بعد اللي صار.... ماعدت احبه

[نور الملاك]

السلام عليكم ورحمة الله وبركاته


زوجي عاطل ....شمالي شرقي......متزوجين من سنة تقريبا......ليس لدينا اولاد

ضحيت وتعبت وتنازلت...... وفي النهاية وش جزائي؟؟؟؟
غير يصارخ علي قدام اهله و وصل الحد انه يمد ايده علي

لما تقدم لي رغم علمي بعلته وافقت عليه
في فترة الخطوبه ما تشرطت عليه بمهر او صاله عرس معينة او مسكن ورضيت اسكن بجناح فوق بيت
اهله
ولما تزوجنا ماكان يشتغل لانه بعده يدرس وكنت اشتغل في سنة الامتياز وهذا الشي ساعدنا كثير
بس حسيت اني انا الرجال وهو الحرمه
كان كل شي علي
كان يخدعني في المطاعم او اماكن بيع في المجمعات بحجه انه نسى المحفضة في السيارة او نسى فلوس الشي في البيت ولما نرجع اكتشف انه مامعه اصلا
لانه يعرف اذا عرفت ان مامعه بكنسل الطلعه او العشا في مطعم
والله جت لي الصيحه لما سألوني اهلي وين راحت فلوسك
بس الشي اللي مصبرني اني مشتركه في جمعية لمده سنة ونص والحمدالله يعني فلوسي مو كلها راحت
ولما نتهاوش يصارخ ويجرح بالكلام ولايعمل لي اي حساب حتى قدام خواته واخوانه او قدام الناس
تصورو مره صارخ علي امام مجمه يقول لي فيها انت حماااااااره حماااااااااااره!! لاني بس كلمت ابوي
وعلى كل صغيره وكبيره يطردني ووصل تماديه لي لما ضربني وعلى اسباب تافهه
الضربه الاولى كانت في الفجر وماقدرت اروح مكان معين لان الكل نايم
والضربه الثانيه كانت بقبضة اليد على فخذي الايسر لدرجة تأثرت في الصلاه
والضربه الثالثه كانت على كتفي لدرجه ان المنطقه احمرت من الضربه وسببها انه اتهمني اني مواعده وحده على العشا في المجمع بس مخبيه عليه من امس!!!ووفتها رحت ابكي لاهلي ومسكة ابوي وكلمه وقال له اذا مديت يدك عليها المرة الثانيه مالها جلسة في بيتكم
ولا تفكرو ان كلام ابوي اقنعه او خوفه
اغتاض وعصب ليش اعلم اهلي وقال لي ابوك اصلا مايفتهم وكان بيضربني بعد كتحدي لاهلي
بس وقفت بوجهه وصرخت عليه صرخه خلته يوقف عند حده
والمرة الرابعه عندها وصلت حدي وشلت اغراضي وضليت عند وحده من قرايبي بعد ماجلست مع ابوه وقلت له على كل شي وقلت له اسمح لي با ابوي بروح بس كم يوم عشان اروح عن نفسي
ضل هو يتصل و يرسل وانا حاقرته والكل يقول لي لا تردي عليه ابد ابد
واليوم الثالث جا هو وابوه عشان يستسمح مني وياخذني
مع ان الامور رجعت لطبيعتها بس اسمحو لي مستحييييييييييل اسامحه على اللي سواه
مستحييييييييل انسى عمايله فيني
والكل يقول لانه مريض سكر ولانه عاطل وانا ارد عليهم وطيب اذا هو..... انا اكل تبن واتعذب عشانه لييييييش لو انا مكانه بتقولو نفس الكلام؟؟؟
والمرأه ماهي مجبوره تعيش مع واحد مايحترمها ويشك فيها ويضربها لاسباب تافهه
واذا هو جالس مو مشكلتي يشغل روحه باي شي ولا يجلس يشتغل فيني تعذيب وتبن


وش رايكم باللي صار ؟؟؟
لو انتو مكاني وش بتسووو؟؟؟
وهل فيه امل اني ارجع احبه ؟؟​

 

[دلع ايامي]

شوفي يقلبي انتي غلطانه من البدايه انك تتنازلي عن حقوقك يسلام مو ناقصك شي عشان تتنازلي عن حقك في سبيل راجل وياريتو عدل اللا جايبلك الهم والغم

اول حاجه انا اشوف انك تجلسي عند اهلك وماتوافقي انك ترجعي اللا بشروط
1- انو يروح يدوله اي وظيفه معليش مو معاق عشان مايتوظف لا يروح ويدور وظيفه
2- يمشيلك راتب شهري ان شالله 300 ريال شفتي المهم انو يمشيلك راتب
3- توقفي ابوه وابوكي انو مايمس راتبك بشي ولا له دعوه فيه دا راتبك تصرفيه تحرقيه تعملي فيه اي شي هو مالو حق فيه ابدن
4- هرجه الضرب وقله القيمه دي لو سارت مره تانيه حايسيبر تصرف تااااااااااااااااااني بتاتا انتي هددي بالطلاق عشان يخاف

وبعدين يقلبي ترى البنت من البدايه اللا ماتعمل لنفسها قيمه واحترام والله جوزها مايحترمها لاتتغاضي ولاتقولي معصب معصب يعصب على نفسو مو علبيكي عندو مرض سكر مايخرجو فيكي يسلام ايش مو ادميه انتي مالك كرامه واحترام

سوي الكلام دا وربنا يفرجها عليكي وعلينا يااااااااااارب وطمنينا ايش سار معاكي اوكي

 

[طبعي كدا]

لاحول ولا قوة الا بالله
والله دلع ايامي ماقصرت
الله ييسر امرك يارب ويعينك على بلواك

 

[نحمدة ونشكره]

وانتي ليش رضيتي بي وبعلته وتنازلتي عن كل شي في البدايه ؟ ممكن اعرف شو الظروف الي خلتك توافقين على هيك واحد؟؟؟

شمالي شرقي وبديتي حياتك بنتازلات انتهى الموضوع حقك ضاع

 

[همس 90]

انا مع كلام دلع ايامي وبقووووه
انتي في البدايه تنازلتي والشمالي الشرقي يحتقر المراه اللي تتنازل عن حقوقها وانا مجربه لاني متزوجه شمالي شرقي
احنا نعتبرها تضحيه حب مساعده
هم بعتبرونها غباء

 

[نور الملاك]

شكرا خواتي على الرد
وبالذات دلع ايامي

كنت توني متزوجه وغشيمه ماكنت اعرف حتى تصنيف شخصيته وكيف التعامل معها
بس الحين انا غييييييييييييييير انا شرسه على قولة زوجي
ويقول عني نمريه (نسبة الى النمر!!!)
ودايما يشتكي اني ماتنازل عن حقوقي احيانا

بس اللي قاهرني ان والدته راحت علمت خواته بالموضوع
وحسيت انهم متغيرين علي
والله يستر وش تكلمو عني في غيابي

الله يسهل علي وعلى جميع المؤمنات يااااااااااارب

 

[نور الملاك]

والدته راحت علمتهم بسالفة ضرته لي للمرة الرابعه وكيف اني طلعت من البيت لكم يوم
وخايفه انها علنتهن بسالفتي مع ابوه لما جا مع زوجي عشان يصالحنا ويرجعني
قلت لوالده ابي اسألك سؤال قبل ما اجي معك......قلت له وش اللي يضمني ان مايضربني مره ثانيه
هنا عصب علي (شكله تحسس من سؤالي لما قلت له وش الضمان)
ولو خوات زوجي درو بالموضوع يمكن ياخذو فكره اني ما احترم ابوهم

 

[سحرالحياة]

السلام عليكم..

واذا عنده السكر، ترا السكر مو عله، العله في راسه والله .. اخواتي ثنتين عندهم سكر ربي يحفظهم مايأثر السكر على حياتهم إلا بشي بسيط من ناحية الأكل ، إذا ماأكلت زين يرتفع أو ينخفض،بس..

لكن مريض السكر عموما ترا يبغاله مراعاة نوعا ما، خاصة انه عاطل، مو مراعاة يعني تنازل، مراعاة من ناحية الكلام و الدعم النفسي عندهم وآآآو... الله يوفقك وييسرلك .. خليك نمررية، إن لم تكن ذئبا أكلتك الذئاب...

ومن ناحية اخواته، الأيام جايه بتكشف لهم الحقيقة من غير ماتتكلمي، طولي بالك..

 

[قمر بعيونه]

الله يسخر لك زوجك

 

[سحرالحياة]

لييييييه ياحبيبتي أنتي ماقلتي شي غلط .. حقك و حقك وحقك بعد تضمنين لنفسك الأمان...

 

[خاله سوسو]

لا تعودين له إلا بشروط ورضوة ومبلغ وقدرة .. على كل ما اضر بك .. و كشوفات صحيه تعهد من الشرطة

بعدم لمسك مرة آخرى ..

لو ضللنا ندافع عن أنفسنا لما تجاوز الغير حدودة معنا ..

والمؤمن القوي خيرا وأحب إلى الله من المؤمن الضعيف ..

​

 

[صفير_البلبل]

اختي أتوقع أن اذا توظف زوجك ستنحل على الاقل 70٪ من مشاكلكم.

اجلسوا مع بعض واتفقوا على انكم تعيدون الامور من جديد وانكم ستنسون ما مضى. وخليه يخبرك بالاشيا التي يريدك ان تتغيري فيها، وانت قوليله ان كل شيء فيه جميل وتحبينه لكن حلمك ان تكوني ربت منزل (نعم يجب ان تتركي وظيفتك ان كنت تريدينه يتوظف وترجع الامور لمسارها الصحيح) وانك ترين فيه قدرات كثيرة وخسارة انه لا يستقلها في وضيفة لكي يرون الناس جميعا مهاراته وعبقريته.

هو هنا سيتشجع وبيتقبل الامر. وانت كل ما ترينه هوّن ارجعي انفخيه وامدحيه وقوليله انه ليس بالانسان الكسول وانك كنت متيقنة انه سيتوظف وانه سيتميز في عمله الخ. وسايريه وشجعيه كالطفل الصغير حتى يتوضف. وعندما يتوضف امدحي استمراريته وقدرته على التحمل كي لا يترك العمل! فلا تنسي انه تعود على ان يجلس في البيت وانت تصرفي عليه.

اخت هو الان يحس بنقص الله بس الذي يعلم به. الشعور بالنقص شعور بشع وثقيل ومؤلم. اذا توضف وبدأ يصرف على البيت واحس انك محتاجتنه وانه عضو فعال في المجتمع بيخف هذا الشعور بالنقص وبتتوازن شخصيته.

أتمنى لك التوفيق،،