بنات الحقوني شعري راح

مهاتويا

مهاتويا

New member
إنضم
2010/04/18
المشاركات
215
انا كنت بكتب مشكلتي في قسم العناية بالشعر بس قلت محد راح يعبرني ويرد علي ..
أنا قبل ستة شهور كنت حاطة صبغة سوداء في شعري ( خضاب ) واليوم قلت بشتري فرد لشعري واحطه عشان يريحني من الاستشوار .. الفرد اسمه ( بوتكالينز ) عليه صورة وحدة سمرا .. حطيته في شعري وخليته لمدة 20 دقيقة ولما غسلت شعري لقيته متقطع وكأني حاطه عليه نير مو فرد متقطع وميت وكلما اسحب من شعري اسمع صوته يتقطع بين يدي وصرت اصيح من القهر ..
بنات الحقوني وشوروا علي مو عارفة ايش اسوي زوجي صار يلومني يقول انا حذرتك ماتحطينه في شعرك بس انتي ماطاوعتيني ..
بنات الله يخليكم انا محتارة شعري احسه كله محترق ولما احط يدي عليه ماينلمس نهائياً ..
شوروا علي ولا تتركوني الله يخليكم .. عطوني حل .. يعني يمكن يكون الخضاب هو السبب مع اني حاطته من 6 شهور ..
 
على حسب علمي ومن تجربة قريباتي انهم وضعوا الصبغه وبعدها الفرد وتساقطت شعورهم اضطروا يقصونه مثل الرجل لانه اندمر والله يعينك ---- روحي لطبيبه تعطيك علاج لانه يبغالك وقت حتى يتعافى --- ويرجع مثل اول

الله يعينك ----انا تكلمت لك عن تجربة اختي وقريباتي والله اعلم00
 
الله يعينك
مالك الا تروحين لطبيبه

شي غلط تستخدمين شي وانتي ماسألتي عنه واستفسرتي
بس بالوقت هذا ماينفع اللوم
 
بنات ارجوكم اللي عندها حل تكتبه واللي ماعندها لاتغثني بكلام ماله داعي ..
نفسيتي الحين زفت ومو ناقصة احد يلومني
 
وينكم .. يعني يا تلومون يا مافي احد يرد علي ..
 
ههههههههههههههههه معصبه علينا
تصرفي انتي روحي للطبيبه والا تحملي نتيجه غلطك
مو تعصبين على الردود اللي ماتعجبك
 
fofoah قال:
ههههههههههههههههه معصبه علينا
تصرفي انتي روحي للطبيبه والا تحملي نتيجه غلطك
مو تعصبين على الردود اللي ماتعجبك
أنقر للتوسيع...


لا مو معصبة عليك طال عمرك .. بس تخيلي وضعي وحطي نفسك مكاني عشان تعرفي ليه انا متضايقة .. ولا بوضع زي هذا تبيني اكتب وانا اضحك ؟؟:30:
 
انا نفسك صار لشعري اللي صار بس وش تسوين خلاص احترق
يعني مافي شي ينفع
انا ضبغت بعدين فردت وتقطع واحترق وبعدين انتف ورجع طلع من اول وجديد انتي اهتمي منه وزيتيه والله يعينك
واسفه على كلامي بس انتي معصبه
 
fofoah قال:
انا نفسك صار لشعري اللي صار بس وش تسوين خلاص احترق
يعني مافي شي ينفع
انا ضبغت بعدين فردت وتقطع واحترق وبعدين انتف ورجع طلع من اول وجديد انتي اهتمي منه وزيتيه والله يعينك
واسفه على كلامي بس انتي معصبه
أنقر للتوسيع...


مشكورة ياقلبي على ردك .. يالغلا انا مو معصبة انا بس متضايقة لاني غبية وحطيت الفرد بشعري بدون ماأسأل خبيرة بهالشي .. طيب دام انك مريتي بتجربتي .. قولي لي بالتفصيل وش سويتي مع شعرك يعني قصيتيه كله او كيف وايش الزيوت اللي استخدمتيها .. الله يعطيك العافية حبيبتي وانا آسفة اذا ضايقتك بكلامي ..
 
ابتدي اعتني واهتمي فيه من زيت للشعر وحمام زيت وكثفي اهتمامك فيه وان شاء الله خير نقول يارب ... اهم حاجه احرصي ع ان حمام الزيت والزيت من البيت مب اي كلام ... ابحثي بقوقل عن خلطات للشعر الجاف والمتقصف وخلي ببالك (( الزيت والمايونيز والبيض والزبادي و......... )) اشياء كثيرة تفيد الشعر وتغذيه بس مشكلتك متزوجه يعني لو ببيت اهلك ذ0 ايام او اسبوعين فيم تجربين هالخلطات للشعر لكن وانتي متزوجه صعب​
 
مالك بعدالله الازيت الزيتون مع الحبة السودة لمدة ست شهور وتدعيلى انشاالله


سبحان الله وبحمده​
 
الله يعينك يالغلا...
اهتمي فيه ولا تحطين فيه فرد مره ثانيه او صبغه ترى هي مضره للشعر جدا.
لكن عليك بالاملج ذكره الدكتور عبد الباسط خوذيه وطحنيه لما يكون ناعم واذا طحنتيه انخليه لما يكون ناعم مره
وحطيه عندك بعلبه لما تحتاجينه وخذي منه ملعقتين وكوب او على حسب طول شعرك من زيت الزيتون وسخنيهم على النار لما يكونوا دافين وحطيها على شعرك وافركي فروه راسك عدل وطبعا بيكون فيه بقايا حبيبات الاملج لكن افركي فيها الفروه واستمري شهر وتستخدم مرتين بالاسبوع ممتاز بمعنى الكلمه...
دعواااتك لي ..
 
الله يهديك ياشيخه كيف تجازفين بشعرك هذا الفرد اللي تتكلمين عنه صديقتي استخدمته مع انها مو حاطه شي على شعرها لاكن الي حصل ان شعرها طاح بطريقه مخيفه وراحت لدكتور جلديه طبعا هزاها وقال انتو الحريم اي مصيبه تجربوها طبعا اعطاها ادويه وضربها ابر لانه حتى فروة راسها التهبت لاكنها قصة شعرها قصير جدا عشان تقدر تهتم فيه والحمد لله جت سليمه
فانصحك اختي تروحين لطبيب باسرع وقت وكمان اقولك ان الطبيب حذر كثير من هذه المواد الكميائيه لانه اختي تدخل مع الدم تصدقين وتمتصها الكلى يعني ضررها مو بس على الشعر
لذلك الافضل دائما العوده للطبيعه يعني استخدمي زيوت تنعم الشعر استخدمي خلطات طبيعيه ان مانفعتك ماراح تضرك وصدقيني العنايه المستمره بالشعر والله تجيب نتيجه ماتشوفين شر وانشاء الله يرجع شعرك افضل من قبل بس مثل ماقلتلك روحي للطبيب
 
ياعمري عليك وربي حاسه فيك انا بعد شعري
محترق اذاتبين شعرك يرجع لطبيعته امشي على نفس نظامي انصحك بزيت النارجيل وزيت الخروع من وادي النحل اخلطيهم مع بعض واستخدميهم كل يوم وبعدها اغسلي شعرك بشامبو دوف لانه مو قوي على الشعر ويرطبه بعد ماتغسلينه بالشامبو حطي حمام زيت فاشكول بالعسل بصراحه اهو معالج روعه للشعر..وفي محلول اسمه سورسير تلقينه بكل صيدليه استخدميه بعد الاستحمام حطيه على كل جذور شعرك راح يقوى شعرك لان شعرك الحين اكيد ضعيف وعشان ماتخسرين شعرك لاسمح الله وضروري كل شهر تقصين من طرف شعرك وهو مبلول عشان يبدى التالف يروح شوي شوي فديتك لاتعصبين مافي مشكله الا ولها حل..:32:
 
نصيحتى لك ان دايم تقصصى الاطراف ويوميا حطى له زيت
استخدمى زيت دابر املا مره ممتاز لذي الحالات
بعد الغسل لازم تحطي حمام زيت واستمري علية
وان شاء الله تستفيدي​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل