بعد انفصال دام اربعة اشهر...رجع لي زوجي بطريقه ماتخطر على بال احد...

[ام داريـــن]

السلام عليكم حبيباتي
:a200:
انا سبق وطرحت لكم مشكلتي​

كانت نفسيتي مره تعباااانه
:8:
واتجهت للرقيه وقراءة البقره كل يوم والحمد لله تحسنت نفسيتي كثير
وبعد ماكان الموضوع فيه هجوووم علي غير طبيعي​

توقف الهجوم وهدات الامور​

رغم الصمت اللي عم من ناحية مشكلتي مع زوجي​

يعني لاسؤال ولاهجوم
انتظار وترقب جاب لي الهم والضيق
كل يوم يمر افكر بشي ماضي يدمر نفسيتي رغم انو مافي شي جديد حاصل​

لاكن الشيطان شاطر في التفتيش عن الامور اللي تحرق قلبي
وكل ماتهدى نفسيتي ارجع من جديد انبش بالموضوع واكل في نفسي من اول وجديد​

وكنت اتبع طريقه مره ريحتني كثير من وانا مراهقه كنت اسويها بس مرات اتركها واللحين رجعت لها بس بطريقه غير​

اولا كنت اشكي لصديقاتي ومع الوقت اكتشف انهم مجرد مايعرفون عن حياااتي تتغير نظرتهم لي
ومرات اخسر خصوصيتي
:redface:
ومرات اشوف نفسي اقل منهم وبعضهم تسفهني وماتهتم في موضوعي​

وفعلا اكتشفت ان الشكوى لغير الله مذله​

كنت اكتب اللي بخاطري بورقه انا بطبعي اكتب خواطر
ومرات اكتب سواليف كاني اشكي لشخص معين جالس قدامي
اكتب مشاعري واحاسيسي وكل اللي نفسي فيه​

وبعدها يارميها ولا احرقها او مرات احنفظ فيها
انا احب احتفظ بالذكريات مهما كانت​

ونفس الشي اذا حصل شي يفرحني اكتبه عشان ماحد يسرق من هالفرحه​

تغيرت شخصيتي كثير لما صرت اسوي هالطريقه​

وبعد ماتزوجت تركتها​

وفي مره من المرات ضاقت فيني الدنيا وتعبت من التشكي اللي مايجيب فايده
وتعبت من مشاكلي مع زوجي​

صرت كل مايصير شي اسكت
واروح اكتب كل اللي بخاطري لان كثر الكلام يازم الموضوع ومايجيب نتيجه غير ان قلب يحترق وزوجي بااارد لابعد حد(((جنوبي غربي)))
:33:
الموهم صرت اكتب اللي بخاطري
صار زوجي يتعجب مني
ويبحث عن سر تغيري​

ومره اكتشفني وصرت اتعمد اني اكتب واحط القلم عند الورقه الاخيره اللي كتبت واحط الدفتر قدامه عالمكتب
ليش....لانو صار بس اروح ولا انام يفتح ويقرا اللي كتبت
بس انا موغبيه اللي ابيه يقراه ورح يغيره اكتبه بهالدفتر
واللي مابيه قراه...اكتبه بدفتر ثاني اخبيه:10:​

صار يقرا ومرات يتحسف ويرجع...ومرات اكون ابي شي منه بس يرفضه ...واكتشف انه سواه لي...وتغيرت حياتي فتره بسطه​

وبعدها تغيرت حياتي وتركت بيتي ولم اعد ...
المهم بعد مشكلتي معاه الاخيره وانفصالنا
كنت اشكي وابكي
وابحث عن حلول​

وبالاخير ملييييت..........​

صرت ابكي وادعي وادعي
وبعدين تذكرت الطريقه القديمه اللي كنت اسوي​

وصرت اكتب كل اللي بخاطري وبعدها ارتاااح​

وفكرت قلت ليش اكتب وبس وبعدها اضيع وقتي
.........................
انا اكتب من شي كبير بقلبي احس فيه ومجرد ماكتب ارتاح وبعد ماكتب اروح ادعي بس مايكون بنفس الشحنه اللي كنت فيها قبل ماكتب
...........................
صرت اكتب بصيغه الدعاء بس بكلام عامي لان الله يعلم مافي القلوب
وهو يعرف وش نحتاج ووش نبي من غير صيغه معينه بالدعاء
وابدا اكتب ....اولا ابدا بصيغة دعاء معينه​

مثلا......
ابدا بدعاء الهم
اللهم اني امتك ابنة عبدك ابنة امتك......الى اخر الدعاء
وبعدها الادعيه اللي ابي
وبعدين اقول.....
ياربي انا تعبانه ومافي احد حاسس فيني والشكوى لغيرك مذله يارب انا حاسه بكذا وبكذا.....
يارب انا صار لي كذا وكذا....
وابكي واكتب كل شي ببالي
وبعدها ارتاااح
صرت اكتب كل اللي بخاطري...ومو كتابه وبس لا دعاء بعد...اتمنى تجربونها وتشوفون كيف رح ترتاحون وكيف رح يتحقق كل اللي ببالكم​

والشاهد....
انو انا صارلي اسبوع تعبااانه وعندي نزيف حاد....ومو قادره اقول لاحد مستحيه واحس اني انقهرت من زوجي اللي تاركني شهور مو سائل
ولا اتصل الا مره​

ومقهوره من اشيااااء كثيييير
وجيت العصر وكنت صايمه
وقريت البقره
.................
وبعد العشاء خلاص وصلت لمرحله ماتوصف من التعب والضيق
وفكرت حتى انتحر​

لاكن قلت يالله ليش كل هذا
ورحت دعيت وصليت
وتذكرت هالطريقه اللي قلت لكم عنها
ورحت سويتهااا
وجلست ابكي واكتب وادعي وادعي وخلاص حسيت انه رح يغمى علي من شدة الهم​

وبعدها​

رحت اخذت شور وفجاه الا جوالي يدق مارديت لانه كان بعيد
ورجع دق
مارديت لانو كنت البس​

ورجع دق ثالثه لقيته زوجي اللي تاركني ولا بيوم سال عني ولا اهتم
...........................
من التعجب جلست اضحك وترددت ارد ولالا​

بعدين قلت ردي شوف وش بي​

رديت لقيته نفس الصوت اللي قبل صوته هادي
كلم بروقااان
ويسالني عن نفسي وعن صحتي​

ولما عرف بالنزيف اللي عندي
عصب علي وقالي حرام علك ليش تسوين بنفسك كذا ليش روحي المستشفى
قلت له انت وش يهمك
قال كيف مايهني انت زوجتي ومن حقي اخاف عليك​

قلت له من متى تخاف علي مو قبل كنت طالعة من العنايه المركزه ولما جيت صرت تدعي علي بالموت
خلاص خلني اموت واريحك مني ومن كلام الناس ​

قالي انا مو صادق بكل شي كنت اقوله لك وانت مو عارفه مصلحة نفسك
اللحن تروحين المستشفى ولا ترا اقول لامك قلت له مالك دخل
امي ماتقولها شي
من حقي يكون هالشي خاص فيني
لو فعلا خايف علي كنت جيت وديتني مو تتكلم عالفاضي​

قال والله لو اضمن انك رح تروحن معاي جيت ماشاورتك
بس متاكد اني رح انطرد من عند الباب​

لاكن روحي بكره باتصل واشوف انتي رحتي ولالا
سكت انا ماتكلمت​

بعدها صار يسولف ويتكلم وكيف الانسان اذا الله حبه ابتلاه
وان اللي نمر فيه ابتلاء
وانتي الله يحبك​

وكلام كثير ريحني
.......................
وبعدها قالي ابي اجي اسلم عليكم
انتي وامك وابوك​

قلت له براحتك...قالي اخاف ابوك مايستقبلني او يطردني​

بس ابي اجي بس اسلم وامشي ماب اكلم احد او اناقش شي​

اذا رح اجي اناقش شي يكون في ناس من اهلك ومن اهلي عشان الموضوع ينحل بهدوء​

قلت براحتك تبي تجي تسلم على امي وجدتي تعال انا مالي دخل ​

وبعدها قالي ترا انا مو تاركك ومو معناته ماسال عنك
انا اسال واعرف كل اخبارك
وان شالله الله يجمعنا على خير​

وبعدها انا سكرت الخط لاني مابي اضعف قدامه واخرب كل شي ابي يهتم
........................
وسكرت الخط وبكيييت
عرفت ان الله رحيم
وان الله يفرجها عالانسان من حيث لايدري
....................
واتمنى تجربوها وتستفدوا
ودعواتكم لي بتفرج همي عاجل غير اجل​

:8:​

 

[ليش لأ]

الحمد لله - فعلا من توكل ع الله فهو حسبه وانا تاكيدا لكلامك ما امر بضيقة صغيرة ولا كبيرة الله تنحل لما اوكلها لالله حتى لو اتاخر الفرج- فما في شي بضيع عند الله- الله يكملك ع خير ويسعدك ويرد زوجك الك تماما والفرح لبيتكم واسال الله العظيم انو يكفيك الشيطان وااه بما شاء وكيف شاء

 

[قل قسم]

مع اني مابعد تزوجت بس حسيت بحساسك اي والله مالومك يوم ابتسمتي حسيتي ان دعوتك سحر

الله يوفقك معه وهو شكله رجال طيب ويحبك والله يجمعكم على خير

 

[ام داريـــن]

شكرا لك ياااعمري

 

[أعشقه بجنون]

الله يفرج همك وغمك ويجمعك بزوجك عاجلا غير اجلا
ويجلعك قرة عينه......

 

[شمعة وثلج]

الله يفرج همك ويجمعك بزوجك وييسر امركم
بس يا اختي ليش تدعين ربك بالكتابه صلي لك ركعتين وادعي ربك بالسجود واطلبيه كل الي تتمنينه افضل من الكتابه صدقيني بينشرح صدرك و ترتاحين لانه اقرب ما يكون العبد لربه وهو ساجد كل ما حسيتي بضيقه وضعف توضئ وصلي وابكي بين يدي ربك الله يريح بالك

 

[Ontha Halema]

الله يسعد قلبك... ويجبر خاطرك
قلبك أبيض.. وطاهر
وربي راح يعوضك في عمرك الباقي بإذن الله

 

[المتغيرة للأفضل]

ماشاء الله تبارك الله لاقوة الا بالله ربنا يديم عليك السعاده ويجمعكم على خير​

 

[شمرهلي]

الله يفرج همك ...

 

[ام داريـــن]

ياعمري انا اصلي وادعي بسجودي دايما

بس انا اقولك طريقه بدل ماتشكين للناس اكتبي شكواك بورقه لان الشكوى للناس مذله
ثانيا بدل ماتضيعين وقتك بالكتابه عشان ترتاحين
خلها شكوى لله
بس مو معناته مادعي بسجودي وصلاتي وباخر الليل
ولو قريتي الموضوع بتركيز كان شفتي اني ماقلت شي
قلت اني اصلي وادعي واقرا البقره واشياء كثير

اللي قصدت بس طريقه حلوه تفضفضي فيها بدون مايضيع وقتك عالفاضي

وشكرا

 

[وردته]

الله يفرج همك..ويردلك زوجك عاجلا غير اجلا ويوفقكم ويسعدكم يارب

 

[^أختهم^]

ياااااااارب يسعدك ويديم عليك الوناسه وينصرك دااااااااايما

تشكري على طرح التجربة

 

[أرجوان؟؟]

الله يقر عينك بزوحك ويجمعكم في خير وعلى طاعه وسعاده ياحي ياقيوم

 

[ام داريـــن]

شكرا حبايبي على الدعوي الحلوه
اتمنى تستفيدون من التجربه

 

[لمى الحب]

ام دارين ......كانك تتكلمين عني كنت بالثانوووي والدراسه الجامعيه مثلك تماما اكتب وادعي وكنت مرتاااحه لكن تخليت عن هالعادة فترة بعد زواجي وكنت الخسرانه الان رجعت لها فعلا اكون مرتاااحه


مالك باطويله فرج الله همك وانااار دربك ...

 

[ماذلني مخلوق]

اللهم ياجامع الناس ليوم لاريب فيه اجمع ام دارين بزوجها عاجلا غير اجل اللهم فرج همها ويسر امرها يارب ارزقها سعادة لاتفارقها ابد الدهر ياأكرم الأكرمين واجعلها من عبادك الصالحين وسخر لها قلب من احوجتها اليه....وصلى الله وسلم على نبينا محمد..

 

[زوجي غلا روحي]

الله يفرج همك ويتمم فرحك ويجمعك بزوجك عاجلا غير اجل​

 

[جرحني حبيبي]

ربي يعينك ويسسعدك انا كنت اسويها قبل زواجي ونسيتهابعد العرس والهم والعيال ان شاء الله برجع لها

 

[ام داريـــن]

اهلين لمى الحب الله يسعد قلبك يااارب
ويريحك دوووم

 

[ام داريـــن]

حبيبتي ماذلني مخلوق شكرا لك ياعمري

اللهم مين والله يجزاك خير يييارب