بلقيسيات تحسون مثل ماحس ؟؟؟؟؟؟؟؟؟

[دانة2216]

السلام عليكم ورحمة الله وبركاتة

حبيباتي بلقيسيات كروشات ربي ييسر لي ولكم حملكم وولادتكم ويرزق كل محرومة ياااااااااارب عاجل غير اجل اللهم امين

حبيت اسألكم عن شي محيرني بالرغم انة مو حملي الاول الا اني مو عارفة اش فيني انا بالشهر السابع واليوم جاني مغص متواصل مو يروح ويجي يعني نفس الطلق بس متواصل مدري اش يكون ام زوجي تقول تعديلات يعني الطفل يعدل وضعة والشي الثاني لي كم يوم احس بضيق بالتنفس وحتى الاكل احس ودي ارجعة الله يكرمكم مدري كمان هذا عادي ولالا يااااااااااااااليت اللي مرت بتجربة تفيدني بالذات حوامل الشهور الاخيرة ياليت تخبروني وش تحسون من اعراض

 

[صمت الزهور]

و الله ما جربت ادعيلي
وماحبيت اخرج من دون مااقولك الله يكفيك شر مااهمك و ان شاء الله مافيك الا العافيه

الله يهون عليك وتقومين بالسلامه ان شاء الله

 

[ساميه1]

مادري انا للحين مادخلت السابع وماعرف الم الطلق الله يستر وييسر ولاداتنا جميعا

 

[باسقة]

ياحبيبتي اذا عالمغص انا في حملي كل بداية شهر (من الاشهر الأخيرة بس ) احس بمغص وتغيرات في الاوجاع كم يوم وتروح..
اما على ضيق التنفس انا مثلك حملي داخلي يعني بطني مايكبر مرة ويصير يضغط الجنين على داخل واصير بالاشهر الاخيرة كأني مكتومة ومضغوطة على احشائي (حتى سنتيان ما البسه!)من شدة الحشرة وما انام الا وانا شبه جالسة وتحت ظهري وراسي مخدتين ترفعني ..
يعني اذا وضعك مثلي فهذا طبيعي .. وانتي افضل اذا طول معك كم يوم روحي الدكتورة وتطمني..
الله لايخسر تعبنا ولا كل ام يااااااااااااااارب..

 

[الجواااان]

والله ماعندي خلفيه لكن الله يطمن قلبك ياارب والافضل تستشيرين طبيبه بمثل ذا الامور

 

[همسـ(أنثى)ـات]

انا تجيني الام ومغص وانا بكريه وما ادري شالسالفه لكن اتكل ع الله والله اذا جاتني اعيش يومي بخوف وقلق لكن احط يدي ع بطني واقول .. (( اعوذ بالله وقدرته من شر ما اجد واحاذر ))

واقول (( اللهم رب الناس اذهب الباس واشف انت الشافي لاشفاء الا شفاؤك شفاء لا يغادر سقما ))

واحس بعدها براحه ولله الحمد

 

[ريماس الماس]

عيوني لا تخافين من ضيق التنفس طبيعي جدا مشاء الله والمغص اذا زاد روحي لا تتهاونين
والجنين الحين ضاغط على المعده وعلى جهاز التنفس مع الكبر كمان يعني راح يجي شوي الي اشد من
ضيق ومغص وحرقان الخ الخ ما اخوفك بس ترى كلها تروح انشاء الله تقر عينك بشوفه

 

[حبة فريز]

الله يكون بعونك حبيبتي أنا بديت من الحين أحس بضيق وكتمة ويجيني نغز قوي من تحت وخااااايفة مرررة لأن آخر مرة رحت الدكتور كان راس البيبي تحت وأنا باقيلي اسبوع وادخل السابع...

 

[دانة2216]

ربي لا يحرمني منكم اخواتي والله ان ردودكم طمنتني ياااااارب يجزاكم خير ويعطيكم اللي ببالكم وييسر لي ولكم اللهم امين:1:


اللهم ارزق اختي صمت الزهور الذرية الصالحة السليمة عاجلا غير اجلا يارب جزاكي الله خير ياختي على ردك على الموضوع

جزاك الله خير على ردك يااختي سامية والله ييسر لي ولكي ولكل اخواتنا الكروشات ويسهل الولادة

فعلا ياختي باسقة بطني مو مثل دايم صغيرة احسها بحملي الاول كبرت اكثر وربي ييسر ونخلص ونولد على خير واول مرة مرة احس بهالاعراض فعلا وجزاكي الله عني خير على ردك

الجوان جزاكي الله خير على ردك وياااااارب يرزقك الدرية الصالحة باقرب وقت ويفرح قلبك


همسات انثى والله حتى انا على القران من شدة الضيقة وربي يهونها لنا جميع وجزاكي الله خير على ردك


ريماس الماس اللهم امين ويقر عينك يارب بشوفة من تحبين والله اللي خوفني اني اول مرة احس بالاعراض وجزاكي الله خير طمنتيني

حبة فريز الله يهونها علينا ويفرج ضيقتنا ويقر عيوننا بشوفة اطفالنا يارب وجزاكي الله خير على ردك