بعد الطلقتين نفسيتي دمار..هل يمكن اصلاح مافسد؟؟

أختي سيسبوبوم الله يرزقك من خيري الدارين..

والله إني دوم أحسسه بعظم عملته وهو حاسس بخطأه الشنيع ..

مشكلتي من غبائي كنت مسوية نفسي نشمية معاه ووقفت معاه وقفات مايوقفونها حتى رجاجيل

للأسف استغل الوضع وماقدرني..

أنا استفدت جدا من نصايحكم الله لا يحرمكم أجري.
 
أختي جرادة شياكة

آآآآآآآآآآآآآآآآآآآآآآآآمين ولك بمثل.
 
اكثري من الاستغفار بنيه اصلاح العلاقه بينكم ووانا مع مشرفتنا الغاليه المتجدده 37 ودايما ببيتج خلي سوره البقره شغاله تبعد عنكم الشيطان والحسد والله يهديه يااارب ويسخره لج
لا إله الا انت سبحانك اني كنت من الظالمين
 
غريب امرك فلوس معك وبيت عندك شو يلى جابرك تتزوجى وتجيبى هم ثانى لنفسك انا لو منك بحط بنتى وبربيها وبصرف على نفسى بلا زواج بلا قرف
 
عيبني تعليقج .. واحسه صح ..

وياختي احمدي ربج دامج موظفه يعني معتمده على نفسج ..

يعني اذا تطلقتي مااظن .. بتحتاجين حق حد .. ومن الواضح ان مااادياااتج حلوه ..

اجل شاريتله سياره .. وماتبينه يطمع فيج.. اي مفهوم تعاون اللي تقولين عنه ..

لا وبعد تصرفين عللى البيت من طقطق الى سلام عليكم .. كل هذا وماتبينه يطمع ..

مستحيل .. اي حد غيره لو كان في موقعه بيطمع ..

ودام ماعنده ليش يتزوج ويفتح بيت .. شوفي ياقلبي انا والله بهالموااضيع.. مااحب

اعطي احكام عشوائيه .. خصوصا لاني مااعرف كيف ظروف زواجكم وكيف تمت .. لكن

شكله والله العالم انه داخل على طمع .. انتبهي لنفسج فديتج .. هو يروح .. مب مشكله

اهم شي .. بنتج .. لاتعقدينه .. وليش تبينه يحبها .. هاي بنت كبيره في الجامعه حبها مااحبها ..

مب مهم .. المهم انتي تحبينه وتكون علاقتج فيها .. 100%

واللي اباج تعرفينه انه لو كان داخل على طمع .. مستحيل يحبج او يحب بنتج .. لان يحب

الفلوس اللي عندكم ..

موفقه .. اختي .
 
انا مع المتجدده 37 وربي يوفقك بس انا اهنيك على شجاعتك وصمودك وصبرك وكبر قلبك ربي يوفقك
 
لا تزعلي مني بس واضح انو تزوجك من البداية عشان ناوي علي فلوسك
سمعت عن كثير رجال انهم قالو بيتزوجو فلانه عشان ماعندها فلوس
خذي اجازة من عملك بدون مايدري وقولي له انا سبت الشغل ومشي عليه الموضوع شهر وان عندك فلوس دسيها
ان كان شاريك بيخليك على ذمته
وانا كان متزوجك عشان فلوسك بيطلقك لانو ماسار عندك فلوس واذا سار كذا لاتندمي ولا تزعلى عليه لانه مايستاهل
ويجيك الي احسن منه
 
أكبرر غلط تسويه إنك جالسة تشتري حب زوجك وأهله وعياله بصرف فلوسك !!

أنا أقترح حاليا تكون أكثر هدوء وتخلي الأمور تهدأ تماما وتوقفي تماما عن أي هدايا أو صرف عليه أو على أي شيء يتعلق ببيته واصرفي على نفسك وبنتك فقط وشوي ..شوي ابدأي بجعله يشاركك في الصرف عليك من حاجيات وأغراض وزحتجي بأنك تنفقين على ابنتك وأنها بحاجة (لو على الأقل الأشهر الأولى خلصي فلوسك على بنتك بأشياء محسوسة ملموسة يشوفها ) وإذا جيتي تطلبي لنفسك اطلبي من بعيد لبعيد مثلا والله هذا الشيء ناقصنا محتاجين نشتري كذا ولا تجيبي طاري فلوسك (مثلا تقولي وأنا والله ماعندي المبلغ ولا كان سويته بنفسي ..لا هذا غلط وانتبهي ) بس إذا هو سألك عن فلوسك قوليله والله مخلصة عشان صرفتها في الشيء الفلاني ومثل كذا وشوي شوي يبدأ يستحي منك ويقدس مالك!!
 
أختي سارة من الكويت
أشكرك مرورك ونصيحتك الله يبارك فيك

أختي نوركندا
هههههههههههه والله ضحكت من ردك الله يسعد قلبك
أختي الحياة بدون رجل صععععععععععععععبة في أمور تمشي بالطول بالعرض مع سائق..لكن في أمور بحياتك مايقضيها لك غير محرم..وأنا مابقى لي أحد محرم
حتى أبوي توفي الله يرحمه.

أختي لازوردية
الله يوفقك ولا يوريك مكروه والله استفدت من كلامك كثير..

اختي بوسي 2007

رفعتي معنوياتي المحمطة الله يسعدك دنيا وآخرة.

أختي ليمونة
لا أختي انا ماأزعل منك ولا من أي أحد..ليش أزعل وأبيكم تنصحوني وتعلموني..
كذبة سبت الشغل ماتمشي على راسه ولا راس عاقل..لأنه عارف ما أقدر أترك الشغل.
حاليا عندي إجازة من الشغل شهرين بدون مرتب وبشوف وضعي وش يصير فيه..

الله يفرج همي وهمك وكل الأخوات .

أختي بك آمنت ربي
أنا طبعي الحمد لله كريمة وأهدي عمري مافكرت بهالأسلوب...

لو الحب يشترى بمال ماكنا شفنا حالات الطلاق عند المقتدرين على الأقل..

يعني مثلا أهديت عياله بالعيد ..وواحد منهم أهديته لما أتخرج من الجامعة بس..

وانا استفدت جدا من كلامك الله يجزيك خير..


 
يجب تسجيل الدخول أو التسجيل كي تتمكن من الرد هنا.
عودة
أعلى أسفل