بعد إغلاق موضوع "محبوبة الجميع " الاخت "يافرح وينك" موضوع جديد للتواصل والردود

[دمعتي خانتني]

أحلى أحلى التهاني والورد لك ياغلاتي
الناس عيدها يومين وأنت عيدها طول العمر

http://www.niswh.com/vb/showthread.php?t=277653


كانت هنا
دمعتي خانتني

​

 

[القلب المهموم]

 

[الزوجة العفيفة]

كل عام وانتم بخير ...........
عساكم من عواده .............
تقبل الله طاعتكم ...........

 

[امنيتي في ظلها]

عيدكم مبارك

كل عم وانتم بخير وتقبل الله منكم الطاعات.
وعساك يافرح بالف هنا وسعادة
​

 

[الواضحة]

كل عام وانتم بخير

 

[أم منوره]

كل عام وانتم بخير وصحه وسلامة
بهلوله كيفك وش مسوية دعواتي لك بالذرية الصالحة والتوفيق والسداد وان ييسر لك الله كل خير ويعوضك
انتبهي لنفسك يالغالية

 

[رواق الخريف]

الله يجعل أيامك تتبارك وعيدك مبارك ويسعدك ربي

ويتقبل منك العمل الصالح .

ماشاء الله تبارك الله الله يهنيك بزوجك ويهني زوجك بك ويكفيك

من فيه شر ويجعل شره يرجع عليه .

وهنيئاً لك محبة الجميع والله يستجيب الدعاء ويرزقك الذرية الصالحة وراحة البال .
​

 

[يافرح وينك]

كــــــــل عـــام وأنتــم بألف خيــــر
أسأل الله ان يجمعني وأياكم في جنته..الله يجزاكم كل خير على سؤالكم عني ودعواتكم الطيبه..الله لايحرمني منكم..
سامحوني كنت مشغولة شوي..وماألاقي وقت أدخل المنتدى الغالي

قبل العيد بكم يوم رحت للمستشفى آخذ أدوية لفقر الدم لأني موقاااادرة آكل
وطول الوقت أحس بدوخه..والحمدلله الحين أفضل..
بيوم عرفه دعيت ومانسيتكم..دعيت لسحابة نجد وأنا فله ومنتظرة الفرج والزوجة العفيفة وأم خضر بالذرية الصالحة المعافاة
ودعيت لهادئة البال والواضحه وام مصعب و..و.. وللكل مانسيت أحدددد أبدددد..
قبل العيد بـيومين..طلع بندر بعد صلاة العشاء رايح لدكتور لأن عنده ضرس متعبه.. قلت فرررصه جات في بالي أتصل على مشغل قريب من بيتي وأطلب وحده تجي للبيت
سبق أن جات عند حنان أكثر من مره
وكلمتها قلت لها أنا جارة حنان
ربع ساعه وهي موجودة
(أنا أبي أقص غرة لأن شعري طال )
وكلمت بندر اعطيه خبر
قال أياني وأياك تلمس الشعر من ورى بس غرة
قلت أيه اكيد

وبعد ماقصت لي..قلت لها قصي من الأسفل شوي لأنه مومتساوي
أخذت جزء كبير وأبي أتكلم أقولها لا..ومدري ليش سكت الظاهر كنت أفكر مومستوعبه..حتى هي أحسها وهي تقص سرحانه
وهي أساسا مشغولة وجوالها طول الوقت يرن
بعد ماقصته خااافت وشوي وتبكي..عيونها أمتلأت دموع
قلت لها خلاص ماحصل إلا الخير
وتعتذر إلين وصلتها لباب
أول ماطلعت رحت أبكي و أناظر فيه
تسبحت ولبست بنطلون وبلوزة من اللي اشتراهم بندر
أول ماسمعت صوت بندر رفعت شعري فوق
ودخل
:الله وش الزين هذا كله
:بندر بقولك شئ بس لاتزعل
:يؤ ..شكل وراك مصيبه
:لاأعوذ بالله بس شئ فظيع
:هههه كيف فظيع
:بندر لاتضحك
:ههه طيب قولي
:شعري صار إلين هنا
وأشرت على نص ظهري
:تكلمين جد وإلا مزح
:جد الجد
فكيت شعري
:
:بندر هي قصته بالغلط..عادي الشعر يطول أهم شئ انا هههه
:ماشاء الله عليك ماخذه الأمر بكل سهوله وهي قصته بالغلط
:بندر تكفى ترى والله متضايقه حدي من اللي صار..أي كلمة ببكي
:خلاص لاتضايقين ولاشئ..والله حلو..
راح على السرير وغمض عيونه..أول مره يرجع من برا ولايضمني...جلست عنده
:بندر
:هلا
:ليش مغمض أبي أتكلم معك
:هلا ابتهال
:وش فيك كل هذا زعلان عشان شعري
:آاااااه لا
:سلامتك من الآاااه أن شاء الله فيني ولافيك
:لاتقولين كذا والله أزعل منك..
:طيب وش فيك
:والله موعشان شعرك بس أحس بضيقه
:ليش
:مدري
:صاير لك شئ..أوأحد مضايقك
:لاوالله بدون سبب..بسألك ماكلمتي خالتي اليوم
:مين أمي
:ايوه
:لا ليش
:كذا بشوف أخبار أهل الرياض..اليوم اتصلت بهدى بسأل عن العيال ولاردت
:أهااا متضايق عشانها ماردت عليك
حطيت المخده على وجهه أنقهررت ومابيه يشوف القهر اللي فيني
:هههه طيب بعدي المخده وأتكلم
:لا
:ههه ابتهال ترى بتبكين
:مستحيل أبكي
:ترى أقدر أشيلك أنتي والمخده بيد وحده وأطلعكم برا الغرفه
:بعععععد بتطلعني برا الغرفه عشانها ماردت عليك
:ههههههههه طيب خليني أتنفس لوأموت ماعندك أحد
:عادي أعيش لحالي
:هههههه تعيشين لحالك وإلا تزوجين
:أتزوج
:هههه منو تزوجين
:أمام المسجد
:ههههههه مستحيل ياخذك بيقول قتلت زوجها
:خلاص بعفو عنك
:ههه كل هذي غيره ترى والله موعشانها...لاوالله بس قلبي ماكلني على باسل..يعرف يفتح الباب ويطلع خااايف عليه
:أن شاء الله مافيه إلا الخير..وش رايك أقرا عليك
:ياليت والله
قريت عليه ونام...كان الوقت بدري
كلمت أمي أسألها عن الأخبار وقالت بخير وكل شئ تمام
دخلت المسن حصلت بنت عمي
مر الوقت ماحسيت فيه
رحت أقرا قرآن وأجهز سحور لبندر
صحيته وطمنته أني كلمت أمي وتقول أنهم بخير

والصباح..قالي بندر أن أبوه ملزم عليه نروح نفطر عندهم
ويقول كل المسافة ساعتين...نروح عندهم وثاني يوم بالعيد نرجع
قلت لا بندر أنت تدري أني تعبانه
قال أدري بس أستحيت من أبوي ولاقدرت أعزمهم بتتعبين إذا جاو عندنا..خلينا نروح لهم عشان أبوي..
رحنا لهم(يوم عرفه) وفي الطريق أتصلت هدى ورد عليها وعصب وتهاوش معها...شكلها تقوله تعال بالعيد عندنا لأني سمعته يقول أنتي مالك شغل موقلتي من الأول أبي أهلي خلاص ولاكلمة أسمعها منك..
بعدين قالها إذا أتصلت قولي لباسل يرد علي وإلا والله أخلي السنة تمر مارحتي لأهلك..
كملنا الطريق وهوساكت ومعصب
وصلنا قبل المغرب بنص ساعه
سلمت على زوجة أبوه وأخته فوزية ودخلت معهم المطبخ
وطلعتني ام فوزية قالت أرتاحي ماعندنا شئ
لما رحت جلست بالمجلس لحالي جاء أبوبندر
سلمت عليه
:هلا عمي كيف حالك
:الحمدلله..
جلس عندي يسولف عن شغله
وأقول في نفسي وينك يابندر
لأني أستحي من أبوه ..ماعرف آخذ وأعطي معه
بعدين فاجأني
:أنتي ماحملتي!!!
حسيت بالإحراج
:لا
وجلس يتكلم عن العيال وأنهم زينة الحياة وأن الوحده المفروض تفكر بالعيال اهم من أي شئ
قلت الله كريم ياعمي
وهوجالس يلف ويدور
آخر شئ قال ترى بندر مسكين وعنده ديون وصعبه عليه بيتين
(لأن أبوه أهم شئ عنده المال وبخييييييل..ودايم ياخذ من بندر مع أنه مومحتاج..بس شكله أنزعج لأن المبلغ اللي يعطيه بندر صار أقل من قبل)
ويقولي أنتي فكري وأستخيري
والله أنقهرررررررت وضاق صدري
دخلت فوزية وسكت بعدين طلع
قالت وش يقول ابوي
قلت ولاشئ
وبعد صلاة العشاء سمعت بندر يقول لأخوه الصغير ياخذ ثوبه يكويه برا
وقاطعه عمي
:وزوجتك وين؟..أنت مدلعها..الدلع موزين للحرمه
قال الله يهديك ابتهال تعبانه وجايين من سفر..أي دلع كلها ثوب
دخل بندر عندي
وقلت له كلام عمي
قال ماعليك ولاتضايقين أبوي كذا طبعه
قلت له والله أحس أني مخنوقه مابي أجلس بكره عندهم بيوم العيد
قال عشان خاطري تحملي إلين الظهر ونطلع من عندهم
صبرت عشانه ..ماصدقت صلينا الظهر وطلعنا من عندهم
رجعنا للبيت
وصدددددددق حسيييييت بالعيد في بيتي
..وفي الليل أتصلت أم هدى تبلغ بندر أن باسل صدمته سيارة لكنه بخير ومافيه شئ..يوم سكر بندر منها راح للغرفه
ترددت أروح عنده أو لا..
بعد دقايق دخلت عنده حصلته ماسك راسه ويبكي
حاولت أخفف عنه ماقدرت
قلت خلاص الحمدلله أنه بخير
قال ابتهال أرجوك أطلعي وسكري الباب
طلعت وسمعته يكلم هدى ويصارخ عليها
رحت للمجلس مابي أسمع شئ..أتضااايق وأخاااف من المشاكل
مدري كم مر من الوقت..طلع قالي بنسافر الآن لرياض
جهزت أغراضي وطلعنا
طول الوقت في الطريق أفكر بكلام عمي ..كلامه يذببببح
وبندر كل بعد شوي يسب هدى ويتحسب عليها عشانها ماأنتبهت لباسل....وأنا ساكته...
وصلنا اليوم وطول الوقت نايمه بغرفتي
ومقفله جوالي..أبي أنسى كل شئ ..أبي أرتاح شوي
صحيت وماحصلت أحد من أهلي رايحين لإستراحه ودخلت أكتب لكم....

أشعر أن الحب يغرقني..
يهوي بي للأسفل..
ثم يرتقي بي لفوق السحب..
حب زوجي..حبي للأطفال..
وكلام الناس يجلدني..
آااه لما لايفهم الناس أنه
شئ ليس بيدي..
...






ملاحظة
برجع أرد عليكم
وللآن ماقرأت الرسايل

 

[ام بشرالقعقاع]

هلا والله (ابتهال ) كل عام وانتي بخير زمان علينا الله يكون في عونك لا تهتمي لكلام عمك اهتمي بنفسك الله ييسر امرك وامر زوجك والله يحفظ اولاده ويجعلهم قرت عين له ولك والله يرزقك الذرية الصالحة واكثري من قول الله عز وجل ربنا هب لنا من أزواجنا وذرياتنا قرة أعين واجعلنا للمتقين إماما ) موفقه

 

[الجنوووووووبية]

كل عام وإنتي بخيييير بهلولة
أهم شي إنك وبندر وباسل بخييييييير ,, بس بسأله بهلولة ماتشتاقين لباسل ,,

 

[يافرح وينك]

ام بشر وانتي بخير حبيبتي
غصب عني أتضايق زين مسكت نفسي ولابكيت امامه
لكن موقادرة انساه وهويتكلم
أسلوبه كان يجرح
الجنوبية هلا وغلا وانتي بخير
اكيييد اشتاق له
غلاه من غلا أبوه
وبين فترة وفتره يجي مع بندر لبيتي يجلس معي بالساعات

 

[اسرار2008]

ام بشر وانتي بخير حبيبتي
غصب عني أتضايق زين مسكت نفسي ولابكيت امامه
لكن موقادرة انساه وهويتكلم
أسلوبه كان يجرح
الجنوبية هلا وغلا وانتي بخير
اكيييد اشتاق له
غلاه من غلا أبوه
وبين فترة وفتره يجي مع بندر لبيتي يجلس معي بالساعات

كل سنه وانتي طيبه توني بليلة العيد داخله اقرأ قصتك ربي يفرج عليك

سؤالي ماشاء الله تبارك الرحمن ايش معنى نوره وسعد محد تلقف عليهم من العائله الكريمه وحاول يخرب عليهم بينما انتي سعوا لتحطيمكـ تهقين وين الخلل ..

وخالك متزوج والله رجال ينشرى بنزوجه :31::31::31:

 

[رواق الخريف]

لايهمك كلام والد زوجك .

أهم شيء أن بندر يحبك ..وحسبي الله على من يدور الشر ..

وحسبي الله على من تهمل عيالها علشان تقهر زوجها .

كثري من الدعاء والإستغفار ..
​

 

[هادئة البال]

بهلوووووووولة حبيبتي اشتقتلك
ديري بالك على حالك ولا يهمك كلام الناس
اهم شيء انت وبندر وبااااااسل
الله يجيب العواقب سليمة

 

[رياح الود]

أسعدتينا لما دخلتي ننتظرك ... كل سنة وانتي طيبة ..
ولا يهمك ترا الرجال الكبار مايحسبون للكلام ويقولون أي شئ مايثمنون كلامهم لاتهتمي وطنشي ما دامك مرتاحة مع بندر الله يوفقك ويرزقك..

 

[ذات المعالي]

هونيها وتهووون ياحياتي​

والحال من بعضه عيدي بدون اطفال زي كل سنه ​

وكلام الناااس يجرح ويموووت ​

مااقدر امسك اي طفل ​

الله يعينك يااارب ​

بس دام الحب موجود والله تهووون ​

وكل عام وانتي وحبيبك بخير وحب ياااارب​

وصح نسيت اعزمك حياك الله في قروبناااا والله ننسيك هدى والام اللي جابتها <<<وممكن ننسيك بندر :31:

 

[يافرح وينك]

اسرار هلا حبيبتي
أول ماقرأت سؤالك جاء في بالي شخصيتي وشخصية بندر
وشخصية سعد ونورة
وخالي عنده بنوته يعني متزوج ههه

رواق الخريف هلافيك الحمدلله على سلامتك،،،صدقيني فيني ألم ماقدر أوصفه بديت أفكر جديا" بالإنفصال..لكن هل برتاح بقرار الإنفصال؟وإلانفس الوضع بكون مومرتاحه!!<<هذي الأفكار تدور براسي الآن
وماتوقع هدى أهملت باسل عشان تقهر بندر..قدر الله وماشاء فعل..بالعكس تلاقينها حزينه مهما كان هذا ولدها..
هادئة البال..رياح الود..تسلمون ياقلبي..الله يسعدكم دوم..

 

[يافرح وينك]

ذات المعالي أسأل الله ان يرزقك الذرية الصالحة
والله بعض الناس تزيد الألم

 

[ذات المعالي]

ليه ياعيوني

كلامك فيه يأس وحزن

وين فروووحه الفرفووشه

روقي ياقلبي ....والله حياتك يبغالها شوية ترتيب بس روقي وهدي اعصابك وفكري
بس فكرت الانفصال ..دخيلك شيليها من بالك

 

[فجروغروب]

حبيبتي أطردي الشيطان وأبد لاتخلين مجال لفكرة الأنفصال شيلها من بالك ويكفي بس وجودك مع بندر اللي يحبك ويخاف عليك والله بيعوض صبرك كل خير يارب