بكمل أسبوع عند أهلي وما سأل عني!!!!!!!!!!!!!

الله يكتب اللي فيه الخير إن شاء الله
 
والله القرار بايدج

بس حاولي تفكري زين خلي مثل ابوج يكلمه بطريقة انه ابوج يتريااااه يتفاهم والغلط انه الريال يتنازل عن زوجته جي



اواخوج يعني الي موجود يتكلم عنج واكييد بيوجبهم وبييي

يعني لازم طرف اخر بالسالفة

واذازوجج مايعجبه جان مرواخذج


بس فكري زين لانه يمكن يمسكهاعليج ويقول رحتي ورجعتي من كيفج

وبالبيت خلج ثقيلة

والله الموفق
 
الله يعينك حبيبتي وطولي بالك ،،، ربنا يهدّي سرّك وان شاءالله الامور تسير الى الأحسن ، الصبر جميل والبيوت أسرار صدقيني ،،
 
اختي تقدرين ترجعين وتبينين له انج رجعتي علشان الدوام مو علشانه وخليج حاقرته


مع تحياتي
 
أم مريم ما شاء الله عليك كلامك عين العقل.في أزواج لما تطلع الزوجه من البيت وتسير عند أهلها لأنه مزعلها يجن ويصيح ويركض يرجعها بس في أزواج ومنهم زوجي ما يرجع ولا يدور وهذيله اللي المفروض الزوجه ما تطلع من بيتها وتحاول تحل المشكله وهي في بيتها بسبل أخرى.

الإماراتيه طمنينا عليك والله يهدي ويسخرلك زوجك.
 
اختي اماراتيه :)

شو صار معاج ؟؟

تدرين شلي قاهرني .. !!
ليش الحرمه تكون ضعيفه لهالدرجه ..؟؟ وعشان شو !!؟

والله لو الريال محصل وحده قويه وممشيه امورها بنفسها وماتبين زعل او ضيقه عليها .. بس دايما مستانسه وتضحك وتحل مشاكلها بكل سهوله او تطنيش
وفوق هذا دلوعه ع الاخر .. بيحطها ع راسه ومابيصبر عنها دقيقه
العين الحمرا تنفع مع الرياييل + الدلع

:)

وسوري هذي فلسفه خاصه بي بس من خلال نظرتي للمجتمع وعالم الرجال استخلصتها

تحياتي لج يا اماراتيه
 
لا حول ولا قوة الا بالله

ما ادري هريايل شو يبون بضبط معذبين زوجاتهم ومطنشين

الله يعين بس
 
حبيتى ام مريم صادقه ردى بيتك بس بكرامه
لا تعطينه وجه لازم تكون هذه اخر مره يمد يده عليك.
اذا سال ليه رديتى قولى علشان دوامى بس لا تفكر ان المساله منتهيه انا مضطره ارجع لين ارتب امورى بس وخلى باله مشغول اشلون بتتصرفين وشو ناويه تسويين.
 
اماراتية اشكرك على حسن ردك وهذا ظني فيك وعندي لك راي ترجعين لبيتك بدون ما تتصلين فيه ومثل ما قالت ام محمد انت رادة عشان شغلك وهو مامد يده عليك بدون سبب انت غلطت وهو عاقبك نصيحتي لك تردين وحلي مشاكلك ببيتك طلوعك من بيتك ماهو حل لاتعالجين الغلط بغلط هل ترضين انت انه يطلع من البيت لاصارت مشكلة اكيد لا عامليه مثل ما تحبين انه يعاملك فيه وخليك انت الاقوى يقول الله سبحانه ادفع بالتي هي احسن فاذا الذي بينك وبينه عداوة كانه ولي حميم
 
وينك ياإماراتيه طمنينا عليك وش صار معك

حبيبتي الله يردك لزوجك عاجل غير آجل ويجعلك قرة عينٍ له
 
أختي العزيزة أماراتية..

بما أنك طلعتي من بيتك وانتهى ... فأنا لن أنصحك كما قالت الأخوات ارجعي فاعلمي ان كان يضربك ويخونك وصارحته و تركتي البيت انه سيصبح أسوأ ان رجعتي له من نفسك فبرجوعك له اذلال لك أي انك رضيتي بهذه المعاملة وأنك تحتاجي له رغم كل مايفعل..

أنتي في بيت أهلك معززة مكرمه ولاينقصك شي وبالنسبه " للدوام" فأنصحك أن تاخذي اجازه لمدة معينه واذا لم تستطيعي لابد لك بالذهاب يوميا والله المستعان. ولكن اياك ان يحس أنك في حاجه له ولاتتصلي به بل حسسية أنك في حال أفضل من دونة.

وقد ذكرت في مامضى الاستاذه ناعمه انه على المرأه ان تفرض احترامها عند زوجها فان تركت البيت من خطأ بدر منه يجب ان لاترجع الا بعد ان يصالحها وبشرووط منها.

والله يا أختي أتمنى لك التوفيق والهدايه لكم جميعا ولكن دامك خرجتي فلا تعودي ءالا وانتي مرفوعة الرأس تخيلي أن تعودي وبعد شهر تصبح الأمور أسوأ مثلا أن يغازل أمامك ويزيد بالمعاملة السيئة مثلا سوف بعدها تندمي أشد الندم. لا تفكري به بل أشغلي نفسك بكل ما عندك وزوري أقاربك فكري في هواياتك واضبي على سورة يس.

والله يصلح لك جميع أمورك والى الأفضل.
 
ليش يا وردة امل حرام عليكي تخببينها على زوجها كان الاولى تقولين لها ارجعي وبشروط مكان المراة اذا تزوجت بيت زوجها ولا تخرج منه الا بالطلاق لاسمح الله هذا عدا انها حامل يعني سيصبح بيت عيالها ارجعي يا اماراتية مع ولي امرك الى بيتك وخذي من زوجك عهد انه ما يمد يده عليكي ابدا ولا تفرحي ابليس اكثر من كذا والله يهديكما
 
الله يعييينج أختي إماراتيه..إن شاءالله لكل مشكلة حل بس انتي تفائلي..
تذاكي سوي حركة تخلينه فيها يخاف عليج يعني سوي عمرج تعبانه خاصه وانتي حامل وانج في المستشفى وخليه هالكلام يوصله مهما كان اكيد بيهتم وبيخاف عليج وبيحاول انه يطمن ع الأقل...واذا ياج حسسيه انه الي سواه مش هين منو ترضا انه ريلها يضربها مهما كان ماله حق ابد يمد ايده..حاولي اختي واصبري الصبر مفتاح الفرج..
الله يفك كربج ان شاءالله
 
الله يعينج وسوي يللي قالته ام مريم إن شاءلله بيرد يعتذر !
 
معليش بنات مع احترامي لكم ردودكم غريبه كيف ترجع وهو خانها وضربها وهي حامل بعد أنا عن نفسي اقولك لآترجعين مادام انه مو ناقصك اي شي عند اهلك كثير بنات يتمنوا يكون عندهم اهل طيبين يرجعون لهم وقت الشدة اقعدي عند اهلك وانبسطي حبيتي وفليها للأخر وخليه يجيك ويعتذر منك عشان يعرف ان لك قيمة وقدر ولك سند ودوامك كلميهم بطريقتك وانسي منة لاتفكرين ابدا وقفلي جوالك خليه يدور لك
 
وأنا رأيي من رأي الأخت وردة أمل وأم دنو

دامك طلعتي من بيتك إذن لا ترجعين إلين يتفاهم مع أهلك وترجعي بشروطك وطلباتك
وغير كدا هو مد يده عليكِ.. إذن لازم هو يتأدب ويعرف حدوده ويعرف إنه وراك أهل

لأنك لو رجعتي و اعتذر لك صدقيني بيتعدل يوم يومين ويرجع الحال كما هو عليه
ودامك طلعتي من بيتك اتحملي لين يصير اللي تبيه

ولا كان من الأساس ما طلعتي من البيت وحليتي مشاكلك معاه
لأنك برضو لو رجعتي وصارت خلافات وطلعتي تاني ما راح يهتم
بيقول مثل ما ردت أول مرة مصيرها بترد

لذلك اصبري واتحملي.. ولا تفتكري إنه هو مرتاح بجلسته لحاله في البيت لا والله تلقينه مثلك
بس يمكن ماله وجه يجي ويتكلم مع أهلك لأن الغلط راكبه والحق معاكِ
 
اماراتية طمنينا عليك اهم شي اهتمي بنفسك وبصحتك وبالنونو وتغذي كويس ودوامك حاولي تاخذي اجازة عشان ماتتعبي زيادة وارتاحي شويه وخلي التفكير اللي كاتبه ربك بيصير وكلي امرك لربك "وافوض امري الى الله" اقري سورة البقرة صدقيني نفسك بتهدا وبتشوفين الامور بصورة اوضح والله يعقل لك زوجك ويسخره لك تسخير العبد لسيده وادعي له انتي بعد
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل