بــوحــي...

[ذكرى الألم]

السلام عليكم ورحمه الله وبركاته



أمس بالليل قررت أنزل هنا خواطري بموضوع واحد مو عشان تمدحوني أو تنتقدوني لا أبي أحد يحس فيني لا أكثر ولا أقل...

وهذي أول خاطرهـ كتبتها وهو الوحيد اللي خلاني أكتب...




اليوم بمر على بيتكم باخذ لي حااجه
تكفى أطلع أبي أشوفك لو ثواني
حرام لي ست شهور مالمحت ولا طيفك
قالوا لي تغير وزان.قلت من أول وهـو زين
قولوا لي زااد الزين عنده.
حمسوني زوود ما أنا متحمسه.
تكفى أطلبك من كـثر ما أطلبك أنا
تكفى أطلع طف نار الشوق تراها أحرقتني



.
.



جيت متعنيه لــك..
بس صدمتني ماطلعت!!لـــيـــه؟!
يمكن مادريت عـنـي؟!
ويمـكـن مالي غـلا عـندك!
ويمـكن أنا جالسه أعذرلك...

 

[ذكرى الألم]

تدري أنك غالي علي وأغلى من الغالي بعد.
بس أنا وش بالنسبه لــك؟!من زمان ودي
أسألك بس أخاف تصدمني..
بجوابك ويكون سوأل وتقوول::
مــن أنتي أصلاء؟؟!!

 

[دفء سنيني]

ذكرى الألـــم

جميعنا يبحث عمن يشاركه إحساســه

وطالما أن الإنسان يحب فذلك يعني المعانـــــــــــاة

ليس من باب التشاؤم إلا أن الواقع هكذا

وكما أن معاناة الحبـ لاتدوم فنعيــــــــــمه كذلك

وهذه سنة الحياة

بإنتظار جديد خواطركـ

لنراك من خلالها

ونقرأك بين سطورهــــــــــــــــا

 

[ذكرى الألم]

دفء سنيني أشكرررك من قلب ...
أسعدني تواجدكـ

 

[ذكرى الألم]

كــذبوا علي وقالوا لــي أنـكـ عندهم!!
طرت ملهوفه أدور على الجوال بسمع صوتكـ
دق ودقات قلبي تدق معه.
رد علي ولـــد ماأعرفه؟!!
طااح قلبي..
أثـــرهـم لعــبـوا علي..
صـرت أصـدق كــل شي..كله منكـ!!

 

[ذكرى الألم]

شفتك والله شفتك
وزود على شوفتكـ حلفت
محد يوصلني لبيتنا إلا أنت
ركبت سيارتكـ وآه يامحلا ريحتها.
وصلنا ونزلت معي.
وتقهوينا سوى وشفت دفتري وجوالي.
أنـا لاتسأل عن حالي..
مرهـ أسمعكـ ومرهـ أناظر عيونكـ
وفجأهـ وأنا غارقه بعيونكـ
سمعت أحد يناديني!
لفيت بشوف مين؟!
تدري طلعت مين؟!!
أمي لصلاه تقومني..

 

[ذكرى الألم]

جالسه محتاره
مرره أمسكـ الجوال
ومرره أتركه
شايله همك حبيبي
أبي أعرف نتيجتك
مع أني عارفه واثـقـهـ
أنكـ ناجح بس عشان يطمئن قلبي
عطني طريقه وحدهـ
أعرف فيها أخباركـ
من غير ماأنت تدري
ولا أنا أغضب ربـي
أدري أنكـ بالحضه هذي
كاشت ولاداري عن
هواى داري
بس بقولكـ حاجه
حبيبي إذا سمعت شي عني
ولاا أعجبكــ فأعرف
أنــه غــصب عــنــي...

 

[ذكرى الألم]

.
.
.

.


مبروك حبيبي نجاحك..
وأخيرا تطمن قلبي.
تصدق ودي أباركلك
بس أخاف ترد علي بجفا
لاتسأل ليه لأنه قد سويتها فيني..
بس هذا مايمنع أني
أباركلك بين نفسي وبيني...

 

[ذكرى الألم]

أمس مسميه الله بنام
متغطيه بشرشفي وخامه وسادتي
فجأه تذكرتك ودمعت عيني
تذكرت لهفتي قبل أسبوع
لسفري للقصيم بشوفك
كسرت خاطري زي كل مره
لا أنا شفتك ولا أنا سمعت أخبارك
وبدت الأفكار تاخذني وتوديني
ولاحسيت إلا بأمي تدخل علي
وتقول يالله قومي باصك جاء
شوف شلون حتى بنومي تحكمت...


>>هذي أوب حلوهـ بس تصف نفسي ذاك اليوم..

 

[ذكرى الألم]

تعال أبي قربك
وأبي حنانكـ
وأبي حضنكـ
وكثير أيام أحتاجكـ
بس وش لون تتحقق أحلامي
وأنت أصلاء حبي ماقبلته

 

[غنوة مشاعر]

ذكرى ألم

وجدت أفضل ترويح لنفس الكتابه الشعري وحتى لوكانت تفتقر القافيه لكنها تخرج من قلب مجروح ولايحس بك أحد ملاحضات جوالي لاحول ولاقوة الابالله
معليش بوحك وتلقفت
أكملي ورفهي عن روجك لو كانت سجينه

 

[ذكرى الألم]

أختي غنوهـ صدقتي والله...

وحتى اللحين لم أجد ردود إلا أني مواااصله أهم شي أطلع اللي فيني...

 

[ذكرى الألم]

وينكـ من زمان عنكـ
تكفى حس فيني تراكـ أنسان
ومعروفه كـل أنسان يحس
والله حـيـل مـشـتـاقه لكـ
ومحتاجه حضنكـ
أموت بكـ وأموت بضحكـتكـ
مدري ليه منت بتقبلني وليه تمن علي
حتى بأحلامي صرت ماتجيني..

 

[ذكرى الألم]

تكفى ناضرني املكنى كلمني
حسسني بحنانكـ
خذني قبل أحد ياخذني غصبن عني
تكــفـــى أملكني قبل لاغيرك يملكني
مابي أحد غيركـ يلمسني
مـابي أناظر أحد غيركـ
آآآهـ بـس متى أقوم من أحلامي
وأتأكد أنــكـ مو لـــي

 

[ذكرى الألم]

.
.




.

وحان موعد الألم...

 

[ذكرى الألم]

أنهيت قصه حبنا وهي أصلاء مابدت
بيدي بديتها وبيدكـ أنهيتها
كنت أنا البطله بالقصه وأنتضركـ نصير بطلها
بس أنتهيت كل شي قبل نبدتيها

 

[ذكرى الألم]

خلاااص يكفي صدماات
صدمتين مابينهن وقت
صدمه تأكدي أنك مو لي
وصدمه
رجعتك من غير شوفتكـ
ليه حظي معك كذا
مدري أنت تتعمد عذابي
أو حظي يسوي معي كذا
أنا ماودي أكرهكـ
ودي أنساكـ
يصير حالكـ مثل غيركـ
بس آآه كل ماحولت أنساكـ
ألقاك راجع من غير أستئذان
حبكـ يسري بدمي
بس أنا مالي إلا الدعاء
الله يهون علي
والله يوفقك ويسعدكـ

 

[ذكرى الألم]

هو صحيح اللي سمعته
خلاص بيبعدونك عني
بيسلمونك لغيري
تكفى دلهم على قلبي
قلهم هالقلب وش ذنبه يتعذب
توهـ صغير والدنيا قدامه
لاجو يشوفون قلبي تعال وشفه معهم
شوف وش يحمل لكـ من حب
أسأله من متى يحبكـ
قبل شهر سنه سنين
إذا عرفت الإجابه وشفت اللي بقلبي
روح لغيري..ذيكـ الساعه أنت وضميركـ

 

[ذكرى الألم]

خلاص ببتدي رحله النسان
رحله طويله وفيها متاهات
يمكن أعبرها ويمكن أطيح
رحله حزينه..مؤلمه..جارحه

 

[~BUTTER~FLY~]

غاليتي ،،

أبدعي هنا

وبوحي

دعي الحروف تعبر

والعبارات تنطق

فنحن هنا

نستمع

لك

ولبوحك

وما أجمله من بوح