الله يعوضك يا اخت ابتهال والله انا صرلي اسبوع بس داخله هالمنتدى وجات عيني على موضوعك والله صرت اول ما اصحى من نومي اخلص شغلي وارووح ركض على النت بس علشان اقرا قصتك لحد ما خلصتها والله الله عالم شلون اثرت فيني قصتك بكييت فيها ليوم البكى وفرحت لفرحتك واكثر عجبني في قصتك ايمانك القوي بالله سبحانه وتعالى ومداومتك على الصلاة وقراءتك للقران ومداومتك على الادعيه وانا حاسه انه ربنا انشاء الله راح يعوضك وياخذلك حقك من كل واحد ظلمك بهالدنيا
بعدين ماشاء الله الكل دعالك انه ربنا يفرج همك والاخوات ماشاء الله عليهم ماقصرو بالدعاء والنصايح
اتمنى عاد يقبلو فيني اخت الهم انا كمان الدنيا لعبت لعبتها فيني انا تزوجت وقت كان عمري 16 سنه والحين عمري 19 سنه وعندي ولد وانا مغتربه سافرت بعد زواجي بشهر لبلد اجنبي مع زوجي وصرلي مغتربه شي 3 سنين تقريبا وكم شهر وللحين ماشفت حدا من اهلي ما سمحتلى الفرصه اسافر لهم
واصعب فتره في حياتي كانت وقت الحمل ياما صار علي نزيف وانا حامل وكنت راح انزل الحمل اكثر من مره وماكان عندي حدا يعتني فيني ويهتم فيني غير زوجي لان هو كمان ماله احد في الغربه ويوم ولدت شفت المرار لان ولدت بعمليه ونزفت كثير وقتها وانا كنت صغيره وجسمي مايتحمل والله بس تعبت تعب الله عالم فيه بس زوجي هو اللي كان يدير باله علي وماقصر معي يجزيه الخير ربي
اسف طوات عليك وانا اتكلم ووجعت رووسكم بس قلت خلني افضضلكم شوي
بس اللي حبيت اقوله انه خلي ايمانك بالله قوي ولاتتركي زوجك لحاله وروحي لبيتك معاه حرام تعذبيه لان انا صرت احسن اني بتعذب معه هههههههه مو بس هو
