بنات الله يسخرلكم ازواجكم ابي حل لمشكلة رفيجتي

[احاسيسي غير]

السلام عليكم ورحمة الله وبركاته

شخباركم بنات

حبايبي انا رفيجتي متزوجه وصار لها سنه و عشر شهور

المهم اهيا ماخذه ولد خالتها اهو عصبي بس تقول فالفتره الاخيره صاير عصبي لدرجه فضيعه

وحش مثل ما تسميه

المهم بنات من يومين صار بينهم خلاف بسيط عشان موضوع الطلعه وعدها يطلعها وكذب عليها وراح يقعد مع ربعه وطنشها يعني ربعه اهم شي بحياته كله قاعد معاهم وبس وماغير يكذب عليها ويوعد ويطنش

لما يت تكلمه عصب واحتد النقاش بينهم ووصل للضرب مد ايده عليهاااا اول مره يسويهااااااااااااااا وهو حالف ما يمد ايده عليها لانه مره كان على وشك يضربها بس قالها انا حالف ما امد ايدي بس هالمره صار الي صار

وهييييييي منصدمه حيييييييييل حيييييييييييييييل منه وللحين مو مصدقه الي صار
وحيل متضايقه وماتبي تخرب حياتها خاصه عندهم بيبي فحرام
عاد اهيا من النوع الكتوم ما تخبر اهلها بمشاكلها والاهل صعبين بالمره بدال لا يهدون يزيدون المشاكل فهي خايفه ومو عارفه شنو تسوي

اللحين صار لها يومين مادري 3 ايام قاعده ببيت اهلها ومحد عارف شسالفه

نصحتها كذا نصيحه يعني تكلم اهلها بالموضوع ويتفاهمون فقالت بيكبرون السالفه خاصه العصبيه منتشره فالعايله يعني مافي تفاهم

عندها ماشا الله اخوان بس كلهم ماراح يسكتون وهي ماتبي المشاكل بينهم وبين اهل زوجها الي هو ولد خالتها
واخو واحد قريب منها بس تقول ماراح يسوي شي لانه بارد


فشنو تنصحونها شنو الحل برايكم

انطركم على احر من الجمر

 

[دموعي شي معتاده]

انا انصحها انها تخبر اهلها بالسالفه
لانها لو سكتت راح ياخذها عاده ويتعود

لازم يعرف ان عندها اهل مايرضون عليها
ويحسب لمدة يده الف حساب

 

[احاسيسي غير]

تسلمين حبيبة قلبي على ردج وانا نفس الشي قلت لها هالكلام مارضت تقول راح تكبر السالفه انتي ماتعرفين اهلي كيف

 

[أسيرة وهم]

إذا سكتي اول مره لازم تسكتي بكل مره ويعتبرها شي عاادي والله يعين جسكم على الضرب ....
ابدا إلإ الضرب ما ينسكت عليه ....

 

[حياتي بيد حبيبي]

لازم يحسدان عندها سند عشان مايتجرء ويوصل لضرب مبرح ويمكن تروح فيها مدام مد يده مره بعيدها

 

[احاسيسي غير]

تسلمون فديتكم عالحلول وان شاء الله خير

 

[استغفرالله@]

لازم تاخذ موقف حازم لانه بيتعود وربي يهديه

 

[سوالف عااشقه]

الله يهدي رفيجتج دام هي تعرف انه عصبي ليه تستعمل معاه العنف الواضح انه ماضربها الا لما استفزته ومو كل الرجال يجون بالقوه اتحاول تصلح الموضوع مع زوجها بالتفاهم قدر الامكان ممكن ادخل بينهم احد قريب يثق فيه زوجها عشان يصلح مابينهم ويفهمه باحتياجاتها ومتطلباتها ولاتوقف ابدا قدام زوجها موقف الند وتدعو الله ان يسخره لها والله ما يخيبها

 

[حياة حقيقية]

الحين هي طلعت وانتهى الموضوع كيف ترجع بدون رضوة وبدون اعتذار منه اذا كانت اول مرة تكتفي بالاعتذار الشديد وشراء طقم ذهب او الماس عشان يعرف بنات الناس مو للطق بس للرحمة والمودة والسكن وتحاول تكسب زوجها بمعرفة نمطه لتتعرف كيف تتعامل معه ومادام هو عصبي تحط اعصابها في الفريز حتى لايحرقوا البيت عليهم وعلى البيبي ولانها زوجة جديدة سنة وشوي يعني لسه ماتعودوا ع بعض كثير وزوجها لسه ماحس بمسؤولياته الزوجية بشكل يجعل الزوجة والبيت اول اهتماماته بعده يعتبر اصحابه ووناسته اكثر اهمية بالنسبة له فعليها بالصبر والحيلة واللسان الحلو والمدح اللي يلف عقل الرجال هذا من جانب اما الجانب الاخر اذا كان ماتقوله صحيح انها اول مرة يمد يده اما اذا كان له سوابق هي كتمتها ولم تخبر احد فهذا وقت الاعلان ولتعرف ان اهلها حتى لو كبروا الموضوع لكن سيكون ذلك في مصلحتها ليعلم بان لها ظهر وأهل والله يهدي سرهم ويحنن قلب زوجها عليها