بنات ألحقوا علينا....رازايا..دانه..استشاريات..

[في محجري دمعه]

السلام عليكم....

بقولكم قضية أختي بأختصار..تقدم لها واحد مطلق وعنده ولد وبنت..وطلاقه كان بالمحكمه المهم اخواني سألوا عنه وكانت سمعته ممتازه وأهله حيل طيوبين...واللي خطبها امه واخته
المهم كان طالب النظره الشرعيه وقابل اختي وشافها وصار الزواج بعدها بثلاث شهور
اختي كانت تمدح تعامله معاها وتعامل اهله..
المهم اختي طلبت ورقة الطلاق وشافتها وتطمنت لكن لقت طليقته دايم تتصل فيه بكل وقت بحجة عياله..وهو قلبه ضعيف بهذي الجهة..
المهم اليوم اعترف لأختي انه رجع طليقته لأجل اولاده ....ورافض يحط اختي ببيت لحالها
لأن ماديته ماتسمح..ولما قالت له انا ابي بيت ما اقدر اعيش معاها رد وقال مايكفيك انك جيتي عليها....ردت اختي انا ماجيت على احد انا تزوجتك وانت مطلق....

امه وخواته مصدومين من القرار حتى اخته اللي جت وخطبت اختي صرخت بوجهه وقالت له ليه خليتنا نقدم ونقول مطلق كنا قلنا معدد..وتم ساكت ما رد ع اخته...
اختي تقول المسكينه من زود الصدمه قامت تبكي وتتحسب ع اخوها..حست انها سبب بظلم اختي...والله اختي حييييل طيوبه لدرجة تقول قمت ابكي معاها واقولها لا انا قلت له يرجعها...................

المصيبه ان ابوي قال كلام عن شرط البيت وما سجله بالعقد.......

بنات شنو تنصحونها ....صار لها بس شهرين متزوجه....

بس للأمانه والحق هو قال لأختي انه بيرجعها واختي وافقت..لكن ماتوقعت بهذي السرعه وانه بيخليهم بنفس البيت..

بنات ردوا بسرعه اليوم بيجي عند اهلي....مع انه قايل لأختي اذا ما عجبك ظلي ببيت اهلك..

تبكي جنبي الحين وتصلي..

ردوا عليها ولو بدعوة يصبر قلبها....

 

[في محجري دمعه]

بنات احد يقول شي اختي انهارت جنبي...لو تشوفون هالات عيونها كيف صارت

 

[بـكـرا أحلــى]

الله يعينها
اختك طيبه لدرجه انها ساذجه
ابوك غلط لما ماكتب شرط البيت
وباين من الاول انه بيرجع زوجته من الاتصالات المتكرره بحجه الاولاد
خليها تدعي ربها ييسر امرها
طيب بعدين عندي سؤال دامها من الاول موافقه ليش تزعل سواء رجعها بعد شهرين والا سنه هي موافقه والا كانت بس تسوي انها ماتفرق بين عايله وعادي تعيش مع جاره؟
دامها قالت كلمه تكون قدها
والا لاتقولها وتورط نفسها

 

[رندا كووول]

تسكن ف بيت لوحدها..
وهذا من حقها ..وهو يتحمل مسؤلية بيتين ..والله يعينها

 

[ذبحوني الناس]

اللهم صبرها وأربط على قلبها....

وارزقها على نيتها.....

مادامت ماحبت تفرق الأب عن ابناءه ربي بيجزاها خير..

لكن البيت مطلوب..

 

[نحمدة ونشكره]

يعني ههي اختك غلطت يوم وافقت على مطلق وهيه بنت وغلطت يوم وافقت انه يرجع زوجته يعني ترا طيبه القلب بالهزمن مو مطلوبه لانه طيب القلب ماينحسبله حساب وحتى لو وافقت هيه تصورين انه زوجته راح تتركهم لحالهم ماراح تتركهم الا لمن يطلق اختك انا اشوف انها تصر على البيت احسن الها

 

[&الدلوعة&]

الله يصبرها بس لازم بيت لحالها...

 

[الخط الفاصل]

هذا هو خوفي دوم من الزواج من المطلق
يتزوج ثانية عشان يأدب الاولى وترجع
والأولى سبحان الله تعاند ماترجع لين يتزوج عليها ..ذيك الساعة يطيح اللي براسها وترجع ..طيب ما كان من الأول!!!
اسمحيلي وسامحيني اختك مو طيبة... ساذجة..
والبيت المستقل حق شرعي لها لازم تطالب بيه..يوفر لها مايستطيع إن شاء الله ملحق فيه غرفتين ومطبخ وحمام..يعني مو شرط شقة كبيرة..
المسلمون عند شروطهم..
والرجال لازم يكون عند كلمته
خليها تستخير بشأن الانفصال عنه ..
الله يفرج همها ويشرح صدرها لما فيه الخير..

 

[أم سدين]

الأحسن انها تكون في بيت لوحدها مهما كان لا تسكن مع زوجتوه ترا راح تكون العواقب وخيمه والله ان كيدهن عظيم بذات ان اختك طيبه كل شي بالحسنه ينحل وهذا من حقها الشرعي تسكن في بيت مستقل الله يسعدها

 

[جوهرةقطر]

ايش السذاجه هاذي حسبي الله عليه ,,,,,,,,,,,,,, لو اني من اختك اصر على بيت بروحي ,,,,,,,,,,, لانها لو مخذت بيت بروحه تبداء المشاكل’,’’’ قهرررررررررررررررر

 

[نووووفه]

خليها تستخير وترجع لبيتها لانه ماصدق ان زوجته تتراجع وترجع له وممكن يطلقها علشان عياله وامهم
الا اذا كان عندها استعداد للطلاق في ذيك الساعه خليها تصر على البيت المستقل
​

 

[فراوله فريش]

الله يصبر قلب اختك وخليها تلزم عليه انها تكون ببيت لحالها وماعليها منه قال ايش مايقدر مو ذنبها ذنبه هو اللي جنى ع نفسه ودام هو مو قد انه يفتح بيتين ليش يرجعها كان خلاها وعيالها كتى ما بغت يخلي احد يجي ياخذهم ويوديهم لها
ع فكره جوهرة قطر كبرت الخط ف مشكلتي وماعاد دخلتي

 

[ناني الشاميه]

خليها تستخير وترجع لبيتها لانه ماصدق ان زوجته تتراجع وترجع له وممكن يطلقها علشان عياله وامهم
الا اذا كان عندها استعداد للطلاق في ذيك الساعه خليها تصر على البيت المستقل


صح لسانك يانوووفه هو تزوج اختك عشان يادب الاولى وشكله بعد يحبهاااا واختك كانت مجرد العصى الي ضربها بها وادبها والحين الاولى صارت تمام
فبيخلي العصى مولازمه

الله على الظالم الله لايوفقه لو هاذي نيته
حسبي الله عليه
الله لايهنيه
يعني يفتح بنت الناس وياخذ بكارتها
تاديب لزوجته
الله لايحلله

والله انحرق قلبي عليها لسه هي عروس وما شاف خيرها من شرهاااا

انا من راي ترجع وتقعد على قلوبهم ومثل ماتزوج يتحمل والله الاولى لتنهبل وتجن
وهو يقول مافي بيت ثاني عشان اختك ترفض وتتطلق وهو بكذا رجعت له زوجته وعياله بفضلها وخلااص مهمتها انتهت

ترجع وتحط لها غرفه بجنب غرفتها وليله هنا وليله هنا غصب عليه ومثل مايجيب لهاذي يعطي هاذي
ترى الاولى للو متحمله زواجه كان مارجعت له لاكنها انهبلت وميته غيره
وعشان كذا رجعت عشان ترجع زوجها لحضنها وتطرد اختك برى

حبيبتي دام اختك تزوجها لتادب زوجته الاولى
والحمد لله تادبت
خليها بالبيت جالسه على قلبه وقلبهااااا عشان الاولى تضل متذكره ان زوجها تزوج وتضل مؤدبه
وهوخليه يعرف ان العصى الي ضرب فيها زوجته الاولى بيعيش عمره وتطق فيه تاديب
عشان يعرف يستعجل بالزواج وياخذ بكر وبنت الناس تاديب للاولى

خليها ترجع ....
وتدلعه
وتونسه اخر وناااسه
وما لها بالمشاكل هي الثانيه يعني الاولى اكثر غيره منها بتكوون