بلييييييز ابي حل سريع الله يخليكم

[رومانسيه كول]

:tears::tears: انا ابي حل سريع لاني بموت من القهر انا متزوجه من 6 سنوات واحب زوجي واهو يموت فيني ويقولي انا اشكر ربي ان عندي زوجه مثلك بس انا لما يكون يمي من داخلي اتقطع والله ومااابينله انا اكتشفت ان زوجي مع بنت بالمسن سوالف وواجهته وقال تسلسه قلت ترضى انا اتسلى قال لا المهم جان حذفها من ايميله ومرت بعدها اشهر ولقيت بجواله مسج من بنت وواجهته وعصبت وبجيت والا يقول انا بايدي انكر لكن انا بقولج فعلا انا هذي كنت اكلمها قبل الزواج ومن تزوجنا قطعت علاقتي فيها وانا مثلج انصدمت بعد 6 سنين دزت هالمسج المهم ويحلف وكل شي وانه هاوشها وقالها انا تزوجت وخلاص لاتدقين بسسسسس انا عندي احساس ماادري انه جذاب هل اصدق الضن ولا لا شسوي عشان اكشفه ابي حل سريع لاتبخلون علي:schmoll:

 

[candies girl]

ياقلبي عليج الله يزيل همج ..

انتي حاولي توصلين حق هالبنت بأي طريقه اعرفي من هي ومن هم أهلها .. وزوجج اسكتي عنه وراقبيه من بعيد لي بعيد .. واذا كان يكلمها سجلي مكلماته معاها ومحادثاتها خزنيهم في جهازج يعني كل شي جمعيه وخليه عندج بدون ما زوجج يدري .. وبعدها ارسلي هالمحادثات واذا كان فيه صور كله بيت أهلها .. واذا قدرتي كلمي امها واذا هي متزوجه كلمي زوجها وافضحيها ( بس عند اهلها ) عشان مره ثانيه تعرف تكلم واحد متزوج ..

خططي يالغاليه من بعيد لي بعيد وشوي شوي بدون عصبيه .. ولا تخلين زوجج يحس بشي بالعكس اهتمي بنفسج اكثر واكثر لاتخلينها تحبط معنوياتج .. ولاتنسين يا اختي الدعاء وكثرة الاستغفار والله يكون في عونج ..

الله يوفقج انتي وزوجج ويبعد عنكم بنات الحرام ..

 

[همسة 200]

حبيبتي
انا اقوول راقبيه من بعيد لبعيد وهي حاولي انش توصلي لها

 

[قطـــــريه]

من رايي اسكتي عن الموضوع .. واذا تكرر من نفس البنت وانكر زوجج قوليله دق عليها من رقمك وانتي ردي عليها وبكل هدوء قولي لها عيب تدقين وتدزين مسجات لرجال متزوج وريلي قالي عن مسجاتج ويقولي انج قاطه عمرج عليه ولانج بنت وماضي مايحب يتذكره طلب مني بكل وضوح اني استر عليج واكلمج وابين لج اني عارفه وهو قالي وهو قاعد يمي .. وكفا الله المؤمنين القتال ..

 

[تعبت من الألم]

حبيبتي انا ضد التنبيش والمراقبة لان الرجل بكذا يتمادى ودامه صارحك حاولي تكونين الام الي تحاوط على ولدها لكن بالحنان والدلع حاولي تغيري من نفسك حاولي تجددين عمرك لاتقعدين تدمرين نفسك وصحتك عشان موضوع انتي اكبر منه وانتي طبعا الاساس وغيرك ...............
والله يسخر قلبك لزوجك وقلب زوجك لك
وتحياتي لك

 

[جنة 95]

حبيبتي الحل بيدك تقدرين تاخذين موقف وتوقفي هالمهزلة شافك سكتي عنه أول مرة فصار عادي الوضع عنده خذي موقف وازعلي وبيني له إن الخيانة مو شي سهل وإذا كان للحين يبيها أوكي تزوجها بالعلن مو تستغفلني وتعيد مراهقتك ومن هالكلام اللي يعرفه ان الله حق
الله يحفظلك زوجك ورده لك وحدك ,,,,,,,,,,, وأخبرينا بما يحل معك

 

["pink "]

حبيبتي مو كل ما تمسكين شي عليه تواجهينه امشي معاه شوفي لوين بيوصل يمكن صج كلامه
انتي ان شفتي اكثر من شي مع بعض واجهيه وخلك حكيمه

 

[فوشاره]

الله يكون بعونك انا بصراحه فقدت ثقتي بكل الرجال هم خونه كلهم

 

[شينه بس اخلاق]

حبيبتي لاتعورين راسك ,, لان مهما تسلى وكلم الف بنت مرده لزوجته هي جنته وناره
ولاتزعلين على الي صار لان 99% في الميه اغلب مثل حالة زوجك ,,
هو صحيح شي يقهر ان زوجي يكلم بنات من جوال ومسنجر ,,
حاولي بقد ماتقدرين تلهينه عن النت خليك عنده لاتتركين لحاله ياخذ راحته وحاولي تتعبثين في برنامج الماسنجر عشان يخترب ومايشتغل واحذفي الجافا عشان مايدخل الشات
اما الحين سالفة الجوال كيف تتخلصين من البنات ’ حاولي تاخذين جواله من غير مايدري وتتصلين على البنات الي يكلمهم وتفهمينهم ان الرجال متزوج ,
وحاولي باول مكالمه تتفاهمين معهم بشكل ودي يعني مب بصراخ وراح تعرفين من متى علاقتهم ,,
وقبلها خزني ارقام البنات عندك ,,
واذا مرا ثانيه شفتي ارقامهم كلمي زوجك قولي له عن كل شي واجهيه وبيني له انك فعلا زعلانه ومقهوره ,,
واذا بعد مانفع خلي واحد من اخوانك يكلمه ويعلمه انك ذهبه ولايتهاون فيك ويخونك ,,
,,,,,
بس تبين نصيحتي والله كلهم كذا اخاف اذا كبرتي السالفه تكون مو من صالحك ,, يمكن يعاند اكثر
انتي حطي في بالك انك زوجته ومرده لك ,, مهما كلم ومهما سوا راح يرجعلك ,, والبنات في يوم راح يتخلون عنه
وريحي راسك وبعدين الغلط الي يسويه الله بيحاسبه ,, حاولي تصبرين ,,
والله يكون بعووونك