بليييييييز ابنتي في ورطه

[الـمـكـسـوره]

السلام عليكم

بدش بالموضوع علطول انا عندي بنت عمرها 7 سنوات والمشكله انها مشعره كثيراا..


والشعر بكل انحاء جسمها مو عارفه شو اسوي.

والمصيبه انه مسوي لها احراج الكل يعايرونها ويقولولها انها مثل الولد بالشعر

وبنتي تكسر الخاطر لدرجه انها تستحي تلبس نصف كم او كت او شيء قصير

مو عارفه شو اسويلها

الي عندها حل بليز اتقولي وتفيدني ..


او اتعرف طريقه تقلل الشعر او شيء الله يرحم والدينها تقولي

لا تبخلوا علي.

 

[شيخـ الزينات ـة]

وديها عياده جلديه واسالي عن دكتور مختصه ووديها لها و لاتسوي شيء من عندك وتندمي وتندم بنتك طول عمرها خاصه انها صغيره وعادي الشعر اتوقع روحي والله يهدي سرك

 

[الـمـكـسـوره]

شيخـ الزينات ـة

تسلمين حبيبتي لان محد عبرني غيرج


المهم البنت توها صغيره كيف اوديها عند دكتور ..

لاني وديتها قبل قالتلي ما يصير نسويلها شيء لانها بعدها صغيره


احبطتني:21:

 

[واثقة]

علميها الثقه بالنفس قبل أي شي ثاني..

وبسطي الأمر وهونيه لما تحكي فيه..

وقوليلها بس تكبرين تشيلينه بالليزر..

 

[ميرال2009]

انا بنتي اول ماولدتها كانت مليانه شعر والله خوفتني بس الحمدلله شهر بعد شهر راح الشعر كله الان مافيها الا شي بسيط لاتخافين يروح ويقل مع الوقت

 

[sweet student]

ياعمري هي والله نفس حال بنتي عمرها 8 ذاك اليوم جالسه تبكي

قلت لها ماما شفيك قالت شوفي الشعر اللي بيديني كثير واسود

قلتلها عادي بكرا لمى تكبري تشيليه قالت الحين ابغى اشيله قلت لا ماينفع

بعدين لمى تكبري راح تملي وانتي تشيلي شوفي انا الحين بالقصب اشيله عادي عندي اخليه

الله يعينا وانتي كلميها واقنعيها مو من جدك رايحه تدورين حل

 

[الـمـكـسـوره]

اشكر على كل من شاهم بالرد وربي يسعدكم يارب..


بس انا كنت اتمنى الاقي حل لها لانها مشعره واايد..


وعشان هي ترتاح وتلبس الي تيه وما تستحي من نفسها..

كنت بسالكم عن شيء في وحده مصريه قالتلي امسحها بدم الوطواط هل ها الكلام صحيح ولا لاء..


ساعدوني ...