بعد جم يوم......ابي منكم نصايح وادكرولي تجاربكم

[أحلام إنسانة]

سلام عليكم شخباركم حبيباتي

ودي اسمع نصايحكم وتعطونيها من قلب:icon31::in_love:

ببتدي بعد جم يوم شغل جديد واول مرة بشتغل بس حاسة بخوووف وتردد ارجوكم عطوني نصايح وافكار تخليني اثبت نفسي وخلي الكل يشوفني متميزة :icon31::showoff:

ارجوكم نصحوني وياريت تدكرون لي اول ايام الشغل اللي مريتون فيها والاشياء الي اتجنبها او ابادر فيها....
:icon30:

انتظركم

 

[أحلام إنسانة]

يالله عاد حبيباااااااااااتي ابي نصايح لاتبخلون مجرد اراء تكتبوها مو مشكلة

كونوا كريمين معااااااي والله بيعطيكم ويسخر لكم خير خلقه من الجن والانس


انتظر ترى مابقى شي على الوظيفة وصايدني خووف وتردد

 

[أحلام إنسانة]

لييييييييييييييييييييييييييش جدي....؟؟؟!!!!!!!!!!!!!!!!!!!!!!!

 

[حاملة المسك]

عليكم السلام والرحمه

هلا بك اختي

وترى محد ينصح الا من القلب


والسموحه على التأخير توني اشوف موضوعك والله

وترى الخوف والتردد امر طبيعي وعادي جدددددددا خصوصا اول ايام الشغل لكن خلك واثقة من نفسك واهم شي انصحك

فيه كوني على طبييييييييعتك .. واول ماتدخلي ادعي وقولي اللهم ادخلني مدخل صدق واخرجني مخرج صدق واجعلني من

لدنك سلطانا نصيرا .. والله يوفقك وييسر لك كل امورك

واذا تذكرت شي بضيفك لك

حبي وتقديري

 

[أحلام إنسانة]

مشكووووووووورة ماقصرتي ع الاقل عبرتيني

شكرا ع النصايح ,,,وان شاء الله تمر الايام بيسر وسهولة وتوفيق من رب العالمين


شكرا اختي دعواتج لي يالغلا

 

[ѕωєєт ℓσνє]

{ .. التردد والخوف شي طبيعي .. انا اعتبره توتر عادي وراح يزول بعد اسبوع او اسبوعين
من خلال تجربتي اعطيج هاذي النصايح :​

~عرفي عن نفسج لزميلاتج وتعرفي عليهم
كوني عمليه معاهم ولكن باحترام وبود وعامليهم بذوق حتى لو شفتي منهم بعض الاساءه المباشره او غير المباشره ( الي ماتضرج طبعاً ) .. وعمرج لاتخلين الاساءه تطلع منج وتفقدين اعصابج او يعلى صوتج .. وابداً لاتخلينهم يحسون انج ضعيفه او ان كلامهم اثر فيج ..​

~تعرفي على طبيعة شغلج ..وكل الي لج والي عليج .. وحاولي تبتكرين اسلوب خاص فيج يميزج عن الغير واحتفظي بافكارج الجديده لنفسج او اخذي نصيحه او راي بدون توضيح الفكره الي ببالج كلها..​

~لاتعرضين المساعده على احد الا اذا طلبها منج وركزي خليها مساعده جانبيه مو تشتغلين بدالهم وهم ياخذون التقدير والشكر .. اعرضي المساعده في حال كانت زميلتج تعبانه او باين عليها المرض ( مو مالها خلق وتشتغلين بدالها ) ..​

~في حال تغيبتي عن العمل لاي عذر اتصلي في احد زميلاتج واطلبي منها تحل مكانج اذا تقدر وان تحتفظ لج بنسخ او تقرير عن العمل الي انجزته عنج حتى تكونين في الصوره وتعرفين الي صار بغيابج .. مع شكرها وتقديرها ..​

~نصيحه مني لاتتدخلين في احد ولا تتكلمين على احد او تعلقين ولا تشاركين زملائج في الحديث عن شخص معين ... واذا دخلوج في الموضوع لا تتجاوبين معاهم وردي عليهم بابتسامه عاديه او تعليق غير مباشر يوضح انج ماتبين تخوضين في هالسوالف وماتحبين السوالف الي مالها داعي .. خليهم يشوفون انج مو سطحيه وماتهمج هاذي الاشياء ​

~وتذكري .. اهم شي تركزين في شغلج وتنجزين وتثبتين وجودج وتستخدمين احدث الاساليب لانجازها واي شي ثاني خليه ثانوي ولاتعيرينه اي انتباه ... ​

{اتمنى اكون افدتج ولو بشي بسيط ... موفقه يالغلا }​

~اي شي ثاني انا حاضره~ ..}​