس وبسـ !!!!!
 
تفاصيلـ,,,, وش ذا الحكي:schmoll:(ياويلتس اطلعت النجديه)

طلاق :33:الله لايقوله

اسعدني تفاعلك الحلو ياعسل والله جالسه اتعلم منكم
 
مثل ماقالت تفاصيلـ......... ماخطر ع بالي او باله كلام جنس الموضوع ابسط من كذا

الله يهديه ويسخره لي بس هالدفش
 
مبرررررررررررررررررررررروك ... ولا تفوتين ايام الملكه .... أحلـــــــــــــــى أيام
والبعكس كلميه عشان تعرفين شخصيته اكثر واكثر
بس لا تكلمين انتي خليك مستمعه اكثر ...
وحتى لو سئلك عن شئ جاوبي على قد السؤال <<وحتى بعد الزواج
عشان ماتبيخ حياتكم خليك رسميه <<لا تفهمين رسميه غلط بس اللي ابي اوصله لا تمونين كثير لان الرجال طبعهم يمنون بسرعه لا تعطينه مجال
ومايحلي ايام الملكـــــــــه إلا الرسميه <<<من واقع تجربه مرتين
وحتى بعد الزواج الرسميه مطلوبه
والله يوفقك يارب ويسخر لك زوجك...
 
اللعنود وفتو الله يبارك فيكم

اللعنود الرسميه ؟؟؟ بالفعل نتايجها مره حلوة راح اتمسك فيها
 
وربي عيشي الفترة بحلااااوتـــها

اسئليني انا .. ما خليت شي ما سويته..
رسميات.. غشمرااات.. مشاااكل.. دلع.. دفااااشة
شردااااات.. أحضان... إلخ


بس اتوكليـ على الله
استوعبي الريال.. لأنه بتكون هذي مهمتج.. اكثر ما تكون مهمته..
لا تتسرعيــــن

ولا يجيكي يوم تقولين:
يا ريت استمتعت بملكتيـ أكثــــــــــــــــــر << لا سمح الله
<< اخاف تعصبين علي

وخلي عنكم خرابيط.. يمل مني وأمل منه.. الزواج مثله مثل أي علااااقه..
مد وجذر
مثل إنتي وربيعتج.. يوم ميتين وببعض..ويوم مب طايقين بعض
عاادي جدا
الدنيا كذا.. حلو ومـــــر
 
مااشجع ع المكالمات ابدا,,,لان زينة المراه حيائها وزينتها اذا بدأ يكتشفها بعد الزواج تصير احلى ايام ولاتنسى,,واذا ماكلمها يزيد شوقه ويعجل بالزواج لان الممنوع مرغوب..
عن تجربه شخصيه اهلي وانا رفضنا المكالمات واهلي متعصبين من هالناحيه..
وبعد الزواج احس انه يحتم اهلي وتربيتهم مع ان اهله عادي عندهم المكالمات واخته متزوجه معي وكانت تكلم خطيبها والان حياتهم تعيسه وينتقدون جراءة المرأه.
 
امممم ماقولكم انو احنا متشددين بس
ما ها ما
نفضل مكالمات بهالفتره لكن ابوالشباب كسرالقاعده

ويمكن هذا اللي ضايقني كثير

وبالفعل تفاصيلـ العلاقه مد وجزر (ليش اقلب عليك ياعسل والا جزاة المعروف هههه)

ابريح راسي منه كم يوم بعدين ابقلب عليه الدنيا

جمانه كل التقدير لك ولرأيك

الله يسمع منك يابنت رجال
 
تفاصيلـ
مع احترامي لرأيج و تجربتج ...
سنه ملكه هذي وااااااايد ..
بالعقل يعني .. انتي الحين زوجته و حلاله .. ليش قاعدة في بيت أهلج و هو في بيت أهله .. شو فايدة الزواج .. ؟!
و المستشارين النفسيين يقولون الحب الحقيقي لا يأتي إلا مع العشرة .. و حتى لو بدايته في هالفترة أنا ما افهم كيف احب انسان و هو يحبني و احنا متزوجين الحين لكن ما نقدر نعيش مع بعض !! ننتظر حفلة الزواج و بعدين ؟! ليش ما يكون الزواج بعد فترة قصيرة من الملكه !!؟؟
و بتذكرين كلامي بعد الزواج .. بتقولين يا ليتنا متزوجين من زمااااااااان ..
أنا اعتبر هالفترة وقت ضااايع ..
تقولين تعرفتي عليه أكثر .. !!
حتى لو انتي الحين متزوجة و عايشة معاه بتفهمينه و تسايرينه و بتتعرفين عليه في فترة أسرع بعد .. الاشياء اللي عرفتيها في سنه .. كنتي بتعرفينها في شهرين زواج ..
 
سمو الاميرة اميل لرأيك كثير وصدقتي هالفترة وقت ضايع للاسف وانفرض علينا...التجمل والتعامل المزيف مسيطر بشكل او بأخر على الطرفين والرجل خصوصا يحاول ان تميل له المرأه بشتى الطرق يعني لاطبنا ولا غدى الشر



الله يعديها على خير
 
وينكم يللا ابي تجاربكم خلونانستفيد والله الموضوع مو سهل وياخد اكثر من منحى وتعرفون الرجال نفسياتهم والتعامل معاهم مو واحد بانتظاركم
 
يابنت اشبك لازم يكلمك انتو متزوجين خلاص ولا كيف بتعرفي شخصيتو؟؟؟
وبعدين مرة حلوة شخصية زوجك جنوبي شرقي يعني سهل انا زوجي شرقي جنوبي وانا جنوبية غربية
وزيك ببداية ملكتنا كنا نختلف كتير بس بعد ماشوفت ملف الدلع لكل شخصية عرفت اتعامل معاه زوجك طبعه سهل فلا تضيعي احلى ايامك معاه وعليكي بالدلع والرومنسية اوكي^^
 
مبروك

فترة الملجه مب مشكلة تتكلمون مع بعض، وحتى لو هو يزورج في الاسبوع مره لبيتكم

أما بخصوص إنه هو كلام دفش

هو مب متعود، متعود على اسلوب الدفاشه مع ربعه

بعده ماسوى حسابه ، فالكلام يخليكم تتعرفون على طبايع بعض
 
‏'وه انا مو قادره التم على نفسي وهو يكلمني بالجوال كيف لو جاني فالبيت اظن اشرود ههههه

خليتيني افكرلبعيدمره ياربي تسخرو ليا
ماقصرتو بنات الله يريح بالكم يارب
 
انا الان مملكه ليا 3 اشهر من ثاني يوم كلمني خطيبي ولسى نتكلم مع بعض في اليوم مره او مرتين او اكثر على حسب اشغاله اما انا فاتصالاتي عليه نادره لانو عودني انو هوا اللي يتصل علي وانا بالمسجات مو مقصره معاه بالاسبوع تقريبا 2 او 3 مسجات والحمد لله متفاهمين مع بعضنا وعرفت ايش يحوب وايش يكره وهوا عرف شخصيتي وتقريبا كل واحد مننا فهم الثاني واهم شي اتفقنا على شهر العسل وفين بنروح وكمان حاجه مهمه اللي هيا اثاث البيت انا اختار وهو ينفذ وكمان نتشاور في كل شي بتصميم البيت من الالوان وعدد الغرف وترتيبات الفرح وايش بنسوي بالمستقبل وايش يحوب وايش يكره يعني افهم تفكيره وشخصيته قبل مانتزوج ونسكن في بيت واحد والمكالمات فترة الملكه مفيده اكثر شي للبنت لانها لو تزوجت بدون ماتكلمه وتتعرف عليه اكيد ببداية الزواج بتكون خجوله اكثر منه وبكذا تكون ضعيفه قدامو من بداية حياتها ويتعود هوا على ضعفها وهيا تتعود انها تنفذ له بدون نقاش

انا اقابل خطيبي في البيت واجلس معاه بحضرة اهلي والحمد لله الاوضاع تماام التماام واحلى من العسل ماشاء الله تبارك الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل