بناااات بلييز رايكم اقين بسالفتي

  • بادئ الموضوع بادئ الموضوع ريمتو
  • تاريخ البدء تاريخ البدء
ر

ريمتو

New member
إنضم
2008/06/26
المشاركات
110
اهلا بلقيسيات..
كيف احوالكم ؟؟ان شا الله طيبين
كل عام وانتو بألف خير
رجعت لكم بنفس سالفتي ..طبعا انا كاتبتها من قبل بس البدايه(بنات تكفون شوفو موضوعي من الملف الشخصي والله محتاجه ردودكم)
الحين راح اتكلم عن اخر التطورات ..اهلي سألو عنه نااس كثيير ..في ناس واجد مامدحته ولاذمته
وناس قليله ع طول ذمت فيه وجا لاهلي خبر من شخص او شخصين انه هو متزوج من قبل ومطلق
الكل متفق ع شغله وحده انه هو هادي وانسااان غاااامض حييل وراعي سفرات لدوله خليجيه ..اصحابه مش ولابد
اللي صاير الحين امي شوي وتتوطى ببطني ليش !! لنها جايه تكلمني عنه وتقولي انتظر يومين وارد ع امه انه خلاص مافي نصيب ..قلت لها ماأعرف وانا صدق ماأعرف ..قامت القيامه علي كيف مااعرف تبيني اقول رايي ع طول ...وانا ماأبغى كذا ..لنه اللي قبله ماسألو عنه ولاشي ..ع طول عطوه كلمتهم
وكل ماأتذكره يضيق خلقي ...بناااات شسوي ماأبغى استعجل ..ترا لاعت جبدي غيري بعمري متزوج ومعيل وانا الحمدلله مو ناقصني شي بس حظي استغفر الله
ع فكره عمري 22 وهو بالثلثينات:sadwalk:
 
مافيه غير حل واحد
الاستخاااااااااره
وترى بعدك صغيرونه 22
ومن جد اهم شي الاخلاق والصحبه الصالحه
لاتستعجلين وكلي امرك لله واستخير
لاتتهاوني من جد الاستخاره سحر عجيب
 
ياعمري بعدك صغيره يااعسل
شنو اللي فيك معيل
..
إستخيري وربك كبير يااعسل لالا تتهوري وربي غير تندمي على عدد شعر راسك لو كان مش كويس
ترى هذي حياه يعني مو سهوله تدخلي وتطلعي
...
الله يكتب لك اللي فيه الخير
 
فكري كويس
راعي سفرات وماعرف ايش
وانتي مو ناقصك شي ليش تتزوجيه وتورطي نفسك وبالاخير ترجعي مطلقه
استخيررري وفكري كويس
 
مشكورين بنااات ع ردودكم بس اللي صاير مع اهلي انه كل ماتقدم لي واحد حطو الف عيب وعيب فيه
ليش!!لاني ادرس تخصص صعب وشكلهم والله العالم يبون اكمل يعني اخلص دراستي بعدين اتزوج وانا ماابغى هالشي
لان اغلب اللي جوني قبله كويسين ورفضوهم وظليت انا بحسرتي
ماأعرف يمكن ارتاح مع هالشخص ...
بنات ماقد صارت لوحده فيكم انها اخذت واحد اهلها ماكانو مرتاحين له وتوفقت بعدين بحياتها معه ؟
 
اختي نصيبك لسه ماجا صدقيني لوربي كاتبه لك راح يكون لك
وبعدين اهم شي انتم اسالو عن اخلاقه وصلاته وانتي صغيره ماشاءالله
وبعدين بصراحه مواصفاته ماتريح الوحده ترى هذا زواج مولعبه
وبعدين مالك شغل باللي سنك ابدا
واستخيري قبل اي شي تسوينه​
 
لاتستعجلين انا اشوف ان موصفاته ماتأهل ان الواحد يوافق عليه وعندي تتأخرين شوي في الزواج ولا تتزوجي واحد وتتعبي معاه بعدين انت لساتك صفيره والله يسر لك مافيه الخير
 
بعدك صغيره ياقلبي لاتشيلي هم شي اللي في نصيب بيصير استخيري وخلاص اذا الموضوع مشى معناته نصيب واذا مامشى معناته نصيب بعد
موفقه
 
مهبــوله انتي !!
سوري يعني.. بس عمرك 22 !!
وتقولين غيري معرس وعنده عيااال
والله ما عندك سااالفه
توج صغيــــــــــــــــــــــره

وبعدين ما حد مدح فيه وراعي سفرات وغامض وربعه معفنيــن
وتقولين ما أدري
أصلا لازم أهلج هم يردونه بدون الرجوع لج!!
إذا أتاكم من ترضون دينه وخلقهـ ..

مررررررررررررررره إنتي صغيره عالتفكيــر بـ هالطريقهـ
يعني انا الحين عمري 22 وللحين ما عرست شو صار فيني
نقص عمري !!

وبعديـــن تأني بالاختيار
مو خوفج من القطار يفووتج تختاارين اللي ما ينطاق
فديـــتج هذي حياة.. وهذا واحد بتعيشين وياه العمــر كله
انتي تقرين عن سوالف وشكاوي الحريم من الرياييل

ولا تحمليــن أهلج ذنب الشخص اللي قبله
سألو ولا لااااء
ما كان من نصيــبج
وخلي إيمانج قوي ..
ونصيــــــــــــــــــــــــــــــــــبج بيصيـــــــــــــــــــــــبج
انزيـــن

فديتج والله لا تزعليــن مني
بس عصبني موضوعج
 
ياغاليهــــــــــ


لا تسألي أحد .................

عندك رب كريم قريب مجيب الدعاء
اذا جاء الليل روحي مكان فاضي وصلي ركعتين استخاره
وادعي ربك من قلب يعني اشكي لله قولي كل اللي بخاطرك ماراح يسمعك غيره سبحانه

والله يالغلا عن تجربه شخصيه موكله أمري لله وثقتي بالله كبييييييييييييره

ومالي سواه...
بس بشرط استشعري ان مالك غير ربك وهو سبحانه اللي بيكتبلك اللي فيه الخير بإذنه تعالى

دعوااااااااااااااااااااااتي لك
 
بنااات ابغاكم تفهون شغله انا بمجتمع حقييييييير
عندهم اللي بعمري كبيره او ماادري شسالفتهم غير كذا انا خايفه والله ع نفسي وبنفس الوقت خاايفه اوافق عليه وماأرتاح معه ياربي بضمن انه يجيني افضل منه...افكر اقول يمكن يجيني اللي اسوء واضطر اروح معه ..ماأعرف
اختي تفاصيل مشكوره حبيبتي ع ردج بس زي ماقلت قبل ابغاج تفهمين انه المجتمع اللي انا فيه يعتبر اللي بعمري كبيره شوي مع انه مو مبين علي هالعمر وبالنسبه لكلامج انه اهلي مفروض يردونه من غير مايرجعون لي ..ذا مو صح..لنهم بعد ماقصرو بهالشي سابقا..لدرجة انه جاتني حالة اكتئاب ..ماعدت احس بالحياه كل شي ماله معنى عندي..اجي ابي انام ماأقدر انام اظل بالساعات اتقلب وبس صياح ..دراستي صعبه وتحتاج تركيز كثيير ..صرت ماأطيقها بعد ماكنت احبها.. اداوم وانا غاصبه حالي ..معدلي بعد ماكان عالي نزل كثيير ..جات الاجازه الصيفيه قلت راح انبسط ويرجع حالي زي قبل ان شا الله واحسن ..لا لقيت حالي اردى من قبل ..لين بدت السنه الجديده والحمدلله قدرت اطلع نفسي بنفسي من هالحاله وصرت اشغل حالي بدراستي طبعا يجي احيانا ع بالي طاري الزواج وانهم شوي بس مو زي اول ..والحين صار ذا الموضوع وابغى اطلع منه بدون ماأتأثر ..دعواتكم بس لي
 

الله يوفقك ويسعدك مع الرجل الذي يستاهلك .

أنتي سألتي كيف عاشت من تزوجت وأهله غير راضين عن الزواج

أقسم لك تعيش في تعاسة وتتمنى لو تعودالأيام وتكون قد أستخارت

وطاعة أهلها ..

أنتي صغيرة وربي بيوفقك أنتي كثري الدعاء لله بقولك

يارب دلني على ماينفعني في الدنيا والآخرة ..كررها في كل وقت

وستجدين أنشراح وراحة كبيرة ..
 
عزيزتي .. لا تقولين المجتمع و المجتمع .. !!
ما في مجتمع في هذا الزمن ينظر للي عمرها 22 كبيييرة ..
هذي نظرتك انتي فقط .. و مقارنتك باللي حولك .. و ليس المجتمع ..
الحين البنت ما تتزوج إلا بعد ما تمسك شهادتها بيدها ..
و صدقيني .. اذا الله كاتب لك الزوج كان تزوجتي حتى لو كل الناس وقفت ضدك .. و اذا الله ما كتب لك .. ما تتزوجين حتى لو اهلك موافقين ..

و حالة الضيق اللي انتي فيها الحين .. فقط محتاجة التوكل على الله .. و انسيييي موضوع الزواج .. و شوفي نفسيتك كيف بتتغير 180 درجة ..
يعني ما اعرف ليش شاغلة نفسك بموضوع الزواج و انتي عندك دراسة و هذا الشيء اللي لازم تركزين عليه هالفترة ..
لأن الشهادة سلااااح ..
يااااماااا شفنا حريم عايشين مع ازواج الحياة معاهم لا تطااااق.. لكن ما تقدر تنفصل عنه و مضطرة تصبر عليه و تدوس على نفسها و ترضى لنفسها الذل و المهانة.. فقط لأن ما عندها مصدر دخل غيره ..
لكن تخيلي لو عندها شهادة و تقدر تلاقي وظيفة بكل سهولة .. في هذي الحالة زوجها بيحاول يعاملها بشكل افضل لأنها تقدر تتركه بكل سهولة اذا تصرف معاه بشكل غير مقبول.. فما عندها شيء تخسره .. وهو اكيد ما يريدها تخليه.. و ما يقدر يذلها و يمسك عليها نقطة الضعف بأن ما عندها شهادة .. عرفتي كيف

الله يوفقك و يكتب لك اللي فيه الخير..​
 
يسلم بؤك سمو الأميرة كلامك عين العقل

اذا المجتمع متخلف خليكي انتي الواعية والفاهمه


انا ماانخطبت الا بعد ماخصلت الكلية بسنتين وعمري 25 ومثلك مجتمعنا يزوجون البنات من عمر 18

وعادي وربي ماحطيت في بالي سالفة الزواج ولاخليته اكبر اهتمامي

والحمدلله ربي رزقني برجل الكل يتمناه بصفاته واختارني لانه قال ابغى وحده عمرها كبير وعاقله ماابي بنت صغيره ماتعرف تدبر امور حياتها

يعني ربي راح يرزقك وقت يجي نصيبك انا حكيت لك عني عشان تشوفي الناس اجناس ياقلبوووو


توكلي على ربك وعيشي ايامك ترى الزواج هم ومسؤلية وكملي دراستك واجتهدي فيها شهادتك اهم شي تكون معاك...

وبيجيك نصيبك صدقيني بس اصبري وادعي ربك بالخير وين ماكان



تحياتي لك
​
 

أنا شخصياً كل اللي شفتهم أخذوا واحد أهاليهم مومقتنعين فيه حتى لو الكل مدحه انكبوا ماتوفقوا أحسن لك تستخيري وتبعدي عن هذا الشئ إذا من بدايته مشاكل ترى راحة البال أهم شئ والوحدة إذا ربي كاتبلها الزواج بتتزوج لو بعد الدراسة على ايش مستعجلة لاتتعجلي بالتوفيق
 
هلا حبيبتي توك صغيره انا عمري مثلك 22 سنه وصار لي سنه مخطوبه يعني ملجه للحين ما تزوجت وماحددنه وقت الزواج

يعني يمكن انتي تنخطبين انشاء الله قريب ويكون زواجك بعد كم يوم وتصيرين تزوجتين قبلي

والله الله كريم ماتدرين بين لحظه والثانيه الله شنو كاتب لج حبابه

وبعديييييين تونا احنا صغاااااار 22 سنه يدوب
 
حبيبتي إتقي الله وخليكـ حسنة الظن به سبحــــــانه ،،،

ولاتستعجلي

إن كان عمركـ 22 انا عمري 32 والقصة نفس الشي كل مايتقدملي شخص ماما ترفض وفي الآخر يئست من رحمة ربي لدرجة إني قررت أتزوج شخص من غير بلدي بس لله الحمد لما قويت علاقتي بربي وحسنت الظن به بعدلي بشخص أفضل من اللي تقدمولي كلهم تخيلي من عمري 15 وأنا انخطب وماما ترفض وشوفي كم عريس جاني والحمد لله نصيبي كان عريس لؤطة ع قولة إخواننا المصريين ^_*

حياتي أنا ماقريت الجزء الأول بس نصيحتي لكـ إستخيري ولا تستعجلي وع فكرهـ ترى الغموض مو ميزهـ في الشخص سواء مرهـ ولا رجال واللهـ إنكـ توكـ صغنطوطة يعني حراااام تستعجلي بقرار مصيري عشان اللي في عمركـ تزوجوا وإنتي لا ،،،

واللي فيها الخيرهـ ربي يديرهالكـ اللهمـ آميـــــــن ^_^​
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل