بنآآآآآآت شورو علي وس آسوي في زوجي كسسسسوول بدرجه فضيييعه

لا إاله الا الله محمدا رسول الله
 
مثلا قولي قدامه بنية طيبة يوووه اللمبة ذي خربانة بكلم اخوي يجي يصلحها...يمكن يقول لا وش دعوا تخلين اخوك

يصلحها وانا موجود ههههههههههه

الله يوفقك حبيبتي
 
الامل ههههههههههههههههههههههههه
انت خطيره والله ..
اجرب بكره << ماعندها وقت
 
كلهم فالهوى سواااا

انا زوج المستقبل بااااارد بشكل بس الشكوى لله شنسوي بعد

الله يهديهم ويصلحهم يااارب


وفيه امل نلاقي حلول ان شااء الله
 
انا من السعوديه ؛ دلوووعة القطري ..
اشكركم ع المرور..
ابقو هنا الى حين حل المشكله ههههههههههههههههه
 
زوجك زي زوجي بس على خفيف
بس انا بيتي مايفضى ابدا من الضيووووف ابدا
والله اني يامودعه ولامستقبله
مااااااالت بس على الكرم وساعته
بس لان بيتي مايفضى من الضيوووف
فزوجي صار يصلح كل شي
 
غاليتي الرجال زي بعض

مافي احد مرتاااااااااااح


ندعيلهم بالهدايه والصلح والنشاط
 
طيب وش رايك في زوجي (السخانه) خربانه وللحين ما جاب غيرها وهو كل شوي يقول الشهر الجاي

خخخخخ المشكله خربت في عز البرد تعرفين كيف لما اغسل الصحون

كأن مدخله يدي بثلج تصير تتجمد كنت اترجاه اانا ما اتحمل هالبروده ويقول عادي ليش

بتتروشين فيها

والحين اقوله خلاص متشكرين لا عاد تصلحها

ولما ندخل مول يمشي شوي خطوتين ويقول يلا امشي خلاص تعبت ما تعدي نص ساعه

الاوهو تعبان

واشياء ما تخلص

الله يعيننا عليهم وعلى ثقالة دمهم وبس في البيت ومعاي انا بالذات
 
الله يسعدكم يابنات ردودكم برررردت كبدي ..
قسم بالله احسب نفسي لوحدي ..لاني اشوف اخواني وابوي حااارين ..
بس زين كنت شاكه ان الخلل فيني ....

الحين لازم نخترع خطه تخليهم ينشطووون ...

وش رايكم ؟؟

يالله يداا بيد لنضع للكسل حـــد ..
 

  • الحل بسيط من غير مشاكل ولا حريق راس اللي ا تكسر صلحو بايدك ايه يعني اتعلمي عشاني خايفة عليكم لتتعدو من كسل الجنوبي مثلا اذا اتكسرت اللامبة روحي بس ايه لما يكون موجود حاولي تصلحيها قدامو ولا تقولي ليه شي كباية شاي قدامو وبتسامة لطيفة ونت بتصلحي تاوهي ااه ايه تعب يعني لحد مايسالك يا ينكسف يا يسكت لوسكت اغسلي ايدك منو لوانكسف خير لسة في امل وفي النهاية الامل في ربنا هههههه شمالية تتكلم من خلال تجاربي مع الجنوبي
 
والله اذا اهلي ماهم قريبين اني انجنيت من زوجي اغلب الاشياء شراء تصليح اهلي حتى زي ماقالت الاخت كاسه المويه مايشيلها مره انا حامل وبجد تعبانه والكتوره مانعتني من الحركه لان عندي اجهاض منذر يقول قومي اعطيني الوياء وهي بجنبه قلت تعبانه مد يدك قال لا ابغاها من يدك شوووووووووووووفووووووووووو الكسل حتى اخواني يقولوا زوجك عنده عرق سوداني لان السوادنه معروفين بالكسل
 
ههههههههه
حلوه عرق سوداني
آيي على قولتهم
انا زوجي غيركم كلكم بالكسل
واحد خذ منه 10000 ريال وانا اقول له يا رجال فلوسك
يقول بكره يارجال فلوسك يقول مايقدر يارجال بيبوقك وهو ابد
لا هو رجال محترم ......
وهكذا دواليك ليما طافت 3 سنين وحس على دمه وقال لازم اشتكي
عليه الشرطه شكلها مايبي يردهم
ههههههههههههههههههه
ههههههههه
هههههههه
بعد 3 سنين حس
اخخخخخخخ
والحين حرب احنا وياه بالشرطه
بارد لدرجه الي يبوقه يقول عليك بالعافيه
 
زهور النرجس قال:
ههههههههه
حلوه عرق سوداني
آيي على قولتهم
انا زوجي غيركم كلكم بالكسل
واحد خذ منه 10000 ريال وانا اقول له يا رجال فلوسك
يقول بكره يارجال فلوسك يقول مايقدر يارجال بيبوقك وهو ابد
لا هو رجال محترم ......
وهكذا دواليك ليما طافت 3 سنين وحس على دمه وقال لازم اشتكي
عليه الشرطه شكلها مايبي يردهم
ههههههههههههههههههه
ههههههههه
هههههههه
بعد 3 سنين حس
اخخخخخخخ
والحين حرب احنا وياه بالشرطه
بارد لدرجه الي يبوقه يقول عليك بالعافيه
أنقر للتوسيع...

ههههههههههه ظحكتيني يا اختي ربي يعينج

في الواقع الزوج الكسول مصيبة و أزمة للزوجة النشيطة و التي تحب انجاز أعمالها بأسرع وقت
انه في الواقع لا يعرف إلى أي مدى تعاني زوجته المسكينه من كسله
بالنسبه لزوجي فهو شمالي نشيط في دوامه و لكن بالمنزل كان كسولا
يبغي ماي و هو قاعد ع اللابتوب يقول عطوني ماي مع انه قريب منه بغرفتنا
انفصلت بطارية اللابتوب يقول ركبيها مع اني اكون مشغوله اكنس أو ارظع ولدي
بصراحه عـــــــــاد أنا مووول تنحرق اعصابي خصوصا اني من النوع الي احب الاعتماد على نفسي فعشان جيه أحب الانسان يعتمد على نفسه...
بالاول كنت ارد عليه اني مشغوله و هو المفروظ يسوي هالشي
و بعدين قمت أطنش اسوي عمري مشغوله بالشي الي انا فيه فهو يفهم و يسير يسوي الشغلة
الحين صار يقول لبناته عطوني ماي هههههههه
هذا ف البداية ...
بعدين يلست أفكر و احسبها ... هذا الشمالي الرجل النشيط المتفاني في عمله ليش جيه يسوي فيني ؟؟
يشوفني تعبانه و أكرف ليش ما يفكر يسوي هالاشيا البسيطة بنفسه و يريحني ؟؟:30:
و في نقطة ثانيه كان ما يحب الاسواق و اذا بيروح سوق ما نكمل شوي الا يقولي خلاص نطلع ما لحقت اشوف عدل :33: و من كثر انه ما يحب السوق رغم اني اول الشهر بس و للضروريات و بعض الحاجيات الي تلزم اي معرسه كان يستانس لما اسير مع اهلي و كنت اظطر للذهاب مع الوالدة كثير ...
و اذا بقوله نسير مكان الحين يقول باجر و احيانا لما ايي باجر قد نذهب و قد لا نذهب ان كان مشغول ...:20:
المستشفيات ما يحبها رغم اني ما اودي عيالي الا اذا في صدق شي ملقلق مستمر معاهم كمرض او الم ...
كيف عالجت المواظيع ببدأ بالتدريج:-
اول شي الصبر و التوكل على الله ...
بخصوص ان كان يتأمر علي بالغرفه و انا بقمة انشغالي و هو قاعد فسويت التالي :
بعض الاشياء اسويها له ان ما كنت مشغوله اتغاظى عنها لان الحياة تعاون مثلا اذا كنت قريبه من الكهرباء اركب له بطارية اللاب انا بعد اطلب منه احيانا الماء لما يكون قريب منه و الصراحه ما يقصر يعطيني فهالامور متعاون مو مثلي لازم اي شي تسوي بروحك ... يعني حاولت احسن بنفسي من هالناحية لان شفته عيب فيني ...لا بأس بقليل من التعاون ...
طالعت نفسي بالمرايه فشفت وحدة هيئتها تقول انا مستعده لعمل اي شي هههههه سوبر وومن .. لافه على راسي بنفس طريقه خدامتنا البنغالية يوم كنا صغار ( شوفوا تأثير الخدم علينا سبحان الله مع ان الوالدة مشرفة على تربيتنا يزاها الله خير) و شفتني رافعه جلابيتي لين فوق ومدخلتنها بسروالي ههههههه شاده الهمه
و اذا شليت غطاء الرأس شعري غير مرتب حدث و لا حرج,,,, مش فاظيه حتى لنفسي ...
و لما اشتغل اشل احيانا اشيا ثقيلة حتى ريلي الي هو ريال يتعب لما يشلها و ما يقدر يكمل ...
وما اجلس على الارض من كثر الشغل الي براسي ... يعني ما اعرف اجلس لو ما في شي اطلع شغلة و اشتغل عليها و هو قاعد عندي يا يقرا يا يطالع باللاب ...
من المرايه فهمت السر الي يخليه دوم يتأمر علي حطيت نفسي مكانه وفهمت السبب شكلي و الي كنت اسويه جدامه كل كان يوحي اني ممكن اسوي اي شي عشانه :10:

انزين شسوي مشكلتي اني شرقية بالقووو لازم كل شي مرتب ومكانه و لا ما ارتاح ...:30:

اول شي سويت صلح مع نفسي ... ازلت اللي رابطتنه نفس الخدامات من على راسي و نزلت ثوبي لتحت كامرأة راقيه ... و رتبت شعري و أحيانا اضع جلوس خفيف ... اول شي نفسي ارتاحت حست ان فيه حد مهتم فيها الي هو أنا...تابع ,,,
 
بعدين قمت الاعمال الثقيلة كحمل الاشيا انجزها و هو ليس موجود حتى لا يظن اني المرأة الحديدية التي لا تتعب ^_*
الاشيا الاخرى البسيطة أقوم بها أمامه و أحسسه دائما أن العمل بالمنزل و الأولاد أمر متعب ( حتى يحس اني بحاجه لخدامه مستقبليا لما يجهز بيتنا )
انهي عملي ف الصباح الباكر و هو نائم او اتابع اعمال و هو عند اهله ليس ف الغرفه و قد اقوم ببعض الاشياء الخفيفه وهو جالس و الاشيا التي تتعلق ببناتي اوكلها اليهن كالاستحمام و اخراج ملابسهم و التقاط العابهم يعني الاشياء البسيطة التي تتناسب مع سنهن ...
اكون مخلصه عملي فاجلس بجانبه براحة و استرخاء تام ...
شي ثاني الشمالي رجل يحب ان يرفه نفسه و يحب ان يشعر ان المرأة التي معه ملكة ... لذا راعيت هذا النقطة لانه مع عمله الجاد بالخارج يريد أن يرجع فيجد مكان مريح يسترخي فيه من تعب النهار لا تنسي هذه النقطة ... انه متعب من التفاني في عمله و في جو تملؤه ضوضاء العمل و الانتقادات و الترصدات فمن الطبيعي أن تجديه يريد الراحه في المنزل و يريد أن يحس انه الملك المتوج... بدأت أفهمه أكثر و أتقبل طبيعته أكثر
و لا سابقا كنت اغتاظ منه انا اعمل و هو جالس باسترخاء هههههه ... ولكني ما ان فهمته و قدرت طبيعة عمله و انضغاطه ف الدوام بدأت افهم الامور اكثر... فهمت بأنه ليس كسول و لا اعتمادي كما كانت تقول والدته انه شخص يعتمد عليه بالفعل لكنهم هم من عودوه على الكسل حتى اموره كان يقضونها عنه...
المهم لما بدت اهتم بمنظري و انهي عملي وهو غير موجود و خصوصا الامور الثقيلة رأيت نظرة الاعجاب منه و كذلك الاطراء و لم يعد يتأمر علي كالسابق ...
 
النقطه الثانيه:
كان ما يحب الاسواق و اذا بيروح سوق ما نكمل شوي الا يقولي خلاص نطلع ما لحقت اشوف عدل :33: و من كثر انه ما يحب السوق رغم اني اول الشهر بس و للضروريات و بعض الحاجيات الي تلزم اي معرسه كان يستانس لما اسير مع اهلي و كنت اظطر للذهاب مع الوالدة كثير ...

* كنت أحضر نفسي للسوق أول شي أخبره أن في اشيا ناقصتني و بكل احترام أسأله متى يدر يوديني ؟
* اخبره قبلها بفترة مو بنفس اليوم الي بسير فيه لاني اكتشفت انه ما يحب المفاجآت غير المتوقعه .
* نتفق على يوم و اذا ما وداني يا اما اسامحه اذا كان صدق شي طارئ مع وعد منه انه يعوظني بيوم ثاني ... أو ابين له اني اظايقت وان واعدني و خلف وعده ( يهتم بالوفا بالوعد لان ملتزم الحمد لله)
* قبل ما أسير أكون محظرة ورقه بالاشياء الي أبغيها ( شرقية بالقوووو ههههه , و لاني اصلا ما احب اللف بالسوق للنزهه فقط لازم اكون محتاجه شي )
* احاول اخذ الي ابغيه و اطلع لان عندي عيالي معاي ما اقدر اطول و اقدر ظروف عمله المتعبه ( يعمل ليلا )
* بالبداية كنت أبغي اعوده فكنت أطلع بسرعه و شوي شوي صار يقدر ينتظر لين آخذ كل الي أبغيه مرة وحدة...
* جعلت أوقات الذهاب للسوق أوقات اجازته و أول الشهر بس الا اذا في شي محتاجتنه فيكون استثناء
* بديت أتقبل المواعيد الي يعطيني اياها للذهاب للسوق لان هو عنده بعد التزامات اخرى كاصلاح سيارته و غسيلها غير يدرس و غير دوامه الليلي فما اظغط عليه لا اكون مرنه الموعد الي يعطيني ان كان قريب اتقبله بصدر رحب...
* بدأت استخدم العبارات مثل ما عندنا هذا الشي ( اسم الشغله الي ابغيها) شو الحل ؟ أو تقدر تسويلي الشي الفلاني اذا ما كان من الظروريات ...أو متى تقدر توديني المكان الفلاني...
و للمستشفى الي ما يدانيييه كنت أقول فلان مريض و ما نام و أشرح ببساطة معاناتي معاه فيقول نوديه المستشفى هههه يعني هو يقترح علي نسير وقبل كنت أقول بسير من غير ما اشرح شفيهم يظايق ويقول انتي وايد تبالغين و ما فيهم شي مع اني ما اسير الا والحاله تستدعي ...
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل