بناااات .. رزاااايااا .. الحقوووني !! .. شووووفو اش طلب مني بعد ماواجهتو!! ..

[جرحني حبيبي]

ربي يعينك

 

[قمةالذوق]

مادام انك حاطه في بالك ترك العلاقه خلاص مايحتاج اعذار ,,
من ترك شيئا لله عوضه الله خير منه ..
غيري الرقم ، وابدأي صفحه جديده ولا يحتاج تختلقي عذر معه عشان تتركي,,
وان شاء الله ربي بيعوضك باللي يعرف قيمتك

 

[ام الفتايات]

ربنا يحفظك و يوفقك يا اختى و الله حتى لو خطبك ما بنى على باطل باطل الله ينور دربك ويجعل كيد كل من يكيدك فى نحره

 

[الدكتوره أم رغد]

السلام عليكم
حبيبتي أنا قريت قصتك ولاحظت أن الشاب قصده لعب لاأكثر
وهوبطلبه للقاء يبي يصورك لأجل يجرجرك وراه
ويهددك أهم شي أنك ماعطيتيه صور لك
الأن كل ماعليك فعله أكسري الشريحه أوغيري الرقم ولاتناقشن أحد
لأن الشيطان بيستعطفك مثل ماسوا الشاب
ثم توبي
ومن ناحيه أهلك لاتشيلين هم دوري لك أي عذر أوقولي أن وحده من صديقاتك أخلاقها شينه وأنتي تبين تغيرين رقمك لأنها أزعجتك بأتصالها أودوري حجه قولي لهم أن سوا أوموبايلي ماتعجبك لأنهم يسحبون رصيد بدون فايده
أما الإيميل غيريه وأجباري تغيرينه ومسأله تكلمين شباب من باب الصداقه محرم شرعآ وخلي صداقاتك لبنات
والأفظل تدخلين مواقع نسائيه وخاصه للبنات لأن المختلطات مشاكلها لانهايه لها لأن الشباب للأسف يتصيدون البنات لأجل ياخذون شرفهم
أنتبهي وتعلمي الأنماط وثقفي نفسك وأستخيري ووافقي على اللي ترتاحين له
وأعتبري الزواج يطوي صفحه الماضي ولاتذكرينه لزوجك لو جرجرك بالحكي لأنه لايجوز شرعآ الكلام عن العلاقات السابقه والأهم من ذلك لاتفكري في الشاب نهائيآ إذا أصبحت زوجه وأعلمي أن من يدخل من الشباك غرضه السرقه وأن من يدخل الباب غرضه الشراء وأشتري من شراك ولاتفكرين في اللي يبي يسرق عرضك لشهوته
وافقي عالزواج لأن الشاب لوقدمتي له كنوز الدنيا لن يرضى بك زوجه
والزواج من هذا الباب فاشل
عزيزتي إذا تزوجتي بتعرفين بأنك كنتي غبيه وأعتذر عن هذا الوصف لأنك ضيعت شبابك بالحديث مع شخص قذر
أتعلمين ماذا يقولون الشباب اللذين يتحدثون مع البنات
إذا أجتمعو اتعلمين بأي اللقاب ينادون الفتيات
قديقول لك حبيبتي وعند أصحابه يلقبك بالكلبه
شاب عشق فتاه قال له شيخ تزوجها قال لاأستطيع
قال الشيخ لماذا؟
قال أريد فتاه مثل الحلوى المغلقه اللي لاينظرلها ولايلتهمها أحد غيري
قال الشيخ واللتي تحبها: قال أسلي نفسي بها فهي كالحلوه المكشوفه للذباب والقاذورات ولايشرفني أن اربط أسمي بها لأنها مثلما تحدثني ستتحدث مع غيري
هل رأيتي كيف نظره الشاب لك
أنت بعقلك وأنتي اللتي ستحكم هل ترضين بالذل (مكالمات وسخريه الشباب وضياع العفاف وطفل بالحرام وسجن النساء لأن الأهل سيتبرون منك أوقد يقتلك أبوك أوقديصاب بجلطه من صاعقه الخبر عليه)
أم العزه(زوج محب وزواج في قاعه والكل يبارك لك ويفرح لك وتحملين طفل جميل وتكونين في عائله تحبك )
القرار بيدك والعاقل يميز بين الدمار والعمار​

 

[رندا كووول]

بنااااااااااااااااااااااات .. جد جديد بالموضوع .. اتصل اليوم عليا ورديت برسميه وطلبت اني انهي المكالمه
وارسلت مسج كتبت في[/SIZه اني وصلت حدي وانو انتهى اللي بيننا ..وانا تبت وابغا ربي يوفقني .. وروح بحالك وخليني اروح بطريقي ..

الين اليوم ماااارد عليا بمسج .. اش تتوقعو .. خايفه يكون مبيتلي نيه على شي ..
سكوته طبيعي .. ولا في شي؟؟ ..E]

اسمحيلي الكلام معك ضائع
يعني لازم تعتذري منه وتنهي العلاقه !!!!!!!
خلاص اكسري الشريحه ولا تنتظري اتصالاته ومسجاته...
وليييه خايفه انه مبيت لك نيه ..ايش ماسك عليك؟؟
البنات اعتبروك اختهم ونصحوك وانتي ماتسمعي النصيحه...
تخلي عن عاطفتك وفكري بعقلك..
واقرأي القصه اللي كتبتها الدكتوره ام رغد لانها قصه حقيقيه وتنطبق على قصتك
خلي عندك قوة اراده واتركيه ولا تضعفي
الله يهديك

 

[حكاية مساء]

قولي لاهلك ان الشريحه تقفلت لاني حطيت الرقم خطا واحترقت الشريحه وطلعي رقم ثاني وبكذا تكوني انهيتي العلاقه

واستخيري ربك في اللي تقدمو لك ويالله اعزمينا ع الزواج

 

[همس الفيافي]

الله ينور بصيرتك ويهديك لصواب الاخوات ماقصرو معك ونتي مكانك سر يبنت الحلال غيري الرقم وانتهينا وشوفي حياتك واستخيري في الي تقدمو لك والله يوفقك

 

[خليلة حليله]

الان الي تزوجوا عن حب وبدون مكالمات مع العشرة يتغيرون كيف بالي بينهم علاقة سابقة

هييييييييييييييييييييييييييييييييييييييييه

اصحححححححححححححححححححي

العرب تقول إذا نكح الحب فسد وأنا أقول لك الشمالي الشرقي موسوس بلا مكالمات سابقه كيف إذا كان فيه مكالمات

إذا أنت خايفة على مشاعره لا تخافين الرجال والله ما يهزهم شي يموت على زوجته ولو تمرض راح يدور غيره

وما يصبر لحد ماتموت

الرأي وأنا أختك وحدة كانت بمتوسط تسمع صديقته تقول أخوي ما يسمي أهلك إلا خوالي يعني أهل زوجتي وجلست تضيع الايام واليالي والسنين بالتفكير فيه وما صحاها إلا بطاقة زواجه تقول بكيت بحرقة وكأنه زوجي وطلقني وتزوج غيري وأخذت أنظر لزوجته على أنها جارة

مع أن تفكيرها وحبها هذا لم يعلم به أحد غير خالقها ولم تظهر لصديقتها إهتمامها بالموضوع

ماذا عملت مع هذه الصدمة أخذت تدعو ربها أن يعوضها خير منه ووفقت والحمد لله والان هي تذوب وجدا وغراما في زوج حلال ولم تندم إلا على ساعات ضيعتها في التفكير في كلمة ألقتها صاحبتها لم تلقي لها بالا تعذبت فترة لما جنت فكيف بك

الرأي السديد إن كنت تريدين الحق لاسواه

خلاص أنت أعتذرتي منه وأنتهى كل شيء أمسحي رقمه من جهازك ثم أحرقي الشريحة بقفل الجهاز وإدخال الرمز خطأ 9مرات وأحرقي ذنبك معها ولا تعودي لذلك أبد

إن صدقتي توبتك صدقك الله وقولي لاهلك إن أحد الاطفال لعب بجهازك وأحرق الشريحة وعن الكذب قفليه وافتحيه وخلي أحد الاطفال يلعب به حتى تحترق الشريحة ثم أستخرجي رقم أخر إن كنت مفوتر قولي أبغى شحن أوفر لي وإن كنت شحن قولي أبغى خط مفوتر أحسن أو قولي أبغى رقم مميز

إن صدقت مع الله صدقك وخلي أهلك يشكوا أرحم من أنهم ينفضحوا

الخطاب الي جوكي استخيري بينهم وعجلي بالزواج وأضمن لك إن كنت صادقة في توبتك أنك ستعيشين حياة سعيدة مع من تتزوجين لكن الذئب السابق لن يكون زوجا مناسبا لك ولا 1% لان الشك سيلازم حياتكم

النصيحة ليست لك وحدك وإنما لكل من تفكر بأن النجاح بالحياة الزوجية سيحدث لو كان هناك علاقة سابقة

أي شريفة وأي خرابيط المكالمات قبل الزواج

ما كد سمعتي عن شاب خطب فتاة ثم عقد عليها وأخذ يهاتفها وطلب منها القاء قبل الدخلة بحجة أنها حلاله وأنه لن يمسها حتى الموعد المحدد وبالنهاية أخذ منها ما يريد ثم طلقا قبل الدخلة لانه شك فيها بسبب خروجها من غير علم أهلها لانها عندهم فيبدأ الشيطان يوسوس له أنها ممكن تخونه فهمتي ألآن تفكير الرجال

 

[دلوعةزوجي]

والله الكلام في هالامور ضايع تدرون ليه
لان قلبها مغلف بالحب المزيف والشيطان معمي عليها طريق الحلال
اقول لا وقع الفأس بالراس ماينفع الندم
انتبهي لعمرك وبطلي طريق الحرام وبتشوفين الفرج​

 

[ـأخت ـأخوها]

الله يهديك بس
سبحان الله قلت لك بردي على موضوعك الآول
اتركيه شهر وشوفي وش بيصير
وفعلآ الحين شفتي وش صار
ومازلتي مصرة على انك تعرفين رده
قاعد يلعب وحضرتك تجارينه اللعبة
فعلآ الكلآم ضايع

 

[سلفرادو]

من رايي انك تقوليله انا انخطبت ولا عاد تتصل
وتغيرين رقمك باي طريقه ... واهلك ماراح يشكو ... قصي الشريحة وقوليلهم تلفوني ضاع
واي عريس يجيكي وافقي عليه ..
اللي تكلميه هذا يبغى يزني فيكي ولا يريد يتزوجك ... واااضح
لو صدق بغاكي كان جاء
وما مطمط السالفه
الله يبعدك عن الحرام ويستر عليكي

 

[شوكولآطآ]

حبيبتي ..

انا ضد الردود الجارحه وانا متأكده إنك مثقفه و فاهمه وعمرك العقلي اكبر من عمرك الفعلي مثل ماقلتي عن نفسك

لكن راح أسألك وجاوبي على اسألتي بينك وبين نفسك وبكل صدق وصرآحه :

مين اللي قاعد يقولك الأخبار عنه؟ يعني إنو نجح أو رسب أو تعبان أو كلم أمه أو رآح لديرته أو في الخارج أو أو أو ؟

إذا كآن هو اللي قاعد يقولك كل أخباره بنفسه سؤال ثاني :

هل إنتي واثقه من كلآمه وإنه صادق ؟ إيش اللي يخليك تتأكدي إنو صادق معاك وإنو مو متعود و يتقن التمثيل ؟

وإذا كان في طرف ثالث يوصل الأخبار بينكم سؤال ايضا :

هل هو من طرفك أو من طرفه ؟ وهل هو مصدر ثقه ؟


حبيبتي : ما ولد في الظلام عاش في الظلام ومستحيل ان يستمر في النور

وأكبر دليل على هذا الكلآم لو أقولك الحين الحين الحين روحي اجلسي في الصاله عند أمك أو ابوك وقولي أنا أكلم وآحد واعدني بالزوآج
هل تقدرين ؟؟


طيب ايش رأيك لو طلع وآحد متزوج وحآب يتسلى ويحلف الأيمان المغلظه بأنه صادق ومستعد يأخذ المصحف ويحلف لك عليه أنو صادق يبيك بالحلآل؟ ويوم دق عليك يبكي ومخنوق كان مسافر الخارج وفعل الفاحشه وحس بتأنيب الضمير وأتصل عليك ؟

او وآحد صايع كذاب حق سفريات برى وطلعات لما يحصل له قرشين سافر ودق عليك ولما مايحصل قال انا رجعت عند أهلي ؟

ولا أظلم نفسي يمكن يكون صآدق مبتعث ومصادرك موثوقه 100% بس تتوقعين لما تتزوجون وتجلسين ع النت مايشك فيك أو يحس إنك مثل ما طحتي اول تطيحي اليوم؟

^
جآوبي على كل هذه الأسئله بتوسع شديد وأتركي لنفسك مجال لمناقشة نفسك


أنا اعرف إنك صاحبة مبآدئ ولكن أقولا وبصوت عآلي ( إن الله لا يغير مابقوم حتى يغيروآ ما بأنفسهم )

إنتي تبتي صح بس ماسويتي شيئ عشآن ربي يساعدك

هل كسرتي الشريحه ؟ لا تكسرينها عشان اهلك قولي ادخلت رمز البي آي أن غلط وأنحرقت الشريحه أبغى بدالها ؟ ورميتيهآ؟

هل حذفتي إيميلك ؟

هل انهيتي كل علآقه تربطك به من قريب او بعيد ؟

تبغين ربي ييسر لك الخير ؟ اسعي بنفسك للخير وربي يقربه لك ..

وحطي في بالك من ترك شيئا لله عوضه الله خيرآ منه <~ وماينطق عن الهوى

هذي فرصتك رمضان جاء لتغير الحآل بيساعدك هالشهر كثير
وهنا اذكرك لما قلتي ( أصحيه عشان يفطر أو يصحيني عشان الفطور ) أحب اعلمك إنك مايجوز لك تكلمينه وإنتي صآيمه صيآمك يجرح لأن هذا منكر والصيام ليس مجرد جوع وضمأ ولكن صيآم جميع الجوآرح !!


إنتي بس اخلصي من قلبك قولي في نفسك يارب انا سويت هذا الشي عشانك فيارب اعطني على نيتي

واخيرآ:

هو كآذب لو كآن يهمه أمرك كان ماتجرأ يقول اشوفك !

خافي على نفسك مااحد رآح يتحاسب بدآلك وعيشي لأخرتك ، كلهم كذابين وبيجي يوم وتقولين صدق من قال !

 

[الوفيه لكن]

يالغاليه واضح انه كذااااااااااااااااااااااااااب زوجي نفس الشخصيه والتردد يوه طينه وحده

اتركيه خير شر حتى لو وقف على باب البيت شووتيه
تري ماله امان هالشخصيه دايما متردد وفجاءه يقلب حياتك فوق تحت انتبهي
قد اعذر من انذر

 

[الوفيه لكن]

عندي خطه للجوال ياحلوه لو كان صعب عليك تغير الرقم
انسخي كل الارقام الي عندك
بدفتر قدام اهلك وانسخي ارقام امك وقولي كذا احسن واريح حتى لو بنكلم من الثابت طيب عشان يفكروا الوضع طبيعي
قولي ما ابي يصيرلي زي الي صار لصاحبتي كل ارقامها طارت بالجوال

وذا روحتي اي مكان مع اهلك مول مطعم كلمي صديقتك او اي احد قدامهم وبعدين روحي التولت قصي البطاقه وفكيكي الجوال وارميه
وخلاص ولما ترجعي البيت قولي جوالي ضاع ومدري ايش يو مدري وين نسيته
عرفتي
وخلاص اولا حفظتي الارقام وثانيا بتجلسي فتره بدون اتصالات افضلك وهو ينساك والله ترتاحي حتى لو تجلسي رمضان كامل بدون جوال واهلك بالصوره الجوال وضاع
وخلاص الله يعينك

 

[سلايس]

الحمدلله لحقت على عمرك..ربنا يستر عليك..(من ترك لله شيئا عوضه الله خيرا)
خلاص لاتردي عليه..كسري الشريحة وتوبي الى الله..والله مثل هالعلاقات لاتاتي الا بدمار ويورث حزنا طويلا..شوفي العرسان الي تقدموا لك..واستخيري ..وربنا يوفقك

 

[عيون بهيه]

تدرين لاتتركينه لانه لعاب اتركيه لوجه الله وشوفي الرضى والسعاده...لاتتوقعين محد حاسس بك وبشعورك
وحبك وتعلقك به...موضوعك لايقبله العقل ولا الشرع لذلك عمره ماراح يتم ....سألت المولى عز وجل ان يخرجك
من مصيبتك وبلواك ويعوضك باحسن منها ويستر عليك ويقبل توبتك انه جواد كريم

 

[ام عبدالله7]

الحمد لله الذي عافانا مما ابتلى به كثير من الناس ومايدريك يمكن يكون متزوج وقد خربتي بيت امراه ليس لها ذنب حسبي الله ونعم الوكيل فيكن ياخرابات البيوت اه اه وبس

 

[ام عبدالله7]

كلام شوكلاطا صحيح ميه ميه ويسلم فمك