بنات الله يجزيكم خير .. فكروا معاي شنو الي فيني؟؟

[دندوونه]

السلام عليكم ورحمة الله وبركاته ..

اشحالكم بنات؟؟ بدش في الموضوع على طول وان شالله مااطول عليكم السالفه بس ياليت تساعدوني والله انا احس ان مالي غيركم:tears:

انا متزوجه من سنه وشهرين .. وماصار بيني وبين زوجي العلاقه الكامله الا بعد 4 شهور من الزواج

كانت دورتي منتظمه..بس من شهر 2 وانا الاحظ انها متخربطه..عاد اخر مره جاتني يوم 12/6 وكان عندي افرازات بيضه تجيني من فتره لي فتره بس مااهتميت للاسف

المهم بداية شهر 8 رحت حق دكتوره وسوت لي تلفزيون وقالت لي مافيج شي وقالت لي اروح اسوي تحليل هرمون.. بس يوم كشفت علي قالت لي عندج التهاب وهو اللي مانع الحمل..
وعطتني كبسوله حق الالتهاب..وحبوب عشان تنزل الدوره في 12/8 وقالت لي تعالي لي ثاني او ثالث يوم من الدوره عشان تسوي لي تلفزيون..
وقمت اخذ الحبوب بس بصراحه مرات كنت انسى اخذها .. ونطرت لين26/8 رحت حق دكتوره غير لان قالوا لي اروح حق وحده هنديه شاطره.. وان اللي رحت لها قبل مب شي :thumbdown:

رحت حق الهنديه وسوت لي تلفزيون .. وقالت لي مافيج شي حتى تحليل الهرمون طبيعي الحمدلله بس ليش مانزلت الدوره؟؟..وعطتني موعد بعد اسبوع قالت تعالي اسوي لج تلفزيون مره ثانيه
ويوم رديت البيت ..نزلت الدوره!!!!!!!!

الحين انا مب عارفه شاسوي يابنات..عموما الدوره ماتطول عندي في رمضان تقعد حدها اربعة ايام وماتنزل الا شوووووي بعد.. والدكتور الاوليه كانت تبيني اجيها وتكون الدوره تنزل عدل

اشرايكم بنات؟؟ اروح لها الحين واقول لها الدوره نزلت؟؟ ولا انطر بعد شهر تجيني الدوره مره ثانيه؟؟ .. انا ابيها تنتظم عشان احمل :tears:

الله يخليكم ساعدوني .. ترى ماعندي حد يفهمني اشفيني..

وفي شي بعد بنات.. اخر مره يوم سويت تلفزيون مادري ليش كنت متشنجه وخايفه الدكتوره عصبت علي قالت لي انتي تنامين جيه مع زوجج....؟؟؟؟ شككتني بعمري خفت ان انا فيني تشنج مهبلي اصلا وانا مادري..!!!!!!!

وبعدين لما قلت لها تكشف علي تشوف اذا غشاء البكاره انفض اصلا ولا لا..

الدكتوره الاوليه يوم كشفت لي دخلت صبعها وقمت أتألم واتشنج ..بس تقول انها شافت وتقول ان انفض خلاص.. بس شكيت انها ماشافت وبس قالت لي جيه

يوم رحت حق الدكتوره الثانيه .. قالت لي تبين احط لج الجهاز (الطويل اللي مدور من فوق) خفت من شكله وقلت لها لا.. يوم جات تدخل صبعها بعد تألمت؟؟ بنات لايكون انا ليحين ماانفض الغشاء مالي..؟؟ وقاعده انطر الحمل ؟؟؟؟:tears:


سااااااااااعدووووووووووووووووووني جزاكم الله ألف خييييييير..وادعوا لي الله يرزقني بالذريه الصالحه وكل البنات المحرومين

 

[نعوٍِوٍِمه]

هلا اختي

بس شو السبب اللي ماصار بينكم جماع كامل ؟؟
واربع شهور طويله جدا من المفروض انه الغشاء انفض بس .... الغريبه تقولي في ألم

يمكن يكون غشائك مطاطي ماينفض الا وقت الولاده

اما عن سبب تاخر الدوره فيكون بسبب الهرمونات الجسميه ..

فتاكدي من الهرمونات .. والله يرزق ياربي يا كريم

 

[H_A_M_S]

حبيتي اذا بغيتي الدوره تنتظم لا تهملين نفسك وقت الدوره
امكن ماكنتي مهتمه قبل ماتتزوجين وكثير بنات مايهتمون بدورتهم قبل الزواج وتقول عادي اذا تاخرت
المهم....
اهم شي اذا جاتك الدوره تشربين قشر القهوه تسوينه مثل الشاي
هذا مهم في تنظيم الدوره وينشط المبايض
وابتعدي عن البارد والغازيات
لانها تخربط الدوره


اما التشنج اللي صار لك عند الدكتوره اتوقع انك كنت خجلانه منها يوم تكشف علشان كذا تشدين نفسك
انا قد صار لي كذا اول حمل
حملت على طول بعد زواجي وتعرفين توني بنيه مافكيت الحيا علشان كذا كنت اخجل منها
حتى في الجماع بدايه زواجي كان يصيبني تشنجات من الحياء
ياحبيبتي لاتخافين امكن امر عادي مثل ماقلت لك
بس انت هدي نفسك وماراح تصير ذا التشنجات

وبالنسبه للغشاء عادي لو مانفض يصير حمل وهو موجود

والله يوفقك

 

[دندوونه]

اختي نعوووومه تسلمين عالرد

فديتج ماصار بينا لان زوجي بصراحه ماكان يعرف اشلون يجامعني مب عارف اشلون الوضعيه الصح عشان يوصل لل........:blush-anim-cl:

وبعد مجهووووود وحرق اعصاب اخيرا صار..وكنت متأكده ان صار خلاص لان شفت العضو اختفى

بس مادري ليش قمت اوسوس..

وكلامج نفس الدكتوره يمكن يكون مطاطي لان بعد ماشفت دم نزل مني او شي

بس اشلون يعني الهرمونات الجسميه ؟؟ انا سويت تحليل هرمون وقالوا لي طبيعي..:sadwalk:

 

[دندوونه]

اختي همس الله يطمن قللللللبج فديييييت روحج ماقصرتي

بس انا كانت دورتي منتظمه قبل مااتزوج .. مااعتفست الا عقب كم شهر من زواجي

فديتج وين القى قشر القهوه؟؟

المشكله صاجه انا ايام الدوره اشرب بارد والمشروبات الغازيه بعد مااهدها :sadwalk:

بس الحمدلله بعد طمنتيني يوم تشنجت صراحه قمت افكر اقول انا اشفيني جيه غير عن الناس..
انا بعد خوافه مااحب اشوف اللي داخلي ودي اسكر عيوني وقت التلفزيون :tears:

واذا يصير احمل والغشاء ماانفض هاذي رحمه من رب العالمين الحمدلله لان صراحه مب عارفه اشلون اكشف وانا خايفه من الدكاتره:tears:

 

[H_A_M_S]

دنوونه تلقين قشر القهوه عند العطار
تغلينه بماء بابريق وحطي معه سكرعااادي

وانصحك تقرين نظام فيافي مره زين حق الحيض والنفاس لو مافيك شي
لانه مكتوب فيه ايش الاكل اللي ممنوع تاكلينه وقت الدوره ويسبب تخربطها

بعدين ليش شاكه ان الغشاء مانفض
اذا كان على سالفة الدم
انا مانزل معي دم ابد ليلة الدخله
وماكنت ادري هو انفض او لا
بس الحمد لله حملت وبعد الولاده اكيد انفض

وبعدين عادي اذا ودك تتاكدين روحي لدكتوره ماراح تضرك

واذا تبين شي اسالي
حاضرين

 

[نعوٍِوٍِمه]

اختي نعوووومه تسلمين عالرد

فديتج ماصار بينا لان زوجي بصراحه ماكان يعرف اشلون يجامعني مب عارف اشلون الوضعيه الصح عشان يوصل لل........:blush-anim-cl:

وبعد مجهووووود وحرق اعصاب اخيرا صار..وكنت متأكده ان صار خلاص لان شفت العضو اختفى

بس مادري ليش قمت اوسوس..

وكلامج نفس الدكتوره يمكن يكون مطاطي لان بعد ماشفت دم نزل مني او شي

بس اشلون يعني الهرمونات الجسميه ؟؟ انا سويت تحليل هرمون وقالوا لي طبيعي..:sadwalk:

خلاص الحمدلله دامك تقولين الهرمونات سليمه
فانشاءالله فيه حمل ...

بس شدو حيلكم :showoff:

 

[oscarlady]

الحمدلله انه هرموناتك طبيعيه..لااااتخافين..توكلي على الله ..وعيشي حياتك بدون قلق ..لأنه يسبب لك تشنجااات ونتايج عكسيه ..يخربط الدورة وشغل تفكيرك ومايكون فيه حمل..هذا واقع اختي الكريمه..اكثري من الدعاء والاستغفار..وريحي بالك واسترخي وان شاالله ماتدرين الاانت حامل..لأنك ابعدت التركيز عن الموضوع والله يوفقك..ابتعدي عن الكزبرة لانها مانع للحمل وبعض انواع الدجاج يحقنونها بحبوب حمل تؤثر على الرجل والمراة..ابتعدي عن الغسولات لأنها تقتل الحيوانات المنويه ..واشتري جهاز تحديد التبويض عندك والله يسهل اموركم

 

[i_was_happy]

ارد عليك من تجربة دامت قرابة السنتين.،،

انا مثلك يا اختي متزوجة لي سنتين وما حملت و حاولت اعرف السبب قالولي ما فيك شي من بعد كشووووفااات كثييرة.
المهم انا رحت بالسعودية ورحت بمصر وبفرنسا وباستراليا
وأخييييييرا عرفت انه مو لازم تنتظم الدورة عشان احمل..
اكيد بتقولي كيييييييييييييييف؟؟
بصراحة كل الدكاترة بالسعودية قالوا لي لازم ننظم الدورة أول لانهم لقوا انه هرموناتي مافيها شي.

بس الباقيين اجمعوا على العكس.
يعني لا تهتمين بتنظيمها ولكن نصائح الأخوات مفيدة وشي جميل انك تنفذينها لانها كلها اشياء طبيعية.
وكمان اعطيك معلومة مهمممممة ,, لازم ما تقعدين تفكرين بالموضوع طول الوقت لان الحالة النفسية ترتبط ارتباط شدييييييييد بانتظام دورتنا الشهرية سبحان الله وطبعا هذا كلام دكاترة موثوق بهم.


المهم
أنا انصحك انك تنتظري كمان اربعة شهور لانك ما دخلتي من البداية والحد الي بدوا الدكاترة يعالجوني فيه هو يوم كملت سنة من زواجي

حاليا انا كنت حامل من حوالي 4 أشهر وكنت احمل 3 ثوائم ما شاء الله بقدرة الله ثم علاج الدكتورة الاسترالية بدوا كانت وظيفته انه ينشط التبويض بس للاسف ما عندنا مثله بالمشرق العربي ولكن هناك البدائل.

ادعي لي بان احمل مرة اخرى لانني فقدتهم بسبب عمرة قمت بها شكرا لله.. الحمدلله،،.