بنات ابي مشورتكم انا محتاجتكم

[دودي حبيبي]

عزيزاتي صباح الورد
انا كنت كاتبه موضوع عن ام زوجي بموضوع (ام زوجي ابكتني بالامس):icon1366: بس حابه اخذ رايكم وابي ارئكم في الي باقوله واتمنى انكم ماتهملوني بس انا بكون موضحه كل شيء والي تقراء موضوعي حتى لو حسته تافه وانا الي مكبرته بعد اتمنى منها تحط نفسها بمكاني وشلون بتتصرف بصراحه يابنات ماابي مبالغات مستحيله في التعامل فكلنا بشر ومانقدر نصير ملاك على طول المهم طولت عليكم السموحه
ام زوجي امراءه:
1-تسمع وتتاثر لاي شخص يزن في اذنها ويقويها:blow:
2-امراءه في حقيقتها جبانه ومتردده:surrender:
3-من الاساس ماكنت تبي ابنها يتزوجني لاني بنت عمه والكل قالها اني قويه:no:
4-الحين رغم انه مافي مشكله بس تابعه اسلوب المظلومه وطبعا انا الظالمه لدرجة انها مسميتني المراءه الشريره:icon28: تخيلوا
فديتني والله يابنات اني ماامتدح نفسي بس كانت نيتي صافيه معها
5-الحين متبعه معي اسلوب المقاطعه التامه وتحاول تكثر جمعاتها بالبيت وتقوي علاقتها بزياده بعيالي ومقويه بنتها علي رغم ان البنت ماكانت عندها شخصيه بالاساس والقصد كانها تبي توصل رساله لي لانها ابد موعلى طبيعتها

انا بالمقابل:
1:عشت ثوره داخليه لاني للاسف حساسه ومااحب التوترات والمشاكل:busted_red:
2:اعتزلت فتره في غرفتي بس حسيت انها هي المستفيده وفعلا لاحضت تغير اسلوبها من السيء والاسواء:sly:

يمكن تقولون انتو مب بمعركه اي انا معكم بس ساعات الانسان يبي يعمل حدود قطعيه لارجعه فيها ويبي يوقف كل انسان تعد على حقوقه انا كل الي طالبته منكم حلول توقفها عند حدها لاني والله سمعت (مرت اخوها) تقولها وقفيها عند حدها لازم تكسرين خشمها وتحسسينها انو مالها قيمه في البيت

مع ان البيت بيت زوجي هو الي يصرف عليها بس عمري مادخلت معها بها التفاصيل
اكذب عليكم لو اقلكم اني مب مقهوره الا اني بموت قدرت تعزلني وتبكيني وانا من سذاجتي قمت انكد على زوجي رغم اعتراضه التام على تصرفاتها وكلمها اكثر من مره لانها كانت تقلب الكلام على مزاجها لاتقولون تحولي لبيت الوحدك لا لان مستحيل
((كل الي ابي ابي اثبت وجودي وهيبتي مثل اول ياناس كانت تعملي الف حساب:icon31: وانا والله كنت احترمها والحين ولا همها ولنا شهر على هالحال))
ارجو من لديه ادنى نصيحه لايبخل على والدعاء لي
والسموحه من الاطاله

 

[نبع الإبداع]

شوفي حبيبتي تبين تفتكين من الحاله إلي انت فيها
أولا: أي كلام بيقولونه لج جارح طنشيه لا تبينين لها انك متأثره و عامليها بالحسنى يعني راويها انج تعملين لها خير و اتقطينه البحر وحاولي تكونين طبيعية يعني بالتجمعات إلي تحصل في البيت كوني أنت أول وحدة موجودة وحاولي اتكونين مبتسمة و تضحكين مع الكل ، وخلي معاملتك مع الآخرين أحسن ما يكون عشان يشوفون من الشريرة و بكذا بيلاحظون انها تسوء الظن فيك و صدقيني راح يكون بشهادة الآخرين كوني زينه مع الكل و لا تهتمين بكلامها الجارح إلي اتوصله لج و بيشوفون الفرق بينك و بينها
و أهم شي زوجك ابعديه عن هذي المشاكل كلها يعني مرة ثانية لا تحسسيه انو في شي حصل بينك و بين أمه بيني له انه كل شي تمام و العلاقة بينكم عال العال و اهتمي بزوجك لأن الزوج ما يحب المرأة إلي تشتكي وايد بيطفش منها طلعيه هو برا الموضوع ودايما اذكري امه أمامه بالخير و اشكثر انت اتحبينها
صدقيني بعدها إذا استوى شي ماراح يصدق حد غيرك راح يشوف من الشريرة و من الي تحسن الظن بالثانية

و الله يهدي سركم و يبعد عنك المشاكل و يصلح مابينكم آمين يارب

أتمنى أكون أفدتك أختي

 

[دودي حبيبي]

مشكوره نبع الابداع بالفعل اهم مافي الموضوع زوجي الله يخليه لي
بس انا مهتمه اني ابينلها قدرها اكثر من ابين هالشي للناس لان الناس الي انتي تتكلمين عنهم هم من اهلها يعني هم اصل المشكله لذلك ابيها هي الي تعرف ان مافي حد بيتعب وبيخسر كثرها لان الكل مرتاح ومقفل بابه وبس نازلين عليها سموم وهي لاحول ولاقوه كل شيء تسمعله رغم كل الظروف الي مرت فيها بس ابد ابد ماتتعلم
وللعلم كل الي مرت فيه في حياتها كان بسبب اهلها الي تتوقعين انهم بيحكمون وبيقولون اني انا الملاك وهي الشريره

 

[دودي حبيبي]

معقوله مافي احد يقدر يشور علي

 

[الحب-أضعفني]

عزيزتي انا ليس لدي خبرة كبيرة بهذا الموضوع لكن اللي اعرفه انه حاولي تعاملينها بالحسنى و بالمقابل خلي شخصيتج باينه و قوية و لما اقول شخصيتج لا اقصد عن طريق التسلط بل اقصد مرحج و ابتسامتج و تبينين أرائج خاصة اذا طلبها احد منج ..انا من كلامك عنها حسيت انها مسكينة و ان سبب المشكلها ضعفها و حيلة الآخرين بها ...ان كان الوضع كذلك عزيزتي اذن ركزي على ايجابياتها و كل انسان له ايجابيات .. وحاولي تركزين اكثر على الرغبه في العيش مـــــعــــا في سلام و محبة و ليس على ( من الشريرة و من الضعيفة و رأي الاخرين بالموضوع ) ...حاولي تحبينها و حاولي تخلينها تحبك...وانشالله الله يوفقكم و يزرع الموده بقلوبكم لبعض ..

 

[نبت الخزامى]

ببساطه انظري لها على انها هي من انجبت وربت حبيبك وزوجك واذا انتي تحبيه بصدق لازم تقابلين كل تصرفاتها برحابة صدر وتفهم .
مهما يكن ياختي هي ام زوجك وحرمه كبيرة .. تقدرين تكسبينها برحمتك لها ومساعدتها وخدمتها .. خذيها بالسياسة واكسبي راحت بالك .
ومثل ما قالتك احدى الاخوات ركزي على ايجابياتها .. وما يضيع عند الله شيء .. احسانك بيرجع عليك وعلى بيتك وعيالك .