حبيبتي بهلولة ,, يشهد الله إني أحبك واعتبرك أختي اللي ماولدتها أمي ,, بس لاتزعلين من كلامي اللي بأقوله لك .. بس إقرأي زين ,, وفكري فيه ,,
أنا متابعتك من البداية وعارفة إنك إنسانة طيبة ,, وعندك مبدأ إن الطيب الله معاه ,,
أنا ماني ضد مبدئك لكن والله أنا مقهورة من طيبتك الزايدة عن حدها ,, وأنا حاسه إنها راح تنقلب طيبتك عليك ,, إنتي متربية على إن الله مايوفق إلا الطيب ,, لكن الناس ماعاد تعترف في الطيب بالعكس يعتبرونه ضعيف شخصية ويطأون على رأسه ..
ياحياتي أجلس مع نفسك بصدق وفكري في حياتك ,, واختاري الخط اللي يناسبك ,,هل إنتي متأكدة إن بندر يحبك أكثر من هدى ,, هل يقدر يستغني عن هدى لأجلك ,,وإن كان الجواب لا ,, هل تقدرين تعيشين طول حياتك في هذي المعمعة مع بندر وهدى ,,هل راح تستمرين بها الطيبة والتنازلات لهدى,, وإلا راح تكونين من اليوم قوية ولك شخصيتك وطلباتك ,,مثل مالهدى الحلوة طلباتها اللي ماتنتهي ,,
بهلولة يمكن شرط السفر بينها وبين بندر ماحد يعرفه غيرهم ,, وهي تبي تقول للعالم الحين شوفوا إن بندر يحبني ويسافر فيني لكل مكان ,,وإبتهال مكانها بيننا غلط ,,
ياقلبي هي ماتبي تضغط على بندر من الحين إنه يطلقك لأنه ماراح يوافق فاستخدمت كيد الحريم تحط له خيارات ,,وبعدها تضيق عليه الخيارات لحد ماتوصل إنها تشترط عليه طلاقك ,, ,,و راح تجيب له الولد الثالث والرابع لحد مايتعلق في عياله ,, وماراح يستغني عنهم ,
فكوني إنتي بعد قويه وشغلي مخك بذكاء ,,وتقدرين تقنعين بندر يتركها خاصة وإن نورة في صفك وبدهائك تتخلصين منها ,,(تغدي فيها قبل ماتتعشى فيك)
يمكن هدى للحين حاقدة على بندر إنه تزوجك عليها ,,ومابترتاح لين تفرقكم عن بعض ,, فلا تتركين لها مجال أبدا ,,
ــــــــــــــــــــــــــــــــــــــــــــ
بالنسبة لطلباتك,, إذا جاء بندر يبي يتودع منك .. حاولي تدخلينه المجلس وتجيبين له كأس عصير ,, أو نعناع أو أي شئ,, وقولي له والله راح توحشني ,,وماأدري شلون راح أتحمل شهر بدون ماأشوفك.. بس كل شئ لعيون الغالي يهون ,, وأنا عارفة إن موقفك صعب ,, بس أبيك توعدني الحين إنها آخر مرة تسوي هالحركة معاي ,,أنا سامحتك هالمرة لكن بعدها ماراح أسامحك ,,إذا مالي خاطر عندك و تسمح لهدى تعاملني كذا طول حياتي فأنا ماأقبل بهذي الإهانة خلاص كلا يروح بطريقة,,مو بعيدة بكرة تقول لك هدى طلقها أو طلقني,,
وإذا رجع تقدرين من الشهر الجاي تطلبين منه اللي تبين ,, بس لاتطلبينه سفرة إلا بعد وقت عشان مايقول تقلدين هدى ,, لكن عوديه على الطلبات ,, ولاتقولين ليش تعطي هدى وأنا ماتعطيني,,لاتجيبين طاريها ,, خليه يعرف إن لك شخصيتك تطلبين لنفسك وبس,
بهلوله أنتبهي لحياتك ولاتتنازلين عن حب حياتك لاجل وحدة ماتسوى ,, وحدة مسوية فيك كل هذي البهاذل وبعد ماتبين تضرينها ,, ,,لاتفكرين في يومك بس ,,فكري في سنواتك الجاية ,, وحطي ببالك إن مو كل الناس طيبة ,,إن فيه ناس أشرار ,,
اعذريني عالإطالة
