بعد الله اخذ بنصائحكن-موعد وزارة العدل

ا

احساس ملاك

New member
إنضم
2010/05/04
المشاركات
80
السلام عليكم ورحمة الله وبركاته

صباح-مساء الخير اخواتي الغاليات

كيف الحال

اولا اقول لكم مشكوين على النصائح والخبرات اللي ماتبخلون فيها على الاخوات الباقيات

وثانيا هذا النك استعاره من اختي الغاليه علشان اطرح عليكم مشكلتي واشوف ردودكم وشنو تنصحوني به

انا متزوجه صار لي 8سنوات وعندي بنتين ولد ااكبرهم 6 سنين

الحمد الله انا مرتاحه في زواجي وامورنا ماشيه طبيعيه هذا طبعا مايمنع من وجود ملح الحياة المشاكل الزوجيه

مشكلتي حاليا حصلت قبل اسبوع انا بقول الموقف وانتو احكموا

كنا بمزرعه زوجي واهله كلهم موجودين عيالي وزوجي كانوا بالمسبح ناداني وقالي تعال اخذي الولد ولبسيه لايمرض رجعت اخذ المناشف ولمارديت شفت اخته هي بتقوم بالمهمه

اخته هاذي انا وهي مانكلم بعض واغلب مشكلنا هي سبببها مع انها متزوجه وعندها عيال بس الله لايسامحها مو مخليتنا لا انا ولا غيري في حالنا طبعا هب دائم ماخذه دور البريئه اللي ماسوت شي

رحت انا واخذت ولدي منها وطلعت رجع نادني يسئل وش فيك مع اختي قلت له مافيني شي بس عيالي انا البسهم ماابي احد يلمسهم قام يصارخ ويسب ويشتم بوسط المسبح (هي احسن من ابوك ساعدتني وطلعتني من ديويني) عفيه عليه شاد عليه بحرمه

تركته وطلعت من غير ولا كلمه وجلست بالمجلس طلع هو وراح يغير ملابس وجاني من غير مايفهم السالفه وضربي قدام الموجودين كلهم اهله وعيالهم وحريم اخوانه واطفالهم وعيالي انا وسواها كبار كبار وهذي اول مره يمد ايده علي اصلا اول مره يقل ادبه علي عند احد خواته قبل كانوا معي بس بعدين قلبوا علي وصاروا هم يصارخون ويسبون ويتهموني باانني انا سبب مرض اخوهم الا وهو صديق العائله السكري محد وقف معي اللي خواته من ابوه وامهم واخوه اللي وقف بوجهم وقال قومي يابنت العم محد يتعرضلك وانا موجود بصراحه احتميت به هو وزوجته الى بره المزرعه وركبت سيارتهم ووداني انا وعيالي بيت اهلي

مااكذب عليككم حتى انا تطاولت عليهم ورديت عليهم الكلمه بعشر دفاعا لنفسي

اللحين انا بيت اهلي لامصروف وحتى اغراضي انا اللي رحت اخذتهم

هو منطشني بكلشي لايرد على اتصالاتي ولا مسجاتي حتى اخوي ارسلته له يتفاهم معه مافي فايده مسكر جميع الابواب بوجهي ومن ثاني يوم من المشكله راح المحكمه وارسلي ورقة استدعاء

انا ماادري ليش بس اتوقع طلاق عالفكره حنا اهل عيال عم وعيال خاله بعد امه بالموقف ماحركت ساكن وكأن الوضع عاجبها ولليوم لادقت تسئل عني ولا عن اختها اللي هي امي

ابوي يقول انا اتفاهم مع رجال لمايرد ابوه من السفر نتفاهم هو مو وجه تفاهم ولا حشيمه بعد


انا الان محتاره بناتي فاهمين الوضع كل شوي يسئلوني متى نروح بيت بابا وولدي يصيح يبي ابوه هم متعلقين به كثير مع ان يجي ياخذهم شوي ويرجعهم لي هذا غير اني تعبانه نفسيا وماتوقعت منه بيدخلني محاكم ويسوي هالتصرفات


عذرا اذا كان موضوعي مو مرتب بس ياليت تفهمون السالفه وتعطوني رايكم

ارجع من نفسي لاجل اطفالي او اسمع كلام ابوي ارجع بكرامتي وحقوقي محفوظه ؟

انا الطلاق ماابيه راحة عيالي بالدنيا كلها

جزيتم خيرا انا بانتظاركم
 
الله يفرج همك ويسخر لك ويرده لك ردا جميلااا ياارب ماأدري كيف ينامون ويطيب لهم مأكل ومشرب ذا اللي يظلمون أعوذبالله !!!
 
لاحول ولاقوة الا بالله الله يفرج همك يارب وترجعين بيتك معززه مكرمه
 
وينكم يابناااااات ترى انا اللي نصحت اختي تكتب مشكلتها هنا عندنا في المنتدى

لاتقصرو معها

وينك يااخت رزايا اتحفينا بحلولك الحكيمه مثلك يالغلا00

تحياتي للكل

احساس ملاك
 
الان مالك الا الدعاء
وانتي غلطتي مرتين الاولى يوم اخذتيه من عمته عادي تلبسه وش بيسير وايش استفدتي
فيه مواقف لازم تكون الوحده حكيمه وتخلي العواطف على جنب
ولو انتي ما تكلمينها ما يلغي كونها اخته وتظل عمته ولدك لو حصل شيء الحين وين مصير اولادك؟؟
مع اهلهم جدتهم عماتهم عمانهم الله يصلحك
ثانيا : غلطك الثاني والاكبر كان ملاحقته بالاتصال والمسجات واخوك لو طنشتي ومسكتي نفسك توكم مافيه ذليك المده الي تنسين فيها الضرب والاهانه قدام العائله بذا البساطه هانت عليك نفسك كان حتى لو مرة مده طويله خليتيه هو الي يخاف من ردة فعلك ويندم على فعلته ويجي وتردينه لين يرد اعتبارك قدام الي هانك قدامهم
بسراحه انتي كذا خربتي على نفسك وظيعتي فرصه وضع حد على اهانتك قدام الناس وظربك
اني اخطيتي بس هو اجرم وخليتيه ينفذ بفعلته
مالك غير الدعاء والهدوء لا تلاحقينه وعيالك اطفال يحسبون ظربك وللا خصامهم زي ظرب الاطفال ؟؟خليهم اذا هم يحبونه اكيد هو يحبهم ويشتاق لهم ومفروض يستحي من عمه وخالته والناس حتى لو كنتي غريبه احفظي كرامتك اهم من اي شي ثاني
 
لا. اسمعي كلام ابوك ، وخلك فبيت الأهل ، عشان ابوك يتفاهم مع عمك...............لي رجع،،،،،، وترجعين بكرامتك ، وحقوقك محفوظه ،،، و عشان يشعر زوجك بفداحة العمل اللي سواه /////// مع انه سالفة انك تسحبين ابنك من ايد عمته................. كلش ماعجبتني ، وانك تقولي لزوجك مااحب حد يلمس ابني!!!!!!!!!!!!!!!!!!!!!! كيف يعني هذه عمته من لحمه ودمه ،،،،، مهما كان الخلاف والزعل اللي بينك ، وبينها تبقى عمته ، ورحمه ، وتحبه أكيد ، لو ماتحبه كان ماسارعت بالفوطه ، لأجل تحميه من البرد/////////////////// أختي نصيحه أقدمها لك ،،،،،، خلك انتي الأحسن دائما ،، مب أمام زوجك،،، او عشان زوجك بل لكسب رضى الله،،،،،،،،،،،،،، صدقيني هذه الدنيا زائله ، مايبقى لبني آدم من أثر سوى عمله الصالح،،،، ماتسوى هالدنيا اننا ننكد على نفسنا ، ونكره ، ونعاند ، ونخاصم عشانها......................
 
لاحول ولا قوة الا بالله
زوجك هدم بيتك وشتت عياله علشان اخته !!!

وش فيهم رجال اليوم عقولهم صغيره .. الموضوع مايستاهل كل اللي صار

برأي لا تتصلي ولا ترسلي رسايل ،، اعطيه وقته للتفكير
وانتي سلمي موضوعك لوالدك .. كل شي يهون إلا الضرب والاهانه

الله يفرج لك يارب ويرجع بيتك مثل اول واحسن
 
مثل ماقالت الاخت انت غلطانه عادي تلبسه عمته حتى لو كانت توها متهاوشه معك هذي عمته والعيال مالهم صالح بالي بينكم انتى احرجتى اخته قدامه وكسرتي خاطرها المفروض لما جات تلبس ولدك وانتى شفتيها تقولين الله يعطيك العافيه من باب الذوق ياختى الكلمه الطيبه صدقه ولا ابتسمتى لها ولما جاء وسبك قدام اهله المفروض سكتى مو كلمه بكلمه هو غضبان وانتى تزيدين النار حطب وصرتو فريقين لا وتقولين كل كلمه رديتي بعشره ماشا الله تعلمي المسايس في الحياه الزوجيه يعني لما تجتمعي مع اهله ماتغلطين على احد ولو هو غلط الله شاهد واهله يشوفون اختى الي طرحتى القصه ومن وجهة نظرك مو من وجهة نظره وانا اشوف انك انتى الي طاوعتى ابليس المفروض اول ماغضب رحتى واعتذرتي لاخته لانك الحين انتى الغلطانه مالك الارب العالمين الجئي له وابكي بين يدين ربك يهدي بالكم ولا يفرق بينكم
 
اتبعي ماقاله لك والدك فهو الأدرى بوضع ونفسيّة الرجل .
 
لاتتصرفي باي شي طالما ابوك تتدخل في الموضوع هو ادرى بمصلحتك واعلمي بعد كذا كيف تكسبين زوجك واهله لاتعطين لاحد فرصه يلاقي غلط عليك يعني امسكي العصى من النص بلاش التهور بالتصرفات خليك ذكيه وتعلمي كهن الحريم
وقفي اتصالات عليه ماله داعي ابد مو علشان انت مو غلطانه لاانت غلطانه وغلطانه حديتيه يمد ايده عليك بدل ماتمتصي غضبه وغضب اللي حولك وبعدين تصرفي بينك وبين زوجك نكدتي على نفسك وعلى عيالك الفسحه بسبب تصرف الله يصلحك مايحوج فيها ردت فعلك ......المهم خلي ابوك يكمل الموضوع بين الرجال
 
طالما أبوك تدخل ف يالموضوع اتركيه له ...

وبالنسبة لمه - خالتك وأخت أمك يمكن هي كمان عاتبة على إن أمك ما كلمتها... !!

أما موقفك من عمة أطفالك لم أحبه أيضا حتى إذا كنت كارهة أنها تلبسهم أو تمسهم المفروض كان ردك يكون أذوق من كدة ولا تدعي الموضوع يتطور وتصبحي متطاوله لأن اي أحد سيراك أنت تسحبين الولد وتردين بتلك الجملة لا بد أن يخطأك ,,,

وحتى لو كان بينك وبينها ما صنع الحداد عليك أن تعلمي الاطفال بر عماتهم وجدتهم وأعمامهم وأولاد أعمامهم وأرحامهم جميعا ... ​
 
سبب ضربه لك تافه وغير منطقي الا اذا انتي تلفظتي عليه او على اخته بشكل استفزه لدرجة يضربك لاول مره او ان هناك تراكمات سابقه في نفسه عليك ..
عموما ضربه لك امام الجميع جريمه في حق كرامتك وفي حق ابوك
وليس من الرجوله ان يستخدم الرجل عضلاته ليضرب ام اطفاله ..
غلطتي عندما اشعرتيه بخوفك من الطلاق عندما اتصلتي به وارسلتي له ..
بلا تردد احتكمي لرأي والدك ولاتعودي الا باعتذار مهيب يوازي الاهانه الكبيره التي تعرضتي لها
حتى ولو لم تصفى القلوب لاتخافي ستحتاجون جميعا وقت للنسيان ..
نصيحه استفيدي مماحدث لتراجعي اسلوبك مع زوجك واهله وتعرفي اخطاءك جيدا ..ولا تكرريها ..
تحتاجين للانضمام الى طالبات الصف الاول في مدرسة بلقيس لتتعلمي فن التعامل مع الزوج حسب نمطه وايضا التعامل مع اهله ..
واصلي الدعاء والاستغفار والاستخاره ..توكلي على الله ورددي دعاء الكرب والهم والحزن ليبدل الله حزنك فرحا ويفرج همك ويرد لك زوجك ردا جميلا ..
 
مشكورين يالغوالي على نصايحكم

ويعطيكم الف عافيه00

اختي لسه مادخلت مره ثانيه

ان شاء الله تدخل الليله وتشوف ردودكم حبايب قلبي 00

تحياتي

احساس ملاك
 
الشتاء ردت وكفت الله يعطيها العافيه وجد توقف اتصالات لاترسل ولاتتصل نهائي تترك الموضوع لوالدها وهي مالها غير الدعاء والاستغفار
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل