بكمل أسبوع عند أهلي وما سأل عني!!!!!!!!!!!!!

[عيون بو سلطان]

بنات الحقوا علي......... بمووووووووووووووووووووت
البارحه حطيت مشكلتي وماقصرتوا وياي في ردودكم
وأنا ابا ارد حق ريلي......... مب قادره اتحمل أكثر من جيه

بدال ما أنا أعاقبه هو يالس يعاقبني!!!!!!!!
أخاف إنه خلاص مايباني......... والله بموووووووت ماعرف شو اسوي

ما اتصل فيني ولا سأل عني ولا سوالي سالفه ولا حتى فكر إنه يعتذر
وماعرف عنه شي غير إنه أمه كل يوم تقول باجر بييج.... والحين بكمل اسبوع وهو مايا ياخذني

هذا غير دوامي اللي احاتيه..... دوامي في دبي وأنا يالسه عند أهلي في بوظبي
ماقدر اسير ارد كل يوم بين دبي وبوظبي!!!!!!! ومب معقوله آخذ إجازه سنويه من الحين!!!!
وماعرف يلستي كم بتطول هنيه........ يا خوفي ايلس هنيه على طول

شو اسوي؟؟؟!!! دخليكم شوروا علي
ابا ريلي ومب قادره انزل من نفسي عشانه لأنه هو اللي غلط علي مب أنا

 

[سلة فواكه]

اختي صبري شوي
مدامج رحتي لا ترجعين بروحج هذي اهانه يعني انتي تركتي البيت ولا راضاج ولا شي وترجعين بريلج بصراحه قمه الاهانه لج وراح يصير زعلج هين
انه اقول صبري وحاولي تاخذين اجازه واكثري من الدعاء
ادعي عند كل صلاه
اللهم سخر لي قلب فلان بن فلان كما سخرت لسليمان ع جنوده من الجن والانس ولين لي قلب فلان بن فلان كما لينت الحديد لداود عليه السلام وسخر لي قلبه كما سخرت البحر لموسى
اكثري من هالدعاء صدقيني مجرب
وما اوصج بدعاء الليل
والله يلين قلبه ويجييج

 

[دبـه]

اختي ارجعي بيتج وهو لو مب حاس بالاهانه جان راح وراضاج
خلج انتي الاعقل وصدقيني بيستحي على ويهه يوم بيشوف انج رجعتي بروحج وطلعتي اكبر منه بعقلج وفهمج

بس ردي البيت وخلج ثقيله وقومي بواجباتج ناحيته
ونفس الشي حسسيه انج مجروحه منه

وشوفيه شو بيسوي !! صدقيني بتكبرين فيه عينه وبيستانس ولو ما بين لج هالشي
ترا بعض الرياييل ولو هم غلطانين مايحبون الحرمه تطلع من بيتهم
هذا بيتج زعلي فيه وارضي فيه ماله داعي اهلج يدرون بشي

وربي يوفقج اختي

 

[عيون بو سلطان]

حبيبتي سلة فواكه
مكشورة فديتج على الرد
أنا مابرد روحي هالشي أكيد
بس أنا حاز في نفسي هالشي
عمره زعلنا ماطول هالكثر بالكثير ساعات ونتراضى
عمرنا مارقدنا ونحن زعلانين من بعض
الحين صارلي أسبوع ولا سأل عني ولا سوالي سالفه
أنا صح يالسه في بيت أهلي معززه مكرمه مب ناقصني شي
بس أنا ما احس بالاستقرار ما احس إن هذا مكاني
مكاني ويا ريلي

 

[عزيزة نفس]

اماراتية انا شايفة انك انت غلطانة بعد حطي نفسك مكانه هل ترضين يفتش في جوالك نصيحتي لك حاولي تتفاهمين معه الرجال يبيلهم مسايس لاتنسين انك حامل واتركي عنك هالخرابيط واذا حدت فحكم من اهلك وحكم من اهله وهذا خليه اخر حل المشكلة ما تستاهل واتعلمي كيف تتعاملين مع زوجك من خلال هذا المنتدى لاتعودينه تروحين بيت اهلك لازعلت يالله عاد ابي اشوف ردك على ردي موفقة اختي

 

[عضو سابق]

السلام عليكم ورحمة الله وبركاته




حبيبتي / اماراتيه


خذيها مني نصيحه .. صدقيني الرجال من هذا النوع يجعلك تمكثين عند اهلك اكثر من اسبوع

او اسبوعين او يمكن اكثر من شهر..


لأنه بنظره ان سيعاقبك بأبعاده من حياتك..

الغلط الذي فعليته انك اندفعتي بقوه عندما اخبرتيه بانك اكتشفتي خياناته الهاتفيه

والغلط الثاني انك تركتي البيت وذهبتي بين ابيك.. وهذا اكبر غلط تفعله الزوجه مع زوجها..


اعلم انه ضربك وانتي حامل.. ولكن ان بقيت ببتك سيكون هذا افضل لك قبل ان يكون افضل لزوجك.

على الاقل لن تحترقي من بعده وتشكي به اكثر.. ان كنتي في بيتك ازعلي ولا تكلميه ابدا..

كوني ثقيله معه جتى يعتذر بشكل جدي وحذريه بان يعيد ان يضربك مره أخرى

واخبريه وهدديه انك ستعلمين اهله قبل اهلك ان مد يده لك مره أخرى..


ولكن كل شي حصل وانتهى المهم الآن كيف تتصرفين..



ان كنتي لا تريدين المكوث ببيت ابيك اكثر..اذهبي الى بيتك

لان زوجك لن ياتي اليك .. مادام انه وضع نصب عينه انك انت الغلطانه..

ارجعي لبيتك .. ولكن كأمرأه غير ذليله .. تقومين بالاعتذار او التسامح..

اذهبي.. واتركيه ولو يوم او يومين لا تكلميه كأنك رجعتي بنفسك وبمزاجك

وليس من اجله.. وربما سيقول لك.. وسيجرحك بالكلام .. لا تريدي عليه ..

وكأنك لا تسمعين اي شيء منه..

ولكن المهم ان ترجعي الى بيتك وان استطعتي من غدا اذهبي..

وان قال لما رجعتي ؟ او غضب منك.. قولي له هذا منزلي وهذا هو مكاني.. ولن اخرج منه ..

ولا تكلميه كثيرا.. وكوني ثقيله بالتعامل معه.. ولا تضحكي معه.. حتى يأتي هو يراضيك..

هذا الحل المناسب لك..

على الاقل تستطعين الذهاب الى عملك.. وزوجك سيكون قريب منك.. وبالوقت نفسه

ستكبرين بنظره.. انك انسانه واثقه وتعرفين ماذا تفعلين.. دون التنازل..



والله ايسر امورك حبيبتي..

 

[يخون الود]

ارجعي اختي كبري عقلك ولا تكبرين الموضوع بالعكس اذا كنتي قدامه ضميره بيعذبه كل يوم وانتي زعلانه عليه صدقيني بيستحي على وجهه وبتكبرين بعينه وخليه يشوفك وانتي تصلين وترفعين يديك للحبيب تناجينه هنا بيخاف اكثر لانك لجأتي لرب العالمين وادعي له بالصلاح ومو كل ماصارت مشكلة تنطين تروحين بيت هلك كذا بيتعود وبيتمادى اكثر اذا عرف ان هذا هو العقاب

 

[عنقود عنب]

كلام ام مريم عين العقل ..لا ازيد عليه

الله ييسر لك امرك

 

[الحلى كله]

وانا مع ام مريم خلك واثقه من نفسك وردي عشان شغلك ورجلك بعد

 

[عيون بو سلطان]

كيف ارجعله بروحي؟؟؟؟؟
يخوني ويمد ايده علي وارجعله!!!!!!!!
أنا مب من النوع اللي كل سالفه اسير اخبر أهلي
اصلا لا أهلي ولا أهله يدرون عن أي شي يستوي بينا
وعمري ماسرت اشتكيت حق أهلي منه
لأني اعرف إن الزوجين يوم بيتراضون بينسون كل شي بس الأهل ماينسون بالذات أهل الزوجه

اللي خلاني اهده واطلع إنه مد ايده علي
أحسها كبيره في حقي إني ارجعله

أختي عزيزة نفس
من حقي يوم إني احس إن ريلي خاش عني شي افتش وراه... أنا غلطت لأني صارحته مب لأني فتشت
لو إني اكتشفت إني ظلمته بشكوكي ذيج الساعة بكون غلطانه واستاهل الضرب....... بس هو يكلم غيري وأنا من حقي اسوي اللي سويته

ادعولي إن الله يسخره لي ومشكورين وماقصرتوا ويزاكم الله ألف خير

 

[أميرتي 2007]

أسئل الله العظيم أن يرجعك زوجك عاجل غير آجل

ويجعلك قرة عينٍ له ولايرى سواك والله أنا مع كلامك لأنك لورجعتي من نفسك راح يتمادى ومايهمه

لأنك رجعتي من نفسك يمكن يقولون الأخوات إني أكبر السالفه لكن هذا اللي حاصل إن اللي ترجع

من نفسها يعتبرها أنها غلطت وصلحت غلطتها وهوموغلطان وهذا حاصل في بيوت كثيره

لكن بما إنك رحتي لأهلك وأمه تجي عندكم هنا يتدخل أبوك ويكلم أمه ويقول خلي ولدك يمرنا

صدقيني زوجك خايف من مواجهة أهلك وهويرسل أمه يمكن تجس النبض زعلانين ولا لا

والله يصلح بينكم إن شاء الله ويفرج كربتك ........ آآآمــــــــــين

 

[عضو سابق]

حبيبتي / أماراتيه


اذكر يالله يا بعد عمري..

ولا يحتاج ان تفعلي هكذا..


فالدنيا لازالت بخير حبيبتي.. ولا تحملي نفسك الهموم وانتي صغيره..

عزيزتي:


انا قلت لك ارجعي لبيتك وضعي تحتها الف خط احمر..

ولم اقل لك ارجعي لزوجك..

كم أمراه خانها زوجها وضربها واهانها .. لما لم تذهب بيت ابيها ؟؟

ظلت ببتها وهو من يخرج ولست انتي .. وصبرت وتعاملت مع الزوج بحكمه وحنكه وذكاء.



هو من أخطأ بحقك .. صحيح ؟؟

اذا هو من يخرج من البيت لان هذه مملكتك انتي.. وانت الملكه التي يجب ان تتعرش

مملكتها... وقلت لك لا تكلمي زوجك ان رجعتي.. وكلميه بثقه ان رددت عليه ..


وبيني له انك غاضبه منه على فعلته..

وانك رجعتي لا هذا بيتك ولم ترجعي من أجله هو ..



حفظك الرحمن

 

[غاليه]

اسمعي كلام ام مريم

 

[المحبة لربي الله]

الله يرجعه لج يارب

 

[عيون بو سلطان]

والله أنا محتاره ومب عارفه شسوي
أبا ارد لأني تعبت من الوضع اللي أنا فيه
وشاله هم الدوام ونفسيا مب مرتاحه وأنا بعيد عن ريلي ومكاني
أنا الحين في الدوام وميته تعب ومادري اتصلبه عشان يوديني المستشفى ولا لا
أخوي ماقصر يابني وبيرد العصر ياخذني...... تخيلوا هالمشوار كل يوم!!!!!!
جان زين ييت روحي في سيارتي...... كنت بسير المستشفى روحي
أنا وايد تعبانه ومادري اتصلبه ولا لا...... هو الوحيد اللي اقدر اتصلبه الحين
ماقول غير حسبي الله ونعم الوكيل

 

[عضو سابق]

ارجعي لبيتك..

ولا تتصلين فيه ابد ولا تطلبين منه اي شي..

لانه بحس انك رجعتي لانك محتاجته.. بيني له العكس يا بعد عمري

كلامي واضح وضوح الشمس..

لااااا تتصلي.. لانه يمكن يقولك / خلي اهلك يودونك المستشفى .. انتي مو عنهم ؟

فلا تحرجين نفسك.. وتييبين كلام لعمرك..

انا اعرف انج مشتاقه له .. وبتتخبلين عليه بس اتشوفينه وترتمين بحضنه

بس صبري قلبج اشويه.. وخليج قويه قويه يا حرمه..



حفظج ربي

 

[روح زايد]

الصراحة هو غلطان لو يكلم غيرج ...بس مهما كان هذا ريلج ..وبعد غلطان لما رفع ايده عليج ...

انا صار وقعدت بيت اهلي اسبوع ولا سال عني ولا عبرني بس كانت المشكلة بسيطة ...والحمد لله انحلت بس انا اللي بديت واتصلت وكلمته واتفاهمنا

حبيبتي حاولي تتفاهمين معاه لاتخلينه هذا ريلج ....

والله يسهل عليج وطمنينه الغالية ...

أختكم
روح زايد

 

[عيون بو سلطان]

أنا رمست وياه البارحه أكثر من ساعه ونص
كنت احس في صوته وله وشوق بس كان يكابر
وللأسف ماطلعت بنتيجه
الحين أنا تعبانه....... مب سالفة إني متولهه عليه
دوامي يخلص الساعه 5 العصر
وماقدر اتم جيه لين العصر...... اجرب مستشفى ماتاخذ ربع ساعه بالسياره
وها المستشفى اللي أنا اراجع فيه عشان حملي
مب رايمه ايلس ولا آكل ولا أشرب

 

[صمت المعاني]

اماراتيه لا تسكتين على نفسك اذا حاسه باي الم روحي المستشفى مو زين لك

لو تاخذين تاكسي واذا تعبتي اكثر اتصلي عليه

وطمنينا عليك قلبووو

 

[ناعم العود]

اختي اماراتيه ردي بيتج بس بعد لا تنسين كرامج زعلى في بيتج ولا تطلعين منه مهما صاار عيشي حياتج وداومي في شغلج بس لا تستسلمين بسهوله لا تكلمينه طنشيه ولا كانه موجوود في البيت... بس لا تطلعين منه مهما صاار ما بينكم ان زعلتي زعلي في بيتج لا تخلين حد يدري شوه بينج وبين ريلج اناا ريلي كم شفت في جواله من مسجاات صارحته في البداايه بس ما منه فاايده يقوولي اسلي نفسي ولا ما احبهن مثل ما تكلمني تكلم غيري.. بس بتكوني انتي العزيزه الغاليه ولا يوصن غلاتج انتي ام اعيالي لو ما ابغيج ما اخترتج .. بعدين طنشت الموضووع بس لين الحين اقرا المسجات اللي يوصلنه واطبق نفس الكلام والتعاامل اللي هي تتعامله ويااه... وخليج قويه لا تضعفين جداامه واللله يكون في عونج