بعد التعديل ..الأنوثة البريئة في عالم سالي...بالصور

[ريمان1981]

كلنا نحب نتعلم ونزيد في ثقافتنا كل حركات الأنووووثه ,,,,حبيت في موضوعي انه يكون مميز وبعيد عن أنوثه نانسي وهيفا .....
الموضوع عن ...الأنوثه البريئة ...يالله معاااااي ندخل في عالم الصغار ....
ومع رسوم سااااااااالي واللي ماأعتقد أن فيه وحده ماتابعته ​

الهدف :: ان نتعلم هالنوع من الأنوثه للمتزوجات بالأخص ...واللي بتعرس في المستقبل ....وان شاء الله تستفيدون ...​

نبدأ ....​

ابتسميله ابتسامه كلها حنيه ..لاحظي على عيونها وشفايفها ....​

مستانسه .....عبري بهالابتسامه....​

شوفي ضحكتها .....بكل نعومه ورقه​

شوفوا هالنظره ....مااتوقع حد يتحملها ....ممكن تضبطين وقت ماهو يدخل عليج واتكوني ماسكه صورته مع هالنظره مب تمثيل اتكوني مشتاقتله طبعا ...وممكن تستخدمينها في مواقف واااااايد ...انتي وشطارتج...​

مفهوم الأنوثه كله في هالصوره ....جسدت معنى أنوثة المرأه....ممكن تسويها لو كان ريلج يحكيلج موقف محرج مر فيه ....وانتي اتسوين هالحركه اتقوليله "((ياقلبي)))ومن هالكلام اهم شي تضبطين الحركه ​

قاعد يستهبل معااااج ....عطيه هالنظره​

يرمسج وأنتي مشغوله ....مب تلبسيه .....بس عطيه هالنظره::​

أتأخر عليج كالعاده وأنتي بتحترقين ....خليه يدخل عليج وانتي راقده جي.....بيتلوم فيج​

طلع شي فجأه زيغج مو تقعدين تنطين مثل المهرجين في السيرك إليك النظره .....​

دخل عليج فجأة البيت ومهدود حيله .....اهديه هالنظره ....وبينسى كل تعبه وهمومه ....​

يسولف مع حد من ربعه في التلفون ولا يرمس مع حد من أهله ....ناظريه حتى لو ماكان يشوفج بس بيحس فيج ....بيحس انج معجبه بطريقته وبأسلوبه وبيتشقق من داخله ....​

متكشخه ومتعدله لليله حلوه بس مب حابه تبدأين ...ادلعي عليه بهالحركه ....وشوفي الريال شو بيسيرله ...​

تبين تطلبين منه شي امسكي ايده بكل حنيه ورقه ولا تنسين نظرة العين والهمس ..................ماأتوقع بيرفضلج أي طلب...​

وأنتي في حضنه ....شوفوا الخجل ....كأنها تتنفس من هواه فهمتوا المقصد ((مب حضن أبوج))​

مبوزه عليه ....ولا يهمج عليج بهالنظره ...تبويزة دلع​

زعلج ......ترى حتى الزعل له دلع
زودها عليج .....قوليله..ماعليه حبيبي أهون عليك أهيء أهيء وتسيرين مكان ثاني .....بيج طيران خخخخخخ​

وألحين يا دور الحزن وله فنوووووووووووووون
لاحظي حواجبها وحركة أيدها كيف ضامتنهم بكل حنيه ......مب معقده حواجبها كأنها وحده عيوز ولا منتفه شعرها من الضيج ​

يتبع ......خواتي وحبيباتي ياليت ماتردون لين مااكمل الجزأ الثاني ......الحين بنزله دقايق​

 

[ريمان1981]

تااااابع

صوره ثانيه ...((ضمي مخده أو دبدوب أو ريلج اذا مب هو مصدر الحزن وطبقي هالصوره ....بذوب جباااال ))

طالعين أنتي وهو وشقتي شي كسر خاطرج .....ياويلي بيقول حرمتي غيييييييييير ياااااا

فاجأج بيوم مجهز هو الغدا أو العشا ...مو تتصنمين وتقولين غريبه أكيد وراك شي خخخخخخخخ

يابلج هديه وبتموتين من الوناسه ....مالداعي تشقين الحلج كامل وكل أسنانج تطلع خخخخخخخخخخ

أتأرثي واااااااااااااااااايد من الهديه .....

تتمشون في حوش البيت أو قاعدين على البلكونه أو الدريشه (الشباك ) ويت نسمة ريح ....أستغلي الموقف ....لاتطوفون النسمه ....فرصه تعبرين ويشوف الأنوثه ..

انحطيتي في موقف لا يحسد عليه وحاطين عليج الغلط من حماتج ...حمياتج ..أي حد وانتي مظلومه وكل هذا قدام ريلج ,,,,,مو تقعديت تصارخين واتضاربين بس خلج هاديه وعليج بهالنظرات ....وشوفي ريلج شو بيسوي فيهم خخخخخخخخخ

ولاتنسين وأنتي تتمشين قدامه .....دلع في دلع ....مب كأنج في الجيش ولا حد يركض وراج ...وعطيه من هالنظره الحلوه انتي رايحه وأنتي يايه ...حتى لو كنتي مشغوله او هو مشغول ...تتواصلون بالعيون خخخخخخخخ حتى لو ماعطاج ويه عطيه من هالنظرات لاتيأسي

دور العيال ::: وأنتي اتلبسينهم أو تمسكينهم أو ...أو ..... بكل حنيه ...لا تنسين عمرج وهم مطفرين فيج

والحين نركز على أحلى شي يحبونه ريايلنا .....الخجل ....وشو يسوي المستحا في الريال ... النظره والذوباااااااااااان ...

حركة اليد ............

خجل ودلع ..........

حبيتي تقعدين .....اقعدي بكل دلللللللللللللع
قمة النعومه............

قعده طفوليه ...غيري شوي في روتين قعدتج معاه....

وأنتي واقفة ....ركزي على حركة اليد والنظره ...

الجو باااااااااااااااااااااااارد ...بكل رقه ادفين ايدج ....مب اتحكينهم في بعض كأنج اطلعين المارد من الفانوس

عندج مناسبه وهو بيوصلج ....أو مسويه ليله ولابسه فستان سواريه ....شوفيها كيف نازله كأنها تمشي على بيضه أو زجاج ....ومسكتها للفستان ...وربطة الشعر إلها مفعول حلو لو تسوينها وانتي قاعده في البيت ....

وأنتي معاه تتمشون شفتي طير ولاقطوه ولا انشاء الله نمرخخخخخ أمزح المهم عليج بنظرة الرحمه مع الدلع ...طبعا وانتي تقولين فديتها محلاها ومن هالكلام وطبعا.......بيقول حرمتي ملااااااك.
هذا طبع فينا كلنا الرحمه بس لازم انطلعها بطريقة فيها دلع علشان نفرق عن اليهال والريايل ......

ياي مضايق ....احضنيه مع هالنظره ....بينسى كل همومه وبيرقد

وأنتي معاه شفتي شي واستغربتي منه ....مو تمين فاجه حلجج ساعه ....عليج بس بهالحركه

بيسافر وبتودعيه ....نظرة الوداع كلها هيام وحزن .....أتوقع بيغير رأيه

بيسافر الحبيب وحابه اتسويله حركه علشان ايتم يفكر فيج دوووووم ....اتصوري بهالطريقه و في اطار حلو وحطي الصوره بين أغراضه ((ماتكون كبيره )) ...أتوقع بتحصليه راد ثاااني يوم خخخخخ
لازم اتحطون في بالكم ان مب شرط تترين ردة فعله يمكن حتى ماترمش عينه بس صدقوني يتم الأثر في داخله لانه بشر والبشر يحسون فماعليكم من ثقلهم ....أشتغلوا عليهم ((لاحظوا حركة الشفايف))...

ولا تنسون أهم شي طبقة ومستوى الصوت ...اذكروا سالي لما كانت ترمس في قمة الأنوثه.....


ان شاء الله يكون الموضوع عجبكم ومثل ماشفتوا خذ مني مجهود ووقت كبير فياليت إلي تنقل الموضوع تنقل معاه اسم المنتدى وصاحبة الموضوع ...

وأتمنى كل اللي قراه يدعيلي بدعوه حلوووووووووووه

 

[a7la faty]

:icon26::icon26:

ألاه

هذي النظرات .. و الحركات و الله بلاش ..

تسلمين يا حلوة على المجهود
موضوعج يجنن ..

بالتوفيق يارب ..!.

:icon26::icon26:​

 

[مكان القمر]

موضوع بريء
ونظرات من طفلة تعني للكبار شيء كثير

هذه البراءة بعينها
لا هيفاء ولا حثالتها العجرمية من سنتعلم منهن الإغراء

دمتي بألف خير

 

[سهارى الليل]

مشكورة حبيبتى موضوع رائع
ومعلومات قيمة

 

[يليانى]

وااااااااااااااااااااااو موضوووووووووووووووووووووووووع رااااااااااااااااااااااااااااااااائع
و وااااااااااااااااااااااااااااضح يسلموووووووووو ياقمر

 

[ريمان1981]

a7la faty

سهاري الليل
يلياني

عطرتوا صفحتي بتواجدكم .......

 

[ريمان1981]

موضوع بريء
ونظرات من طفلة تعني للكبار شيء كثير

هذه البراءة بعينها
لا هيفاء ولا حثالتها العجرمية من سنتعلم منهن الإغراء

دمتي بألف خير

وهذا هدفي من الموضوع .......يسلمو ع المشاركه

 

[الاختصاصية أمل]

فكره وااايد حلوه،،، كلن كنا نحب سالي و ثيابها الغاوية:icon31:

تسلمين​

 

[وهج الوجود]

شو ها النعوووووووووووومه
لك تأبريني انتي وسالي
تقبلي مروري

 

[احلام اميرة]

فعلا ساااالي قمة الأنوثة النابعة من الداخل بلااااااااااااتصنع...وتستحق لقب البرنسيسة بجدارة.. لك مني جزيل الشكر...