بموت غصة وقهر..شوفوا حواري مع زوجي يوم قلت بشتغل ..

[نحول]

اولا اذا كان زوجك قايم بواجبه وماقصر معك ليش الشغل بتتركين اعيالك لشغاله تتغير بين فتره وفتره غير انك انت بتتعبين معهم لان نصف اليوم برا0 وعمرك يروح وانتي هذا راتبي وهذا راتبك واذا على بناء البيت فهذي مسئوليته0 وبعدين وشلون ابطلب منه مصروف وانا معي افلوس0 ثانيا ابتشتغلين كل يوم من الصبح علشان اعطي صديقتي وبنت عمي هديه الهديه على قدر الحاجه مهب فرض0 ثالثا بمقدورك تشتغلين بااشياء ادخل السعاده على اهلك ابرهم بخدمتهم ومساعدتهم مهب لازم افلوس0 رابعا اذا كنت مصره تشتغلين اشتغلي وشوفي المعوقات بعدين ناقشيها بمعنى هو وافق مبدئيا فشتغلي بعدين لكل حادث حديث يعني لا تولمين العصابه قبل الفلقه0

 

[قلبي]

جزاكن الله خيرا أخواتي ...ماقصرتوا بستخير إن شاء الله وإلي فيه الخير ربي يسره

 

[ألوان]

حلو ان الوحده تشتغل ويكون الراتب بأيدها ​

وتحس أنها قويه ولها شخصيه​

بــــــــس 0000 ؟؟؟؟​

اذا الشغل بيجيب لي وجع القلب ​

ومشاكل مالها أأأأأخر ​

وهذه فلوسي وهذه فلوسك ​

وأصرفي على عمرك واصرف علي ​

وترك العيال فتره طويله ​

ويوم ترجعين البيت من التعب مالك خلق لهم ​

الأحسن أنك تشترين راحت بالك ​

ومدام زوجك مقتدر ماديا بلا هذا الشغل ​

وعيشي سعيده ترى والله كثير من العلاقات الزوجيه فشلت والسبب وظيفة الزوجه ​

وأحيانا تكون الوظيفه نقمه وتباعد بين الزوجين عاطفيا​

وبعدين يا أختي تقدرين تكونين صدقات مو شرط عن طريق الشغل ​

في نوادي سيدات كثيره تقدرين تشتركين فيها وتتعرفين على النساء وتكونين صدقات معاهم ​

وغير المنتديات والنت ما يقصر ​

فكري بهدوء وراجعي نفسك وشوفي الحسنات والسيئات الي بتجيك من الوظيفه ​

والله يوفقك ​

 

[قلبي]

تسلمين أختي ألوان ماقصرتي اللحين أنا فوضت أمري لله ..يكتب لي الخير ..

 

[بدون جراح]

والله احنا في مجتمعنا اذا جابت الوحده شغاله هي الي تدفع راتبها وفيه ناس تعطي حاجه معينه من الراتب لزوجها لان مثل ما قال زوجك خرجتك على حسابه هو وبيتك فلازم يمون فيه نوع من التعويض بس اقترح عليك انكم تتفقون من البدايه على حاجه وتثبتين وتمشين عليها يعنى مثلا تقولين انك مسؤله عن نفسك فقط او رح تساعدين في المعيشه بمبلغ كذا شهريا وتوضحين انه علشان خاطره رح تسوين كذا ولا مانتي بمجبوره هذا رأي وانتي ابخس بزوجك اش الي ينفع معه

 

[شـغـف]

قوليله الدين ما قال شراكة.. لو الحرمة مليارديرة.. الزوج ملزم بالصرف عليها.. واشتغلي واطلبي منه بيزات بعد..

 

[زي العسل]

انا اقووول

اذا ريلج راتبه مررررة اوكيه ومكفي وموفي قعدي فبيتج وتغنجي اخر غنج

واذا راتبه يمشي الحال بس

اشتغلي وحطي خطه قبل لا تحصلي عمل من الاساس

مثلا اذا بتمسكين 500 ريال

100 فجمعيه
100 او 200 حق اقساط سياره
100 مصروفج
و100 فحساب التوفير او نصها حق امج او كامل 100

وقوليله 100 اللي اصرفها حق بترولي وشويه اغراض وفاخر الشهر اطلبي منه

او

تقولين اخوي متورط او ابوي وابي اشتغل عشان اتسلفله وافك دينه
بس لاتتسلفين حق احد حتى لو ابوج ولسبب مو مجدي

وخلي فلوسج فالبنك وعالمدى الطويل اشتري ارض وبعد سنه سنتين تبيعيها باضعاف
وتشتري غيرها وهكذا

انا وحده من اخواتي مريحه راسها بطاقه زوجها فيدها وتسحبله وحدها وتسحب عراحتها حقها ومسوين مشاريع وكل شي فيدها وهيه ما تشتغل

اذا حاسه الشغل بييبلج مشاكل اقعدي فالبيت وواضح ان شخصيه زوجك اقوى

 

[قلبي]

صدقتوا خواتي ..صدق في حريم عندها بطاقة زوجها في يدها وتصرف على كيفها هذا مبني عل شخصية الزوج ..وغير جذي في أزواج مايقصرون حتى على أهل الزوجة بشي مع أن راتبهم قليل وفي أخرين راتبهم زين لكن مايرى من الضرورة هدايا لأم الزوجة وأبوها ..يعني كل واحد وقناعته ..وفي من الحريم من بذكائها وإسلوبها غيرت قناعات زوجها الخاطئة ..سبحان الله الإسلوب مهم جدا ..وأنا عني طيبة جدا حتى ماحمل زوجي فوق طاقته وغير جذي مب صريفة حتى هو عارف هذا الشي وإستحي إني مثلا أطلب من زوجي شي أحس يمكن يفهمني غلط ..سبحان الله خاطري والله نتعلم الأسلوب الصح في هذي المواقف ..وكيف في حريم ماشاء الله كاسبات ازواجهم لدرجة لايمكن أنها تطلب طلب إلا وحقق لها ...أنا أقول أكيد شخصية الزوج لها دور وذكاء الحرمة ..يارب إرزقنا الذكاء وحسن التصرف وعلمنا يارب ماينفعنا ...

 

[قلبي]

تذكرت في أخت قالت مب مهم هدايا للصديقات وبنت العم وهذا مب فرض ..
حبيبتي أنا ماأقول فرض وبوضح فكرتي أكثر ..أنتي إذا هدتج صديقة مرة ومرتين وثلاث ..مب لازم إنج تردين عليها بهدية ولو كانت بسيطة ..لأنها أكيد ماأهدتج إلا وهي تشعر بأن الهدية لها قيمة وتحب أكيد الناس يعاملونها مثل ماهي تعاملهم ...
شي ثاني ..أمج وأبوج أو خواتج أو خوانج ...وخاصة إذا كنتي شوي بعيد عنهم ماتحبين يوم ترجعين لهم تفرحينهم بشي ولو كان بسيط ..أو في المناسبات إذا مرض أحد وزرتيه أو بنت عمج مثلا ربت ..أمج مثلا عندها مناسبة وظروف هلج صعبة ماودج إنج تساعدين أمج في هذا الأمر ..

أنا ماأقول هذا فرض على الزوج ..بس أقول هذا من النخوة إني أهدي هلي وأصدقائي ..وهذا مب كل يوم طبعا ولكن بين فترة وفترة ...أنا ماأقول أزواجنا مقصرين يزاهم الله ألف خير بس أقول القصور فينا نحن مانعرف كيف شخصية هذا الزوج وكيف نقدر نغير قناعة عنده يظن الزوج إنها صحيحة وهي خاطئة ...يمكن هو تربى على هذا الأمر لهذا مايشوف هذا الشي مهم ..وايد ريايل مثلا تربى وماشاف في يوم الأب قال لأمه أحبج أو طبطب عليها ..فينشأ الرجل ويعتقد بعدم أهمية هذا الأمر فمايعطيه ...ويكون هو طيب وكل شي لكن يرى من يقول لحرمتها أحبج أو يدلعها تافه ..لأن في إعتقاده الحب موجود مايحتاج برهان ...هو يشتري هو مامقصر هذا كفاية ليش مسجات حب وغرام ...ليش أدلع حرمتي أو أقول لها كلمات الحب هذا أمر تافه ..لا أهمية له ...فأنتي في هذي الحالة كيف تتصرفين ..إذا هو نشأ على أن هذي أمور مب مهمة ...
في هذي الحالة يقع علينا إحنا الحريم الهم الكبير وهو كيف أغير هذا السلوك أو هذي القناعات اللي موجودة لأنها بالنسبة للحرمة لازم ..ماتعيش الحرمة إلا إذا حست بكلمات الحب ...
فياأختي الحبيبة نحن مانقول فرض عليهم ولا نحملهم فوق طاقتهم .....

 

[أمل كبييير]

صح ياقلبي انا معاج بهالكلام
يعتمد على شخصية الزوج وكيف كانت تربيته وحياته في بيت اهله وعلى شخصية المراة وكيف تتعامل مع شخصية زوجها بذكاء عشان كذا لازم نحلل شخصية ازواجنا ونعرف هو من اي نوع وبعدين نتدرب في التعامل معاهم وما نقول مع الوقت بنتعلم والعشرة لا
في ناس تزوجوا 20 سنه وبعدين انفصلوا لانهم وصلوا لطريق مسدود
انا كنت اعاني من زوجي لان اهله يشترون نوعية معينه من الملابس واقمشه وعبايات كلها ما تعجبني ولما اشتري انا الي ابيه حسب مو متعودة عند اهلي تم يقول ليش ما تفصلين مثل امي بوديج عند الخياط اللي تسوي فيه اختي ومن هالكلام
بس ما رضيت وقلت هم شي وانا شي وهذي شخصيتي ما احب اغير عشان غيري بس باسلوب زين
المهم والله الحين اغلب اهله يشترون اللي اشتريه ويفصلون في المكان اللي افصل فيه واشياء وايد احس يحبون يعروفونها عن طريقي عشان يسونها خاصة البنات يكبرون ويشوفون ربيعاتهم ويحسون ان اللي قاعدين يلبسونه مب مال الحين
والحمد لله علاقتي معاهم وايد زينه والحمد لله

 

[احلى دنيا]

حبيبتي قلبي كلامك صح 100 %

الهدايه مطلوبه وانتي لازم تشتغلين عشان تأمنين لنفسك حياة كريمه بالمستقبل والانسان مايدري عن الضروف

واللي فهمته منك انك تبين تساعدين اهلك بصراحه سبب مقنع لا تضعفين وتوهنين عن الشغل ابداااا

ولا تصرفين علي بيتك وعليه من فلوسك لانها ملكك وزوجك لازم يعرف هالشي

سوي مثل ماقالت الاخت مااذكر منهي والله انك تاخذين سلفه وتدفعينها اقساط المبلغ الباقي جمعيه وافتحي لك حساب ثاني للتوفير

لاتتنازلين ابدا عن الشغل اذا حصل لك

انا ودي اشتغل بس مو لاقيه والله

وزوجي يشجعني بعد بس مايطلب مني شي ابد حتى لو معي شي الحين وهو مامعه والله مايطلب انا اعطي بنفسي إلا ان الله يفرجها

الله يريح بالك اختي ويسخر لك زوجك

 

[لحن الأنوثة]

لازم تفهمينه من البدايه ان راتبك هو لك انتي

وتصرفينه على نفسك وعلى كيفك اما مصاريف البيت والسفر عليه هو

الله يوفقك حبيبتي

 

[قلبي]

ماشاء الله عليج أختي رشيقة الصراحة تعجبني صراحتج مع زوجج وأن من البداية وضحتي له وبأسلوب راقي ..الله يحفظج يارب ..أهي البداية أهم شي كيف إنج تتعاملين مع الموقف صح علشان يكون لصالحج ويصير لج شخصية ..والصراحة الزوجة إلي شخصيتها قوية وذكية ولبقة مع زوجها يحبها الزوج وتحصل إلي تباه ,,, الله يسعدج يارب ويعلمنا ويزيدنا علم يارب ...

 

[قلبي]

تسلمين أختي أحلى دنيا وأم دندونة ...الله يجزيكم خير على ردودكم يارب ويوفقنا لطريقة نعرف شخصية أزواجنا وكيف التعامل معهم من البداية قبل لايتعودون على شخصيتنا اللحين وبعدين صعب يتقبلون التغيير ...

 

[*صاحبة السمو *]

قلبي شوفي حلو إن الوحدة يكون لها راتب تحس فيه بالخصوصية وتؤدي ماعليها من واجبات لكن حلو برضو إن الزوج هو يصرف عليك وعلى عيالك(إذا كان عندك عيال) ويعرف اش نواقصكم ونواقص البيت يعني تحسين أنه مهتم فيك لكن إذا صار عندك إنتي راتب بيقول خلاص هي تصرف على نفسهاوعيالها وبيتها هذه وجهة نظري والله يوفق الجمييييييييييييع :icon26: :icon26:

 

[قلبي]

تسلمين أختي الغالية ماقصرتي ..

 

[فجر الخيول]

هلا اختي الله يعينك شكله زوجك من النوع الي عادي ياخذ من زوجته وماعنده مشكله
عشان كذا انت لاتردي ولاتناقشيه ولاتحسسيه انه بترفعي الفلوس عنه
بس من قبل ماتستلمي الراتب شو في لك مشروع صغينون او ارض بالتقسيط او اي شيء تحطين فلسوك فيه والهدف من كذا
اولا انه مايصير عندك من الراتب ولاشيء وبكذا راح تطلبين منه لانه لو عندك راتب صدقيني راح تقولين اخذ من عندي احسن من وجع القلب واني اطلبه هو يعرف انه عندك راتب يجلس يطفشك لكن لما تروح فلوسك كلها
وماعندك شيء تطلبين منه وتجادلينه وبكذا تكون حقوقك ماشيه عنده
وثانيا عشان مايعتمد على راتبك ويفرض عليك المصروفات بالنص
واعرفي انه بيجلس لك في الشغاله والسواق فاتورة التليفون لكن حاولي مره داري عليه ومره ناقشيه ومره كذا ومره كذا
الين يفهم
بس لازم يفهم انه في حد عند الراتب لاتقرب منه
لاتسوين كذا الا بعد ماتستلمي الوظيفه عشان مو تسوين مشاكل بدون داعي
والله يعينك ويساعدك

 

[& هتان &]

والله مادري اختي الله يعيننا

حتى انا اصرف على لبيت