بنااااااات تكفوووووووووون ساعدوني

[وفاء القصيم]

مساء الورد بنات
انا اول يوم داخلة التاسع والله يتمم لنا على خير ويسهل علي وعليكم
بس حبيت اسال عن الكشف من تحت اثناء الولادة
والله اني نحفت بس من التفكير فيه ولا انام منه كيف اتحمل الوجع وماهي الطريقة الصحيحة للكشف من تحت
تكفون بنااااااااات ساعدوني تعبانه نفسيا
واقدر ارفض الكشف والا اجباري ​

 

[وردة الغرام]

اول شي الله يقومك بالسلامه ويسهل عليكي يارب حبيبتي عادي واستحملي وأكثر شي أكثر شي أجباااااااااااري.

 

[دانة القصيم]

شوفي ياقلبي

اولاً : الله يتمم عليك وتولدين بالسلامه ياقلبي

ثاني شي ليش الخوف من الكشف إذا جاء الكشف خوذي نفس وان شالله تهون

وانصحك ماتردينهم اذا جو يكشفون لانه من مصلحتك

والله يهون عليك ياقلبي​

 

[آصآآيل]

والله حتى انا من كم يوم دخلت التاسع ولازم نتحمل التعب والوجع

حتى يجي الفرج ....يا رب سهل على كل الحوامل

 

[وفاء القصيم]

مشكورات حبيباتي على الردود
والله يهون علينا يارب​

 

[عذبة الروح 2]

الله يسهل عليك

 

[باووونتي]

ايه لازم الكشف ولا شلون يعرفون انك خلااااص قربتي تولدين
بس انتي استرخي وخذي نفس وانا اشوف ان الحرمه ارحم من الرجال
ولا تفكرين خلي كل شئ بوقته
والله يهووون عليكـ ..

 

[انتوا سموني]

اختي لازم الكشف

بس نصيحة علشان يخف عليك الألم .........لااااااااااااااااااااتشدين

ارخي نفسك على قد ماتقدرين وخذي نفس عميييييييييييييق

وصدقيني بحول الله تمر مرحلة الكشف بسلام

أنا كنت اسوي كذا والحمد لله بعكس طفلي الأول كنت اشد واصرخ عليهم وكل شوي الألم

يزود علي لحد مانصحتني اخت زوجي الله يجزاها الجنه بهالنصيحة والحمدلله

حتى وقت الولاده كانت تقولي : اذا جيتي بتصرخين حاولي امسكي نفسك وخليك

كأنك تصرخين من جوا وبتشوفين الألم اخف من الأول

والله يسهل عليك الكشف والولاده ويقومك بالسلامه​

 

[لبيهـ يالغلا]

الله يهون عليك ويسهل لك
انا توني بالشهر الرابع
ةاحاتي والولاده وميته خوف ادعيلي

 

[فاقدة أختها]

الله يسهل علينا وعليك يااااارب (انا زيك احس اصعب شي في الولادة هذي المرحلة واكره يجون يكشفون علي )
لكن اختي لاتفكرين كثير وتوكلي عا الله وعليك بالدعاء والاستغفار

 

[الوفيه لكن]

لما اشد اتالم كثير واذا ارخيت ارتحت
واتجاوب مع الدكتوره اريح

 

[وحيده في دنياي]

الله يسهل علينا يااااااارب
انا كل مااقترب موعد الولاده
تجيني العبره وودي اصيح

 

[وفاء القصيم]

الف الف الف شكر ماتصدقون ريحتوني كثيييير والله يسهل عليكم وعلي يارب
ويهون علينا الولادة ويجعلها يسر وميسرة باذن الله ياااااااااااااارب​