بعد الزواج .. متى بديتي تطبخين .. وأيش طبختي ,,؟؟ دعوة للوناسة :)

  • بادئ الموضوع بادئ الموضوع !.روح.!
  • تاريخ البدء تاريخ البدء
الحالة
مغلق و غير مفتوح للمزيد من الردود.
طبخت من ثالث يوم لأن زواجي كان على نهاية شهر رمضان(الاخ ماصبر لبعد العيد)
المهم رجعت من الفندق لبيت اهله وطبخت الفطور حق العايله كلها بس الحمد لله انا بديت اتعلم الطبخ من رابع ابتدائي يعني طبخي حلو (واثقة)
 
الحمد لله مو بس انا اللي طبخت اول اسبوع
رابع يوم الفطور شكشوكه وعجبته الى يومنا هذا يذكرني فيها وبعد اسبوع بدا بالعزايم ياويلي كنت صغنونه عمري17 وكنت اطبخ لحالي مسكينه لا لا لا تبكون:10:
 
انا بعد شهر من زواجي وكان اول يوم رمضان بس سويت منتو ..
عشان الفطور عند اهله ....^^
وبس وقعدت اسبوع وطبخت السحور .. اكلناها قبل الاذان ب خمس دقاق وهو كان ميت جوع
ههههههههه طبعا كبسه .. بس والله الين الحين اذكرها احس كانت روعه لو انها مو مالحه هههه مع العجله وسويت سلطه لبن وبس
بعدها الكميه تتضارب عندي شوي الزيت زايد شوي الملح وشوي المويه ... بس عدت على خير .. الحين اضبطها الحمدلله
 
انا طبخت من ثاني أسبوع غدا رز مع دجاج والحمد لله قال لي 9 من 10 لاني كنت ما أطبخ ببيت أهلي فكان انجاز والحمد لله كل شي طبخت وفي البداية أخذت طرق أمه في الطبخ لأنه متعود عليه و يحبه حيل كما هي العادة والحين صار لي طبخي الخاص الحمد لله .. بس كنت أخاف من العزايم لكن الحمد لله عدت على خير ..
 
:10:موضوع مرة حلو يعيد لنا ذكريات جميلة الله يعطيك العافية

أنا شمرت من خامس يوم وذيك الكبسة اللي تعجبكم ووقف معي يبغى يشوف أعرف أطبخ ولا لا تقولون داخلة اختبار ولا يسأل بعد ما ألومه مدرس ههههه

وأذكر كان القدر كبير ومتعودة على حسبة أهلي فكثرت الرز شوي

لكن صرفنا لأهله لأننا ساكنين عندهم وكان طعمها يهبل حتى تفاجأ وسويت سلطة شكلين وحلى بعد حركات وقاعدة اتفلسف عليه وقلت تراني داخلة المطبخ من وأنا صغيرة يا حلاتي :31:
 
انا بديت تقريبا بعد شهر وشوية لانى كنا مع اهله ف البلد وطبخت كبسة وكانت حلوووة واستانس كثير لانه يحب اكل البيت ....
 
واااااااااااو تونسون

طبخت بعد اسبوووع
و سويت هذيك الكبسه الله يديم النعمه خليتها عصيده خخخخخ من كثر المويه
و متعوده على كميه كبيره
طبعا تفشلت كنت برجع اعييدها بس كان ينتظرها و خفت منه مرررره<<اختكم المحسوبه خواافه خخخخ
و وصلها للسماء من زود المدح
حسيت ان احنا ماعندنا اسنان قلبتها عصيده خخخخخخخ
 
الحالة
مغلق و غير مفتوح للمزيد من الردود.
عودة
أعلى أسفل