بعد كل هالصبر تزوج علي

ثورة انثى قال:
الله يجزاكم كل خير..... والله جالسه احاول اشغل نفسي على قد ما اقدر.... احاول ابني لنفسي حياة غير حياتي اللي قبل... لان هو كان بالنسبة لي كل حياتي .... اهم من اهلي وصديقاتي ... تخليت عن هواياتي.... لما تزوجته تخليت عن كل شي كنت احبه قبل الزواج.... وهذي كانت اكبر غلطة غلطتها ... اني الغيت كياني وحياتي من اجله....انا الحمدلله لازمة الاستغفار من قبل لا تصير لي هذي المشكلة..... بس ابغى احد يقولي خصوصا من اللي مرت بنفس تجربتي.... هل اروح ازور اهله واحضر مناسباتهم واجبر نفسي واتحمل اني اشوفها معه؟ او ما اروح يعني اشوف الشي اللي بيريح نفسيتي واسويه ؟؟ انا ماايغى احد يفكر اني انهزمت او تركت المكان لها... :fish:
أنقر للتوسيع...
روحي لأهله ، بس اشترطي على زوجك إنها ما تكون موجودة ، يعني مرة لك و مرة لها،

ما يصير المدام تستحوذ على الجو ؟ هم أنتي بعد كنتهم و لك حقوقك
 
الحمدلله ع كل شي والله يصبرج ويجزيج خير وحاولي كثر ماتقدرين تهتمين في نفسج من رياضة ومن نواحي جمالية وثقافية وركزي ع عيالج اولآ واخيرآ والله يسخرلج ريلج ويعوضج عن الايام التعيسة الي شفتيها
 
نصيحة لك
اهملييييييييييييه
واكشخي و تشخلعي بيتك ولا عليكي منه مرررررررررة
ولا تعتبرينه آدمي
وحتى لو كلمك كلميه من طرف خشمك
الرجال كل ما حقرتيه يتلزق فيك
والله يعينك على ماابتلاك
وخلي من زواجه عليكي خيرة
اعملي نيو لوك
اشغلي نفسك عنو بأي طريقة
ثقفي نفسك بكتب و الرياضة
والله يساعدك و يقهر قلبه زي ما قهر قلبك
 
شوفي حبيبتي اسمحيلي الغلط منك من البدايه كان خليتيه يتحمل المسؤليه ويصرف عليك وعلى اولاده خليتيه يوفر فلوس ويتزوج عليك وبعدين الرجال لاتعطينه فلوسك تعتدقدين اذاء عطيتيه بتشترين حبه لك وبعدين اسمحيلي زوجك استغلالي وانتبهي من كلامك حسيت انك خفيفه معاه وظامن انك تحبينه ومن الحين غيري كل شي موب اذاء دخل البيت طيران له لاء خليك ثقيله ولاعاد تصرفين لا على البيت ولا على اولاده وخليه يصرف وقولي تسددين ديون عليك وهاذاء الشي من مسؤولياته وانتبي تشوفينها والله مغبونه منها ومن كل وحده تتزوج واحد متزوج
حراااام قهر انا لو مكانك وشفتها احس ماراح اتمالك اعصابي واتوطى بطنها
 
حسبي الله ونعم الوكيل ، الرجال بشكل عام خونه ومالهم امان ، الله يلهمك الصبر وطولة البال ، ماعليه اصبري عشان ربك واولادك ، عوضي اولادك وانشغلي معاهم وربيهم احسن تربية وخليهم يكونون احسن عيال بالعيله ، ويرفعون راسك انشاالله امام اهل زوجك والله يعوضك ، يااختي المرأة ماتقدر على ظلم الرجل ، الله وحده القادر على كل شي ، ادعي دائما ان الله يحفظ لك اولادك ويبلغك فيهم ويعوضونك عما شفتيه مع ابوهم فاولادك هم الاهم والابقى لك في المستقبل فقط احسني تربيتهم على القرآن والسنه ، واهتمي بنفسك وشغلك واعملي لنفسك حياه جديدة ، صديقات ورياضة وفسحات ونزهات مع الاهل والاولاد والصديقات يعني عيشي حياتك وانسي هذا الزوج مايستاهل دمعه منك صدقيني كل الرجال مايستاهلون دمعه فهو الخسران دعي ربك يأخذ حقك وحق ابناءك منه الله لايريحه ولايسعده مع من اختارها ، كونه واثقه من نفسك وفي الله سبحانه انه قادر يعوضك ، ويخلف لك الخير اينما كان ، ولاتنسي الدعاء والصبر فان كان في رجوعه خير فسوف يرجع لك باذن الله والا فالله يعوضك في ابناءك ويجعل فيهم الخير .. اهم شي الصبر واحتساب الاجر والدعاء بعد كل صلاة وممارسه الحياه الطبيعية والرياضة ووجود الاصدقاء الاوفياء ... وفقك ربي .
 
الله يجزاكم بالجنة والله كلمات تدخل القلب زي البلسم على الجرح .... كل ما زاد علي الهم دخلت اقراها... اخوات في الله لا اعرفهم ولا يعرفوني انما لوجه الله... الله يجزاكم كل خير في الدنيا والاخرة... والله يفرغ علي صبر من عنده.... دعواتكم لي ... دعوة المؤمن لاخيه المؤمن بظهر الغيب مستجابة... دعواتكم
 
الله يكون فعونك ويصبرك
ياختي حاولي انه مايخذ منك ولاريال
واهله مايستهلون من يزورهم اذايبونك بيجونك
 
الله يفرج عنك ياأخت ثورة انثى
لكن اذا تبغين النصيحة لاتقابليها لأي سبب ولا تحتكي فيها
خلي قلبك يرتاح ولا ماتقدري تبسطي نفسك وانتي تشوفيها تضحك مع زوجك
وبالنسبة له أصحك تعطيه ريال بعد اليوم واذا قال لك محتاج قولي ماعندي
عطيت وحدة طلبتني سلفة ولا عطيت أختي المهم صرفي نفسك واذا زودها
عطيه على راسه وقليله ماأعطيك ثاني وانت تزوجت علي وما قدرت تضحيتي
وقليله روح استلف من مرتك
معليه أطلت عليك لكن قلبي يغلي من القهر عليك
 
ياروحي انتي بس فعلا مثل ماقالو البنات حاولي تنشغلين عنه وتعيشين حياتك وركزي على الدعاء والاستغفار وانشالله يرجع لك ,,,,,,,,,اتمنى لك التوفيق طمنينا حبيبتي عليك
 
•أنت بنك لزوجك بس
•اذا ما عاد اعطتيه اش راح يصير راح يتزوج عليك مثلا ؟؟؟؟ أو راح يزعل ؟؟؟؟
•يطق راسه بالجدار راح يزعل شهرين ثلاث اربع وبعدين راح يستسلم للأمر الواقع
•الآن يحبك بس لفلوسك بس لا تعطيه و راح ينقلب عليك لكن إياك أن تخضعي راح يخليك الصرافة الشخصية طول عمرك ولبيتك وبيته الثاني
•
•
•
•بعدين أختي نصيحة في وضعك الحالي خليك على الأكل الجاهز ولما يكون موجود لا تجيبي شئ يعني اشتري الي يكفيك ويكفي عيالك ولا يزيد
•إياك والمواجهة دائما قولي ما عندي والديون تقضي على الراتب كله وحاولي تقدمي دليل لو بالحيلة عشان يصدق وما يقهرك ويروح عند الثانية عشان يضغط عليك وتعطيه​


لا تضغطي على أعصابك ابدا وما في داعي تزوري أهله وخاصة حاليا ولا في داعي تعزميهم هما اصلا ما عملوا حساب لمشاعرك لذلك حاليا اهم شئ نفسك ثم ابنائك ثم الناس
ممكن تزوري احدى أخواته بشرط عدم وجودها وبذلك تلتقي مثلا بأمه

فرج الله همك
 
الله يعيينج حبيبتي ويصبرج هالحين ما تقولين سويت وسويت انتي الي عطيتيه من نفسج ولعبتي دور الرجل والمراة وما تركتي له مجال يصرف على البيت ويتحمل مسؤولية نفسه بنفسه حتى لو ما عنده لا تعطيه شئ خليه هو رجال البيت ويتصرف انت تصرفي هو يجمع فلوس وراح تزوج عليج يا الله اتعلمي من الدرس ولا تكرري نفس المشكلة الله يوفقج ويصبرج حبيبتي
 
الحين فعلا مثل ما قلتو... بدا يضغط علي عشان الفلوس... وش اللي صار هذا انتي طول الوقت تشترين لهم ليه الحين ما تشترين؟؟؟ والمرة اللي ما تساعد زوجها تجلس بالبيت ابرك لها... كل اللي اسويه ما يعتبره مساعده..... الايجار والقروض ووالشغالة مو مساعدة يبيني ما اخذ مصرف منه .. ويبيني اصرف على العيال.. والمشكلة يسألني ايش اللي تغير ...ماتغير شي بس انه تزوج بس.... كل شوي زعلان عشان الفلوس ويعصب ويجلس يصااااارخ
 
ثورة انثى قال:
الحين فعلا مثل ما قلتو... بدا يضغط علي عشان الفلوس... وش اللي صار هذا انتي طول الوقت تشترين لهم ليه الحين ما تشترين؟؟؟ والمرة اللي ما تساعد زوجها تجلس بالبيت ابرك لها... كل اللي اسويه ما يعتبره مساعده..... الايجار والقروض ووالشغالة مو مساعدة يبيني ما اخذ مصرف منه .. ويبيني اصرف على العيال.. والمشكلة يسألني ايش اللي تغير ...ماتغير شي بس انه تزوج بس.... كل شوي زعلان عشان الفلوس ويعصب ويجلس يصااااارخ
أنقر للتوسيع...

يمكن ينتظر منك عتاب او ردة فعل على زواجه

ياختي اذا بقلبك شرهة طلعيها بس بطريقة معينه تناسب الجنوبي

روحي لملف الجنوبي واسألي البنات وخليهم يضبطون لك الموقف

واهل زوجك عرفاً الحق لك هم يزورونك وهم يعذرونك

لاتضغطين على نفسك انت مازلت في مرحلة ثوران المشاعر

احس انك مسوية نفسك تمثال شمع وانت من داخل نار شابه

عاتبي اذا احتجتي العتب وابكي اذا احتجتي البكاء وخذي موقف اذا استلزم الامر

راقبي الموقف هل زوجك طاير بالثانية؟؟هل تغير للافضل ؟؟ هل ابدى لك ندم ؟؟ هل وهل كلها تحتاج اجابات بينك وبين نفسك وبناءاً عليها تقررين

مبدأيا لاتحملين

الله يعيييييييين ويعجل لك بالفرج
 
الله يعينج حبيبتي على نااااااااااااااااااااار الغيرة والقهر .. والله حاسة فيكي خاصة انج تحبينه .. بس لازم تعطين نفسج راحة من الالم النفسي لمدة شهرين او ثلاثة الين ما تهدا عنده فرحة الزواج الجديد لالنها حبيبتي كل جديد
لازم يسير قديم وبتشوفينها قديمة حالها حال الحريم ... انتي سويلك نيو لوك جديد لج اولا .. دلعي نفسج روحي صالونات واشتري ملابس يديدة مارسي هواياتج .. اصرفي فلوسج على نفسج شوفي الموضة اطلعي انتي وعيالج المولات ولا تهتمي فيه وطنشيه . خليه يصرف عالبيتين هو اللي جاب لنفسه التعب دام فتح بيت ثاني قوليله عيالك اولى .. سيري حبيبتي العزايم والاعراس واكشخي واضحكي ولا يهزج ريح ياسلام انتي الاصل وتمي في الظلام ليش وهي تظهر عادي .. بعد بخبرج تعلمي فن الاغاضة يعني ازقريه باسم الدلع واتجاهليها الثانية سويلها اكبر طااااااااااااااااااااف ولا كانها موجودة مالاداعي تسلمين عليها اذا شفتيها .. حاولي انج تتغيرين لنفسج ولصحتج ولعيالج ... قوي علاقتج باهلج وصديقاتج واهله بعد لانهم اهل عيالج بعد .. حبيبتي حتى هي تنكوي بنار الغيرة مو بس انتي .. استفيدي من سلاح الوظيفة لج .. واسمحيلي عالاطالة .
 
الله يعطيكم العافية.... والله ما قصرتوا وقفتكم معي خففت عني كثيييييييييييييييييييييييييييييييير والله العظيم....الله يعوضني خير ويجبر خاطري يارب... الحمدلله الحين انا احسن بس لسه ما رجعت زي اول... لسه فيني غصه ولسه جرحي ينزف ما ادري متى يطيب.... الله يجبر خاطر كل وحدة ضحت وعطت وفي النهاية خان العشرة... ما ادري كيف رجال هالايام... حتى البيت ما جاب فيه شي فاضي... طيب مو لي ... لعيالك ....فعلا الرجال انانيييييييييييييييييييييين ولا في قلبهم رحمة....انشالله ياربي ياربي اني اقدر استقل عاطفيا عنه عشان اعيش باقي حياتي بسعادة لان هذا هو الحل الوحيد ....
 
الله يكون بعونك والله انا ماادري لوكنت مكانك وش اسوي لكن حاولي تكوني قدامهم قوية وتقبلي الامر وعسى ان تكرهوا شيء وهو خير لكم
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل