بنات الحقو علي

بنات لحقوني قبل شوي رحت شفت المحادثات شفته مع بنت عمرها 13 تقول انا بنت عمها
قسم بالله مليت من العيشه انا يوم شفت المحادثه ماصبرت ورحت لمه وقلت ليه تغازل صرخت بوجهه وبديت اضربه بدون مااحس من الصدمات
وهو ساكت على الصامت جاء مسكني مع يدي وقال ترى ابكسر يدك ابعدي عني
وانا خلاص اصارخ واصيح
انا الصراحه ماودي اصير كذا بس وش اسوي ماتحملت من تصرفاته
ياليته يضحك معي ومن وراي يغازل كان عادي ادلعه واطير فيه بعدييين اقوله تراني كشفتك
قسم بالله من يوم يقوم الا اذا جاء ينام وهو جالس بالمجلس ومعه النت
وانا بس اناظر الجدران والله قهر تقل مسجونه حتى ولدي الصغير طفشانه بس يشوفني جالسه اصيح
بنات هل اروح لبت اهلي عشان يتأدب وكم المده اجلس
وهو تراه كان يموت فيني
بنات حسو فيني الله يعافيكم
 
حبيبتي انصحج انج تواجهينه بكل شي شفتيه وشوفي شنو ردت الفعل عنده وبعدين صلي استخاره ومن ثمه اخذي قرارج والله ييسر امرج ويهدي زوجج والله يبعده عن الحرام آمين
 
اعرفي نمط زوجك بالاول وراح تلقين الحل بأذن الله ام شيء لا تتخذين قرار قبل التفكير الطويل لان الحيم بينكم طفل وهذا اللي يقيد قراراتك المتسرعه واتجهي لله ترى هو عنده كل الحلول
 
لاتقولون ابحثي اسبااب مااسبااب الرجاجيل اكثرهم خونه واحنا يالحريم مضلومين معهم الله لايوفق كل خاين
 
الحل ياحبيبتي ؟؟؟؟
روحي بيت اهلك خذي ولدك واغراضك وروحي بيت اهلك صدقيني الرجال مايتسنع الا اذا حس ان مرته وراها ظهر وانه مستحيل تصبر على بلاويه !!!
حبيبتي لاتتهاونيين في ذا الموضوع خليك قويه وواثقه من خطوتك... قوليله
اذا ماراح تحترمني وتصون كرامتي انا ماراح اجلس عندك لان هاللي يسويه قلة احترام
واهانة كرامه حرمته عنده في البيت ويغازل في الغرفه اللي جنبها وش هالوقاحه عااد!!!!
مثل ماقلتلك قوليله اذا ماراح تترك عنك هالركاات انا وولدي مستحيل نجلس عندك
ولازم تختار ياأنا وولدك يابنات الحرام والقرار راجع لك وانا الحيين رايحه لبيت اهلي
ووقت اللي يرجع عقلك في راسك حياااك... وغير كذا الله يسهلك مع بنات الحرام ويعينك على كثرة المعاصي .....
واذا كنتي وااثقه انه كاان يحبك ويموت عليك صدقيني ماراح يقدر يستغني عنك وراح يرجعك بس انتي لاترجعيله بالسهوله
لاترجعيله الا اذا حسيتي انه تأدب وانه تااب وانه من جد ندم ومستحييل يرجع للي كان عليه
واما عااد اذا طنش ولاعبرك ولاهتم لروحتك عند اهلك؟؟؟
صدقيني ماعليه حسووفه وبيت اهلك ابرك لك ......
 
انا مع الاخت واي حلاتي
لازم تحطين حد لقلة الحيا هذي
لان اذا سكتي ومشيتيها راح يستمر ويستمر واساليني سكت بالبدايه وتكرر الموضوع اكثر من مره
بس اذا شافك جاده وحازمه صدقيني راح يتغير ولا ترجعين الا بشروط انه ما يدخل النت الا وانتي عنده
ولا يجلس بلحاله والارقام السريه مافيه وخليه يحلف عليك بكثرة الاستغفار والدعاء
الله يهديهم من رجال كثرت البلاوي والفتن
 
يعني الحين اروح لبيت اهلي ؟؟
طيب هو يقول لا وشرايكم اروح مع اخوي ولا لا
 
لاياحبيبتي خليه هو يوديك غصبن عليه قوليله بالفم الملياان انا ماقدر اقعد عندك
وانت على هالحااال خلاص طفح الكيل تحملت تحملت وصار لازم اقول ستوب
انا انسانه عندي كررامه واحساس ومشاعر وانت ماقدرت هالاشياء وجرحتني
وجرحت انوثتي باللي قاعد تسوييه خلاص انا صبرت بمافيه الكفايه خلاص اعصابي تلفت من كثر ماصبرت
ويارييت جابت معاك نتيجه انا معاااد اتحمل اكثر من كذا....
قوليله هالكلام وحسسيه انك لايمكن تتراجعي عن قرارك مهما كان انتبهي تضعفي له
ولا تصدقي كلامه على طول صدقيني هو بيكذب عليك وبيقولك انه بيترك سواليفه
بس عشاان ترجعي بس انتي لاتصدقيه وقوليله خلاص اللي جاني منك كفايه تعبت نفسيتي يافلان خلني في حالي وانت في حالك انا مابي ولدي يكبر ويشوف حالة امه وابوه كل يوم مشاكل وهواش وخيانه عيني عينك
عشان كذا انا ابغى اربي ابني في بيئه نظيفه مافيها خرابيطك
وانتبهي تخلي اخوك يوديك لانه في هالحاال بيقلب الطاوله عليك وبيخليك انتي الغلطانه
وبيقولك اللي وداك يرجعك وبيسوي فيها زعلان عشاان يطلع نفسه من المشكله
وانتي الحيين روحي جمعي اغراضك واغرااض ولدك قداامه وبيني له انك جااده في كلامك
ومارااح تتراجعين خليه يعرف انك مو بس تتهددين انك قول وفعل.....

 
لاتحددين لك وقت تجلسينه اجلسسي لين ماينعدل ويحس بذنبه حتى لو طولتي عند اهلك
بس مصيرك ترجعي بيتك وترتاحي على طول
لانك لوجلستي فتره قصيره ورجعتي ماراح تستفيدي شي وكنك يابو زيد ماغزيت
الغرض في انك تروحيين عند اهلك ان زوجك ينعدل عشاان كذا حطي في بالك انك ممكن تطوليين
وانه ممكن يكابر ويسوي فيها انك مااثرت فيه بروحتك عند اهلك بس صدقيني انه يكابر
ووقت اللي يحس انك موقاعده تلعبيين وانه عافته نفسك ومعاد تبينه بيرجع يترجااك ترجعي
انتي اشغلي نفسك في شي عند اهلك
لاتفكرين فيه روحي اطلعي انبسطي اعتبريها تغير جو فترة نقاهه اي شي
بس انتبهي ترجعي على طول لازم يتأدب ويندم على اللي سوااه لازم تحسي انه صادق في توبته
اما اذا كنتي ناويه ترجعي على طول من اول مايجي وبدوون شروط وماتمرمطيه لين ترجعي
حبيبتي احسن تقعدي وماتروحي لانه في ذا الحاله بيطنش وبيحس انك مالك حيله وبتزيد وقاحته وبيصير يسوي هالشي عيني عينك بيقول وش بتسوي يعني بتروح لها يوميين وترجع ولا اراضيها بكلمتين وترجع
اذا اهلك بيعيدين خليه يوديك عند جدتك وبعديين خلي اخوك يوديك عند اهلك
بس اذا رحتي عند جدتك خليه يعرف انك رايحه زعلانه مو بس يوميين وترجعي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل