بنات الظاهر اني جنيت او جهازي مسكون لحقوني

[الوااااان*]

السلام عليكم ورحمه الله وبركاته


اللي فاهمه في المسن وخفايا الاب
ابيها بـ س :39:
لاني ما قدرت استوعب هالشي

انا لي لابي الخاص اوكي
وما يستخدمه احد الا بعلمي

المهم
لقيت في سجل المحادثات محادثات مو من ايميلي ولا اي ايميل
اعرفه لعده ايميلات (الايميل هذا لبنت)
بس صارت هالمحادثات من جهازي

وما احد ساكن معي بالبيت الا بناتي وصغنونات
واخواتي ما يعرفوا يستخدموا الحواسيب اصلا

لقت هالمحادثات بسجل محادثاتي
والمفارقه اني ما لقيت محادثاتي اللي بايميليني (2 ايميل تبعي)
محفوظه


اللي تقدر تخبرني اشلون يصير هذا

الا ان كان في بلا وابلاي هذا عامل ايميلات
ويحادث مسن
فما ادريييييي



حلوهاااااا بسرعه
عقلي بينشل

 

[QQQ]

وش مضمون المحادثة
بيححدد لك عمر الشخص اللي مستخدمه

 

[همـــس الروووح]

جهازك مستخدم ؟؟؟؟

كيف المحادثات بين بنت وشاب والاشاب وبنت

يعني المحادثه محفوضه باسم بنت والا ولد

 

[الوااااان*]

بين بنت(من جهازي)

وولدين وبنت

الجهاز جديد مو مستخدم
والمحادثات تاريخها

وحده من شهر وشوي

والباقي قبل كم يوم

المشكله ما اطلع جهازي لاي مكان

ومن يجيني البيت ما يستخدمه لانه برقم سري

ابي اعرف مصدر المحادثات

اللي اعرفه ان المحدثات تنحفظ بالجهاز اللي تمت فيه
وجهازي ما استخدمه الا انا

واخوي مره او مرتين قدامي
يراويني اشياء باليوتوب

المشكله المحادثات طويله


والله مو فاهمه شي

 

[الوااااان*]

وزوجي مسافر
يعني ما فيه ابدا

اي شخص اشك فيه


ابي اعرف اذا ممكن باي طريقه
تنحفظ المحادثات كدا

 

[الوااااان*]

البنت اسمها ريما الـ___
وعمرها 21

هذا اللي فهمته من المحادثه

 

[ميوسه]

يمكن جهازك مو جديد مستخدم وباعوه على انو جديد

 

[بنيــة]

شوفي حبيبتي

قبل كل شي لازم تتأكدين منو اللي يخش من جهازك

حتى لو أخوك تأكدي

مو قصدي تشكين فيه بس عشان نبتعد عن الإحتمال الثاني اللي هو : يمكن يكون جهازك مخترق لاسمح الله

بس ابغاك تقولين لي

الايميلات اللي في المحادثات تعرفينهم ؟

الأشخاص تعرفينهم أو شكيتي فيهم ؟

وأنا أرجح إنو فيه أحد يستخدم لاب توبك بس تأكدي

 

[بنت جده 1]

يمكن انتى شاريه الجهاز مستعمل

 

[(دادا مرادي)]

ياقلبي في بعض محلات الاجهزة قبل مايبيعوا الجهاز يعملوا اتصال عن بعد من الكمبيوتر يدخلون على الخصائص ويتصلوا عن بعد ويدخلوا جهازك وياخذوا اللي يبغوا ويحطوا في جهازك اللي يبغوا ونتي ياغافلين لكم الله طبعا هذا درس في الحاسب درسه زوجي وقالي عليه وقتها مشتريه جهاز جديد وفتح زوجي الجهاز يبغى يتأكد من كلام الاستاذ وطلع كلامه صحيح ولقي الاتصال عن بعد وقفله الله يكفينا شرهم

 

[$حاكمة بلقيس$]

يمكن جهازك مخترق ..

 

[أحبه ولكن]

اتــــوقع أحـــد مستخــدم جهـــازكـ ,,
بـــس روقـــي شـــوي وفــكـــري ,,
اسألي أخـوك وخــواتــكـ,,

 

[ناني11]

حتى لوو حاطه عليه رقم سري فيه طرق بسيطه جدا تفتح الجهاز ,

وماتصير كذا إلا اذا احد دخل مسن بجهازك ,

 

[ناني11]

وعلى فكره انتي تقولين مايستخدمه احد إلا ( بعلمي )

يعني فيه احد يستخدم جهازك معك !! يعني خلآأآص اللي استخدمو جهااازك اكيد هذي احد محادثاتهم

 

[أم الأقمـــــار]

مايمكن هالشي الا اذا احد مستخدمه

استرجعي ذاكرتك اكيد احد مستخدمه وحتى لو قدامك يقدر يلغي الصفحه قبل تطالعين

 

[الوااااان*]

بنات الجهاز له معي


ســــتــــه (6) شهور



والجهاز جدييييييد
لاني ما خدته من مكتبه وما فيها ترجيع او استبدال
يعني هالاحتمال مو موجود


وثانيا
والمحادثات

من شهر ومن كم يوم

وما لقيتها قبل كدا فيه


واخواني كل واحد بجهازه وما استخدمه الا واحد منهم
بس مره
ولمده ربع ساعه قدامي

والمحادثات
متفرقه
وطويييله

 

[الوااااان*]

اللي سألت
الايميلات ما اعرفهم
كلهم

واللي تقول اتصال عن بعد

اشلون يصير
بالــ IP

يعني

 

[LEMONA]

حبيبتي امكن جهازك مخترق

 

[قـطـريـة]

اختي تطمني ما فيه شي ^_^

لا تكبرون السالفه لا مخترق ولا احد مستخدم جهازج الوضع طبيعي

احيانا يصير اتصاللات بالشبكه نفسها وخصوصا لو مستخدمه ماسنجر بلاس

فتلاقين ايميل احد من ربعج وسوالف ثانيه من ايميلات غير الي عندج واشخاص ما تعرفينهم والايميلات مب عشوائيه

هي ايميلات مضافه عند ربعج نفسهم

تطمني الوضع اااامن ^_^

بالتوفيق

 

[الوااااان*]

قطريه ان شاء الله
يكون كدا

لاني ماني عارفه كيف جت


مشكورين حبيباتي