بنات الله يجزاكم خير نوروني ضايقة فيني الدنيا

[مريزيقة]

بسم الله الرحمن الرحيم
السلام عليكم ورحمة الله وبركاته
شحالكن بنااات .......
بغيت تقولون لي رايكن باللي صار بيني وزوجي
امس كان في عزيمة عند اختي وعالساعة11 نادتني اختيه وقالت لي رجلك برى يستناك
لبست عباتي ورحت سلمت على امي ورجعت اخذ شنطتي شوي اختي تجيب لي جوال امي وتقولي كلمي رجلك قلت الو وهو يطير فيني وينك قلتله هذاني طالعة وش فيك قال يلا بسرعة وماادري ايش وقفل الخط :8:
والله يابنات ان الدنيا ضاقت فيني اول مرة يقفل الخط بوجهي وطلعت له قلت له توها اختي تقولي انك برى
قال وهوينافخ ووين جوالك قلتله نسيته قال وليش تنسينها قلت عاد والله نسيته قال لازم ادق لى الرجال يكلم اهله لاجل تطلعين((الرجال زوج اختي وهو صاحبه ومابينهم هالتكلف
قلت له ليه مادقيت على جوال امي قال نسيت قلت له مثل مانسيت انا نسيت جوالي قال الحمدلله على كل حال
ومبوز
هنا انخنقت نكد علي كنت مستانسة وابيه يشوف كشختي
سالني مين فيه عندكم قلت الكل موجود
قال اها حنا محد عندنا
وسكتنا
وطول الطريق صممممممممت
وطلع البيت كانه يجري والباب حق العمارة مامسكه خلاه ينرد بوجهي وصلى الوتر ونام
انا طلعت برى الغرفة وبكيييييييت ين قلتبس ليش يعاملني كذا
وبعدها نمت وصحيت لقيته مو جنبي جالس على النت ورجع بعد الفجر وكمل الجلسة لين 10 ونص ويوجا يسحب مني اللحاف بقوة
آآآآه يابنات والله ماادري ايش اسوي فيه
هو ماكان يزعل بسرعة اللحين صاير زعووووول وادري يستناني اراضيه بس انا مو شايفه اني غلطانةوحاز بخاطريقفلت الخط ماابيه يتوعد مايحترمني كذا قولولي شو اسوي
والله يجزاها خير من تساعدني ويوفقها سامحوني طولت عليكم

 

[مريزيقة]

اعطوني وجه

 

[امنيتي ضمة طفل]

الله يعيننننك اغلب الرجال كذا يصير زعلان من احد ويحط حرته فيك
طنشيه ولاكان صار شي

 

[أم طلال البنا]

انا رأي صالحيه وروقية ولاتعوديه ينام وهو زعلان منك ,,يعني كلميه وسوي اي شي يخليكم تتكلمون مع بعض ودلعي عليه شوي وبعدين بلحظه رواق قوليلوا كذا حبيبي تسكر الخط بوجهي ماحبيتها منك مره ضايقتني بس لاتقولي شي الا بعد ما يكون روق وقوليها مو بتعصيب وشوفي اذا كان اسلوبك حلو رح يتاسف منك

 

[بدر الانوثة]

شوفي اش سبب زعله الحقيقي

يعني ذاك اليوم الا صرخ عليكي يامظايق في الشغل ولا عند اهله

ولا كان يبيكي جنبو

بس عارفه المفروص لما تزعلي منو تتحركشي فيه وانت زعلانه

يعني وانتى ماشيه تخبط مؤخرتك اي شي من جسمه وهو جالس او حتى

يدك المهم حاجه تبدا للكلام بينكم

او حتى لما صحي وهدت اعصابه سوي كاسه شاي لك وله

واقعدي قدام وقولي له اش لزوم العصبيه امس

هذا كله عشان نسيت جوالي


يبغالي ازعل منك لما تنسى جوالك وابهدلك............

المهم المواجهه والبكا مايفيد شي.....

 

[مريزيقة]

مشكورات حبايبي
بس انا مابكيت قدامه
وهو صاير يستنى مني اراضيه واا مااحب هالفكرة الغلطان يجي يراضي الطرف الثاني مو كل شي على الحرمة
نفسي اصير ثقيلة عليه احس الرجال يبيلهم كذا

 

[fl0o0ry]

هو امكن زوجك مايحب الانتظار عشان كده عصب

واعذريه هو معصب اكيد ماكان يقصد يقفل بوجهك
خلاص انتي روحي راضيه واجلسي معاه ولاكانه شي صار
ومافي داعي تفتحي الموضوع معاه عشان لايعصب تاني خلاص
قفلي الموضوع وهو اكيد عرف غلطه والدليل لما سالك مين في ؟؟
فتح موضوع ثاني معاكي ومارجع فتح الموضوع بس كان زعلان امكن لانك نمتي ماراضيتيه
لانه حس انك كمان غلطتي والمفروض ماتنسي جوالك
راضيه وخلاص ومره ثانيه بس يكون معصب لاتردي عليه عشان لاتزيد المشكله
اعرفي اتصرفي امعاه وقت الغضب بيجي هو يستسمح منك ..موفقه

 

[مريزيقة]

الله يجزاك خير فلوري بس ماني قادرة اراضيه تراه تعود كذا مايصلح بس ابي طريقة تخليه يحس بغلطه
مشكلته وااااثق من نفسه بزيااادة

 

[فياد]

انا ودي تاخذين لفه بالقسم
الله يهديك
هذي تسمينها مشكله وا

 

[فياد]

واضح انك توك عروس جديده ومابعد فهمتيه كل الي قلتيه طبيعي كل واحد رجل كان ام امراءه له طريقه يعبر فيها عن غضبه انتي بدال ماتبكين وتكبرينها براسك
فكري شلون مره ثانيه تهدين الموقف اذا كان زوجك من الناس الي اذا عصب نسى نفسه خلاص اسكتي لا تردين عليه
وبعدين اهو الحين فوق انه غلطان بعد زعلان
انا وجهت نظري تصيرين رسميه معه زيك زيه وخليه عشان مره ثانيه لما يفكر يخرب الجو يحسبها صح ولما يحاول يكلمك كلمه ورد غطاها عوديه ما يهينك
والله يسخركم لبعض

 

[مريزيقة]

الحمدلله يافياد
بس انا ماكتبت هالموقف الا اني ملاحظة تغيره صاير زعول
واذا الوحدة مي مقصرة مع رجلها بشي بيحز في خاطرها لو عبسة وجه

هذ ا اللي يقهرنا
مو نفس المشكلة لا بس ليش يعاملونا كذا وحنامو مقصرين معاااهم
جزاك الله خير

 

[رازيا]

وضعك طبيعي جدا ومشكلتك جدا بسيطة لكنك حساسة زيادة عن اللزوم وزعلتي منه
خلي الوضع طبيعي ولا كانه فيه شي وتعوذي من الشيطان الرجيم هو اللي مكبر الموضوع
واسمعي كلام فلوري

 

[فياد]

ماعليه حبيبتي
التغافل نزل عنه حديث كامل خليك معه وصدقيني مره ومرتين
راح يتعدل هم كذا يوم الوحده تتضايق او تزعل عشانهم يزيدون مدري يحسون بغلاتهم والا حب سيطره لكن انتي خليك اذكاء منه وواثقه من نفسك
لاتسالينه اصلن ليه انت زعلان بالعكس انتي عيشي حياتك من داخل ليه تحميل نفسك فوق طاقتها زي الموقف الي صار عادي روحي نامي او خذي لك شور استرخي وبعدين اقري لك شي او تفرجي تلفزيون ولا كانه موجود لا تخلينه يعيش الدور ولا تفكرين تتضايقين لا بالعكس شغلي مسرحية طارق العلي او طاش او اي شي يخليك تضحكين او كلمي احد صديقاتك سولفي معها اي موضوع اطلعي من الجو

والله اعرف وحده كان زوجها من كذا مايقهرها يوم يزعل يقول لها باطلع ولا عاد بتعرفين لي مكان واهي صياح وتترجاه وكان الشيطان يوسوس لها انه فعلا ممكن يسويها لانه معصب حتى يوم يطلع يدق عليها يقول انا ماسك خط الدمام والله ماتشوفيني بعد اليوم انواع الخرابيط وكان كبير 29 تقريبا وتبكي مسكينه وتتاسف واهي اصلن ماغلطت
بعدين قلت لها اذا قال باطلع لا تردين عليه ولا تقولين اطلع عشان مايمسكها عليك واذا دق عليك واهو برى لا تردين خليه اهو الي يشك يمكن حصل لك شي اقلبي الطاوله عليه بعضهم الله يهديهم يموتون ويحرقون البنت

المهم تقول صار نفس الموقف وقال باطلع تقول والله سويت زي ماقلتي وجبت الشاهي والمكسرات وجلست اطالع تلفزيون وتقول اصلن ماتوقعته يرجع لانه تخيلي كان ينام برى بعد لانه يدري انها تخاف بس تقول والله مااخليه يمسك علي شي وماراح انام الا الصبح لان الليل يخوف المهم تقول طلع 10 وزياده ودق مره ومرتين وثلاث تقول مارديت تقول والله نص ساعه بس وجا واهو مستغرب جا ولقاها عالشاهي وعايشه حياتها قال لها ليه ماتردين قالت ليه عشان تحرق دمي كيفك سو الي تبيه شي راجع لك قال لها ماعدتي تحبيني ؟؟؟؟؟؟؟؟؟ خلا فيها حب تقول قلت انا مااحب حركاتك وسكتت وانا محذرتها ماتناقشه هذيك الليله خله يسهر يفكر ايش الي غيرها تقول من يومها ماعاد سوها ابدااااااااااا والظاهر مره قال لا بنام برى قالت بسلامتك ولا راح

الله يهدي سرك يا حبيبتي والحياه قدامك هالفتره حاولي تتعلمين فنون حل المشكلات واول شي كيف تعطينها حجم مو كل مشكله تصير تكون قضيه وان حاول يقلب حياتك ويضيق صدرك ابدا لا تسمحين له وخليه تحدي بينك وبين نفسك

 

[لانا]

طيب باسالك هو عارف ان جوالك مو معك ولا بعد ماركبتي السيارة قلتي ناسيته ... اذا كذا انت الغلطانة وانت المفروض تبدين تلطفين الجو ...

 

[nane~]

الله يسخره لك ويهديه يارب
انتي عاتبيه بطريقة رومانسية يعني لاتوضحيي انه عتب بس وضحي له انكم حبايب وماتستغنون عن بعض وانتي يعز عليك زعله ربي ييسر الامور ياقلبي
الله يسخره لك ويلين قلبه يارب
ولاتنسي تكثري الاستغفاروالدعاء والصدقة
دعواتك ربي يرضى عني ويحقق امنياتي يارب​

 

[نيلوفر عبق]

حبيبتي لاتكبرين الموضوع ولا تدققين
ان كنت مثلك اتحسس من اي شي
والله وهو مادر فيني تتعبين نفسك ليه
الله يسخره لك ​

 

[نيلوفر عبق]

ابتسمي له واقعدي معه
وقولي له اني مارضيت ذاك اليوم على حركتك
وابي منك رضاوه (هديه تمشيه )

 

[ياقلبي كفاية]

يوووووه هذي حاجه بسيطه ماله داعي تسوين في نفسك كذا
احمدي ربك زوجك مو يضرب ولايشتم ولايترك صلاه ولامدمن ولالالا

اذا شفتية عصب انتي ادرا فيه اذا الاعتذار او التطنيش يجيبه
ولاتكبرون المواضيع وتخلين الشيطان يدخل بينكم وبيقسى قلب زوجك عليك

ويمكن فيه شي مزعله غير هذا الشي ترا الرجال عليهم طلعات