بنات الكويت

[سراااب]

السلام عليكم


اختي بالكويت ومو عارفه وين تروح قلت لها استفسر لكي من عند اخواتي البلقيسياات :icon31:


بنااات الكويت افيدونا والي راحوا الكويت يعلمونا برضوا

 

[سراااب]

افيدونا افادكم الله

 

[سراااب]

وين بنوتات الكويت ..

الله يسامحكم بتفشلوني عند اختي وانا قايله لها مالك الا البلقيسيات

واخزيااه بس

 

[معشوقه]

وصلنا

السلام عليكم ورحمة الله وبركاته

حبوبه إذا أختج تبي السوق والمولات ...

- الأفنيوز >>>>>يعتبر أكبر سوق في الشرق الأوسط ولي الحين ما اكتمل بس الجزء المفتوح منه وايد كبير
- 360 ... مول جديد توه فاتح على الدائري السادس
- المارينا ... مول حلو و أنا احبه

- الفنار .. مول ملموم و حلو و في جوتشي و جم ماركه بالإضافه إلى زارا و مانجو و ريفر أيلند و غيرهم حلو الفنار و أساسا الشارع إلي فيه الفنار شارع مولات

- الرايه ... مول راقي جدا في الكويت

- الصالحيه ... مول كله ماركات عالميه LV و ربعها

- الكوت ... في الفحيحيل في قعده بره مع كوفي شوبات وايد حلوه

- وفي سوق السالميه اسعاره بسيطه..

لتنزه في عندج الأكواريوم

المدينة الترفيهيه >>> من زمان مارحت لها ما أدري عنها الحين

الأكوا بارك

الأبراج

و المطاعم أكيد على كيف كيفج

على كل شوفي أختج شنو تحب و أنا أقولها ولا يهمج ​

 

[سراااب]

معشوقه حبيتي ماقصرتي

بس اختي تقول مابي مولات

تبي اماكن تتمشى هي وعيالها فيهم

وتقول اسالي لي عن استديو تصوير تبي تصور هي وعيالها

وتبي ملاهي وهيك حركاات

الاكوبارك؟ هذا ملاهي ولا مسابح ؟

وقولي لي ايش احلا الاماكن الي لازم تزورها بالكويت علشان ماتتحسف مثلي هههههههه

 

[معشوقه]

الأكوا بارك هذه ملاهي مائيه الأطفال يستانسون فيها

http://www.kuwait-history.net/vb/showthread.php?t=4130http://www.kuwait-history.net/vb/showthread.php?t=4130

أنا بصراحه ما رحت لها بس مره كنت في الأبراج و قعدت اتفرج عليها من فوق شكلها يونس وهي بم الأبراج بالضبط http://www.7oorq8.net/vb/f204/a-10289.html

وفيه بعد الأكوريوم يونس وايد حلو ..

http://www.hamaden73.com/aquarium.htm

المدينة الترفيهية
http://www.hamaden73.com/tarfehyia3.htm


الغابة الصغيره ... هذه يروحون لها بالشتا و ما أدري إذا فاتحه الحين أو لآ

http://www.hamaden73.com/lit_g.htm

متحف التراث الشعبي ... ما أدري وين مكانه

http://www.hamaden73.com/q8old.htm

لقيته هو نفسه المتحف الوطني يعني تعمل لعيالها رحلة ثقافيه بس لا تنسى تاخذ معاها إثبات الهويه
http://vb.alshellah.com/t37899.html


منتجع كمبينسكي جليعه
http://www.hamaden73.com/kim.htm

اعتقد هو نفسه سيشل

http://www.hamaden73.com/seashell.htm

تقدر تحجز يومين فيه قبل لا ترد

الكافيهات ...

http://www.hamaden73.com/coffee.htm


و أكيد ماراح أنسى أقولج خل تزور متحف شهداء القرين ... و هو عبارة عن بيت في منطقة القرين تم قصفه و حول إلي متحف بعد التحرير و في أثار الشهداء و دمائهم ..

http://www.hamaden73.com/shohada.htm


أتمنى إني أفدتج في الموضوع ولو إن من المفضل لو كانت زيارتها في الشتا الجو وايد حلو يكون عكس هالأيام حر وايد الله المستعان على كل إذا بغت شي أختج بعد ما عليج إلي إنج تقولين ...

أوكي

و حياها الله عندها

سلام

 

[سراااب]

ماأدري شلون اشكرك


الف الف الف شكر

يارب يوفقك ويرزقك كل ماتتمنين

 

[معشوقه]

ولو يا الغاليه ما سوينا شي

و نسيت موضوع المصور في محل قالوا لي عنه سعره رخيص اييب لج اسمه باجر أوكي

سلام

 

[سراااب]

اوك حيااتي

بسالك في محلات جلابيات حلوه ورخيصه

ودي اوصيها تجيب لي جلابيه للعيد

 

[Sondus]

هلا والله بزوار الكويت.

ماقصرتي اختي معشوقة وفيتي وكفيتي بالمولات وأماكن الترفيه.

إذا تبين أماكن تبيع جلابيات عندنا أسواق حلوة:
1- سوق النقرة الشمالي ( في حولي )
2-سوق الأوقاف( في مدينة الكويت )

تبين تصوير:
1- فوتوكينا
2-أرت ستيديو ( موجود في السالمية بجانب فندق غنى بلاس)
3-لقطات

إذا تذكرت شىء بقولج إن شاء الله.

 

[معشوقه]

مساء الخير

محلات دراريع في مجمع الأوقاف كله مشاغل و محلات بيع دراريع و في بالبلوكات التجاريه محل أسمه التراث الهندي فيه دراريع بعد و يبيع خامات تنفع لدراريع و تفنتك .. و قبل كان في شتيل بس سكر الحين و في مشاغل مثل يعملون دراريع مثل إلي يلبسونهم ممثلات المسلسلات مثل مشغل أنسام الخلف اعتقد بمنطقة الجابريه اتنزل دراريع ...

و في مصور في منطقة السالميه خلف الحديقه إلي في نهاية الدائري الخامس اسمه مصور فوتو بلاس يعمل لقطات شفت موظفه معانا مصورة عنده مسوي لها شغلات حلوه و معطيها نسخ بالهبل ... و هذا رقمه خل تتصل و يدليها المكان يفتح 4 و نص العصر و اعتقد يفتح الصبح بس ما أدري لي الساعه جم الرقم : 25640705 أو 25640702

 

[سراااب]

يزاج الله خير اختي

 

[أحلى عسل]

مشكوره معشوقه ماقصرتي والله أفرح كثير لماأشوفكم تساعدون بعض الله يسعدكم يارب ورحله سعيده إن شاء الله لأختك سراب:shiny:

 

[سراااب]

جزاك الله خير احلى عسل

هذا من طيب اصلك